တရုတ်ကို ပထမဆုံးအကြိမ် ငြင်းဆန်ကြောင်း မြန်မာ မောင်းခတ်ကြေညာ
ဘာတစ်လ်လင်တနာ
(မြစ်ဆုံတမံ ရပ်ဆိုင်းမှုနှင့် ပတ်သက်၍ လူသိများ ဘာတစ်လ်လင်တ နာ၏ မူကွဲ သုံးသပ်ချက်ဆောင်းပါးတပုဒ်ဖြစ်သည်။)

တရုတ်နိုင်ငံ၏ ဗိုလ်ကျစိုးမိုးမှု ကြီးထွားလာခြင်းနှင့်ပတ်သက်၍ အာရှနိုင်ငံ များက ပိုမို စိတ်ပူစိုးရိမ်နေချိန်မျိုးတွင် တရုတ်တို့၏ ကြီးမားသော ရေအား လျှပ်စစ်တမံစီမံကိန်းကို မြန်မာနိုင်ငံက ဖယ်ချလိုက်ခြင်းကြောင့် မေးခွန်း သစ်များ ပေါ်ထွက်လာသည်။ အဖိနှိပ်ခံနိုင်ငံမှ အရပ်ဘက်အသိုင်းအဝိုင်း၏ ရှားရှားပါးပါး အောင်ပွဲတခုအလား (သို့မဟုတ်) တရုတ်နိုင်ငံအပေါ် မှီခိုနေရ ခြင်းနှင့်ပတ်သက်၍ ပြည်တွင်းအငြင်းပွားမှုကို ရည်ညွှန်းသလားဆိုသည့် မေး ခွန်းများ၏ အဖြေများနှင့် သက်ဆိုင်ခြင်းမရှိဘဲ အိမ်နီးချင်း မဟာမိတ်နိုင်ငံ ကြီး၏ စီမံကိန်းအပေါ် ပြည်သူတို့၏ အမြင်ကွဲလွဲမှုက မြန်မာ-တရုတ်ဆက် ဆံရေးတွင် ကဏ္ဍသစ်တခု ရေးထိုးလိုက်ပြီဖြစ်သည်။

စက်တင်ဘာလ ၃၀ ရက်တွင် မြန်မာသမ္မတသစ် ဦးသိန်းစိန်က လွှတ်တော်သို့ စာတစောင် ပေးပို့ကာ နိုင်ငံ မြောက်ပိုင်း၌ အကြီးစား ရေလှောင်တမံ တည်ဆောက်ရန် တရုတ်နိုင်ငံနှင့် ဖက်စပ်ဆောင်ရွက်နေသော စီမံ ကိန်းသည် ပြည်သူတို့၏ဆန္ဒနှင့် ဆန့်ကျင်နေ သောကြောင့် ရပ်ဆိုင်းထားလိုက်ကြောင်း ကြေညာလိုက်သည်။ အမေရိကန်ဒေါ်လာ ၃.၆ ဘီလျံ ကုန်ကျမည့် မြစ်ဆုံရေ လှောင် တမံကြီးသည် ကမ္ဘာ့ ၁၅ ခုမြောက် အမြင့်ဆုံး တမံကြီးဖြစ်၍ စင်ကာပူနိုင်ငံ ဧရိယာခန့်ရှိသော ၇၆၆ စတုရန်းကီလိုမီတာ မြေပြင်ကို ရေမြှပ်သွားစေမည်ဖြစ် သည်။

ယင်းဆုံးဖြတ်ချက်ကို မကြေညာမီ တရုတ်အာဏာပိုင်များကို တိုင်ပင်ခဲ့သလား ဆိုသည့်အချက်မှာ မသဲကွဲ သေးပါ။ ၁၉၈၈ ဒီမိုကရေစီဆန္ဒပြပွဲများကို အကြမ်းဖက် နှိမ်နှင်းခဲ့ပြီးနောက်ပိုင်း မြန်မာအစိုးရကို အနောက်နိုင် ငံများက ဝိုင်းပယ်ထားခဲ့ချိန်မှစ၍ မြန်မာနိုင်ငံသည် ကုန်သွယ်ရေး၊ နိုင်ငံရေးအရ အားပေးထောက်ခံမှုနှင့် စစ် လက်နက်ပစ္စည်းများ ရရှိရေးအတွက် မြောက်ဘက်အိမ်နီးချင်း အင်အားကြီးနိုင်ငံကို မှီခိုနေခဲ့ရသည်။

ယခုကိစ္စတွင် ပြည်သူလူထု၏ သဘောထားကလည်း တစိတ်တပိုင်း ပါဝင်ပါလိမ့်မည်။ ၂၀၀၆ ခုနှစ်က သ ဘောတူစာချုပ်အရ မြစ်ဆုံမှ ထုတ်လုပ်သော ဓာတ်အား ၉၀ ရာခိုင်နှုန်းကို တရုတ်နိုင်ငံသို့ ပို့လွှတ်မည်ဖြစ် သည့်အပြင် သဘာဝပတ်ဝန်းကျင် ပျက်စီး မှုအပေါ် ဒေါသထွက်မှုဖြင့် တုန်လှုပ်နေသော ပြည်သူများက နှစ် ပေါင်းများစွာအတွင်း မမြင်ခဲ့ဘူးသောပုံစံဖြင့် အစိုးရကို ဆန့်ကျင် ကန့်ကွက်ခဲ့ကြသည်။ ၎င်းရေလှောင်တမံ သည် ကချင်လူမျိုးတို့၏ နှလုံးသားကို ဓားမြှောင်စိုက်လိုက်ခြင်းဖြစ်၍ ဒီမိုကရေစီခေါင်း ဆောင် ဒေါ်အောင် ဆန်းစုကြည်ကလည်း ရေလှောင်တမံဆန့်ကျင်ရေးလှုပ်ရှားမှုကို ထောက်ခံရပ်တည်ခဲ့သည်။ အစိုးရဆန့်ကျင် ရေးလှုပ်ရှားသူများ၏ ကိရိယာသစ်တခုဖြစ်သည့် Facebook ပေါ်တွင်လည်း ပြည်သူတို့၏ အသံများ လျှံထွက် နေသည်။

မြန်မာနိုင်ငံအတွင်း၌ ပြည်သူတို့ ပွင့်လင်းစွာ ဆန္ဒပြနိုင်ခြင်းမရှိသော်လည်း ‘ဧရာဝတီ ကယ်တင်ရေး’ အစည်း အဝေးများကိုမူ ရန်ကုန်မြို့ပေါ်တွင် ကျင်းပခဲ့သည်။ ပြည်ပရောက် မြန်မာများကလည်း နိုင်ငံရပ်ခြားရှိ မြန်မာ သံရုံးများ၏ အပြင်ဖက်တွင် တရုတ်ဆန့်ကျင်ရေး ဆန္ဒပြပွဲများ ပြုလုပ်လျက်ရှိသည်။ မြန်မာနိုင်ငံအတွင်း တ ရုတ်ဆန့်ကျင်ရေးစိတ်ဓာတ်များ ကြီးထွားလျက်ရှိရာ အထူးသဖြင့် တရုတ်လွှမ်းမိုးမှုကြီးမားသော မြောက်ပိုင်း ဒေသတွင် ပိုမိုပြင်းထန်လာသည်။ ကချင်ပြည်နယ်မှ ရရှိသော သတင်းများအရ ကေအိုင်အေနှင့် အစိုးရတပ် များအကြား တိုက်ပွဲဖြစ်ပွားပြီးနောက်ပိုင်း ပြည်နယ်အတွင်း အလုပ်လုပ်နေသော တရုတ်လူမျိုး အလုပ်သမား များနှင့် ကုန်သည်များ တရုတ်နိုင်ငံသို့ ပြန်ထွက်ပြေးသွားကြသည်ဟု သိရှိရသည်။

ဘာတစ်လ်လင်တနာ

သို့သော် ပြည်သူတို့၏ သဘောထားသည် မြန်မာအစိုးရအပေါ် လွှမ်းမိုးနိုင်လောက်အောင် အားကောင်းခဲ့ခြင်း မရှိပါ။ အစိုးရကလည်း ၂၀၀၇ ခုနှစ် ရွှေဝါရောင်တော်လှန်ရေးကဲ့သို့ ဆန္ဒပြပွဲများ ထပ်မံဖြစ်ပွားကာ အနောက် နိုင်ငံများ၏ပြစ်တင်မှု၊ အရေးယူပိတ်ဆို့မှုများ ကို ထပ်မံဖိတ်ခေါ်ရာရောက်မည့်အဖြစ်ကို လိုလားမည်မဟုတ်ပါ။ မြန်မာနိုင်ငံတွင် တရုတ်သြဇာလွှမ်းလာခြင်းကို လက်နက်ကိုင် တပ်ဖွဲ့ (တပ်မတော်) အတွင်း မကျေနပ်မှုက ရေလှောင်တမံစီမံကိန်း ရပ်ဆိုင်းသည့်ကိစ္စ၏ အကြောင်းရင်းဖြစ်ဖို့ အလားအလာ ပိုများနေသည်။

သမိုင်းကြောင်းအရ မြန်မာနိုင်ငံသည် ၎င်း၏မြောက်ဘက်အိမ်နီးချင်းနိုင်ငံအား ခပ်စိမ်းစိမ်း ဆက်ဆံခဲ့သည်ကို တွေ့ရသည်။ ကွန်မြူနစ် တရုတ်ပြည်သူ့သမ္မတနိုင်ငံထူထောင်သည့် ၁၉၄၉ မှ ၁၉၆၂ ခုနှစ်အထိ ဝန်ကြီးချုပ် ဦးနု၏ ဘက်မလိုက် ဒီမိုကရေစီအစိုးရနှင့် ဆက်ဆံရေးကောင်းအောင် ဘီဂျင်းက ကြိုးစားခဲ့သည်။ မြန်မာနိုင် ငံသည် ဘီဂျင်းကွန်မြူနစ်အစိုးရကို အသိအမှတ်ပြုသော ပထမဆုံး (ကွန်မြူနစ်အုပ်စုပြင်ပ) နိုင်ငံတခုဖြစ်ခဲ့ သည်။

၁၉၆၂ တွင် တပ်မတော်က အာဏာသိမ်းခဲ့ပြီးနောက်တွင်မူ ရည်မှန်းချက်ကြီး၍ မှန်းဆရန်ခက်သော ဗိုလ်ချုပ် ကြီးနေဝင်းကို တရုတ် တို့ က စိုးရွံ့ပူပန်လာကာ ဗမာပြည်ကွန်မြူနစ်ပါတီ သူပုန်များကို အလုံးစုံ ထောက်ပံ့ကူ ညီရန် ပြင်ဆင်လာကြတော့သည်။

၁၉၆၇ တွင် စီးပွားရေးယိုယွင်းလာမှုကြောင့် ဒေါသထွက်နေသော ပြည်သူလူထုကို အာရုံပြောင်းရန် တပ်မ တော် ခေါင်းဆောင်များ က စနစ်တကျ လျှို့ဝှက်စီစဉ်သော တရုတ်-မြန်မာအဓိကရုဏ်း ရန်ကုန်မြို့တွင် ဖြစ် ပွားသောအခါ မြန်မာပြည်တွင်းရေးကို ကြား ဝင်စွက်ဖက်ရန် တရုတ်တို့ အကြောင်းပြချက် ရသွားခဲ့လေသည်။ ၁၉၆၈ နှစ်သစ်ကူးနေ့တွင်မူ တရုတ်ပြည် ယူနန်ပြည်နယ်မှ ဗမာ ပြည်ကွန်မြူနစ်ပါတီ လက်နက်ကိုင်တပ်များ မြန်မာပြည်မြောက်ပိုင်းသို့ ဝင်ရောက်လာခဲ့ကြသည်။ နောက်ထပ် ဆယ်စုနှစ်တစုလုံးလုံး အင်ဒိုချိုင်းနား ကျွန်း ဆွယ်အပြင်ဘက် ကွန်မြူနစ်လှုပ်ရှားမှုများထက် ဗမာပြည်ကွန်မြူနစ်ပါတီကိုသာ တရုတ်နိုင်ငံက အကူအညီ များ ပိုမိုပုံအောလောင်းထည့်ခဲ့သည်။

ဗမာပြည်ကွန်မြူနစ်ပါတီ၏ “ပြည်သူ့အသံ” ဝါဒဖြန့် ရေဒီယိုအသံလွှင့်မှု အစီအစဉ်ကိုလည်း ၁၉၇၁ တွင် ယူ နန်ပြည်နယ်ဘက် အခြမ်းမှနေ၍ စတင်ထုတ်လွှင့်ပေးခဲ့ပြန်သည်။ ထို့အပြင် ထောင်ပေါင်းများစွာသော တရုတ် လူမျိုးများ (ဝလူမျိုးများ အပါအဝင်) နယ်စပ်ကို ဖြတ်ကျော်စီးဝင်လာကာ ဗမာပြည်ကွန်မြူနစ်ပါတီကို အလုံးစုံ ကူညီဖြည့်ဆည်းပေးခဲ့သည်။

၁၉၇၆ ခုနှစ် မော်စီတုန်း ကွယ်လွန်ပြီးနောက် မရှေးမနှောင်းတွင် လက်တွေ့ဝါဒီ တိန့်ရှောက်ဖိန် အာဏာရရှိ သွားသည့် အချိန်တွင်မူ ဗမာပြည်ကွန်မြူနစ်ပါတီအပေါ် တရုတ်တို့ ပုံအောကူညီမှု ဇာတ်သိမ်းခန်းအစ ဖြစ် လာခဲ့သည်။ ဒေသတွင်း ကွန်မြူနစ်တော်လှန်ရေးလှုပ်ရှားမှုများကို ဆက်လက်အားပေးရန် ဘီဂျင်းက စိတ်ဝင် စားခြင်းမရှိတော့ပါ။ ထိုအချိန်ကစ၍ မြန်မာတို့၏ ကြွယ်ဝသော သစ်တောများ၊ သတ္တုသယံဇာတများ၊ သဘာ ဝဓာတ်ငွေ့နှင့် ရေအားလျှပ်စစ် အလားအလာတို့ကို ဘီဂျင်းက အာသာငမ်းငမ်း မက်မောတောင့်တလာခဲ့ခြင်း ဖြစ်သည်။

ဗမာပြည်ကွန်မြူနစ်ပါတီအပေါ် တရုတ်တို့၏ ပံ့ပိုးမှု အဆုံးသတ်လိုက်ခြင်းသည် တရုတ်-မြန်မာဆက်ဆံရေး ပိုမိုကောင်းမွန်လာသော ခေတ်သစ်တခုကို အစပျိုးလိုက်ခြင်းဖြစ်ပြီး ၁၉၈၈ သွေးစွန်းသော ဒီမိုကရေစီ အရေး တော်ပုံအပြီးတွင်မူ တဆင့်ပြီးတဆင့် ခုန်ပျံကျော်လွှား ကြီးထွားလာခဲ့တော့သည်။ ၁၉၉၁ မှစ၍ မြန်မာနိုင်ငံသို့ စစ်လက်နက်ပစ္စည်းမြောက်မြားစွာကို ထောက်ပံ့ကူညီခဲ့သည့်အပြင် အခြေခံအဆောက်အဦ စီမံကိန်းများစွာ တွင်လည်း တရုတ်ပညာရှင်များ လာရောက်ကူညီခဲ့ကြသည်။

၁၉၅၀ ခုနှစ်များနောက်ပိုင်း မြန်မာနိုင်ငံ၌ ပထမဆုံး နိုင်ငံခြားစစ်ဘက်အရာရှိများ အခြေချမှုအဖြစ် တရုတ် စစ်ဘက်အကြံပေး များလည်း တသုတ်ပြီးတသုတ် လာရောက်ခဲ့ကြသည်။ တရုတ်-မြန်မာ နယ်စပ်ကုန်သွယ် ရေးသည်လည်း တဟုန်ထိုး ဖွံ့ထွား လာတော့သည်။

မကြာသေးမီကပင် တရုတ်နိုင်ငံက အတိုးနည်းချေးငွေများ မြန်မာနိုင်ငံကို ထောက်ပံ့ကူညီခဲ့သည်။ အနောက် ပိတ်ဆို့မှုဒဏ်ခံ မြန်မာစီးပွားရေးတွင် တရုတ်ရင်းနှီးမြှုပ်နှံမှုများသည် အလွန်အရေးပါပြီး အထူးသဖြင့် စွမ်းအင် ကဏ္ဍတွင် ပုံအောစီးဝင်လာသည်။ ဘင်္ဂလားပင်လယ်အော်မှ သဘာဝဓာတ်ငွေ့ကို တရုတ်သို့ ပို့မည့် ပိုက် လိုင်းစီမံကိန်းတွင် အရှေ့အလယ်ပိုင်းရေနံများကို ယာဉ်ကြောပိတ် မလက္ကာရေလက်ကြားကို ရှောင်ရှားသယ် ယူမည့် ရေနံစိမ်းပိုက်လိုင်းတခု ယှဉ်တွဲ တိုးချဲ့ခံခြင်းသည် ထင်ရှားသော သာဓကတခုပင် ဖြစ်သည်။

ထိုသို့ တရုတ်နိုင်ငံအပေါ် ကြီးမားစွာ မှီခိုနေရခြင်းသည် မြန်မာစစ်ဘက်ခေါင်းဆောင်များစွာအကြား စိုးရိမ် ကြောင့်ကြမှုကို ဖြစ်ပေါ် စေခဲ့သည်။ အဆိုပါ ခေါင်းဆောင်များသည် သူတို့ တချိန်က တရုတ်နောက်ခံ ဗကပ တပ်များနှင့် တိုက်ခဲ့ရသောစစ်ပွဲကို မမေ့နိုင် သလို ဗကပအသွင်ဆောင် တရုတ်နှင့် ဝတပ်ဖွဲ့များ၏ လက်ချက် ဖြင့် သူတို့၏ ရဲဘော်ရဲဘက်များ ကျဆုံးခဲ့ရခြင်းကိုလည်း မမေ့ကြပါ။ အဆိုပါ မမေ့နိုင်စရာ အတိတ်ကို ၂၀၀၅ ခုနှစ်က ဝါရှင်တန်တွင် နိုင်ငံရေးခိုလှုံခဲ့သော ထောက်လှမ်းရေး ဗိုလ်မှူးဟောင်း အောင်လင်းထွဋ်က ပြည်ပ ရောက် မြန်မာများ၏ သတင်းဝက်ဘ်ဆိုက်တခုတွင် ပြန်လည်တူးဆွထားသည်။

သမ္မတ ဦးသိန်းစိန်၏ တမံရပ်ဆိုင်းမှု ကြေညာချက်အပြီးတွင် တရုတ်တို့က ညှိနှိုင်းဆွေးနွေးပွဲများ ပြုလုပ်ရန် တောင်းဆို ထားကြ သော်လည်း မြစ်ဆုံစီမံကိန်း အကောင်အထည်ဖော်သူ CNPC ကုမ္ပဏီက ၂၀၀၉ ခုနှစ်တွင် ထုတ်ပြန်သော ပြည်တွင်းအစီရင်ခံစာတွင် တမံအရွယ်အစားသည် လိုသည်ထက် ပို၍ ကြီးမားလွန်းကြောင်း တင်ပြကာ စီမံကိန်းကို စွန့်လွှတ်ရန် တောင်းဆိုခဲ့ခြင်းကို အကဲခတ် စောင့်ကြည့်သူများက ထောက်ပြထား သည်။ တရုတ်နိုင်ငံသည် ဧရာဝတီ၏ အခြား မြစ်လက်တက်များပေါ်တွင်လည်း အကြီးစားတမံ ၆ ခု တည် ဆောက်ရန် ကန်ထရိုက်စာချုပ် လက်မှတ်ရေးထိုးထားသည်။

ယခုကဲ့သို့ သမ္မတ ဦးသိန်းစိန်က ရဲရဲဝင့်ဝင့် ကြေညာချက် ထုတ်ပြန်လိုက်ခြင်းသည် တရုတ်-မြန်မာ ဆက်ဆံ ရေးယိုယွင်းလာခြင်းနှင့် မြန်မာနိုင်ငံက နိုင်ငံတကာဆက်ဆံရေး ဟန်ချက်ညီအောင် ကြိုးစားနေခြင်းကို ထုတ် ဖော်ပြသနေသည်။ ယခင်က ကျင့်သုံးခဲ့ဖူးသော ဘက်မလိုက်မူဝါဒကို ပြန်လည်ချဉ်းကပ်ခြင်းလည်း ဖြစ် ကောင်းဖြစ်နိုင်ပေသည်။

အချို့အကဲခတ်စောင့်ကြည့်သူ ပညာရှင်များကမူ မြန်မာအစိုးရအပေါ် ဘီဂျင်း၏ လွှမ်းမိုးမှုသည် ပုံကြီးချဲ့ထား ခြင်းသာဖြစ်ကြောင်း အခိုင်အမာ ပြောဆိုကြသည်။ အစီရင်ခံစာများတွင် မကြာခဏ ဖော်ပြနေကြသည့် “မြန် မာနိုင်ငံ၏ ယုံကြည်စိတ်ချ အားကိုးမှု” ဆိုသည်ကို ဘီဂျင်းက အမှန်တကယ် ရခဲ့ခြင်းမဟုတ်ပါဟု မဟာဗျူ ဟာလေ့လာရေး သုတေသနပညာရှင် စာရေးဆရာ Andrew Selth က တင်ပြခဲ့သည်။ မြန်မာနိုင်ငံအပေါ် လက်နက်ရောင်းချပေးနေသူများက ပြသနေသော အထောက်အထားတခုမှာ တရုတ် နိုင်ငံသည် ၁၉၈၉ မှစ၍ မြန်မာနိုင်ငံအား ဒေါ်လာ ၁.၆ ဘီလျံ တန်ဖိုးရှိ စစ်လက်နက်ပစ္စည်းများ ရောင်းချ ကူညီပေးခဲ့သော် လည်း လတ်တလောတွင် မြန်မာအစိုးရက ရုရှား၊ ယူကရိန်းနှင့် မြောက်ကိုးရီးယားနိုင်ငံများထံ ပြောင်းလဲဝယ်ယူကာ ယင်း၏ လက်နက်ဖူလုံရေးအစီအစဉ်ကို ခွဲဝေဖြန့်ကျက်ခဲ့သော အချက်ပင်ဖြစ်သည်။

မြန်မာအစိုးရသည် အနောက်နိုင်ငံများ၏ ထောက်ခံမှုကို ရရှိရန် ကြိုးစားရာတွင် ဒီမိုကရေစီကို ပြည့်ဝစွာ အ ကောင်အထည်ဖော်ခြင်းအစား ‘တရုတ်ဝှက်ဖဲ’ ကို ထုတ်သုံးရန် ရွေးချယ်ခဲ့ခြင်း ဖြစ်ပုံရသည်။ မြန်မာအစိုးရ တာဝန်ရှိသူတဦး ရေးသားကာ နေပြည်တော်ထိပ်ပိုင်းအဆင့်က ခွင့်ပြုခဲ့သည်ဟုကြားသိရသော ဘန်ကောက် ပို့စ်သတင်းစာပါ ‘ရေးသူအမည်မပါ’ ဆောင်းပါးတပုဒ်တွင် “ကျနော်တို့နိုင်ငံကို တရုတ်သြဇာခံ ပြည်နယ်တခု မဖြစ်စေလိုပါ။ သို့သော် ကျနော်တို့နိုင်ငံကို ရွေးချယ်စရာမရှိသော ထောင့်ကျဉ်း၌ ပိတ်မိအောင်၊ တရုတ်နိုင်ငံ ကို ပို၍ မှီခိုရအောင် အနောက်နိုင်ငံများက အတင်းအကျပ် မပြုလုပ်သင့်ပါ” ဟု ဖော်ပြထားသည်။

ဤစကားစုတွင် အတင်းအကျပ်ဆိုသည်မှာ စစ်မှန်သော ဒီမိုကရေစီပြုပြင်ပြောင်းလဲမှုများ ပြုလုပ်ရန် တောင်း ဆိုခြင်းကို ဆိုလိုခြင်းဖြစ်သည်။ အစိုးရဘက်က အမြင်ကို ကြည့်ပါက တရုတ်ခြိမ်းခြောက်မှု ဝှက်ဖဲကို ထုတ် ကစားခြင်းဖြင့် အနောက်နိုင်ငံများနှင့် ကောင်းမွန်သော ဆက်ဆံရေးကို အလွယ်တကူ ရရှိနိုင်မည်ဖြစ်ကာ အ နောက်နိုင်ငံများ၏ ပြစ်တင်ဝေဖန်မှု လျော့ပါးသွားရန် မျှော်လင့်ခြင်းဖြစ်ပေလိမ့်မည်။

သို့သော် နိုင်ငံကို ဘယ်လိုအုပ်ချုပ်သလဲ ဆိုသည်မှာ ပြည်တွင်းရေးကိစ္စသာဖြစ်ကြောင်း၊ မြန်မာအစိုးရက မ ကြာခဏ ထုတ်ဖော်ပြောဆိုလျက်ရှိပေသည်။ မြန်မာအစိုးရ၏ တီးလုံးအတိုင်း လိုက်၍ ကမလား ဆိုသည်ကို အနောက်နိုင်ငံများက ဆုံးဖြတ်ရလိမ့်မည်။

(Yale Global မှ 3 Oct 2011 ရက်စွဲပါ Bertil Lintner ၏ “Burma delivers its first rebuff to China”သတင်းကို ဘာသာပြန် သည်)
(Save the Irrawaddy ဖေ့စ်ဘွတ်ခ်စာမျက်နှာမှ ...)
http://yaleglobal.yale.edu/content/burma-delivers-its-first-rebuff-china

+++++++++++++++++++++++++++

ဧရာဝတီ မြစ်ဆုံဆည် ဆက်မဖြစ်တည်ရ
မေလေးလွင်၊

ဧရာဝတီမြစ်ဆုံဆည်စီမံကိန်းတာဝန်ရှိလူကြီးမင်းများထံသို့ …

ကျမက တိုင်းတပါးရောက်နေတဲ့ မြန်မာပြည်သူဖြစ်ပါတယ်။ ဘာမှ မတတ်တာမို့ တတ်တာ သိတာလေးနဲ့ပဲ ပန်ကြားပါတယ်။ မြန်မာပြည်သူ ဖြစ်တဲ့အားလျော်စွာနဲ့ မြစ်ဧရာအကြောင်း တစေ့တစောင်းမက ကြားနေခဲ့ သိနေခဲ့ရတာကိုပဲ ဆန္ဒပြုပါတယ်။ ဒီလိုပြောလို့ ငါတို့သာ သိတာမို့ပါ ဆိုရင်တော့ ကျမတို့ သုံးလူ့လောကမှာ မြတ်စွာဘုရားရှင်သာလျှင် အတုမရှိ အနှိုင်းမဲ့ အလုံးစုိံတော်မူသော အရှင် ဖြစ်တယ်ဆိုတာ အရင် ပြောပါရစေ။ ငါသာလျှင် အသိဆုံးဆိုရင်ဖြင့် ဘုရားရှင်နဲ့ ကိုယ့်ကို နှိုင်းယှဉ်နေမိတာမျိုး ဖြစ်သွားနိင်တာမို့ ဒီလို နှိုင်းယှဉ်မိရင်ဖြင့် အပယ်ရောက်မယ့်အရေးကို တင်ကြို သတိပေးပါရစေ။ ဘယ်သူမှ အသိဆုံး မရှိပါဘူး။ ကိုယ်တွေအသိဆုံးဆိုရင် ဒါ ကိုယ်ကျိုးတခုတည်း ဖြစ်မှာပါပဲ။ ဧရာဝတီအရေးဟာ နိုင်ငံရေး၊ စီးပွားရေး၊ လူမှုရေး အားလုံးပေါင်းစပ်ပါဝင်နေတဲ့အတွက် မြန်မာတမျိုးသားလုံးရဲ့ အရေး အမျိုးသားရေး ဖြစ်တာမို့ပါ။ လူကြီးမင်းများ ကိုယ့်လှေကိုယ်ထိုး ပဲခူးရောက်ရောက်၊ ကိုယ့်မြင်းကိုယ်စိုင်း စစ်ကိုင်းရောက်ရောက်လို့များ မိမိတဦးတည်းပိုင် ဆန္ဒ မဟုတ်ခဲ့ဘူး ဆိုရင်ဖြင့် ကျမရေးတဲ့ ဒီစာ လူကြီးမင်းတို့ အသိအမှတ်ပြုလိမ့်မယ်လို့ (မြန်မာတပြည်လုံးအပေါ် စေတနာရှိတယ်ဆိုရင်) မျှော်လင့်ပါတယ်။

၁။ ကျမတို့ မြန်မာပြည်လူဦးရေ သန်း ၆၀ ရဲ့ ၇၀% ဟာ ဧရာဝတီမြစ်ကို အမှီပြုပြီး အသက်ဆက်နေခဲ့တာ။ မြန်မာပြည်သားရယ်လို့ ဖြစ်နေခဲ့တာ မဟုတ်ပါလားရှင်။

၂။ ဧရာဝတီမြစ်ဝှမ်းဟာ မြန်မာပြည်ရဲ့ ၅၄% မျှ ကျယ်ဝန်းတာမို့ ဒီမြစ်ဟာဖြင့် မြန်မာပြည်ရဲ့ အသက်သွေးကြော မဟုတ်ပါလားရှင်။

၃။ ဧရာဝတီမြစ်ကြောင့် သမိုင်းတွေ ရေးနိုင်ခဲ့ကြတယ်။ မြန်မာမင်းမှန်သမျှ ဧရာဝတီနဲ့ သမိုင်းထွင်းခဲ့ရပြီး ဧရာဝတီကိုတော့ စီးပွားသဘောက်တွေ ဆန္ဒအလျောက် မလုပ်ခဲ့ကြဘူး မဟုတ်လားရှင်။

၎။ အခု ဧရာဝတီကို တားဆို့ ပိတ်ဆီး ဆည်ဆောက်ကြမယ်ပေါ့။ ပြဌာန်းထားတဲ့ ဥပဒေအရပဲလို့ဆိုဆို စီးပွားရေးအရပဲပြောပြော ဧရာဝတီကို ဘာကြောင့် ပိုင်းဖြတ်ချင်ရတာလဲ။ ဧရာဝတီဟာ ဈေးကွက်တင်ရောင်းရမယ့် အရာမှ မဟုတ်တာပဲ။

၅။ ဧရာဝတီမြစ်ကို တားပြီး ဆည်ဆောက်တဲ့အတွက် ဆည်ဆောက်ရာဧရိယာဟာ အတော်အတန် ကျယ်ဝန်း(အမေရိကန်နိုင်ငံ နယူးယောက်မြို့ဧရိယာနီးပါး)တယ်လို့ သိရတော့ ဒီဧရိယာရရှိဖို့ မြေနေရာအတွက် ဖယ်ပေးလိုက်ရမယ့် ပြည်သူတွေအတွက် နေဖို့၊ ပြီးတော့ သူတို့ ပြောင်းရွှေ့လုပ်ကိုင်အတည်တကျဖြစ်ရဖို့ ဘယ်သူကများ အတိအလင်းတာဝန်ယူပေးမှာလဲရှင်။

၆။ မြစ်အထက်ပိုင်းကို ပိုင်းဖြတ်ပိတ်ဆို့ ပြီးတဲ့အတွက် ကျန်မြစ်အောက်ပိုင်းမှာ ရှိမယ့် မြစ်ဝှမ်းဒေသတွေအတွက် မြစ်ကိုမှီခိုပြီး အသက်ဆက်နေရသူတွေ( စိုက်ပျိုးရေး။ ကုန်သွယ်ရေး၊ ရေလုပ်ငန်း၊ ပညာရေးအစရှိသဖြင့်x ) ကို ဘယ်လိုများ အသက်ဆက်စေမှာလဲရှင်။

၇။ မြစ်အထက်မှာ ပိတ်တော့ မြစ်အောက်ပိုင်း ရေခမ်း၊ ကမ်းပါးပြို၊ ဒီရောက်တောတွေပျက်စီး၊ မြစ်ခမ်းတော့ ပင်လယ်ထဲ ရေမစီးဝင်နိုင်ရင် ပင်လယ်က ဆားငံရေတွေ မြစ်ကြောတလျှောက် ပြန်ဝင်ပြီး အဲ့ဒီဒေသတွေအတွက်ရော ဘာများ ပြင်ဆင်ထားပါပြီလဲ။

၈။ ဒီနောက်မှာတော့ အကာအကွယ်မရှိဖြစ်တော့မယ့် မြစ်ဝှမ်းဒေသတလျှောက်က ရာသီဥတု ဆိုးရွားမှုတွေကို ဒေသနေပြည်သူတွေဆီကို တိုက်ရိုက်ရောက်လာတော့မှာမို့ သူဆင်းရဲ ပြည်သူတွေ ဒီထက် ပျက်စီးရပါဦးမယ်။

၉။ လျှပ်စစ်ဓါတ်အား မလုံလောက်လို့များ ကျမတို့ မြန်မာပြည်သားတွေ ထိုင်ငိုနေခဲ့ဖူးသလား။ လျှပ်စစ်ဓါတ်အား အပြည့်အဝပေးရေး လို့များ ကြွေးကြော်တောင်းဆိုဖူးခဲ့ကြသလား။ ရေနံဆီမီးခွက်နဲ့ ဖယောင်းတိုင်နဲ့ကိုပဲ အေးချမ်းနေတတ်ခဲ့တယ်မဟုတ်လား။ ဧရာဝတီကို ပိုင်းဖြတ်သတ်ပြီးမှ ဒီလျှပ်စစ်မီး ရရမှာတဲ့လား။ အဲဒီလို လုပ်စရာ မလိုအပ်နေပါဘူးရှင်။

၁၀။ တကယ်တမ်း လျှပ်စစ်ဓါတ်အား ကျမတို့ချည်းပဲ သုံးရမယ်တဲ့လား။ ကျမတို့မြန်မာပြည်သားတွေပဲ သုံးရဖို့ လျှပ်စစ်ဓါတ်အားရဖို့ ဒီမြစ်ကြီးကို ပိုင်းဖြတ်မှ ရရမှာတဲ့လား။ မလိုအပ်ပါဘူးလို့ ပြောပါရစေ။

၁၁။ နိုင်ငံနဲ့အဝှမ်း ခု မြစ်ဆုံ၊ နောင် မြစ်ဝှမ်းအားလုံး (သံလွင်၊ ချင်းတွင်းမြစ်တို့အပါအဝင်) နီးပါး ဆည်ဆောက်မယ်ဆိုတဲ့ ”သောင်းကျန်းသူနှိမ်နင်းရေး မဟာဗျူဟာ” ကြောင့်များ ကျမတို့အသက်သွေး မြစ်ဧရာကို စပြိး စတေးခံရဖို့လား။

အမေးတွေချည်းဖြစ်နေလို့များ လူကြီးမင်းတို့ အချိန်အလဟဿ မဖြစ်စေချင်ခဲ့ပါဘူး။ ဒီထက်ဒီထက်မက ကျမတို့ ပြည်သူတွေ ကလောင်ကိုင်တွေက လူကြီးမင်းတို့ကို ပြောခဲ့ကြပြီးပြီ။ အလေးမထားဘဲ ငါတကောကောတာမျိုး မလုပ်စေချင်ပါဘူး။ မြန်မာဟာ မြန်မာတွေ အားလုံးသွေးစည်းညီညွတ်ခဲ့ကြလို့ တစ်ဦးကောင်းတည်း မလုပ်ခဲ့ကြလို့ ခုထိ ရှင်သန်နေခဲ့ကြတာပါ။

ကျမတို့ကို (မြန်မာပြည်သားတွေကို)

၁။ ။ လူကြီးမင်းတို့ရဲ့ မြစ်ဆုံဆည်စီမံကိန်းရဲ့ အကျိုး၊ အပြစ်တွေကို အသိပေးပါ။
၂။ ။ ဧရာဝတီမြစ်ဟာလည်းပဲ ကျမတို့လို မြန်မာပြည်သား ဖြစ်တဲ့အတွက် အသက်သွေးကြောကြီး မပျက်စီးရအောင် ကာကွယ်ကြရမယ့် တာဝန်ရှိတဲ့ ကျမတို့မြန်မာပြည်သားတွေရဲ့ ဆန္ဒကို တိတိကျကျ အဖြူ၊ အမည်း ကွဲပြားသိအောင် အရင် မဲဆန္ဒ တောင်းပါ။
၃။ ။ မြစ်ဆုံဆည်ဆောက် ဒေသတလျှောက်နေ လူထုတွေအတွက် တင်ကြို ပြင်ဆင်ဖြည့်ဆည်းပေးမှုများကိုပါ တပါတည်း သိချင်ပါတယ်။ ဘာကြောင့်ဆို ကျမတို့က မြန်မာပြည်သားတွေ ဖြစ်နေတဲ့အတွက်ပါပဲ။ မြန်မာပြည်အရေးဟာ ကျမတို့အရေးပါပဲ။
၎။ ။ ခု တခါတည်း ရှင်းရှင်းပြောပါရစေ မြစ်ဆုံဆည်ဆောက်စီမံကိန်းကို လုံးဝ(လုံးဝ) ဆန့်ကျင်ပါတယ်။ ပယ်ဖျက်ပေးပါ။

လူကြီးမင်းတို့အပါအဝင် ကျမတို့မြန်မာပြည်သားတွေရဲ့ အသက်သွေးဖြစ်တဲ့ ဧရာဝတီမြစ်ကို လူကြီးမင်းတို့လည်း ချစ်လိမ့်မယ်လို့ မျှော်လင့်ပါတယ်။ ခုလို ရေးတဲ့ စာ၊ ကန့်ကွက်စာတွေကို လူကြီးမင်းတို့ အသိအမှတ်မပြုရင်ဖြင့် လူကြီးမင်းတို့ဟာ မြန်မာပြည်ကို မချစ်သော၊ မြန်မာပြည်သူတွေကို မချစ်၍ အလေးမထားသော၊ မြန်မာပြည်ကို မချစ်သဖြင့် မြန်မာလူမျိုး မဟုတ်သော သူတွေ ဖြစ်ပါလိမ့်မယ်။ မြန်မာမဟုတ်ရင်ဖြင့် မြန်မာလူကြီးလုပ်လို့ မရပါဘူး။

ကျမ ထပ်ပြောပါရစေ … …. မြစ်ဆုံဆည်စီမံကိန်းကို လုံးဝ ဆန့်ကျင်ပါတယ် ပယ်ဖျက်ပေးပါ။ ဧရာဝတီ ဆက်လက်ရှင်သန်စေရမည် ငါတို့ သွေးဖြင့် အဓိဌာန်ပြုသည် မြစ်ဧရာပေါ် ဆည်မဆောက်ရ။ တားဆီးပိတ်ပင် ဆန့်ကျင်ပြုသည် ငါတို့မြစ်ကြီး ဆက်စီးရမည်။ ဘယ်သဘောက်မျှ လက်မခံပါ။ တစက်ချင်းဆက်ပြီး ရေစက်များစွာ အလျှံပယ်နဲ့ ငါတို့မြစ်ကို ပေါင်းစီစေ့မယ်။ ဘယ်ကွေ့ဝဲဝဲ အလံမလှဲဘူး ငါတို့မြစ်နဲ့ တန်းတူ ရှိမယ်။ ဧရာဝတီကို ကျူးကျော်လာသမျှ ငါတို့မြေက တိုက်ထုတ်ဖယ်ရှား ဆည်စီမံကိန်း ဆက်မဖြစ်ရ။ ဆည် စီ မံ ကိန်း ဆက် မ ဖြစ် ရ။ ဆည် စီ မံ ကိန်း ဆက် မ ဖြစ် ရ။
မျှဝေပေးပို့ သူ ။မောင်ရစ် --- ၃၀၊ ၂၀၁၁ မိုးမခ

++++++++++

မျက်မှောက် နိုင်ငံရေးအခြေအနေ

ဦးသိန်စိန်က ဘာပဲပြောနေ၊ တကယ့်အဆုံးအဖြတ်ချနိုင်တဲ့အာဏာက `အမျိုးသားကာကွယ်ရေးနှင့်လုံခြုံရေးကောင်စီ´ (အကလ) ကောင်စီမှာပဲ ရှိပါတယ်။ `အကလ´ ကောင်စီမှာ ပါဝင်တဲ့ ပုဂ္ဂိုလ်တွေကိုလည်း ဇယားချပြီး ကြည့်သင့်ပါတယ်။
အားလုံး (၁၁)ယောက်ရှိရာမှာ ကြံ့/ဖွံ့ အားနဲ့ တက်လာတဲ့ သမ္မတနဲ့ စစ်တပ်ကျော်ထောက်နောက်ခံနဲ့တက်လာတဲ့ ဒုသမ္မတ ဘယ်ဘက်က အားသာလဲ။
ကန့်လန့်ကာနောက်မှာကော ဘယ်သူတွေရှိသလဲ။ ဒါကိုလည်း စိစစ်ကြည့်သင့်ကြပါတယ်။
အဓီကအကျဆုံး တခုက ရာစုနှစ်တ၀က် (နှစ် ၅၀)ကျော် စစ်အာဏာကို အမှီပြုပြီး စုဆောင်းမိထားတဲ့ စည်းစိမ်၊ ဓန၊ ဥစ္စာတွေကို စစ်အုပ်စုက လွယ်လွယ်နဲ့ စွန့်လွှတ်မှာ မဟုတ်ဘူး။ အသေလဲ ကာကွယ်မယ်ဆိုတာပါ။
သမ္မတရဲ့အကြံပေး `ဦးမြင့်´ရဲ့ စာတမ်းကို ဖက်ပြီးတဲ့နောက် မေးခွန်းတခု မေးချင်ပါတယ်။ အဲဒီ `ပွင့်လင်းမြင်သာတဲ့အစိုးရ´ မျိုး၊ `တာဝန်ခံမှုရှိတဲ့အစိုးရ´ မျိူးကို ဦးသိန်စိန် လုပ်နိုင်မယ်၊ လုပ်ဝံ့မယ် ထင်ပါသလားဆိုတဲ့ မေးခွန်းပါ။
- ကမ္ဘာမှာ စီးပွားရေးအကျပ်တွေ့သလို ဗမာပြည်မှာလည်း အကျပ်တွေ့နေတာ မှန်ပါတယ်။
- စီးပွားရေးအကျပ်က လူမှုရေးအကျပ်၊ နိုင်ငံရေးအကျပ်သို့ တချို့နိုင်ငံတွေမှာ ကူးနေပါတယ်။ ဗမာပြည်မှာတော့ မကူးသေးပါဘူး။ ခြိမ်းခြောက်တဲ့အဆင့်လောက်ပဲ ရောက်ပါသေးတယ်။
- အကျပ်တွေ့လာရင် စစ်အုပ်စုတွေက ဘယ်လိုဖြေရှင်းဖူးသလဲ။ ဗိုလ်နေ၀င်း၊ ဗိုလ်စောမောင်၊ ဗိုလ်သန်းရွှေတို့ ဖြေရှင်းခဲ့ဖူးပါတယ်။ အကြမ်းဖက် ဖြေရှင်းခဲ့ကြတာချည်းပါ။ (`ဒီပဲယင်း´ က NLD ကိုသာမက ဗိုလ်ခင်ညွန့်ကိုပါ အဖျားခတ်သွားတာ ကြည့်ပါ။)
ကြုံလို့ ပြောစရာတခု ရှိပါတယ်။

. ဗိုလ်နေ၀င်းရဲ့ ၂/၈၀ "လွတ်ငြိမ်းခွင့်" က ဦးနုနဲ့ပက်သက်တဲ့ အင်အားစုတွေနဲ့ ထောင်ထဲထည့်ထားရတဲ့ စစ်ဗိုလ်ကြီးတွေ၊ ၀န်ကြီးတွေနဲ့ သခင်စိုးကို လွှတ်ချင်လို့ထုတ်တဲ့ လွတ်ငြိမ်းခွင့်ပါ။
. အခုလည်း " အကလ ကောင်စီ" ရဲ့ " ထောက်ခံချက်" နဲ့ ဦးသိန်စိန်က "လွတ်ငြိမ်းခွင့်" ထုတ်ပြန်လာနိုင်ပါတယ်။ ရည်ရွယ်ချက်ကလည်း NLD နဲ့ပတ်သက်တဲ့ အင်အားစုတွေကို "၂၀၀၈ အခြေခံဥပဒေ" ဘောင်ထဲ ဆွဲသွင်းဖို့ပဲ ဖြစ်ပါလိမ့်မယ်။ "၂၀၀၈ အခြေခံဥပဒေ" ကို စိန်မခေါ်ရင် လက်ခံပါလိမ့်မယ်။
. ဦးနုကတော့ ပိဋကတ်သုံးပုံကို အင်္ဂလိပ်လို ဘာသာပြန်ချင်လို့ ဗမာပြည်ပြန်သွားတာလို့ ဆိုပါတယ်။ နိုင်ငံရေးအဓိပ္ပာယ်ကတော့ မဆလ ရဲ့ အခြေခံဥပဒေနဲ့ နိုင်ငံရေးကို 'ထိပ်တိုက်ရင်ဆိုင်တာ မလုပ်တော့ပါဘူး' လို့ အာမခံတာပါပဲ။
. အခုလည်း ဆွေးနွေးပွဲ စာတမ်းတင်ဖို့ ဗမာပြည်ကို ပြန်ကြသူတွေ ရှိလာတယ်။ သူတို့ကို မေးခွန်းတချို့ မေးချင်ပါတယ်။
စစ်အာဏာရှင်စနစ်ကြောင့် `LDC´ ဖြစ်ပြီးပါပြီး။ အခု ကျရှုံးနိုင်ငံ (မအောင်မြင်တဲ့) (Failed State) သို့ ချီတက်နေတယ်။ အဲဒါကို `မိုက်ခရို´တွေနဲ့ ကယ်တင်နိုင်မယ်လို့ ထင်ကြပါသလား။
ဦးသိန်စိန်က စစ်တပ်ပိုင် လက်ဝါးကြီးအုပ် စီးပွားရေးလုပ်ငန်းကြီးတွေကို လက်ဖျားနဲ့တို့ဝံ့မယ် ထင်ပါသလား။ အပေါင်းအသင်းရောင်းရင်းတွေ (crony) ရဲ့ စီးပွားရေးကို ထိဝံ့မယ် ထင်ပါသလား။
" ပြစ်ဒဏ်ခက်တာကလွတ်ရေး တို့ရေး"
" ငွေကြေးအကျပ်အတည်းကလွတ်ရေး တို့ရေး"
" အာဆီယံဥက္ကဌဖြစ်ရေး တို့ရေး" လုပ်နေကြတဲ့ စစ်အာဏာရှင်တွေရဲ့ အသုံးချခံရသူများဖြစ်ကြရင် ရာဇ၀င်ရိုင်းလိမ့်မယ် ဆိုတာကို သတိပေးရင် နိဂုံးချုံပ်လိုက်ပါတယ်။

ဗမာပြည်ကွန်မြူနစ်ပါတီ ပြောရေးဆိုခွင့်ရှိသူ
ပေးပို့ သူ-ဒေါင်းဇေယျာ 8/9/2011

------------------------------------

နိုင်ငံရေးဘ၀ ခြေလှမ်းသစ်မျှော်လင့်ချက်
သစ္စာနီ
သြဂုတ် ၂၆၊ ၂၀၁၁

၁။ ကြွေပန်းအိုးကို ၀က်ဝံလက်ဖြင့်ကိုင်မည်လော

ယနေ့မြန်မာနိုင်ငံ၏ အပြက်ထင် အပေါ်လွင်ဆုံး ရာဇ၀င်ရေးလမ်းကြောင်းသည် အမျိုးသားဒီမိုကရေစီနိုင်ငံတော် ထူထောင်ရေး ဖြစ်ကြောင်း မည်သူမှအငြင်းပွားစရာမရှိ။ ပန်းတိုင်နှင့်အကွာအဝေးကိစ္စတွင်မူ၊ ဤအရေးနှင့်ပက်သက်ငြိတွယ်သူအားလုံး အားလုံး၏….

(က) နိုင်ငံရေးသဘောတရား တတ်သိကျေမွန်မှု
(ခ) ရိုးသားသည့်စိတ်စေတနာ အရင်းခံမှန်ကန်မှု
(ဂ) အမြစ်တွယ်နေသော လှေနံဓားထစ်အယူအဆများနှင့် သံသယများကို အပြိုင်အဆိုင်စွန့်ပစ်နိုင်မှု
(ဃ) အမျိုးသားအကျိုးစီးပွားကို ရှေ့တန်းတင်မှု
(င) နိုင်ငံရေး အမြှော်အမြင်ကြီးမားမှု
(စ) အပြန်အလှန် အရေးထားလေးစားမှု
စသည့်အချက်များပေါ်တွင် အခြေခံတည်ရှိလေသည်။ ရွေးကောက်ပွဲ (သို့) အာဏာလွှဲပြောင်းရေး (ပြည်သူသို့ မူလအာဏာ ပြန် လည်အပ် နှင်းရေး) ကိစ္စမှာ ပြည်သူတရပ်လုံးအတွက် အင်မတန် တန်ဖိုးကြီးမား အရေးပါလှသည်နှင့်အမျှ၊ အင်မတန်မှလည်း နူးညံ့သိမ်မွေ့လှလေရာ၊ အမြှော်အမြင်ကြီးမားစွာ၊ ဆင်ခြင်တုံတရား ကြီးမားစွာ၊ နိုင်ငံရေးအသိ၊ နိုင်ငံရေးသတိဖြင့်၊ ဂရုတစိုက် ကိုင်တွယ်ကြရမည့် အချိန်အခါပင် ဖြစ်လေသည်။

ယခုအချိန်အခါသည်ကား မြန်မာနိုင်ငံ၏ ရည်ရှည်အမျိုးသားအကျိုးစီးပွားတည်ဆောက်ရေးအတွက် အလားအလာ ကောင်းသော အခြေ အနေသစ်များပေါ်ထွန်းရန်၊ အခြေခံအုတ်မြစ်များချမှတ်နိုင်ဖို့ ဦးစွာအခွင့်အလမ်း ပွင့်လန်းလာသောကာလပင်ဖြစ်သည်။ ထိုအချိန်၌ နုရွကွဲရှလွယ်သည့် အကဲဆတ်လှသောကြွေပန်းအိုးကို ကြမ်းတမ်းသောဝက်ဝံလက်ဖြင့် ကိုင်တွယ်ဘိသကဲ့သို့မဖြစ်ရန် အရေးကြီးလှပေ သည်။ ထို့ကြောင့် လက်ရှိဦးစားပေး အလေးထားဆောင်ရွက်ရမည့်ကိစ္စမှာ ဖြစ်ပေါ်နေသောမြန်မာ့ နိုင်ငံရေး အခြေအနေတင်းမာမှုများ လျှော့ပါးရေးပင်ဖြစ်ကြောင်း သတိချပ်ရန် လိုအပ်လှပေသည်။

တင်းမာမှုလျော့ပါးရေးဆိုသော နာတာရှည်ရောဂါအတွက် ၊ ကုစားနိုင်သည့် ဆေးတစ်လက်သာ ရှိကြောင်း ၊ ဖြတ်သန်းခဲ့ရသည့် နိုင်ငံရေးကာလ နိုင်ငံရေးအတွေ့အကြုံများက ကျွန်ုပ်တို့အား သင်ကြားပေးခဲ့ပြီး ဖြစ်ပါသည်။ ယင်းမှာ “အမျိုးသားညီညွတ်ရေး” ပင်ဖြစ်လေသည် ။ မဆလ တစ်ပါတီစနစ်အောက်မှ ရုန်းထွက်ခဲ့ရာတွင် လူတန်းစားပေါင်းစုံ သွေးစည်းညီညွတ်ရေး (အမျိုးသား ညီညွတ်ရေး) သည် အဓိကသမိုင်းဆိုင် ရာ မောင်းနှင်အားတရပ်ဖြစ်ကြောင်း သက်သေသာဓကထင်ရှားစွာရှိခဲ့ပါသည်။ ပါတီစုံဒီမိုကရေစီနိုင်ငံတော်သစ် ပေါ်ထွန်းရေးပန်းတိုင်သို့ လျှောက်လှမ်းဖို့ရာမှာလည်း ဤတလမ်းသည်သာ အကောင်းဆုံးဖြစ်လေ သည်။ ရွေးကောက်ပွဲဆိုသည်မှာ လတ်တလောဖြစ်ပေါ်နေသည့် နိုင်ငံရေးပုံသဏ္ဍန်ဖြစ်၍ အနှစ်သာရမှာကား ဒီမိုကရေစီနိုင်ငံတော် သစ်ပေါ်ထွန်းရေးပင် ဖြစ်လေသည်။

၂။ အမျိုးသားပဋိပက္ခကထာ
မည်သည့်နိုင်ငံရေးအခြေအနေ တင်းမာမှုမျိုးမဆိ်ု ပဋိပက္ခတရားမှန်သမျှသည် “အကျိုးစီးပွားချင်း ဆန့်ကျင်မှု”ဟူသော အချက်ပေါ် တွင်သာ အခြေခံလေ့ရှိသည်ကို လေ့လာတွေ့ရှိရသည်။ လောကတွင် အကျိုးစီးပွားလေးရပ်ရှိရာ

ယင်းတို့မှာ…..
(၁) ပုဂ္ဂလအကျိုးစီးပွား
(၂) လူတန်းစား အကျိုးစီးပွား
(၃) အမျိုးသားအကျိုးစီးပွားနှင့်
(၄) လူသားအကျိုးစီးပွားဟူ၍ဖြစ်သည်။

ဤအကျိုးစီးပွားလေးရပ်တွင် တလောကလုံး (တကမ္ဘာလုံး) နှင့်ဆိုင်သော ယနေ့ လက်ငင်း ပြဿနာနှင့်လည်း မသက်ဆိုင်လှသော၊ လူသားအကျိုးစီးပွားကိုဖယ်ရှားလိုက်လျှင် ကျန်အကျိုးစီးပွားသုံးရပ်ကိုတွေ့ရှိနိုင်သည်။ ယင်း တို့အနက် ပစ္စုပ္ပာန်အခြေအနေအရ ရှေ့တန်းတင်ရမည့် တခုတည်းသောအကျိုးစီးပွားမှာ အမျိုးသားအကျိုးစီးပွားသာဖြစ်ကြောင်း မည်သည့်ပါတီ၊ မည်သည့်အဖွဲ့ အစည်း၊ မည်သည့်ပုဂ္ဂိုလ်မျိုးကမှ ငြင်းချက်ထုတ်မရအောင် အခြေအနေအရပ်ရပ်၏သဘောတရားနှင့် လက်တွေ့အထွေထွေက ညွှန်းဆိုနေလေသည်။ အမှန်ဆိုရလျှင် အမျိုးသားအကျိုးစီးပွားကို အောင်မြင်အောင်တည်ဆောက်နိုင်ပါက ကျန် အကျိုးစီးပွား နှစ်ရပ်မှာ ကျွဲကူးရေပါ ပြည့်စုံပြီး ဖြစ်ပေလိမ့်မည်။

အမျိုးသားအကျိုးစီးပွားကို ခွဲခြင်းစိတ်ဖြာလိုက်လျှင်-
(၁) စီးပွားရေး အကျိုးစီးပွား
(၂) နိုင်ငံရေးအကျိုးစီးပွား ဟူ၍ နှစ်မျိုးတွေ့ရှိနိုင်သည်။

(အမျိုးသားလုံခြုံရေးကိစ္စမှာ ကာကွယ်ရေးကိစ္စဖြစ် ၍အကျိုးစီးပွားကိစ္စမဟုတ်ချေ။ စစ်အေးကာလက အမေရိ­ကန်သည် ဆိုဗီယက် ယူနီယံ၏ ရန်မှကာကွယ်ရန် (လုံခြုံရေး) ကိစ္စကို အမျိုးသားအကျိုးစီးပွားဟု ခံယူကာ၊ အကောင်အထည်ဖော်ခဲ့သဖြင့် စီးပွားရေး အမျိုးသားအကျိုးစီး ပွားကိုတည်ဆောက်ရန် မေ့လျှော့နေခဲ့မိလေရာ၊ ဂျပန်နိုင်ငံ၏ စီးပွားရေးထိုးနှက်မှုဒဏ်ကို အလူးအလဲခံခဲ့ရ လေသည်။)

ဤသို့ဆိုလျှင်….
အမျိုးသားနိုင်ငံတော်သစ် ထူထောင်ရေးတည်းဟူသော အမျိုးသားအကျိုးစီးပွားဖြစ်ထွန်းမှုတွင် တင်းမာမှုတွေပေါ်ပေါက်ရန် သဘော ထား မတိုက်ဆိုင်စရာ မည်သည့်အခြေခံမူများက ကန့်သတ်တားဆီးနေသနည်းဟူသောအချက်မှာ၊ စိတ်ဝင်တစားမေးခွန်းထုတ်စရာ ဖြစ်၍လာ လေသည်။ ပကတိရိုးသားပွင့်လင်းသောအမြင်ဖြင့် ၀န်ခံပြောကြားရမည်ဆိုလျှင်၊ လူတန်းစားအကျိုးစီးပွားနှင့် ပုဂ္ဂလိက အကျိုးစီးပွားတို့ အဟတ်မညီမှုပင်ဖြစ်ကြောင်းတွေ့ရှိရလေသည်။

တရားသေဆန်ကာ ကျဉ်းမြောင်းလွန်းရုံမက ညီညွတ်ရန်ညှိနှိုင်းဖို့လည်း မည်သည့်အခါမှ မဖြစ်မြောက်နိုင်သော ပုဂ္ဂလိကအကျိုး စီးပွား (သို့) အတ္တအကျိုးစီးပွားကို ဖယ်ရှားလိုက်လျှင် လူတန်းစားအကျိုးစီးပွားဆိုသည်မှာ ဖြေရှင်းညှိနှိုင်းရန်ခက်ခဲသော အရာ မဟုတ် ကြောင်း သဘောပေါက်လာပေမည်။ အဘယ့်ကြောင့်ဆိုသော် လူတန်းစားအကျိုးစီးပွားဆိုသည်မှာ အမျိုးသား အကျိုးစီးပွား နှင့် တစ်နည်းတစ်ဖုံ ဆက်စပ်ယှက်နွယ်နေသောကြောင့် ဖြစ်လေသည်။ ထိုအခက်အခဲကို ဖြေရှင်းလိုလျှင် အမျိုးသားအကျိုး စီးပွား နှင့် လူတန်းစားအကျိုးစီးပွားဆိုင်ရာ အညမညသဘောတရားကို သဘောပေါက်ရန်လိုသည်။ ထိုနည်းအတူ အရေးကြီးသည်မှာ ပကတိအ ခြေအနေအရ “လူတန်းစားအကျိုးစီးပွား” ထက် “အမျိုးသားအကျိုးစီးပွား” ကို ရှေ့တန်းတင်ရမည်ဆိုသော၊ လက်ရှိနိုင်ငံ ရေးဝိသေသ လက္ခဏာဖြစ်သည်။ အခြားအကျိုးစီးပွားများကို အမျိုးသားအကျိုးစီးပွား၏ လက်အောက်ခံပြဿနာအဖြစ် သဘောထား နိုင်မည်ဆိုလျှင်၊ အမျိုးသားပဋိပက္ခသည်လည်း မွေးဖွားရင့်မာလာစရာ အကြောင်းမရှိတော့ပါချေ။

၃။ ညီညွတ်ရေးနှင့် ငြိမ်းချမ်းစွာဖြစ်ပေါ်ရေး

မီဒီယာများကို ပုဏ္ဏားတိုင်လုပ်ကာ စကားစစ်ထိုးပွဲ ကျင်းပနေခြင်းဖြင့်သောလည်းကောင်း၊ နိုင်ငံနှင့်လူမျိုးကို မိမိတို့က ပိုချစ်ပါသည် ဟု တစ်ဖက်သတ် အချစ်ပြိုင်ခြင်းဖြင့်သော်ကလည်းကောင်း၊ အမျိုးသားအကျိုးစီးပွားကို တစ်ကယ်တမ်းပီပြင်အောင် တည်ဆောက် နိုင်လိမ့်မည် မဟုတ်ချေ။ ယင်းအချက်ကို ယနေ့လက်တွေ့ရင်ဆိုင်နေရသော အခြေအနေများအရ ထင်ရှားစွာသဘော ပေါက်နိုင် ဖို့လိုလေသည်။ ကျွန်ုပ်တို့အနေဖြင့် ပြည်သူတစ်ရပ်လုံး၏ အပြင်းပြဆုံးလိုအင်ဆန္ဒကို ဆက်လက်လှစ်လျူရှု၍မနေပဲ၊ အရေးကြီးသော အဆုံးအဖြတ်များကို ပေးရန် ဆုံမှတ်ကာလသို့ ရောက်ရှိနေလေပြီ။ နိုင်ငံနှင့်လူမျိုးကောင်းစားရေး (သို့) အမျိုးသားအကျိုးစီးပွားကို ရှေ့ရှုပါသည်ဟု တကြော် ကြော်အော်နေသူအချင်းချင်း၊ အဘယ်ကြောင့် ညီညွတ်ရေးနှင့် ငြိမ်းချမ်းစွာဖြစ်ပေါ်ရေးမူကို မဆုတ်ကိုင် နိုင်ရမည်နည်း။

(၁) ကျွန်ုပ်တို့သည် အမြင်ဟောင်းအစွဲဟောင်းများ၊ သံသယနှင့် အာဃာတများကို တံခွန်ထူမြဲထူကာ တင်းမာမှုများကို အထပ်ထပ်ဆက် လက်ဖန်တီးပြီး ကြီးထွားလာသော အကြပ်အတည်းများကြားထဲတွင် မလူးသာ မလွန့်သာ အခြေအနေကြောင့် ကျွန်ုပ်တို့၏အမျိုးသား နိုင်ငံရေးလှုပ်ရှားမှုကို မိုက်မဲစွာ အနာဂတ်မဲ့ အချုပ်ငြိမ်းခံမည်လော။

(သို့တည်းမဟုတ်)

(၂) တင်းမာမှုလျှော့ပါးရေးလမ်းစဉ်ကို မြန်နိုင်သမျှ မြန်သောနည်းဖြင့်ရှာဖွေကာ နိုင်ငံရေးဘ၀ အသက်တည်မြဲရေးကို အခြေခံ၍ လှုပ် ရှားနိုင်ခွင့်ရသလောက် အတိုင်းအတာအတွင်းလှုပ်ရှားရင်း ရည်မှန်းချက်မပျက် အမျိုးသားရေးပန်းတိုင်သို့ ခရီးဆက်မည်လော။ အဖြေ ရှာရမခက်။ ထိုနည်းလမ်းနှစ်လမ်းအနက် ဒုတိယလမ်းမှာ ကျွန်ုပ်တို့အဖို့ ထူးထူးခြားခြားရွေးစရာမလိုသော လမ်းသာဖြစ်လေ သည်။ တင်းမာမှုမှန်သမျှသည် ထိပ်တိုက်ရင်ဆိုင်ရေးတည်းဟူသော အရပ်ဆီသို့သာ ဦးတည်ရွေ့လျားသောသဘောရှိ၏။ ပြဿနာများကို ဖြေရှင်းရာ၌ ယခုအခါ ကမ္ဘာနိုင်ငံရေးနယ်ပယ်၌ပင် တွင်ကျယ်တော့သော ထိုနည်းကို ဘာအတွက် ဆက်လက် ကိုင်စွဲ နေမည်နည်း။ လက် တွေ့အကျဆုံးလည်းဖြစ်၊ အလိုအပ်ဆုံးလည်းဖြစ် အခြေအနေကလည်း တောင်းဆိုနေသော လက်ငင်း တာဝန်မှာ “တင်းမာမှုလျှော့ပါးရေး” ဖြစ်သည်ဟု ကျွန်ုပ်တို့ အလေးအနက်ယုံကြည်ပေသည်။ ကျွန်ပ်တို့အားလုံး အလိုချင်ဆုံးဖြစ် သော အမျိုးသားညီညွတ်ရေးဆိုသည်မှာ တင်းမာမှုလျှော့ပါးရေးနှင့် အဓိကဆက်နွယ်နေသည်။
အဘယ့်ကြောင့်ဆိုသော် တင်းမာမှုမလျှော့ပါးပဲနှင့် မည်သည့်အမျိုးသားညီညွတ်ရေးကိုမှ တည်ဆောက်၍မရသောကြောင့် ဖြစ်လေသည်။

(၃) တင်းမာမှု လျှော့ပါးရေးလမ်းစဉ် ညီညွတ်ရေး နှင့် ငြိမ်းချမ်းစွာဖြစ်ပေါ်ရေး ကို တွေ့ဆုံဆွေးနွေးမှုဖြင့်သာ စတင်နိုင်ပေမည်။ အဘယ့်ကြောင့်ဆိုသော် တွေ့ဆုံဆွေးနွေးမှုမရှိပဲ အပြန်အလှန်သဘောပေါက်မှုမရှိနိုင်။ အပြန်အလှန်သဘောပေါက်မှုမရှိပဲ တင်းမာမှု မလျှော့ပါးနိုင်။ တင်းမာမှု မလျော့ပါးပဲ ညီညွတ်ရေးကို မတည်ဆောက်နိုင်။ ညီညွတ်ရေးမတည်ဆောက်ပဲ ငြိမ်းချမ်းရေး မဖြစ်ထွန်း နိုင်ဟူသောကြောင့် ဖြစ်လေသည်။

ဒီမိုကရေစီနိုင်ငံတော်သစ် ထူထောင်ရေးတည်းဟူသော တစ်ခုတည်းသော “အမျိုးသားအကျိုးစီးပွား” ကို မည်သည့်အခြေအနေ အရပ်ရပ်ကြောင့်မှ ခွဲခြမ်းစိတ်ဖြာပစ်ဖို့မသင့်လျော် မမှန်ကန်ပါချေ။ ယင်းမှာ လက်တွေ့အကျဆုံး ပကတိတရားဖြစ်သည်။ ဤပကတိ တရားပျက်ပြားပါက မည်သည့်လူတန်းစား၊ မည်သည့်ပါတီအဖွဲ့အစည်း၊ မည်သည့်ပုဂ္ဂိုလ်မှ အကျိုးစီးပွားမဖြစ်ထွန်းနိုင်ကြောင်း တညီတ ညွတ်တည်း သဘောပေါက်ထားရန် လိုအပ်လှပေသည်။ ထို့ကြောင့် အားလုံးအကျိုးရှိနိုင်မည့်နည်းလမ်းမှာ အတူတကွ ပူးတွဲ၍ညှိနှိုင်းဆောင်ရွက်ခြင်းဖြစ်ကြောင်း သံသယမရှိလောက်အောင် ထင်ရှားနေလေသည်။

ယနေ့အခြေအနေအရ အမျိုးသားအကျိုးစီးပွားဆိုသည်မှာ မည်သူမှ ကျောခိုင်းမရသောဘုံအကျိုးစီးပွားဖြစ်လေသည်။ ထို့ကြောင့် အမျိုး သားညီညွတ်ရေးလမ်းစဉ်ကို အလျင်အမြန်ပူးတွဲအကောင်အထည်ဖော်ကြရမည်။ ကျွန်ုပ်တို့ပူးပေါင်းဆောင်ရွက်ရမည့်အရာမှာ ရည်ရွယ် ချက်အားဖြင့်သော်လည်းကောင်း၊ အကျိုးတရားအားဖြင့်သော်လည်းကောင်း၊ နိုင်ငံနှင့်လူမျိုးအတွက် လေးနက်ကြီးကျယ်သည်ဟု ဆိုနိုင် သော်လည်း အတိုင်းအတာ မျက်နှာစာအားဖြင့်မူ မကျယ်ပြန့်လှကြောင်း အကဲခတ်နိုင်ပေသည်။

(က) လက်ရှိတင်းမာမှုများ အလျင်အမြန်လျှော့ပါးရေးအတွက် အလျင်အမြန်တွေ့ဆုံဆွေးနွေးရန်လို အပ်သည်။ အချိန်အကန့်အသတ်၊ ရက်အကန့်သတ်မထားပဲ တွေ့ဆုံညှိနှိုင်းရမည်။ ပြည်သူလူထုတစ်ရပ်လုံး၏ လိုအင်ဆန္ဒကိုဦးထိပ်ထားကာ အပြန်အလှန်လေးစားခြင်း၊ ယုံကြည်စိတ်ချခြင်း၊ သည်းခံစိတ်ရှည်ခြင်း၊ အပြန်အလှန်အလျှော့ပေးခြင်းဖြင့် ဆွေးနွေးရမည်။

(ခ) အမျိုးသားအကျိုးစီးပွားနှင့် လူတန်းစားအကျိုးစီးပွားဆိုင်ရာ အညမညသဘောတရားကို အခြေခံ အဖြစ် မျက်ခြေပြတ်မခံဘဲ ကိုင်စွဲကာ ညှိနှိုင်းအဖြေရှာရမည်။ (အထွေထွေလွတ်ငြိမ်းချမ်းသာခွင့်နှင့် သင်ပုန်းချေရေးဥပဒေ ထုတ်ပြန်သင့်သည်။)

(ဂ) မညီသောအချက်ကို ညီအောင်ညှိနှိုင်းရန် အချိန်ယူကြိုးပမ်းခိုက် ညီသောအချက်များကို စတင်အကောင်အထည်ဖော်ကာ လှုပ်ရှား စေရမည်။

(ဃ) ထိုသို့ အကောင်အထည်ဖော်ရာ၌ သံသယအနည်းဆုံးနှင့် လက်တွေ့လုပ်ဆောင်နိုင်မည်ဖြစ် သော အနိမ့်ဆုံးလုပ်ငန်းစဉ် (Minimum Programme) မှစတင်အခြေခံရမည်။

(င) ထိုမှ တစ်ဆင့်တက်၍ အမြင့်ဆုံးလုပ်ငန်းစဉ် (Maximum Programme) ကိုတိုးတက်၍ ညင်သာ သိမ်မွေ့စွာ ကိုင်တွယ်အကောင် အ ထည်ဖော်ရမည်။

သို့ဖြင့် နိုင်ငံနေပြည်သူတစ်ရပ်လုံး၏လိုအင်ဆန္ဒနှင့် ကိုက်ညီသည့် “မြန်မာနိုင်ငံရေးဘ၀ခြေလှမ်းသစ်” ကို နှစ်ဦးနှစ်ဖက် တက်ညီလက်ညီ လှမ်းကာ သမိုင်းတင်လောက်သော ထွန်းပြောင်သည့်ဂုဏ်မျိုး ရရှိရန် အမြော်အမြင်ကြီးကြီးမားမားဖြင့် ကြိုးပမ်းအကောင်အထည် ဖော်ကြဖို့သာ ရှိပါတော့သည်။

------------------------------------

- ဒေါ်စုကို ဆက်ချစ်ပါရစေ
အောင်မျိုးထွန်း 15,8, 2011။
၁။
ကျွန်တော်က ဒေါ်အောင်ဆန်းစုကြည်ကို မျက်စေ့စုံမှိတ် တောက်လျှောက် ထောက်ခံလာတဲ့သူ ဆိုတော့ အခုတလော မေးခွန်းတစ်ခု လာလာမေးတာ ခံနေရပါတယ်။
“ ဒေါ်အောင်ဆန်းစုကြည်က အစိုးရနဲ့  ပေါင်းလိုက်ပြီလား”
သူတို့ အမေးကို ဌာန်ကရိုဏ်း ကျကျ နိုင်ငံရေး စကားကြီး စကားကျယ်တွေ ရေလဲသုံးပြီး ပြန်ဖြေလိုက်တဲ့အခါ “သြော်.. တူတာ တွဲလုပ် မတူတာ ဘေးဖယ်ထား” ဆိုပြီး ခေါင်းတငြိမ့်ငြိမ့်နဲ့  သူတို့ စဉ်းစားသွားကြပါတယ်။

အစိုးရက ဒေါ်အောင်ဆန်းစုကြည်နဲ့  ပေါင်းလိုက်ပြီလား လို့  မေးတဲ့သူ တစ်ယောက်မှ ထွက်မလာပါဘူး။
အဲဒီလို အပေါက်မျိုးကို မတွေးကြတာလည်း NLD နဲ့  ဒေါ်စုတို့ ကို စစ်အစိုးရက နှစ် ၂၀ ကျော် တရကြမ်း ဖိနှိပ်ခြေမှုန်းခဲ့ လို့  ဘီလူးဟာ မင်းသား မလုပ်တတ်ဘူး ဆိုတဲ့ အမြင်ကြောင့် ဖြစ်ပါတယ်။

တူတဲ့ကိစ္စရပ်တွေထက် မတူညီတဲ့ကိစ္စရပ်တွေကို ကျွန်တော်တို့  ပိုစိတ်ဝင်စားပါတယ်။
အတိုက်အခံဆိုတာ သဘောကွဲလွဲမှုတွေကို ရှာဖွေမွှေနှောက်ပြီး ပြည်သူတွေထံ ချပြပြီး အာဏာရ အစိုးရကို ဝေဖန်တိုက်ခိုက် နေရတာ လေ။ မဟုတ်ရင်တော့ အာဏာရပါတီထဲဝင်ပြီး နိုင်ငံရေးလုပ်ရုံပါဘဲ။

အရိပ်ပါတီ၊ အရိပ်နိုင်ငံရေးဆိုတာ အင်မတန် ရွံရှာစရာပါ။ ကြံ့ဖွံ့ အစိုးရရဲ့  ပြည်ထောင်စုဝန်ကြီးတွေရဲ့  နိုင်ငံရေး လုပ်ကွက်တွေဟာ ခြေလှမ်းသွက်ပြီး တိုင်ပင်ကိုက် လှုပ်ရှားနေတာကို တွေ့ ရတော့ ကျွန်တော်တို့ တွေ ငထူငအ လုပ်နေရင် ကားကနဲ ကျန်ရစ်တော့ မယ့် အခြေအနေတချို့ ကို မြင်လာရပါပြီ။

ဒေါ်စုကို အစိုးရက အခုလိုဆက်ဆံနေတာကို အမေရိကန်အစိုးရရဲ့ ကြိုဆိုတယ်ဆိုတဲ့ စကားတစ်ခွန်းဟာလည်း ကျွန်တော်တို့ ထည့်တွက်ရမယ့်ကိစ္စပါ။

ဒေါ်စုနဲ့  အစိုးရတာဝန်ရှိသူတစ်ဦး တွေ့ ဆုံနေတာကို ဂွမ်းဆီထိ ပီတိဖြစ်နေ တာ မဟုတ်ပါဘူး။
ဒေါ်အောင်ဆန်းစုကြည် မြန်မာပြည်ကို တက်အုပ်ချုပ်ပြီး အစိုးရလုပ်နေတာ ကျွန်တော်တို့  မြင် ချင်နေတာပါ။ ဘယ်စစ်ထွက်ပုဂ္ဂိုလ်မှန်သမျှ ဌာနအသီသီးရဲ့  ၀န်ကြီးနေရာ ယူထားကြတဲ့ အစိုးရအဖွဲ့ မျိုးကို မြင်ဖို့  ကျွန်တော်တို့  ဆန္ဒမရှိပါဘူး။
ဒီလိုမျိုး ဒေါ်အောင်ဆန်းစုကြည်အပေါ် အားမလိုအားမရနဲ့  စိတ်ပျက်ငြီးငြူသံ၊ ရှေ့ မှာ ပေါ်တင်ဆန့် ကျင်သံမျိုး တွေ ဒီ့ ထက်ပိုပြီး ထွက်လာနိုင်စရာရှိပါတယ်။

ရေဒီယိုမီဒီယာတစ်ခုမှာ မွန်လက်နက်ကိုင် အဖွဲ့ ခေါင်းဆောင်တစ်ဦး က ဒေါ်စုကို “ငြိမ်းချမ်းရေးကိစ္စ လက်တွေ့ လုပ်ကြည့်ပါ၊ အဲဒီအခါ မလွယ်မှန်းသိလိမ့်မယ်၊ မရရင် ပြန်လှည့်ခဲ့ပေါ့” လို့  သုံးသပ်လိုက်သံကို ကြားတဲ့အပြင် တချို့ နိုင်ငံရေးဆောင်းပါးနဲ့ ဝေဖန်သူတွေရဲ့  အမြင်မှာလည်း “အပိုတွေ၊ မယုံနဲ့ ၊ စစ်အစိုးရက ရုပ်ရှင်ရိုက်နေတာ၊ ဒေါ်စု ခံသွားရလိမ့်မယ်” ဆိုပြီး မှတ်ချက်ပေး နေကြပါတယ်။

ဒါ..ဒေါ်စုနဲ့  ဦးအောင်ကြည် ၂ ခါဘဲ တွေ့ ရသေးလို့ ၊ သုံးလေးငါးခါများတွေ့ ပြီးလို့  သောင်တင်ရေမကျ၊ ၀ါးတားတား ဆက် ဖြစ်နေဦးမယ်ဆိုရင် ဒီ့ ထက် ဆူညံတဲ့အသံတွေကို ကြားလာရဖို့ ရှိပါတယ်။

နောက်တစ်ပတ်မှာ နေပြည်တော်လွှတ်တော်ကို အချိန်ကိုက် ပြန်စတာဟာ အစိုးရမှာ ရည်ရွယ်ချက် တစ်ပုံတစ် ပင်နဲ့ ပါ။

ပြည်တွင်းပြည်ပက တောင်းဆိုနေကြတဲ့ နိုင်ငံရေးအကျဉ်းသား ၂၀၀၀ ကျော် လွှတ်ပေးရေး၊ လက်နက် ကိုင်တိုင်းရင်းသားအဖွဲ့ တွေနဲ့  တွေ့ ဆုံစကားပြောရေး၊ မြစ်ဆုံရေကာတာ ဆက်မလုပ်ဖို့ နဲ့  ဧရာဝတီမြစ်ထိန်းသိမ်း ရေး စတဲ့ လူပြောသူပြောများလွန်းနေတဲ့ အရေးတကြီး ကိစ္စရပ်တွေကို တစ်ဘက်မှာ ဒေါ်စုကို ကြေညာချက် ထုတ် ချွေးသိပ်ထားပြီး ကြံ့ဖွံ့ အစိုးရရဲ့  နိုင်ငံရေး မောင်းနှင်ရာ နေပြည်တော်လွှတ်တော်ကနေ ဟော့ရှော့ခ်ဖြစ်နေတဲ့ ဒီကိစ္စ ၃ ခုကို မဲဆန္ဒရှင်များအကြိုက်ဆိုပြီး တဖောင်းဖောင်းတဒိန်းဒိန်း ပစ်လွှတ်ဖို့  အလားအလာတွေ့ ရပါတယ်။

ပြည်သူ့ ဆန္ဒကို လွှတ်တော်ကြီးက အကောင်အထည် ဖော်လေသတည်း ဆိုပြီး လွှတ်တော်ထဲက တိုင်းရင်းသား ပါတီတွေ၊ ဒီမိုကရက်တစ်ပါတီတွေနဲ့  အာဏာရပါတီတို့  ရောကြိတ်သမမွှေကြမယ့်သဘောပါ။

ကြံ့ဖွံ့ ပါတီမဟုတ်တဲ့ လွှတ်တော်ထဲက ကျန်အင်းအားစုတွေရဲ့  စွမ်းဆောင်ချက်က ဟောဒီလို အားရစရာပါ ဆိုပြီး လုပ်ပြပါလိမ့်မယ်။

တကယ်တော့ ၂၀၀၈ ဖွဲ့ စည်းပုံဥပဒေနဲ့ စခန်းသွားတဲ့ နေပြည်တော် လွှတ်တော် နိုင်ငံရေးရဲ့  အလုပ်ဖြစ်နေပုံ၊ ရွေးကောက်ပွဲ နိုင်ငံရေးရဲ့  အကျိုးဆက်ကြောင့် နိုင်ငံရေး အကျဉ်းသားတွေ လွတ်ပြီ၊ စစ်ပွဲတွေ ရပ်ပြီ၊ မြစ်ဆုံဆည် တည်ဆောက်ရေး ဆက်မလုပ်ဖြစ်တော့ဘူး.. ဆိုတာကို စစ်အစိုးရရဲ့ ရွေးကောက်ပွဲကို No လုပ်ခဲ့ကြတဲ့ အင်အားစု အားလုံးအပြင် နိုင်ငံတကာကိုပါ မြှူဆွယ် ဖြားယောင်းမယ့် သဘောပါ။

ဒေါ်စုအနေနဲ့  ရွေးကောက်ပွဲအ၀န်းအ၀ိုင်း ထဲ ၀င်ရောက်ဖို့  စဉ်းစားတဲ့အခါ အနည်းငယ်အဖုအထစ်ဖြစ်နေတဲ့ NLD ထဲက သဘောထားတင်းမာတဲ့အုပ်စုနဲ့  လူထုအုံကြွမှုနည်းနဲ့  အစိုးရကို ဖြုတ်ချရမယ်လို့  စဉ်းစားထားကြတဲ့သူတွေကို ဒေါ်စုကိုယ်စား နေပြည်တော်က ဖွဲ့ ဆိုတင်ဆက်ပေးမယ့်ပုံမျိုးလုပ်တာပါ။

ဒေါ်အောင်ဆန်းစုကြည်နဲ့ ဦးအောင်ကြည် ဘာစကားတွေပြောကြသလဲ ကျွန်တော်တို့ မသိရပါဘူး။
ဒေါ်စုက NLD ဗဟိုအစည်းအဝေးမှာ ပြောပြခဲ့တယ်လို့  ကြားရပေမယ့် ဦးဥာဏ်ဝင်းက ဒါကိုလည်း ထုတ်ဖော် မပြောနိုင်ပါလို့  အင်တာဗျူးတစ်ခုမှာ ပြောသွားတာကြောင့် လောလောဆယ်သိဖို့ လမ်းစမရှိတော့ပါဘူး။

အားလုံးဟာ ထိပ်တန်း လျိူ့ ဝှက်ချက်တွေ ဖြစ်နေပါတယ်။
အဖြေတိတိကျကျ မရသေးလို့  ကျွန်မ ပြောလို့ မရသေးဘူးလို့  ဒေါ်စု ပဲခူး ခရီးစဉ်မှာ ပြောသွားတဲ့အတွက် အစိုးရသတင်းစာက ထုတ်ပြန် သလောက်ဘဲ သိကြရဦးမှာပါ။

ဒီလိုမျိုး အထိမ် မ၀ှက်တွေနဲ့  ဆက်သွားးနေမယ်ဆိုရင် အစိုးရနဲ့ ဒေါ်အောင်ဆန်းစုကြည်တို့ ရဲ့  တွေ့ ဆုံမှုအခန်းဆက်ကို လူထု အနေနဲ့  စိတ်အချဉ်ပေါက်လာဖို့  ရှိပါတယ်။ လက်ခုပ်သံတွေ တိုးတိတ်သွားဖို့  ရှိပါတယ်။

ဒေါ်စုနဲ့  NLD ကို အချိုသတ်ထားပြီး အစိုးရအနေနဲ့ တစ်ဘက်မှာ သူတို့ အဓိကထားတဲ့ လွှတ်တော်နိုင်ငံရေးကို အနှောက်အယှက်ကင်းကင်းနဲ့  ရုပ်လုံးကြွလာအောင် အခုအချိန်မှာ ထုဆစ်ပုံဖော်ပါတော့မယ်။

ကျွန်တော်တို့ က ဟိုဘက်ကို ငေးမော၊ ဒီဘက်ကို ထောက်ခံနဲ့  ကျွန်တော်တို့ မကြိုက်တဲ့ ကြံ့ဖွံ့ အစိုးရရဲ့  နူးညံ့တဲ့လက်သီးထိုးချက် တွေကို ထုံပေပေခံရတော့မယ့်ပုံပါဘဲ။
အခုတောင် ကျွန်တော့်ကို မေးနေကြပြီလေ။

ဒေါ်အောင်ဆန်းစုကြည်ကို ကျွန်တော် ဆက်ပြီးထောက်ခံနေဦးမှာပါ။
ကျွန်တော့် နိုင်ငံရေးဖီလင်က ဒေါ်စုဆီ မှာဘဲ ကိန်းဝပ်လျက်ပါ။
ဒီခေတ်နိုင်ငံရေးမှာ ဒေါ်စုက လွဲရင် ထောက်ခံဖို့ ကောင်းတဲ့သူ မတွေ့ သေးလို့  ဒေါ်စုကို ဆက်ချစ်ပါရစေ။

အောင်မျိုးထွန်း 20/8/2011
----------------------------

ရှစ်လေးလုံး အရေးတော်ပုံကြီးရဲ့ရလဒ် (5-8-2011)
မောင်စွမ်းရည်

ဒီနေ့ ကျနော်ပြောချင်တာကတော့ ရှစ်လေးလုံးအရေးတော်ပုံကြီးက ရလိုက်တဲ့ ရလဒ်နဲ့ သင်ခန်းစာတွေအကြောင်းပါပဲ။ ရှစ်လေးလုံး အရေးတော်ပုံကြီးဟာဖြင့် ကျနော်တို့သက်တမ်းမှာဖြင့် အကြီးမားဆုံးအရေးတော်ပုံကြီးပါပဲ။ ကျနော့်ရဲ့အသက်က (၇၀) ကျော်ပါပြီ။ ကျနော်ငယ်စဉ်က ကြားဖူးတဲ့ ၁၃၀၀ ပြည့်အရေးတော်ပုံကြီးဟာ ပထမလွတ်လပ်ရေးတိုက်ပွဲသမိုင်းမှာ အကြီးမားဆုံး ပြည်သူ့အရေး တော်ပုံကြီးဖြစ်သလို၊ ရှစ်လေးလုံးအရေးတော်ပုံကြီးဟာလဲ မျက်မှောက်ခေတ် ဒုတိယလွတ်လပ်ရေးတိုက်ပွဲမှာ အကြီးမားဆုံး အရေး တော်ပုံကြီးပါပဲ။

ပါဝင်ဆင်နွှဲကြတဲ့ ရဟန်းရှင်လူတွေဟာလဲ အရေးတော်ပုံကြီးရဲ့ တကယ့်ပြည်သူ့သူရဲကောင်းတွေပါပဲ။ ဒီအရေးတော်ပုံကြီးမှာ သံဃာတော်တွေနဲ့ ကျောင်းသားတွေအပြင် တောင်သူလယ်သမား စတဲ့ လူထုလူတန်းစား အမျိုးမျိုးနဲ့ မျက်မမြင် ဒုက္ခိတတွေတောင် လမ်းမပေါ်ကို ထွက်ခဲ့ကြတာဆိုတော့ လှည်းနေလှေအောင် မြင်းဇောင်းမကျန် ပါကြလေရဲ့လို့ ပြောနိုင်တာမျိုးမို့ အလွန့်ကို ထူးခြားကြီးကျယ်လှပေတယ်လို့ မုချ မော်ကွန်းထိုးနိုင်ပါတယ်။

ဒါပေမယ့် မိဘပြည်သူတွေရဲ့ ချွေးနဲစာနဲ့ ၀ယ်ယူထားရတဲ့ သေနတ်တွေကို ကိုင်ထားတဲ့ စစ်သားတွေက သူတို့ရဲ့ အထက်က ဗိုလ် တွေရဲ့ အမိန့်အရဆိုပြီး မိုးထောင်မပေစ်ဘဲ ပြည်သူတွေကို တည့်တည့်ချိန်ပြီး ပစ်ခတ်သတ်ဖြတ်ခဲ့ကြတာကြောင်း သွေးချောင်းစီးခဲ့ ရပါတယ်။ ပြီးတော့ နိုင်ငံတော်ကြီးတခုလုံးကို ဒမြတိုက်ပြီး ပြည်သူလူထုရဲ့အာဏာကို စစ်တပ်ကပဲ ပြန်လည်သိမ်းယူသွား ခဲ့ပြန် ပါတယ်။ ဒီလိုဆိုရင် သွေးနဲ့ရင်းခဲ့ရတဲ့ ပြည်သူတွေမှာ ဘာများအကျိုးရလဒ်အဖတ်တင်ကျန်ခဲ့ပါသလဲ။

ပြည်သူတွေရလိုက်တဲ့ ပထမဆုံးအကြီးဆုံးရလဒ်ကတော့ နှစ်ပေါင်း အစိတ်လောက် အုပ်ချုပ်လွှမ်းမိုးလာခဲံတဲ့ စစ်ပါတီ တပါတီ အာဏာ မဆလအစိုးရကို ဘုန်းဘုန်းလဲပြိုချပြီး မပြန်လမ်းကို ပို့လိုက်နိုင်တဲ့ အောင်ပွဲပါပဲ။ ဆက်လက်ပြီးတော့လဲ ပြည်သူလူထုက အာဏာရှင် ဗိုလ်နေ၀င်း၊ ဗိုလ်စိန်လွင်၊ ဗိုလ်မောင်မောင်ဆိုတဲ့ သမတသုံးယောက်လုံးကို နေ့ချင်းညချင်းဆိုသလို ဆက်တိုက်ငြင်းပယ် ဖြုတ်ချပြီး ပြည်သူ က ရွေးကောက်တင်မြှောက်တာ မဟုတ်သမျှ မလိုချင်ဘူးဆိုတာကို ပြောပြနိုင်ခဲ့ကြလို့ ပြည်သူ့ရွေးကောက်ပွဲကြီး တရပ်ကို မဖြစ်မနေ ကျင်းပပေးခဲ့ရတာပါပဲ။ တဆက်တည်းမှာပဲ ဦးတင်ဦး၊ ဦးဝင်းတင်၊ ဒေါ်အောင်ဆန်းစုကြည်၊ မင်းကိုနိုင် အစရှိတဲ့ နယ်ပယ်အမျိုးမျိုးက လူထုခေါင်းဆောင်သစ်တွေကို အများကြီး ရလိုက်တာပါပဲ။ အမျိုးသား ဒီမိုကရေစီ အဖွဲ့ချုပ်ဆိုတဲ့ ပြည်သူ့ပါတီ ကြီးတရပ်ကို မွေးဖွားပေးခဲ့တာပါပဲ။

ဒီနေ့ ပြည်သူ့တာဝန်ကတော့ သွေးနဲ့ ရင်းလို့ရခဲ့တဲ့ ရွေးကောက်ပွဲက ရရှိခဲ့တဲ့ ရလဒ်ကို ပြန်လည်ရရှိအောင် တိုက်ပွဲဝင်ဖို့ပါပဲ။ တိုက်ပွဲ ၀င်ကြရာမှာ အကြမ်းနည်းနဲ့ အနုနည်းနဲ့ဆိုပြီး နှစ်နည်းရှိတဲ့အတိုင်း ဘယ်နည်းကို လက်ခံသုံးစွဲကြမလဲ။ လက်နက်ကိုင် ပုန်ကန်တဲ့ နည်းဆိုတဲ့ အကြမ်းဖက်နည်းကို သုံးကြလို့ ပြည်တွင်းစစ်မီးကြီး လောင်မြိုက်ခဲ့တာ နှစ်ပေါင်း (၆၀) ကျော် ကြာခဲ့ပါပြီ။ ခုအခါ အနုနည်းကို သုံးစွဲခဲ့တာက နှစ်ပေါင်း (၂၀) ကျော်ကြာခဲ့ပါပြီ။ တိုက်ပွဲက မပြီးဆုံးသေးပါဘူး။

 အာဏာရှင်ဖြုတ်ချရေးအောင်ပွဲတွေခံနေကြတာကတော့ တခြိမ်းခြိမ်းပါပဲ။ အာဏာရှင်ဖြုတ်ချရေး အရေးတော်ပုံတွေရဲ့ နိုင်ငံတကာ သင်ခန်းစာတွေကိုယူပြီး ဆက်လက်တိုက်ပွဲဝင်သွားကြရမှာကတော့ ယနေ့သမိုင်းပေးတာဝန်ပါပဲ။ အမှန်တရားဟာ ပြည်သူ့ဘက်မှာ ရှိတာကြောင့် တနေ့မှာ ပြည်သူတွေဘက်က အောင်ပွဲရမှာကတော့ မုချမလွဲပါပဲဆိုတဲ့ စွဲမြဲတဲ့ခံယူချက်နဲ့ ဆက်လက်တိုက်ပွဲဝင် သွားကြပါစို့။

အရေးတော်ပုံအောင်ရမယ်။ ကျနော် မောင်စွမ်းရည်ပါ။

(ဗွီအိုအေ သက်ကြီးစကားအစီအစဉ်)
သြဂုတ် ၄၊ ၂၀၁၁

-----------------------------

- နော်ဝေ အကြမ်းဖက်မှုကြီးနဲ့ သူ့ နောက်ခံ ကောက်ကြောင်း
သန်းတိုးရှိန် -
27/7, 2011။-

နော်ဝေ နိုင်ငံမှာ ဖြစ်တဲ့ အကြမ်းဖက်မှူဟာ ကြားရသူအပေါင်း တုန်လှုပ်စရာ ကောင်းလှပါတယ်။
အဲဒီ သောကြာနေ့ ညနေ (၃) နာရီက တိုက်ခိုက်မှု နှစ်ခု ဆင့်ကဲ ဖြစ်ပွားခဲ့ပြီး အနည်းဆုံး လူ ၁ရ ယောက် ပွဲချင်းပြီး သေဆုံးသွား ပါတယ်။ အော်စလိုမြို့လယ်က အဆောက်အဦမှာ ဗုံးတလုံး ပေါက်ကွဲခဲ့တာကြောင့် လူ ရ-ယောက် သေဆုံးခဲ့ပြီး အတော်များများ ဒဏ်ရာရခဲ့ပါတယ်။ ပေါက်ကွဲမှုကြောင့် အနီးက နာမယ် အကြီးဆုံး သတင်းစာတိုက်နဲ့ ဝန်ကြီးချုပ် ရုံးအပါအဝင် ၊ အစိုးရပိုင် အဆောက် အဦတွေ ပျက်စီးခဲ့ပါတယ်။

နောက်တခုက လက်ရှိအာဏာရ ၀န်ကြီးချုပ်ရဲ့  အလုပ်သမား ပါတီဝင်လူငယ်တွေ ဆွေးနွေးဖို့ စုဝေးလာချိန်မှာ အဲဒီ လူအုပ်ထဲကို ပစ်ခတ်မှု ဖြစ်ပွားခဲ့တာပါ။

မြို့ ပေါ်မှာ ပေါက်ကွဲမှု ဖြစ်ပြီး နောက်နှစ်နာရီလောက် အကြာမှာ အော်စလိုမြို့ မြောက်ဖက် ကျွန်း (Utøye)မှာ အာဏာရပါတီရဲ့ လူငယ်တွေ (ခန့်မှန်းခြေ ၆၀၀ခန့်)စခန်းသွင်း တွေ့ဆုံပွဲ လုပ်နေတဲ့ နေရာမှာ လူတွေ အစုလိုက် အပြုံလိုက်ကြား သေနတ်ပစ်ခတ်မှု ဖြစ်ပွားခဲ့လို့ အနည်းဆုံး လူဆယ်ယောက် ပွဲချင်းပီး သေဆုံးသွားပြီး အတော်များများ ဒဏ်ရာရခဲ့ပါတယ်။

အော်စလိုမြို့လယ်က အဆောက်အဦမှာ ဗုံးပေါက်ကွဲ သေဆုံးသူများအတွက် ဆုတောင်ေးပးနေကြပုံ

အခု နောက်ပိုင်း ထုတ်ပြန်ကြေငြာချက် ကျွန်းပေါ်မှာ သေနတ် အပစ်ခံရလို့ သေရတဲ့သူ ၈၅ ယောက်လို့  သိရပါတယ်။ အခုဆို ဖြစ်ရပ် ၂ ခုပေါင်း သေဆုံးသူ ၉၂ ယောက်ပေါ့။ မျက်မြင် သက်သေ တယောက် ပြောပြချက်အရ လက်နက် အတော်များများနဲ့ ရဲ ဝတ်စုံ ဝတ်ထားတဲ့ လူတယောက်က တွေ့သမျှ မြင်မြင်ကရာကို ပစ်ခတ်ခဲ့တာ ဖြစ်တယ်လို့ ဆိုပါတယ်။

အဲဒီနောက် ကျွန်းပေါ်က ရဲက အဲဒီလူကို ဖမ်းလိုက်တယ်လို့ သိရပါတယ်။
ဒီလူဟာ အသက် ၃၂ နှစ်အရွယ် နော်ဝေနိုင်ငံသား Anders Behring Breivik ဖြစ်တယ်လို့ တရားရေး ဝန်ကြီး Knut Storberget က ပြောပါတယ်။ ဖြစ်စတုန်းကတော့ လူတွေက အစ္စလာမ် အစွန်းရောက်တွေနဲ့ စပ်ဆိုင်နိုင်တယ်လို့  တွက်ဆ ခဲ့ကြပါတယ်။ လက်သည် နော်ဝေ နိုင်ငံသားကို ဖမ်းဆီးရမိလေတော့မှ အထင်နဲ့ အမြင် တခြားစီ ဖြစ်ကုန် ရပါတယ်။

အဖွဲ့ နဲ့ လုပ်တာ ဖြစ်လေမလားဆိုပြီး ခြေရာ ခံလျှက်ရှိနေဆဲပါ။ ( ကျွန်းပေါ်မှာ သေနတ်နဲ့ ပစ်တာ ၂ ယောက်ဖြစ်တယ်။ တယောက် လွတ်နေသေးတယ်ဆိုပြီး ရှာဖွေ နေဆဲပဲလို့ လဲ ကြားနေရပါတယ်။ )

လက်ရှိ အစောပိုင်းတုန်းက ယူဆထားကြသလို အစ္စလာမ္မစ် ဝါဒီတွေရဲ့ လက်ချက် ဖြစ်လေမလားဆိုတဲ့ အချက်ကတော့ နော်ဝေးဟာ နေတိုး အဖွဲ့ဝင် ဖြစ်ပြီး လောလောဆယ် အာဖဂန်နစ္စတန်နဲ့ လစ်ဗျား စစ်ဆင်ရေးတွေ မှာ ပါဝင်နေတာကြောင့်လဲ ဖြစ်ပါတယ်။

တခါ မကြာသေးခင် နှစ်တွေက ဒိန်းမတ် ကာတွန်းဆရာတယောက်က မူဆလင်တွေရဲ့ တမန်တော် မိုဟာမက်ပုံကို ကာတွန်းဆွဲ ပြောင်လှောင်ခဲ့လို့ မူဆလင်တွေ က ဒေါသထွက်ပြီး ခြိမ်းခြောက်မှုတွေနဲ့ ရင်ဆိုင်ခဲ့ရပါတယ်။
အဲဒီ ကာတွန်းတွေကို နော်ဝေး သတင်းစာတချို့ကလဲ ပြန်ပြီး ပုံနှိပ်ဖော်ပြခဲ့တာရှိလို့ အစ္စလာမ် အစွန်း ရောက်တွေက အခု အကြမ်းဖက်မှုကို ကျူးလွန် လေသလားလို့ သံသယ ရှိကြတာပါ။

ဖြစ်ခဲ့တဲ့ အကြမ်းဖက်မှု ၂ ခုဟာ ဆက်စပ်နေတယ်လို့ နော်ဝေး အရာရှိတွေက ပြောပါတယ်။
ဖမ်းမိထားတဲ့ လူတယောက်ထဲကပဲ ၂ ခုစလုံး စီစဉ်ကျူးလွန်ခဲ့ တယ်ဆိုတဲ့ ပြောဆိုမှုတွေလဲ ရှိပါတယ်။
ဒီလူနဲ့ ကြံရာပါတွေ ရှိနေသေးလားဆိုတာ တော့ မသိရသေးပါဘူး။
စနစ်တကျ ကြိုတင်စီစဉ်ဒီတိုက်ခိုက်မှုတွေဟာ စနစ်တကျ စီစဉ်ထား ပုံလဲ ရပါတယ်။


အော်စလိုမြို့လယ်က အဆောက်အဦမှာ ဗုံးပေါက်ကွဲပုံ

မြို့တော် ဗုံးခွဲမှုမှာတော့ အနဲဆုံး ၇ ဦးသေဆုံးတိုက်ခိုက်တဲ့ နေရာတွေကို ကြည့်ရင်လဲ ဝန်ကြီးချုပ်ရုံးနားမှာတခါ၊ နောက် ဝန်ကြီးချုပ် ကိုယ်တိုင် လာ တက်မယ်လို့ သတင်းထွက်နေတဲ့ အာဏာရပါတီရဲ့ လူငယ်တွေ နိုင်ငံရေး ဆွေးနွေးပွဲ လုပ်နေရာ နေရာတွေ ဖြစ်နေ တယ်ဆိုတော့ နိုင်ငံရေးအရ မကြေနပ်မှု အခြေခံနဲ့ တိုက်ခိုက်တယ်လို့ လောလောဆယ် ယူဆစရာ ဖြစ်နေပါတယ်။

ဖမ်းမိထားတဲ့ တရားခံဟာ မူလက အော်စလိုမှာနေတာ ဖြစ်ပေမယ့် လက်ရှိမှာတော့ စာရေးသူတို့ နေတဲ့ မြို့နားက ဟမ်းမားမြို့ မှာ မိခင်နဲ့ အတူနေတယ်လို့ သိရ ပါတယ်။
သူဟာ စိုက်ပျိုးရေး သမား တဦးဖြစ်ပြီး သီးနှံထွက်ကုန်တွေကို အရောင်းဆိုင်ကြီးတွေမှာ လိုက်လံ ပို့ ပေးနေသူ ဖြစ်ပါတယ်။

အသက် ၃၂ နှစ်အရွယ် နော်ဝေနိုင်ငံသား Anders Behring Breivik ဟာ Fremskrittspartiet ပါတီဝင်ပါ။
၁၉၉၇ ကနေ ၂၀၀၆ အထိ ပါတီ ကြေး သွင်းထားပါတယ်။
နော်ဝေ နိုင်ငံမှာ ၂၀ ရာခိုင်နှုန်း ခန့် ဟာ နိုင်ငံခြားသား မုန်းတီးရေး ၀ါဒ ရှိပါတယ်။

လူငယ်တချို့ က ဆိုရင် ဂျာမဏီက ဟစ်တလာ ကို အားကျ ကြတယ်။
နာဇီ ၀ါဒကို လက်ခံပြီး ပြည်ပ နိုင်ငံသားတွေ နော်ဝေမှာအခြေချ နေထိုင်ခွင့်ပေးတာ မလိုလားကြပါဘူး။

ဒါကြောင့် ပြည်ပ နိုင်ငံသား တွေဟာ နော်ဝေ လူမှု ရေးစနစ်နဲ့ အံဝင်ခွင်ကျ ဖြစ်အောင်နေသင့်တယ်။ မဟုတ်ရင် ပြဿ နာ ရှိနိုင်တယ်လို့ စာရေးသူတို့  သက်ကြီးကျောင်းမှာ၂၀၀၈ ခုနှစ်က (၁၀)တန်း တက်စဉ်က လူမှုရေး ဘာသာ သင်တဲ့ ဆရာကြီး စတိုင်းက ရှင်းပြဖူးပါတယ်။
အဲဒီ နိုင်ငံခြားသား မုန်းတီးရေး ထဲမှာ Anders Behring Breivik လဲ အပါအ၀င်ဖြစ်ခဲ့ပါတယ်။

သူ့ ကို နော်ဝေသားတွေက အခုချိန်မှာ အမျိုးသားရေး အစွန်းရောက်သူ လို့  ပြောဆိုနေကြပါတယ်။
သူက သူ့ ဖေ့စ်ဘွတ်မှာ“ မျိုးချစ်စိတ်ပြင်းထန်သူ တဦးရဲ့ စွမ်းရည်အင်အားဟာ သာမန် လူ တသိန်းအားနှင့် ညီကြောင်း သိစေရမည်” လို့ ရေးထား ပါသေးသတဲ့။


၃၂ နှစ်အရွယ် နော်ဝေနိုင်ငံသား Anders Behring Breivik

နော်ဝေ နိုင်ငံမှာ လက်ရှိအခြေအနေအရ ပြောရရင် မြို့ တော် အော်စလိုမှာ ဖောက်ထွင်းမှု။ လူယက်မှု ၊ မူးယစ်ဆေးဝါးရောင်းဝယ်မှု။ ညဘက် အလုပ်ပြန်လာတဲ့ မိန်းကလေးတွေကို မုဒိန်းကျင့်မှု တွေ နေ့စဉ် ဖြစ်နေပါတယ်။
နော်ဝေ လူမျိုးတွေက ဒါ နိုင်ငံခြားသားတွေ များလာလို့ ဖြစ်လာရတာလို့ စွပ်စွဲ ပြောဆိုကြပါတယ်။
နော်ဝေ သတင်းစာတွေကလည်း အော်စလို မြို့ တော်ကြီးမှာ မူဆလင် ဘာသာဝင်အမျိုးသမီးတွေ အနက်ရောင် ၀တ်ရုံရှည်တွေနဲ့ သွားလာနေတာ နော်ဝေ သတင်းစာတွေမှာ မကြာမကြာ ဖော်ပြတာလဲရှိပါတယ်။

ဒီအချက်တွေက လူမျိူးရေး မုန်းတီသူ လူငယ်တွေကို သွေးဆွပေးရာ ဖြစ်စေပါတယ်။
နောက်ပြီး လက်ရှိ ၀န်ကြီးချုပ် တက်လာမှ နိုင်ငံခြားသားတွေ ဒုက္ခသည်အဖြစ် ပိုလက်ခံလာတာရှိပါတယ်။
နိုင်ငံခြားသား အများစုဟာ အာဖရိက၊ ပါကစ္စတန်၊ အာဖဂန်နစ္စတန်၊ အီရန် ၊ အီရတ် စတာတွေက များပါတယ်။ မြန်မာနဲ့  ဗီယက်နမ်က သိပ်မများလှပါဘူး။
အာဖရိက က လာတဲ့ ဆိုမာလီယာ မူဆလင်တွေဆိုရင် ဥာဏ်ရည်နိမ့်ကျလို့  သတ်မှတ်တဲ့ ပညာအရည်အချင်း မရှိလို့ အမျိုးသမီး အများစုဟာ အလုပ်အကိုင်မရရှိဘဲ အစိုးရဆီက လူမှုရေး ထောက်ပန့် ကြေး လျှောက်စားကြတာ များပါတယ်။

ပြီးတော့ သူတို့ဟာ ကလေးကို တနှစ် တယောက်နှုန်းလောက် နီးပါး မွေးပါတယ်။
ကလေး တယောက်မွေးရင် နော်ဝေငွေ ခရိုနာ (၃၅၀၀၀) ရပါတယ်။ မြန်မာငွေနဲ့ ဆိုလက်ရှိငွေလဲနှုန်းအရ သိန်း ၆၀ ကျော် ၀န်းကျင်ခန့် မီးဖွားထောက်ပန့် ကြေးရကြပါတယ်။
ဒီတော့ ကလေး မွေးပြီး စီးပွါးရှားသလား ထင်ရလောက်အောင် ကိုယ်ဝန်ဆောင်ကြ မွေးကြပါတယ်။
ကလေး (၄) ယောက်မွေးပြီးရင် သားကြောဖြတ်ဖို့  ကျန်းမာရေး ဌာနက စီစဉ်တာကိုလဲ ဘာသာရေးအရ ဆန့်ကျင်မှု ဖြစ်တယ် ။ ကျမ်းစာပါ စာသားနဲ့ မညီဘူး ဆိုပြီး သားကြောဖြတ်မှာ ကို လက်မခံကြပါဘူး။

ကလေးမွေးရင် မွေးဖွားခါနီးကနေ မွေးဖွားပြီးသည်အထိ (၈)လ လုံးလုံး အလုပ်မရှိရင် လူမှုရေး ထောက်ပန့် ကြေးငွေ သတ်မှတ်ချက်နဲ့့အညီ အပြည့်ပေးရ ပါတယ်။
ကလေးအတွက်က ၃ နှစ်အထိ နော်ဝေငွေ (၃၅၀၀) လစဉ် ပေးရပါတယ်။ မြန်မာငွေ ၆ သိန်းခန့် ပေါ့လေ။
၃ နှစ်ကျော်ရင်တော့ (၉၇၀) ပဲပေးပါတယ်။ တချို့က မူဆိုးမတို့ တခုလပ်တို့ ဆိုရင် အထူး ထောက်ပန့် ကြေးရတာတယ်။ ကလေး အတွက်လဲ (၃၅၀၀) ဆက်ရတာမိုလို့ ဟန်ဆောင် ကွာရှာရှင်းပြီး ငွေ ပိုရအောင် လုပ်ကြတဲ့ ဒုက္ခ သည်တွေလဲ အများကြီး ရှိပါတယ်။
နေမှာ အကွဲပြ၊ ညမှာ တိတ်ပုန်း လင်မယား ပြန် ဖြစ်ကြပေါ့လေ။

ဒီကြားထဲမှာ ပတ်ဝန်းကျင် ထိန်းသိမ်းရေး ညံ့ဖျင်းပြီး ဖြစ်သလို နေတတ်တဲ့ ဒုက္ခသည် နိုင်ငံခြားသားတွေ ကို အထင်သေးတာ တဖြည်းဖြည်း များလာပါတယ်။
တမင်လုပ်တာ မဟုတ်ပေမယ့် ဆင်းရဲတဲ့ နိုင်ငံက ပါလာတဲ့ အကျင့်ဆိုးတွေ (အမှိုက်စွန့် ပစ်တာ စနစ်မကျမှု၊ အနေအထိုင်၊ အစားအသောက် မသန့် ရှင်းမှု) မပြင်နိုင်ကြလို့  ဖြစ်ရတဲ့ ယဉ်ကျေးမှု ပြဿနာတွေပါ။
နော်ဝေ သားတွေက ဒုက္ခသည် နိုင်ငံခြားသားတွေ များလေလေ ငွေကြေး ထောက်ပန့်မှု ပိုပေးလာရ လေလေ အပြင် ပြဿနာ များလာလေလေ လို့  ယုံကြည်ကြသူတွေလဲ ရှိနေကြပါတယ်။
ဒုက္ခသည်တွေ လက်ခံတာများလို့ မကြေနပ်ကြတဲ့အပြင် လက်ရှိ အစိုးရက နိုင်ငံတကာကို ငွေ သန်းချီ လှူတာတွေ၊ ပြီးတော့ နေတိုး အဖွဲ့အတွက် ငွေထဲ့ဝင် သုံးစွဲရတာတွေ၊ ကလည်း နှစ်စဉ် သန်းချီ သုံးပါတယ်။

လွန်ခဲ့တဲ့ ၂၀၁၀ ခုနှစ်ကလည်း နော်ဝေက အမေရိကန်ဆီက နောက်ဆုံးပေါ် တိုက်လေယာဉ် အစီး (၂၀)ခန့် ကို ဒေါ်လာငွေ ဘီလီယံနဲ့ ချီသုံးစွဲပြီး ၀ယ်လိုက်ာတကို မကျေနပ်ကြတာလဲ ရှိပါသေးတယ်။

အဲသလို သုံးစွဲတဲ့ ငွေတွေကို ကာမိအောင် အတွက် ရေနံနဲ့ ဓါတ်ငွေ့သာ အဓိက ၀င်ငွေ ရှိတဲ့ နော်ဝေ အစိုးရဟာ အခွန် တိုးကောက်တဲ့ နည်းနဲ့ ထွက်ပေါက် ရှာပါတယ်။

အခွန်တွေ တိုးကောက်တော့ စားသောက်ကုန် အပါအ၀င် အထွေထွေ လူသုံးကုန်တွေပါ ဈေးတွေ တက်လာပါတယ်။ အရင်က ၂၀၀၅ မှာတုန်းက မြို့တွင်း လိုင်းကားခ လပေး(၃၀၀) ရှိရာကနေ အခု ၂၀၁၁ မှာ (၄၃၀) ဖြစ်လာပါတယ်။ အိမ်ငှားခ တလ(၄၀၀၀) ရှိရာကနေ အခု (၆၈၀၀) ဖြစ်လာပါတယ်။ စားသောက် ကုန်တွေလည်း အရင်က (၁၀) တန်တဲ့ ပစ္စည်း( ၁၅) အထိ တန်ဘိုး တက်လာပါတယ်။
လီဒဲလ်(Lide) ဆိုတဲ့ ၈ျာမဏီက အရောင်းဆိုင်ကြီးတွေဆိုရင် တိုးကောက်လာတဲ့ အခွန်တွေရယ်၊ ၀န်ထမ်းစရိတ်တွေရယ် မခံနိုင်တော့ တာကြောင့် နော်ဝေ က ထွက်သွား ရပါတယ်။
၈ျာမဏီက လီဒဲလ်(Lide) အရောင်းဆိုင်ကြီးတွေဟာ လက်ရှိ ဆွီဒင်မှာ အများအပြားရှိနေဆဲပါ။

ဆွီဒင်က အခွန်အကောက် နည်းတာကိုး။
လက်ရှိ အခြားသော နိုင်ငံခြား စီးပွါးရေး လုပ်ငန်းတွေလည်း နော်ဝေက ပြန်ထွက်ကုန်လို့ နော်ဝေမှာ အလုပ်လက်မဲ့တွေ တဖြည်းဖြည်း များလာနေပါတယ်။

နော်ဝေ လက်ရှိ ၀န်ကြီးချုပ် Jens Stoltenberg ဂျန်းစ် စတိုလ်တန် ဘာ့ဂ်
လက်ရှိ အာဏာရနေတဲ့ (Arbeidspartiet) အစိုးရက ရွေးကောက်ပွဲမှာ မဲနိုင်လို့ အစိုးရ ဖြစ်နေပေမယ့် ပြည်သူတချို့ ကတော့ တိုင်းပြည်ဝင်ငွေသုံးရုံပဲ သုံးတတ်ပြီး ၊ နိုင်ငံ့စီးပွါးရေး တိုးတက်အောင် မလုပ်တတ်တဲ့သူ၊ လူအခွင့်အရေး နံပါတ်တစ် ဖြစ်ချင်လို့  နိုင်ငံ့ ငွေ ဖြုန်းနေတဲ့သူ။ ကုန်းဈေးနှုန်းတက်ပြီး လူတွေ ကြပ်တည်းအောင် လုပ်တဲ့သူ ဆိုပြီး မုန်းတီး ရွံရှာတဲ့ အသံတွေ ထွက်တာ ကြားနေရပါတယ်။
ခက်တာက လက်ရှိဝန်ကြီးချုပ်ကို မကြိုက်ကြတဲ့ လူတွေက လက်ရှိဝန်ကြီးချုပ်ပါတီက အားကောင်းနေတော့ ငါတို့  မဲမပေးလဲ ဒင်းက နိုင်ဦးမှာပဲလို့  ယုံကြည့်ပီး ဘာလုပ်ရမှန်း မသိ ဖြစ်နေကြပါတယ်။

အဲဒီထွက်ပေါက်ကို အခု အကြမ်းဖက်တဲ့ နည်းနဲ့ ၃၂ နှစ်အရွယ် နော်ဝေနိုင်ငံသား Anders Behring Breivik က လုပ်တာ ဖြစ်မယ်လို့ တွက်ဆ သူတွေ လဲရှိပါတယ်။

ဒါ့အပြင် လှောင်ပြောင် သရော်တဲ့ ဟာသ ပုံပြင်တွေ ဖန်တီးပြောတာ ကြားနေရပါတယ်။
စာရေးသူရဲ့ မိတ်ဆွေ -အငြိမ်းစား ကျောင်းဆရာမကြီး တဦးက ဆိုရင် ဘယ်လို ပြောသလဲ ဆိုတော့ --
တခါက နော်ဝေ ။ဆွီဒင်၊ ဒိန်ဒမတ် နိုင်ငံသားတို့ ပြည်ပ ခရီးစဉ်တခု သွားရင်း ဆုံမိကြပါရောတဲ့။
ဆွီဒင်သားက စပြောတယ်။
`“ ငါတို့ နိုင်ငံမှာ လူတစ်ယောက် ကား တိုက်မှု ဖြစ်ပြီး ခြေထောက်တွေ ဖြတ်လိုက်ရတယ်။ အဲဒီလူကို ငါတို့ အစိုးရက ခြေတုတွေ တပ်ဆင် ကုသပေးလိုက်တာ အပြေးချန်ပီယံ တောင် ဖြစ်နေပြီတဲ့။”
နောက် ဒိန်းမတ် နိုင်ငံသားက ပြောတယ်။
`“ ငါတိူ့  ဆီမှာ လူတယောက် လုပ်ငန်းခွင်မှာ မတော်တဆ လက်တွေ စက်ညပ်ပြီး ဖြတ်လိုက်ရတယ်။ သူ့ ကို ငါတို့  အစိုးရက လက်အတုတွေ တပ်ပြီး ဆေးကုသ ပေးလိုက်တာ အခုဆို ရေကူးချန် ပီယံတောင် ဖြစ်နေပီတဲ့။”
နောက်ဆုံး နော်ဝေ နိုင်ငံသားက ပြောတယ်။ -
“ ငါတို့ ဆီမှာ လူတစ်ယောက် ခုန်ပျံ ဆိုင်ကယ် စတန့် အစီးပြိုင်ပွဲမှာ မတော်တဆ ဖြစ်ပြီး ခေါင်း ဖြတ်လိုက်ရတယ်။ အဲဒါ ဘယ်လို လုပ်ရင်ကောင်းမလဲ ဆရာဝန်ကြီးတွေ စဉ်းစား တိုင်ပင်နေကြတုန်း လူတယောက်ကလာပြီး ဦးခေါင်းနေရာမှာ ဂေါ်ဖီထုပ်ကြီး စွပ်ပေးလိုက်တယ်”
ဒီတော့ ဆွီ ဒင်သားနဲ့  ဒိန်းမတ်သားကတော့ “ မဖြစ်နိုင်တာ - ခေါင်းမရှိမှတော့ သေပြီပေါ့ဟလို့ ” ၀ိုင်း ငြင်းကြ ပြောကြတယ်။
ဒီတော့ နော်ဝေ သားက--
“ အောင်မာ မင်းတို့က ဒို့ နော်ဝေ ကို တယ်အထင်သေးကြ တာကိုး။ သူက မသေတဲ့ အပြင် အခု ဒို့ နိုင်ငံမှာ ၀န်ကြီးချုပ်တောင် ဖြစ်နေသေးတယ်” လို့  ပြောလိုက်သတဲ့။

လူအများထောက်ခံမဲ အများဆုံးရလို့ အစိုးရ ဖြစ်ပေမယ့် နော်ဝေ ဒီမိုကရေစီမှာ ဘယ်လို အားနည်းချက်တွေ ရှိနေမယ်ဆိုရင် ဘယ်လို ဖြစ်နိုင်တယ်ဆိုတာ ရှင်းရှင်း တွေး ကြည့်လိုက်ရင် သဘောပေါက်ကြမယ် ထင်ပါတယ်။
ကြေနပ်မှု မရှိရင် အင်အားဟာ အမှန်တရား ဖြစ်နိုင် မဖြစ်နိုင် လက်ရှိ ဖြစ်စဉ်က နိုင်ငံရေးသမားတွေ အဖို့ ဆင်ခြင် နမူနာ ယူစရာကြီးပါ။
ကိုင်း ဒီတော့ လက်ရှိ ၀န်ကြီးချုပ် (Jens Stoltenberg) ဂျန်းစ် စတိုလ်တန် ဘာ့ဂ်ကို နော်ဝေသား တချို့ က ဘယ်လို သဘော ထား သလဲ ဆိုတာ ခန့် မှန်း တွေးဆ ကြည့်နိုင်ကြပါတယ်။
ဒါပေမယ့် လက်ရှိ ၀န်ကြီးချုပ် Jens Stoltenberg ဂျန်းစ် စတိုလ်တန် ဘာ့ဂ်က ကတော့ ဒီ ဗုံးခွဲမှုနဲ့ သေနတ် ပစ်ခတ် တိုက်ခိုက်မှု တွေ ဟာ ကြောက်မက်ဖွယ် ၊ သူရဲဘော ကြောင်တဲ့ လုပ်ရပ်ဖြစ်ပြီး ဒီမိုကရေစီ ထွန်းကားမှုကို တိုက်ခိုက်တာ ဖြစ်တယ်လို့ ပြောကြား လိုက်ပါတယ်။
ဆောင်းပါးရှင်- သန်းတိုးရှိန်
------------------------

၆၄ နှစ်မြောက်အာဇာနည်နေ့
၁၉၄၇ ဇူလိုင် ၁၉ ရက် နံနက် ၁၀း၃၀ ။ ထိုနေ့သည် မြန်မာပြည် အတွက် ကြီးစွာသော ဆုံးရှုံးမှု ကြီးတစ်ခု ဖြစ် ခဲ့လေသည်..အစည်းအဝေးများ ကျင်းပရာ ၀န်ကြီးများ ရုံးတွင် သေနတ်သံများကြားလိုက်ရပြီးမြန်မာပြည် လွတ် လပ်ရေး ဗိသုကာကြီး ဗိုလ်ချုပ်အောင်ဆန်း နှင့် တကွ ၀န်ကြီးများဖြစ်သော သခင်ြမ ၊ဒီးဒုတ် ဦးဘချို ၊ ဦးရာဇတ် ၊ မန်းဘခိုင်၊ ဦးဘ၀င်း ၊ မန်းဘခိုင် ၊ မိုင်းပွန်စော်ဘွားစ၀်စံထွန်း ၊ဦးအုန်းမောင် ၊ ဦးရာဇတ်၏ သက်တော်စောင့် ရဲဘော် ကိုထွေး တို့ လုပ်ကြံခံခဲ့ရ ပါသည်။
အဲဒီ ဇူလိုင် ၁၉မှာ မြန်မာနိုင်ငံရဲ့ သူရဲကောင်း ပုဂ္ဂိုလ်မွန်တွေ ကျဆုံးခဲ့ပါတယ်။
အဲဒါဟာ... လင်းပလာတော့မယ့် အနာဂတ်နိမိတ်မိုးသောက်ကြယ်ကြီး လွင့်ကြွေတာလည်းဖြစ်ပါတယ်။
အဲဒါဟာ... ဗိုလ်ချုပ် ဦးဆောင်မယ့် ထိပ်တန်းနိုင်ငံတခု ပြိုလဲသွားတာပါ..။
အဲဒါဟာ... ဦးဘ၀င်း ဦးဆောင်မယ့် ယဉ်ကျေးလိမ်မာတဲ့ လူ့အဖွဲ့အစည်းတခု ယိုင်လဲသွားတာပါ...။
အဲဒါဟာ... မန်းဘခိုင် ဦးဆောင်မယ့် ကရင်ဗမာသွေးစည်းရေးကို တွန်းလှဲခံလိုက်တာပါ..။
အဲဒါဟာ... မိုင်းပွန်စော်ဘွားကြီး စ၀်စံထွန်း ဦးဆောင်မယ့် တိုးတက်ထွန်းကားမယ့် တောင်ပေါ်ဒေသကြီးကို အက်ကြောင်းထင်စေခဲ့တာပါ...။
အဲဒါဟာ... ဦးရာဇတ် ဦးဆောင်မယ့် နိုင်ငံတကာအဆင့်မီ တတ်သိလိမ်မာစေမယ့် ပညာရေးစနစ်တခုကို ရိုက်ချိုး ဖျက်ဆီးခံလိုက်ရတာပါ...။
အဲဒါဟာ... ဒီးဒုတ်ဦးဘချို ဦးဆောင်မယ့် စာပေ ဂီတ အနုပညာကောင်းတွေနဲ့ဖွဲ့စည်းတဲ့ ကမ္ဘာ့သမိုင်းဝင် နိုင်
ငံတော်ကြီး ရဲ့ အဆင့်အတန်းကို တိုးတိမ် မှိန်ဖျော့သွား စေခဲ့တာပါ..။

အဲဒါဟာ... သခင်မြ ဦးဆောင်မယ့် သိမ်မွေ့လိမ်မာပြီး ပြတ်သားထက်မြက်တဲ့ သူတွေနဲ့ဖွဲ့စည်းတဲ့ နိုင်ငံရေး လော က တခု အချေမှုန်းခံရတာပါ...။
အဲဒါဟာ... ဦးအုန်းမောင် ဦးဆောင်မယ့် တိုင်းပြည်ကောင်းစားရေး လိုလားတဲ့ ဦးဆောင်သူတွေနဲ့ ဖွဲ့စည်းမယ့် အုပ်ချုပ်ရေး အသိုင်းဝိုင်း တခု အဖြိုဖျက်ခံရတာ...။
အဲဒါဟာ... ရဲဘော်ကိုထွေး ဦးဆောင်မယ့် ခေါင်းဆောင်ကောင်းတွေကို အသက်ပေး စောင့်ရှောက်တတ်တဲ့ စစ်သည်ရဲဘော်တွေရဲ့ အခန်းကဏ္ဍကို ပျောက်ကွယ်သွားစေခဲ့တာပါ..။

ဒီဇူလိုင် ၁၉ ဟာ မြန်မာနိုင်ငံရဲ့ လှပတော့မယ့် အနာဂတ်ကို ပစ်ချခံလိုက်ရတာလို့ဆိုရင်လည်းမှားပါဘူး..ဗိုလ်
ချူပ်တို့မရှိတဲ့နောက်ပိုင်းတိုင်းပြည်ဟာလည်းခုချိန်ထိအောင် ၆၄ နှစ်တိုင်တိုင်အရုဏ်မတက်နိုင်ဘဲရှိနေဆဲပါ...။

ဗိုလ်ချုပ်တို့ကျဆုံးခဲ့တဲ့၁၉၄၇ ဇူလိုင် ၁၉ ရက်နေ့မှာမြန်မာပြည်တစ်ဝှန်းလုံးရှိ ပြည်သူလူထုတို့ ၏ မျက်ဝန်းအိမ် မှ မယုံကြည်နိုင် သော အရိပ်အယောင် နှင့် အံ့သြမှု ၊ ၀မ်းနည်းမှု ၊ မှင်တက်မှု ၊ကြေကွဲမှု တို့ မှ ဖြစ်ပေါ်လာသော မျက်ရည်များကျဆင်းခဲ့ကြရပါ သည်..။

တိုင်းပြည်နှင့် လူမျိုး အကျိုးကို လုပ်ဆောင်နေ ကြသော ခေါင်းဆောင် ကြီး များကို မှ ဦးတည် လုပ်ကြံခဲ့ကြသော လူသတ်သမား တို့ ကို နာကျည်းမုန်းတီးလျက် ဖြေမဆည်နိုင် သော ၀မ်းနည်းမှုများ လူထု တစ်ရပ်လုံး၏စိတ်တွင် ဖြစ်ပေါ်လာစေခဲ့ပါသည်..။

ထိုကြောင့် အာဇာနည် နေ့ထူးနေ့မြတ် ကို ကျွန်တော်တို့အားလုံး မမေ့သင့် ပါ...။

သမိုင်းဟူသည် မည်သည့် နိုင်ငံ ၊ မည်သည့် လူမျိုး အတွက်မဆို မရှိ မဖြစ်သော အကြောင်းအရာ ဖြစ်သည်...။ အာဇာနည်ခေါင်းဆောင် ကြီးများကျဆုံးခဲ့သည်မှာ ယခုဆို လျှင် နှစ်ပေါင်း ၆၄ နှစ်ရှိနေမယ့် ကျွန်တော်တို့အားလုံးရဲ့ ရင်ထဲ၊ နှလုံး သားထဲတွင် ထာဝစဉ် ရှိနေပါသေး သည်...။ တိုင်းပြည်ရဲ့ကျေးဇူးရှင် ဖခင်ကြီးများနှင့် ပတ်သက်ခဲ့သော သမိုင်းအထောက် အထား များ၊ စာပေများ၊ ကဗျာများနှင့် အလွမ်းပြေကြည့်ရှု့ရန် ဓါတ်ပုံများကို လွတ်လပ်စွာအသုံးပြုခွင့်မရတဲ့ပြည်သူ တယောက် အနေဖြင့် အင်မတန်ကိုမှ စိတ်ထိခိုက်ကြေကွဲခံစားမိပါသည်...

တိုင်းပြည်ရဲ့သမိုင်းကြောင်းတွေကို ဘယ်သူတွေ က ဘာရည်ရွယ် ချက် ဖြင့်ဘယ်လောက်ပင်ဖျက်နေ ပါစေ... ဗိုလ်ချုပ်အောင်ဆန်းနှင့်အာဇာနည်ခေါင်ဆောင်ကြီးများကတော့ ကျွန်တော်တို့ရင်ထဲကနေဘယ်တော့ မှပျောက် ကွယ်သွားမှာ မဟုတ်ပါဘူး...ဗိုလ်ချုပ်အောင်ဆန်းနှင့်တကွကျ ဆုံးလေပြီးသောခေါင်းဆောင်ကြီး အားလုံးကို ဤဆောင်းပါးဖြင့်ရိုသေစွာ ဂုဏ်ပြု ရင်း အလေးပြုပါ ၏...။ အာဇာနည်ခေါင်းဆောင်ကြီးအားလုံး ကောင်းရာသုဂတိလားပါစေ....။ ။
 

အောင်ဆန်းဇာနည်
ဖေဖေါ်ဝါရီ ဆယ့်သုံး မှာ
ဗိုလ်ချုပ်မွေးနေ့ပါ
တစ်ထောင့်ကိုးရာတစ်ဆယ့်ငါး
ရှေ့နေ ဦးဖာသား
ဇာတိ နတ်မောက် မကွေးခရိုင်
သိကြများ ခုတိုင်
ကြံ့ကြံ့ခိုင်လို့ ဇာနည်ဘွား
မိခင်ဒေါ်စုသား
တစ်ထောင့်ကိုးရာလေးဆယ့်ခွန်
ပြောင်းကြွ တမလွန်၊
မျက်ရည်သွန်လို့ ဘ၀င်ညှိုး
ဇူလိုင် တစ်ဆယ့်ကိုး
ပြည်ထောင်စုရဲ့ ကျေးဇူးရှင်
ဗိုလ်ချုပ် တို့ဖခင်၊
ကောင်းစေချင်တဲ့ မှာစကား
ငါတို့ မမေ့အား။

( ၀န်ခံချက် ) ။ ။ အာဇာနည်နေ့ဆောင်းပါးများ၊ အင်တာနက်စာမျက်နှာများမှအာဇာနည်နေ့ဂုဏ်ပြုဆောင်း ပါးများအား ကိုးကားပြီး ပြန်လည်ရေးသားတင်ပြပါလည်ခင်ဗျာ.။( ရာဇာထွေး )

------------------------

မတူရင်မတုနဲ့  (၁၀)နှစ်

(အိရွှေစင်ညွန်)
မရေးဘူးလို့ စိတ်ကိုထိမ်းချုပ်ထားပါတယ် ။ ကိုယ်ယုံကြည်တဲ့ခေါင်းဆောင် ကိုစော်ကားနေတဲ့ကိစ္စ သူ့ ရာဇ၀င်နဲ့ သူပဲလေ လို့  ဘာအစဉ်အလာမှ မရှိတဲ့သူရဲ့ တစ်ကျပ် တစ်မတ် တိုက်ကွက်ပဲ ဆိုတာ ကျမ တို့ ကြား သတ် မှတ်ပြီးသားမို့  နေပါစေ လို့ ထား လိုက်တော့မလို့ ပါ ။
ဒါပေမဲ့ ကျမ ပါဝင်တဲ့ အများစု မေး(လ်) ဂရုထဲ ကို ဒီည ကိုလွဏ်းဆွေကိုယ်တိုင်ထပ်ပို့ လာတာတော့သူရဲ့ အဲဒီအမြင်တွေ ကြောင့် ဆူညံပေါက်ကွဲသံတွေနဲ့ အက်ကြောင်း ဖြစ်ခဲ့ရတဲ့ အင်အားတရပ် အဲဒီအင်အားထဲ က သူကိုလက်ခံနိုင်သူလက်ခံ ဒါပေမဲ့ လုံးလုံး လက်မခံနိုင်တဲ့ ကျမ ကိုစော်ကားလိုက်သလို ခံစားရပါတယ်။
ခြေလက်အေးစက်ပြီး လူသတ်ချင်စိတ်တောင်ကျမဖြစ်မိ တယ် ဒါလည်း မောင်လွဏ်းဆွေ ရဲ့ တိုက်ကွက် တခု ဆိုတာ သိကို သိပါ တယ် ဒီတော့လည်း ရဲဘော်တွေကြား ပြောနေကြ စကားလို --- အမုန်းမခံဘူးဟေ့ --ယုန်သူငယ်နှာစေးလိုက်ဦးမယ် -ကွယ်ရာ မှာ ဆဲပြီး တွေ့ ရင် မင်းအဖေ နေကောင်းလား ဆိုတာ အိရွှေစင်ညွန့် တော့ တသက်လုံး မကျင့်သုံးဖူးလို့  ရန်သူ အကြိုက် လိုက်တဲ့ သူတွေ မုန်းချင်မုန်းပါစေ သူတို့ ချစ်တာခင်တာခံနေရရင် ကိုယ်တောင် သိက္ခါ မဲ့သေး လို့ တွေးပြီး ကိုလွဏ်းဆွေ ရေ မတူရင် မတုပါနဲ့ လို့  ပြောပါရစေ --

ကျော်ဖြတ်တာခြင်း ယုံကြည်ချက်ခြင်း ရင်ဆိုင်ကျော်ဖြတ်ခဲ့ရမှုခြင်း တူတဲ့သူတွေသာ ကိုယ်ချင်းစာနားလည်ပေးနိုင် မဲ့အခြေအနေ အရပ်ရပ်မို့  လက်ရှိ ဒေါ်အောင်ဆန်း စုကြည် ရင်ဆိုင်နေရ ကျော်ဖြတ်နေရ လှုတ်ရှားနေရတာကို ကိုယ့်စိတ် ကိုယ့် ခန္တာ ကိုယ့် အသက် နဲ့ ကိုယ်ချင်းစာပြီး ကျမတို့ နားလည်ခံစားနိုင်တယ် ။
ဒေါက်တာလွဏ်းဆွေ ရေးထားတဲ့ အားလုံးပဲဟောင်းနွမ်းလို့  အသစ်က ပြန်စဖို့ ဆိုတဲ့ ရမ်းကားမှုဟာ ဒေါ်အောင်ဆန်းစုကြည်ကို သာမက ရှစ်လေးလုံးအရေးတော်ပုံ ကစတဲ့ တော်လှန်ရေးအင်အားစုကို စော်ကားတာ စမ်းသပ်ကြည့်တာ -သူများ ၀င်ဆန့်  နိုင်မလားဆိုပြီး တိုးကြည့်တာ အသေအချာပါ။ ဒါ့ကြောင့်အယဉ်ကျေးဆုံး စကားလုံး နဲ့ ကျမ တုန့် ပြန်ရမယ်ဆို ရင် ဒူးနေရာဒူး တော်နေရာတော် --တန်ရာတန်ရာ ဝေဖန်ပါလို့ ပြောချင်ပါတယ် ။

ဘာကြောင့် ပြောရလဲ ဆိုရင် ၁၉၈၈ မှာ မောင်လွဏ်းဆွေ ၁၈နှစ် အရွယ်ပါ - ဖြူစင်တဲ့လူငယ်အရွယ်မဟုတ် မခံ တဲ့လူငယ်အရွယ် အဲဒီအရွယ်မှာ - ရှစ်လေးလုံးအရေးတော်ပုံကြီး ဖြစ်တာ -သူ ဘယ်နေရာ မှာ မှမပါခဲ့ပါဘူး ၈၉မှာ ကျမထောင်ထဲရောက်ပြီးပါပြီ မောင်လွဏ်းဆွေ ထက် ကျမ ၂နှစ်ငယ်ပါတယ် ။

၁၉၉၆ မှာ ကျောင်းသားတွေက ကျောင်းသားသမဂ တောင်းဆိုလို့  မီးသတ်ပိုက်နဲ့ ထိုး အမှောင်ချ ရိုက်နှက်ပြီး ထောင်ထဲထဲ့တဲ့ အချိန်မှာ မောင်လွဏ်းဆွေ ဆေးတက္ကသိုလ်မှာပါ --သူဘယ်နေရာမှာ မှမပါ ---ခဲ့ပြန်ပါဘူး။
ကျမထောင်ထပ်ကျပါတယ် ။ ကျမ ၁၀တန်းနဲ့ကျောင်းကရာသက်ပန် ထုတ် လို့  ၁၀တန်းစာမေးပွဲ ကိုအပြင်ကဖြေခဲ့ ရပါတယ် ။
ပြည်ပ ထွက်လာတော့လည်း တော်လှန်ရေးနဲ့ ဘာမှ မစက်ဆက်တဲ့ကိစ္စ နဲ့ ထွက်အလာ မဲဆောက်ဒေသရဲ့ ထုံးစံ အရ ပြည်တွင်းမှာ ကဗျာလေးတစ်ပုဒ်လောက်ပေါက်လည်း တကယ့်စာပေသမားကြီးပမာ ကြိုဆိုနေရာပေးတက်တဲ့ အသိုင်းအ၀န်းတစ်ခု ရှိနေလေတော့ ထမင်းမငတ်ဘူးပေါ့ ထမင်းမငတ်ရာ က ထမင်းဝလာတော့ လူပါးလေးပါဝ ချင်လာတော့တာပါပဲ -

အဲလိုပြောတော့ တော်လှန်ရေးမှာ မပေးဆပ်သူ မပါဝင်သူ က စာပေမဝေဖန်ရဖူးလား လို့ စောဒကတက်စရာရှိပါတယ် ဝေဖန်ရေး ဟာ စော်ကားရေး မဟုတ်ပါဘူး သူ့ အရေးအသားတွေ ဘယ်လိုဖတ်ဖတ် တချို့ ဟာ ဘာသမိုင်း မှမသိ ဘာမှ လက်တွေ့ မကြုံဖူးမတွေ့ ဖူးတာတွေ ဒေါ်အောင်ဆန်းစုကြည်နဲ့ တကွ NLD ရဲ့ ဘယ်လို အကြတ်အ တည်းမျိုးနဲ့ ရင်ဆိုင်လုပ်နေရတာတွေ ဗဟုသုတ (အသိတရား) ဘာမှမရှိပဲရေးထားတော့ လက်တွေ့ ကျော်ဖြတ်ခဲ့ ရတဲ့ ကျမတို့  က ဟားမိတာတွေ ဟာ ဒီကောင် မိုက်ရိုင်းလှချည်လားလို့ သြချရတာတွေ တွေ့ လာရပါတယ်။

တလောကပဲ စာပေနယ်ထဲ က ဆရာစိုးနေလင်း က သူ့ ကို နာမည်မထဲ့ပဲ ဆုံးမခဲ့ပါသေးတယ်။ဘယ်သူ့ ကိုရေးတယ် ဆိုတာ လူမှန်ရင် သူသိပါလိမ့်မယ်။အဲဒီတော့ ကျမမေးချင်တယ် သူ့ ရဲ့ ဒေ၀ဒတ် ဥာဏ် တိုက်ကွက်ကိုထား---

(၁)ထောက်လှန်းရေး နဲ့ လက်နက်ကိုင်တွေ ရှိနေတဲ့ နေရာကို နေ့ စဉ် မျက်နှာချင်းဆိုင် ရင်ဆိုင်ပြီး နိုင်ငံရေးစကား တွေ ပြောဖူးလား --ပြောရဲလား ( ကျမတို့ နှစ်ပေါင်းများစွာ ထောက်လှန်ရေးနဲ့ စိန်ပြေးလိုက်တမ်းကစားသလို ကျင်လည်ခဲ့ရတယ်)

(၂)ရိုက်သတ်မယ် ပစ်သတ်မယ် သိသိ နဲ့ အာဏာပိုင်ရှေ့မှာ စစ်တပ်နားမှာ တရားဟောဖူးသလား
ကျမတို့ ဂွတ်တလိပ်လမ်းဆူံမှာ နှံပါတ်ဒုတ်နဲ့ အရိုက်ခံခဲ့ရတယ်။ စစ်ကားနဲ့ လိုက်တိုက်တာခံခဲ့ရတယ်။

(၃)အသက်သေမယ် ထောင်ထဲ ခုနာရီပိုင်းအတွင်းရောက်မယ်ဆို တာ သိသိကြီးနဲ့ ဆန္ဒပြဖူးသလား

(၄)ယုတ်စွအဆုံး ကိုယ်လုပ်နေတဲ့ စာပေ့ ရေးရာနဲ့ တောင် စစ်အုပ်စုကို ဝေဖန်စာ ရေးဖူးသလား

အဲဒီလို မကျော်ဖြတ်ခဲ့စေဦး မတော်တဆ ခလုပ်တိုက်လို့ တောင် ထောင်ထဲရောက်ဖူးရင် ကျမ အော် မတော် တဆလည်း တော်ပါသေးတယ် လို့ ယူဆပေးလို့ ရပါတယ် ။ အဲဒီလို ပေးဆပ်မှုကလည်းမရှိ ကျော်ဖြတ်ခဲ့တဲ့သမိုင်းကြောင်း ကလည်းမရှိ ပေါ်ပျူလာဖြစ်နိုး နဲ့ ရေးချင်တာကိုရေး ပြောချင်တာကိုပြောနေတာကို အောက်ပိုင်း ပျက်လုံးပျက်တဲ့ လူရွင်တော် ကို ညံ့တဲ့ ပရိတ်သတ်က အူတက်အောင်ရီပြီး အားပေးနေပေမဲ့ အကြားမတော် အမြင်မတော်တာ ကိုဆုံးမဖို့ ကျမတို့ မှာ တာဝန်ရှိပါတယ်။

ကျမတို့ ထောင်ထဲမှာတချို့ ဝါဒါမ တွေ က ကျမတို့ ပုဒ်မနဲ့ လုပ်ရပ်ကြောင့် ရာဇ၀တ်သားတွေနဲ့ ကျမတို့ ကိုသီးခြား ထားပြီး လေး စားမှုတွေ နဲ့ ဆက်ဆံတဲ့အခါ တာတီးဒီ ပုဒ်မနဲ့ ထောင်ကျတဲ့ အကျင့်ပျက်မိန်းကလေးတဦး က ကျမ တို့ ကို ပုခုန်းချင်း ယှဉ်ချင် လာပါတယ်။ကျမတို့ သီးသန့် တိုက်မှာနေ နေရတာကိုက သူတို့ က မိလ္လာချပေးနေရတယ် ဆိုပြီးကျမတို့ ၅ည တွေကြားထဲရန်တိုက် ၅ညတွေစကားကို ၀ါဒါမ တွေကို အ၈င်္လိပ် ခေတ် ပုလိပ်ခွေး လို ဖား--ချွန် အဲလိုတွေလုပ်တော့ ကျမ အဲဒီ့ တာတီးဒီ ကောင်မလေးကို မတူရင်မတုနဲ့  (၁၀) နှစ် ကြိုးစားလိုက်ဦးလို့  ပြောလိုက်ပါတယ် -
- ဒါ ခုချိန်မှာပြန်တွေးမိတော့ ကိုလွဏ်းဆွေ က ၁၀နှစ်လောက်ကြိုး စားပြရင်တောင် ခုလို စိတ်စေတနာညံ့ပုံမျိုးနဲ့  ဒေါ်အောင်ဆန်း စုကြည်မပြောနဲ့ ကျမကိုတောင်ပုခုန်းချင်းယှဉ်လို့ မရဘူး လို့  အတိအလင်းပြောချင်ပါတယ်။
အဲဒီလိုပြောလို့  နောက်မှနိုင်ငံရေးလုပ်တဲ့ သူတွေ ခုမှပါဝင်လာချင်တဲ့သူတွေ ကို အရင့်အရင်လုပ်ခဲ့သူတွေက နှိမ်တယ် ချိုးတယ် သူတို့ လေးတွေ ဘယ်လိုတက်တက်ကြွကြွပါလာနိုင်ပါ့ မလဲ မပြောသင့်ဘူး ဘာညာ --ပြောလာပါမယ် --

စုစုနွေး နဲ့ ဖြူဖြူသင်း က မြန်မာ့ဒီမိုကရေစီအင်အားစုရဲ့ ပြယုတ်တခုဖြစ်လာတာ သူတို့ စိတ်စေတနာနဲ့ ကြိုးစားလုပ် လို့ ပါ ၈၈မျိုး ဆက် ပါလို့ သူတို့ မပြောဘူး ၈၈အရေးတော်ပုံမှာ ဘယ်နေရာဘယ်ဒေါင့်ကရယ်လို့ သူတို့ မပြောဘူး သူတို့ စတင်ဝင်ရောက် လုပ်ကိုင်ကတည်းကို ကာ စေတနာဇော ရှိခဲ့လို့  သူရဲကောင်းမလေးတွေဖြစ်ခဲ့တာပါ ။
ဒါကိုကြည့် ရင် အချိန်ကာလနဲ့ ကျော်ဖြတ်မှု ကရှိဖို့ လိုအပ်ပေမဲ့ စိတ်ရင်းစေတနာ ကလည်းအခရာပါပဲ ။ အကယ်၍သာသူဟာ ဒေါ်အောင်ဆန်းစုကြည် နဲ့  NLD ကို စေတနာ၇ှိတယ် ပြည်သူ အပေါ်လည်းစေတနာမှန်တယ်ဆို ရင် NLD E-mail တွေ ဒေါ်အောင် ဆန်းစုကြည်တိုက်ရိုက် ဖတ်နိုင်မဲ့ NLD- သတင်းပြန်ကြားရေးဌွာနတွေ ရှိပြီးသားပဲ - ထောက်ပြ ဝေဖန် သုံးသပ်ပြီး အားနည်းချက် အားသာချက်ကို ပေးပို့ လို့ ရပါတယ် - တော်လှန်ရေးရှည်ကြာနေလို့ တပ်ဦးပါတီကို အားမလို အားမရ ဖြစ်နေကြ ချိန်မှာ - အချွန်နဲ့ လိုက်မပေးလိုက်တာကို က ညစ်နွန်းတဲ့ ပြယုတ်ပါပဲ ။ နောက်ဆုံးပိုဒ် (ရ) မှာ အဖျားရှုးသွား တာကိုကြည့်ရင် ကိုလွဏ်းဆွေ ကိုယ် တိုင် ဘာ အိုင်ဒီယာမှ မရှိတာအသေအချာပါ ။
ကိုလွဏ်းဆွေ ကို ဆရာမကြီးဆိပ်ကမ်းဒေါ်စန်းစန်း ပင့်ဖိတ်မှု ဆော်သြခေါ်ဆောင်မှုကြောင့်ကျမတို့ နဲ့ ကာလတခု မျက်နှာချင်းဆိုင် ထိုင်ပြီး နိုင်ငံရေးတွေ တိုင်းပြည်နဲ့ ခေါင်းဆောင်တွေရဲ့လိုအပ်ချက်တွေအားနည်းအာသာချက်တွေ ဆွေးနွေးနေကြတာ ကျမတို့ ထက် အစဉ်အလာကြီးတဲ့ နောင်တော်တွေရဲ့ ယူအဆ ရေးရာ ဆွေးနွေးနေမှုတွေ ကို သံယောက်လိုက်အတုခိုးပြီး အဆိုး မြင်ဝါဒနဲ့ ဒီလို ရန်သူ့ အကြိုက် လောဘီ လုပ်နေနိုင်တာကိုက ကျမတို့  ဘက်ရွေးမှားခဲ့တာပါပဲ ။

တရက်မှာ ကျမတို့ ထက်အစဉ်အလာကြီးတဲ့ လက်တွေ့ တိုက်ပွဲဝင်နေတဲ့နောင်တော်တချို့ နဲ့ ကျမစကားပြောဖြစ်ပါတယ်။
တစ်ယောက်က ပြောတယ် ဒီလိုရေးနေတာတို့ တတွေ မှာတာဝန်ရှိတယ်တဲံ့  ကျမ ကလည်းဝင်ပြောလိုက်တယ် ကျမနဲ့ တွဲပြီး အင်တာဗျူးတခုတက်ဖူးတော့ မြန်မာပြည်ထဲက လူတွေက ကျမနဲ့ တစုတည်းလား ဆိုလို့ ကျမအတော်ရှင်းယူ နေရတယ် အကိုတို့ ပြောကြပါဦး လို့ ပြောမိတဲ့အခါ နောက်ထပ်အကိုတစ်ယောက် က ကိုလွဏ်းဆွေကို ပြောလို့ ရမယ် လို့ တွေးတာကို က ခင်ဗျားတို့ အမှားဗျတဲ့ ---ဟာ ဟုတ်တာပေါ့ ဒီလူ က အက်စစ် ဆောင်းပါးမှာထဲ က ကျမ နဲ့  အတော် အတိုက်အခံဖြစ်ခဲ့ရတာပဲ သူက စာပေမူဝါဒလို့ ပြောတယ်ဗျဆိုတော့ ---

စာပေမူဝါဒ ဆိုလို့ အဲဒီ့တုန်း က ကျမအက်စစ်ကိုဖြုတ်ခိုင်းခဲ့တာ ကိုလွဏ်းဆွေ က ဖြုတ်မပေးနိုင်ဘူး ဒါစာပေးအခွင့်အရေး လို့ ဆိုခဲ့ပေ မဲ့  အဲဒီတုန်း က အက်စစ်ဟာ သူမဟုတ်ဘူးငြင်းခဲ့လို့ ကျမမပြောဖြစ်ခဲ့တာတခုပြောပြပါ မယ် ။

နိုက်တင်ဂေး မှာလည်း သူအယ်ဒီတာပဲ -- အဖွဲ့ ဝင်လား အချုပ်လား ကျမသေချာမသိဘူး အဲဒီ့ ဂျာနယ် ကို ၂၀၀၆-၇ လောက်မှာ ကျမ စာမူတွေပို့ ပါတယ် ကျမ စာမူကို ကိုလွဏ်းဆွေ ဆီကျမပို့ ပေးပါတယ် --အရွေးခံရပါတယ် -ထဲ့သွင်း ဖေါ်ပြတာတွေရှိပါတယ် - တနေ့ မှာ ကျမပို့ ထားတဲ့ နိုင်ငံမဲ့ရဲ့မီးဖွါးခြင်း ဆိုတဲ့ ကျမကိုယ်တိုင် မဲဆောက်ဆေးရုံပေါ်မှာ ဗိုက်နာ နေစဉ် ထိုင်း နာ(စ်) တွေရဲ့ပြုမှု ဆက်ဆံပုံတွေ ကျမ ဘေးက ဗိုက်နာလို့ အော်နေသူ ကို ထိုင်းဆေးရုံတာဝန်ကျ နာ(စ်) က ပါးစပ်ကို ပေတံနဲ့ ရိုက်တာတွေ ကို ကျမက မီးဖွါးနိုင်ဖို့ သေမင်းနဲ့ စစ်ခင်းနေချိန်မှာ နိုင်ငံမဲ့ဖြစ်နေတဲ့ကျမတို့ ဘ၀ကို သရုပ်ဖေါ်ထားတဲ့ဆောင်းပါးကို ကိုလွဏ်းဆွေ ဆီ ပို့ ပါတယ် ။

တလလောက်ကြာတော့ ကျမဆောင်းပါးကို သူရွေးချယ် လိုက်တယ် အပြီးသတ်နေပြီမို့ -ပါလာတော့ စာမူခ လာယူပေါ့- စာမူခ က ၃၀၀ ဘတ်ပါ ။။ အဲဒီ့ လို နဲ့ အဲဒီအပတ်ရဲ့ နိုင်တင်ဂေး ဂျာနယ် ထွက်လာပါတယ် ။ အယ်ဒီတာ ကိုလွဏ်းဆွေ ရွေးချယ်ပြီးပြီ ဖြစ်တဲ့ ကျမရဲ့ နိုင်ငံမဲ့ရဲ့မီးဖွါးခြင်း စါမူ ပါမလာပါဘူး ။ ကိုလွဏ်းဆွေ ကို ကျမမေးလိုက်ပါတယ် အဲဒီ့အခါ စာပေရဲ့မူဝါဒ ကို အသက်နဲ့ ကာကွယ်မယ် ဆိုတဲ့ အယ်ဒီတာ ကိုလွဏ်းဆွေ က မရွှေစင်ရဲ့ဆောင်းပါး ကို ဒေါက်တာ စီသီတာမောင် ကဖြုတ်ခိုင်းပါတယ် တဲ့ ဖြုတ်ခိုင်းရ တဲ့အကြောင်းရင်း က ဆေးခန်း ကိုထိခိုက်မှာစိုးလို့ တဲ့ ဘာကြောင့်လဲ ဆိုရင် မဲဆောက်ဆေးရုံပေါ်က မတရားမှု ကို ကျမက ရေးထားလို့ တဲ့လေ ---

ကဲ စာဖတ်ပရိတ်သတ် ဒီလောက်ဆိုစဉ်းစားနိုင်ပါပြီ ဒေါက်တာစင်သီတာမောင် က ဖြုတ် ခိုင်းလို့  အယ်ဒီတာ လွဏ်းဆွေ က ကျမစာမူကို ဖြူတ်ပေးရတယ် ဆိုရင် ဘယ်မှာလဲ စာပေမူဝါဒ - မဲဆောက်လိုဒေသမှာတောင် ဆင်ဆာ ကိုတောင် မကျော်လွားရဲတဲ့ ဒေါက်တာအယ်ဒီတာ တစ်ယောက် က ကျမတို့ တတွေအသက်နဲ့ ဘ၀ နဲ့ အချိန်တွေမြောက်များစွာနဲ့ ပေးဆပ်တိုက်ပွဲ ၀င်နေရတဲ့ တော်လှန်ရေးမှာ ဘာတွေများ ညွန်ကြားချင်ရတာလဲ -ကိုယ်နေရာကိုယ်နေ ပါလို့ ပဲ အဆုံးသတ်ပြောပါရစေ - စာဖတ်ပရိတ်သတ် သတိအထူးထားစေ့ချင်တာက သူ့ ဘလော့ကို လူတွေ ၀ိုင်းကြည့်ဝင်ဆဲ ပွက်လောရိုက်နေတာ ကို သူက တကယ့်ကိုနိုင်ငံရေး လို့ ထင်နေတာမို့  အကုသိုလ်ကင်းဝေးလိုရင် ကိုယ့်အလုပ်တွေ အချိန်မဖင့်စေလိုရင် ကိုလွဏ်းဆွေ ဘလော့ကို မကြည့်ဖြစ်တဲ့ နည်းနဲ့ ရှောင် ဖို့ ကျဉ်ဖို့ ဆန္ဒတူသူတွေ ကိုသာတိုက်တွန်းလိုက်ပါတယ် ။

မည်သူမဆို နာမည်ရင်းနဲ့ ဝေဖန်သုံးသပ်နိုင်ပါတယ် -

(ဒေါက်တာလွဏ်းဆွေသို့ ဝေဖန်စာ ဖြစ်ပါတယ်)
အိရွှေစင်ညွန့် 

--------------------------

စိတ်ကူးနဲ့လက်တွေ့ဘဝ

ဘယ်လိုအကြောင်းအရာမျိုးဘဲ ဖြစ်ဖြစ် စိတ်ကူးနဲ့လက်တွေ့ဘဝ ကွာခြားတယ်ဆိုတဲ့ အကြောင်းကို ပြည်တွင်း ပြည်ပမှာ ရှိနေကြတဲ့ နိုင်ငံရေး သမားများ သိစေရန် အသိပေး ရခြင်းဖြစ်ပါတယ်။

စာရေးသူကိုယ်တိုင် နှစ်ဖက်အနေအထားကို ဆယ်စုနှစ် ကျော်ကျော် သိခဲ့လို့လဲ တဖက်အနေအထားအရ ဒီဖက်ကို မလာကြဖို့ ပြော ချင်ပါတယ်။ တတိယနိုင်ငံတွေကို မုသားတွေသုံးပြီးရောက်သွားကြတဲ့ လူတွေ ဒီပဲယင်းကစခဲ့တယ်။ သံဃာတော်များဦးဆောင်တဲ့ ရွှေဝါရောင် တော်လှန်ရေး မှာတော့ တကယ် ကိုယ်ကျိုး စွန့်ခဲ့သူတွေရှိခဲ့ပါတယ်။ UNHC ကအားခြင်း တတိယနိုင်ငံတွေကိုပို့ပေး လိုက်တယ်။ အဲ့ဒီအချိန်မှာ ပြည်တွင်းကို ဆက်သွယ်ကာ ဝင်လာမစဲ တသဲသဲ ဖြစ်ပြီး သံဃာအရေးအခင်း စာအုပ်တွေ အလွတ်ကျက် ဖြေတဲ့ သူတော်တော်များများ စာမေးပွဲအောင်ကြသတဲ့ ။ (ပြည်တွင်းမှာသေဆုံးသွားကြတဲ့လူတွေကို)တချက်လောက်ငဲ့ကြည့်ပါအုံး။

၂၀၀၀ပြည့်နှစ်လောက် ကတည်းက နယ်စပ်မှာ ရှိနေကြတဲ့ (သစ္စာရှိတဲ့) နိုင်ငံရေးသမားတချို့ အကြောင်းပြောပြချင်ပါတယ်။ အဲ့ဒီအချိန်က ထိုင်းနယ်စပ်မှာ လက်မှတ်မရှိရင် အပြင်မထွက်ဝံ့အောင် ဖမ်းပါတယ်။ အဖွဲ့ဝင် လူကြီးတချို့မှာသာ လက်ကိုင်ဖုန်းနဲ့ လက်မှတ်ရှိတယ်။၂၀၀၃ခုနှစ်ကုန်ခါနီးမှာတောတွင်းနေ အဖွဲ့ပေါင်းစုံ ကလည်း မြို့ပေါ်တက်လာကြတော့ UNHCR ကပေးတဲ့ လက်မှတ်နဲ့နေကြရတယ်။

အဲ့ဒီတုံးကUNကတတိယနိုင်ငံကိုထွက်ကြဖို့ပြောပေမဲ့ ဒီမိုကရေစီ ရရင် ကိုယ့်တိုင်းပြည်ကိုယ်ပြန်မယ်ဆိုပြီး မဖြစ် ဖြစ်တဲ့နည်းနဲ့ တွယ်ကပ်နေကြတယ်။ တခါတရံလဲ လက်မှတ်ရှိလျက် အဖမ်းခံရတာမျိုးလဲရှိတယ်။ နိုင်ငံရေးအဖွဲ့ဝင် ဆိုတာ လက်ချိုးရေလို့ ရတဲ့ အနေအထား မှာရှိပါသေးတယ်။ UNHCR ကသာ နေထိုင်ခွင့်လက်မှတ်မပေးခဲ့ရင် အင်းစိန်ထောင်ပြည့်လောက်ပါပြီ။

(မှတ်ချက်)လူကြီးမိန်းမတချို့မှာ နေထိုင်ခွင့်လက်မှတ် ကိုင်ဆောင်ထားပါတယ် ။ မြန်မာပြည်ကျန်နေတဲ့ မိသားစုတွေလဲ ချမ်းသာ ကုန်ကြတယ်။ သူတို့နဲ့ပတ်သက်တဲ့ တစ်ဆွေလုံးတစ်မျိုးလုံး နိုင်ငံခြားကိုရောက်ကုန်ကြတယ်။

အဲ့ဒါ….တစ်မျိုးသားလုံးရှင်သန်ထက်မြက်ရေးနဲ့ အမျိုးဂုဏ်ဇာတိဂုဏ် မြင့်မား ရေး ဆိုတဲ့ (နအဖ)ရဲ့ဆောင်ပုဒ် ကိုလက်ကိုင်ထားတဲ့ နိုင်ငံရေးသမားများဖြစ်ပါတယ်။

ဒါကြောင့်….
ပြည်တွင်းက အကြောင်းအမျိုးမျိုးကြောင့်ထွက်လာချင်သူများကို ပြောလိုက်ပါရစေ။

ပြည်တွင်းမှာ တကယ်နေလိုမရလို့ ထွက်လာတဲ့သူတွေ ရှိခဲ့ပါတယ်။ မဟုတ်မခံသူဆိုမြို့ပေါ်မှာ နေခွင့်မရပါဘူး။ တောထဲပို့ခံရတာပါဘဲ ပြန်လို့လဲ မရတော့ တချို့ဆို ပြန်သွားလို့ အဖမ်းခံရတာတွေရှိခဲ့ပါတယ်။ အစည်းအဝေးတစ်ခုမှာ ပြည်တွင်းက ရောက်လာကြတဲ့ နိုင်ငံရေးသမားအသစ်တွေကို နယ်စပ်မှာအရင်ရောက်နေတဲ့ (တာဝန်ခံ)ယောက်က အဖွဲ့ဝင်တယောက် ဖြစ်ဖို့(၆) လစောင့်ကြည့်ရအုံးမယ်တဲ့။

နောက်ဆုံးပြောလိုက်တဲ့ စကားတခွန်းကတော့ “ဒေါ်အောင်ဆန်းစုကြည် ဆိုရင်တောင် စောင့်ကြည့် ရအုံးမယ်”လို့ ကြီးကြီး ကျယ် ကျယ် ပြောသွားတဲ့သူတွေက အခု လက်မှတ်မျိုးစုံ ကိုင်ဆောင်ထားတဲ့သူတွေ နဲ့ နေရာပျောက်လို့ နိုင်ငံခြား ထွက်သွားကြတဲ့ သူ တွေလဲရှိပါတယ်။

မမှန်တဲ့သူတွေ နောက်ဆုတ်ပြီး မှန်တဲ့သူတွေရှေ့တက်ဖြစ်နေကြပြီဆိုတာ ပြည်တွင်းမှာရှိတဲ့ သူများ သိစေချင်လွန်းလို့ ရင်ဖွင့်လိုက် ရပါတယ်။တကယ်လို့လာချင်ရင် အောက်ပါအချက်တွေ လေ့လာစဉ်းစားပါ လို့ပြောချင်တယ်။

(၁)မိဘ၊ညီအစ်ကို၊မောင်နှမ နိုင်ငံခြားရောက်နေပြီလား

(၂)စပွန်ဆာတောင့်ရဲ့လား

(၃)တောထဲက ဒုက္ခသည်စခန်းမှာ(၅)နှစ်လောက်စောင့်ရင်းစားဖို့ငွေရှိရဲ့လား….

နိုင်ငံခြားက အပေါင်းအသင်းတွေရဲ့ ဓါတ်ပုံတွေကြည့်ပြီး စိတ်ကူးမလွဲဖို့နဲ့ နိုင်ငံခြားထွက်ဖို့ ခက်ခဲကြောင်း ပြောလိုက်ပါရစေ။
စကားပုံ ရိုင်းသွားရင် စာဖတ်သူများကို တောင်းပန်ပါတယ်။
အိမ်ထောင်ပြု ဖူးသူက မပြုရသေးတဲ့သူကို အိမ်ထောင် မပြုပါနဲ့တဲ့ အဲ့ဒီစကားလိုဘဲ လက်တွေ့ ကြုံဖူးချင်ရင် လာခဲ့ကြပါ ။

( ကိုယ်တွေ့ကြုံဖူးသူမို့ ကိုယ်ချင်းစာတရားလက်ကိုင်ထားပြီး တင်ပြပေးလိုက်တာပါ။)
အကျဉ်းသူဟောင်းတစ်ဦး

-------------------------

ဒေါ်အောင်ဆန်းစုကြည်ဟာ ခေါင်းဆောင်ကတိပျက်ခဲ့သလား

“အားလုံးပဲ ဟောင်းနွမ်းလွန်းလို့ အသစ်က ပြန်စကြစို့” ဆောင်းပါးနှင့် သက်ဆိုင်သည့် “လူထုနဲ့ ဒေါ်အောင်ဆန်းစုကြည်” အစီအစဉ်မှ အမေးအဖြေတခု လုပ်တာ တွေ့ လို့ အမှား အမှန် ဆင်ခြင် နိုင်အောင်ဖော်ပြ လိုက်ပါတယ်။(သူရိယ)
-------------------------
ဒေါက်တာလွဏ်းဆွေ ဆောင်းပါးထဲမှ ရေးသားချက်များပါ အာဇာနည်နေ့ ချီတက်ပွဲအစီအစဉ်နှင့် ပတ်သက်၍ …

“ဒီလို အပိုင်ဂိုးသွင်းခွင့် နှစ်ကြိမ် ထပ်မံဆုံးရှုံးရတာဟာ တနည်းအားဖြင့်ဆိုရင် ဒေါ်အောင်ဆန်းစုကြည် လူ ပေါင်းမှားခဲ့တာနဲ့ ဆိုင်တယ်လို့လည်း သွယ်ဝိုက်ပြောလို့ရတယ်။

သို့သော်လည်းပဲ လူပေါင်းမှားရကောင်းလားဆိုပြီး ဒေါ်အောင်ဆန်းစုကြည်ကို အပြစ်ဖို့ချင်လို့တော့ မဖြစ်ချေ ဘူး။ “တိုင်းပြည်ရဲ့ ကံကြမ္မာကိုက ဆိုးလွန်းလှပါတယ်ကွယ်” လို့ပဲ ငိုချင်းချရမယ့် အနေအထားပေါ့။ ဘာဖြစ် လို့လဲဆိုတော့ ဒေါ်အောင်ဆန်းစုကြည် ကိုယ်တိုင်ကလည်း မြန်မာနိုင်ငံကို ပြန်ပြီး နိုင်ငံရေးလုပ်မယ်ဆိုတဲ့ ရည်ရွယ်ချက်နဲ့ ပြင်ပြင်ဆင်ဆင်လုပ်ပြီး လာတာမှ မဟုတ်တာ။ ကျန်းမာရေးမကောင်းတဲ့ မိခင်ကို ပြုစုစောင့် ရှောက်ဖို့ ပြန်လာတုန်း ၈၈ အရေးတော်ပုံကြီးနဲ့ တည့်တည့်တိုးပြီး အခြေအနေ၊ အချိန် အခါရဲ့ တောင်းဆိုချက် အရ နိုင်ငံရေးလောကထဲ ဗြုန်းစားကြီး ခုန်ဆင်းလာတာဆိုတော့ သူ့နားလာကပ်တဲ့ ဘောင်းဘီချွတ်တွေဆို တာ ဘယ်သူဘယ်ဝါတွေမှန်း သေသေချာချာ လေ့လာချိန်မရလိုက်ဘဲ NLD ကို ဖွဲ့ခဲ့ရတာကိုး။

တနည်းပြောရရင် ဒေါ်အောင်ဆန်းစုကြည်ဟာ ကွင်းထဲကို အသင်းခေါင်းဆောင်လက်ပတ် ပတ်ပြီး ၀ုန်းကနဲ ပြေးဝင်လာပေမယ့် ကိုယ်နဲ့ တွဲကစားရမယ့် လူတွေရဲ့ အထာနဲ့ ခြေကို ကောင်းကောင်းမသိတော့ ကစားလို့ အတွဲမမိနိုင် ဖြစ်ရတော့တာပေါ့ (ဒေါ်အောင် ဆန်းစုကြည်ကိုယ်တိုင် ဘောလုံးကစားတတ်လား၊ မကစားတတ် ဘူးလား ဆိုတာကိုလည်း အဲဒီအချိန်တုန်းက ကျနော်ကိုယ်တိုင် မသိခဲ့ရိုးအမှန်ပါ။ “ဒို့ဗိုလ်ချုပ်သမီးကွ” ဆိုပြီး တော့ပဲ ၀မ်းသာအားရ စောင့်ကြည့်အားပေးခဲ့တာပါ)။ အတွဲမမိတာ ဘယ်မှာ စ,ပေါ် လဲဆိုတော့ ၁၉၈၉ အာ ဇာနည်နေ့ချီတက်ပွဲလုပ်ဖို့ အခြေအတင်ဆွေးနွေးရာမှာ စ,ပေါ်တော့တာပဲ (ဒါကလည်း အပြင်ကို ပေါက် ထွက် လာတဲ့ ခိုးဖမ်းထားတဲ့ အစည်းအဝေးတိတ်ခွေကို အသိတယောက်ဆီကတဆင့် နားထောင်လိုက်ရလို့ သိတာ ပါ)။ ခါးမှာသေနတ်မရှိတော့တဲ့ အဲဒီဘောင်းဘီချွတ်ကြီးတွေက ကြောက်စရာရှိရင် သာမာန်ပြည်သူတွေထက် ပိုကြောက်တတ် တယ် ဆိုတာကို ဒေါ်အောင်ဆန်းစုကြည် သိခဲ့ပုံမရဘူးလို့ထင်မိရဲ့။

အဲဒီလိုနဲ့ အာဇာနည်နေ့ ချီတက်ဖို့ အကြိတ်အနယ် ငြင်းခုံဆွေးနွေးရင်း ချီတက်မယ်ဆိုတဲ့ ဒေါ်အောင်ဆန်းစု ကြည်က တဘက်၊ န၀တစစ်အုပ်စုက ခြောက်လှန့်အင်အားပြနေတာကို ကြောက်ဒူးတုန်နေကြတဲ့ ဘောင်းဘီ ချွတ်ကြီးတွေက တဘက် ဖြစ်ကုန်တယ် (အသံတိတ်ခွေကို နားထောင်ရတာမို့ အဲဒီဆွေးနွေးပွဲမှာ ပုဂ္ဂိုလ်ရေး အရ ကျနော် လေးစားသမှုရှိတဲ့ ဗိုလ်ချုပ်ကြီးဟောင်း တင်ဦး ပါမပါတော့ သေချာမမှတ်မိတော့ပါ။

ပါတယ်ဆို ရင်လည်း အဲဒီတုန်းက ဒေါ်အောင်ဆန်းစုကြည် ပြောလိုက်တဲ့ “အန်ကယ်တို့ ဒီလောက်ကြောက်တတ်ရင် ထ မီ ၀တ်ထားကြ” ဆိုတဲ့ စကားအတွက် မျက်နှာပူစရာ။ ဗိုလ်ချုပ်ကြီးဟောင်း တင်ဦးနဲ့ ပတ်သက်လို့ လည်း ဦးနု အစိုးရကြေညာချိန်မှာ ကာကွယ်ရေးဝန်ကြီးနေရာ ပေးထားတာကို ၀န်ကြီးအဖွဲ့ထဲကနေ အရင်ဆုံး နှုတ်ထွက် သွားတယ်လို့ ကြားရတော့ ကြောက်တတ်လို့ နှုတ်ထွက်သွားများတာလားဆိုပြီး ကျနော် စိတ်မကောင်းဖြစ်ရ ဖူးတယ်)။ အဲဒီအစည်းအဝေးမှာ ဘောင်းဘီချွတ်တွေက ဒေါ်အောင် ဆန်းစုကြည်ကို “ငယ်သေးတယ် ကလေး ရယ် စားကြိုးစားဦးကွယ်၊ စစ်တပ်အကြောင်း ညည်းကလေး ဘာမှမသိသေးပါဘူး” ဆိုတဲ့ ခပ်ထေ့ထေ့ ရယ် သံမျိုးနဲ့ ၀ိုင်းဟားနေကြတဲ့ အသံတွေကို ကျနော့်နားထဲ အခုထိ ကြားယောင်နေတုန်း။

အဲဒီမှာတင် အာဇာနည်နေ့ ချီတက်ပွဲကို နီးမှ ကပ်ဖျက်လိုက်တော့ စောင့်စားနေတဲ့ အန်အယ်လ်ဒီသစ္စာခံ နောက်လိုက်နောက်ပါတွေ ဒုက္ခလှလှ တွေ့ကုန်တော့တာပေါ့။ ပြေးသူပြေး၊ အဖမ်းခံရသူခံရ၊ ထောင်ထဲဝင်သူ ၀င်ရနဲ့ ဘ၀ပျက်ကုန်ကြတော့တာပေါ့။ ဒေါ်အောင်ဆန်းစုကြည်လည်း ချီတက်မယ်လို့ကြေညာထားတဲ့ ‘ခေါင်း ဆောင်ကတိ’ မတည်သလို ဖြစ်တာပေါ့။ အဲဒီနောက်ပိုင်းမှာ န၀တစစ်အုပ်စုက ဒေါ်အောင်ဆန်းစုကြည်ကို နေ အိမ်အကျယ်ချုပ်နဲ့ ထိန်းသိမ်းလိုက်ပြီး တတ်သိပညာရှင်အုပ်စုက လူတွေ တော် တော်များများကိုလည်း အ ကြောင်းအမျိုးမျိုးပြ ဆွဲစေ့လိုက်လေတော့ ကြောက်တတ်တဲ့ ဘောင်းဘီချွတ် ဗဟိုကော်မတီဝင် ကြီး များက သာ အန်အယ်လ်ဒီကို ဦးဆောင်ခြယ်လှယ်ခွင့်ရခဲ့တော့တယ်။” (ဆောင်းပါး - အပိုင်း ၂ မှ …)

---------------------
ဆောင်းပါးထဲမှ ရေးသားချက်များ ပါအချက်များနှင့်ပတ်သက်၍ ဒေါ်အောင်ဆန်းစု ကြည် အဖြေစကား

ကိုလှနိုင် ။ ။ ကျနော်ကတော့ ထိုင်းနိုင်ငံကို ရောက်နေတဲ့ ရွှေ့ပြောင်းလုပ်သားတဦးပါ။ ဒေါ်အောင်ဆန်းစု ကြည်လည်း ပုဂ္ဂိုလ်ရေးရာ အရရော တကယ်လေးစားမှုအရရော ယုံကြည်လေးစားတဲ့သူတယောက်ပါ။ အခု အင်တာနက်အွန်လိုင်းမှာ ဒေါ်အောင်ဆန်းစုကြည်နဲ့ အန်အယ်လ်ဒီကို ဒေါက်တာလွဏ်းဆွေက ဆောင်းပါး ရေးပြီးတော့ (တိုက်ခိုက်တဲ့ ဆောင်းပါးလို့ပဲ ပြောရမှာပေါ့) … ဒေါက်တာလွဏ်းဆွေ ရေးထားတဲ့အထဲမှာ ဒေါ် အောင်ဆန်းစုကြည်ဟာ ခေါင်းဆောင်ကတိပျက်ခဲ့တယ် ဆိုတဲ့ဟာလေးတခု ပါပါတယ်။ အဲဒါနဲ့ ပတ်သက်ပြီး တော့ ဒေါ်အောင်ဆန်းစုကြည်ကို ကျနော် မေးချင်ပါတယ်။

၁၉၈၉ ခုနှစ် အာဇာနည်နေ့ချီတက်ပွဲမှာ ဒေါ်အောင်ဆန်းစုကြည်က အာဇာနည်ကုန်းကို အန်အယ်လ်ဒီအဖွဲ့ဝင် တွေတက်ရောက်မယ် အလေးပြုမယ်ဆိုလို့ ဒီအဖွဲ့ဝင်တွေဟာ ဒေါ်အောင်ဆန်းစုကြည်ရဲ့ ကတိစကားကြောင့် အားလုံးတက်ရောက်ခဲ့ကြတယ်။ အဲဒီအချိန်မှာပဲ အာဇာနည်နေ့ချီတက်ပွဲနားနီးကာမှ ကပ်ပြီးတော့ ဖျက်လိုက် တဲ့အတွက် အန်အယ်လ်ဒီသစ္စာခံ နောက်ပါတွေဟာ ဒုက္ခလှလှ တွေ့ခဲ့ကြရပါတယ်။ ပြေးသူပြေး၊ အဖမ်းခံရသူ ခံရ၊ ထောင်ဝင်ရသူဝင်ရနဲ့ ဘ၀တွေပျက်ကုန်ကြပါတော့တယ်တဲ့ ဆိုပြီး တော့ ဒေါက်တာလွဏ်းဆွေက ရေး ထားပါတယ်။ အဲဒါကြောင့် ဒီလိုခေါင်းဆောင်မှုကတိ ဖောက်ဖျက်ခဲ့တဲ့အတွက် ဒီနောက် လိုက် နောက်ပါတွေ ဟာ ဒုက္ခရောက်ကြရတယ်ဆိုတဲ့အပေါ်မှာ ဒေါ်အောင်ဆန်းစုကြည် ဘယ်လိုအဖြေပေးလိုပါသလဲ။

ဒေါ်အောင်ဆန်းစုကြည် ။ ။ တထောင့်ကိုးရာနဲ့ ရှစ်ဆယ်နဲ့ကိုးခုနှစ် အာဇာနည်နေ့နဲ့ ပတ်သက်လို့ အာဇာနည် ကုန်းကို ချီတက်ရေး အစီအစဉ်ကို ကျမကိုယ်တိုင် တာဝန်ယူပြီး ပယ်ဖျက်ခဲ့တာဖြစ်ပါတယ်။ အစီအစဉ်ပြောင်း သင့်လို့ ပြောင်းခဲ့တာပါ။ အကျိုးဆက်တွေကိုလည်း တာဝန်ယူပါတယ်။ အစီအစဉ် ပြောင်းတာကို မသိလို့ပဲ လား၊ လက်မခံလို့ပဲလား သွားခဲ့တဲ့သူတွေထဲမှာ ဘ၀ပျက်ခဲ့ကြတယ် ဆိုတာကိုတော့ မကြားခဲ့ပါဘူး။ ကျမ သိ သလောက်တော့ ချီတက်တဲ့သူတွေထဲမှာ နှစ်ရှည်ထောင်ဒဏ် ကျတာ တောင်မှ မရှိခဲ့ပါဘူး။ အစီအစဉ် ပြောင်း လဲကြောင်း စာရွက်ဝေတဲ့ အမျိုးသမီး (၃) ယောက်တော့ (၃) နှစ် အကျဉ်းကျခဲ့ ပါတယ်။ ချီတက်ပွဲကို မတက် တဲ့သူတွေလည်း အဲဒီအချိန်မှာ တော်တော်များများ အကျဉ်းကျခဲ့ပါတယ်။ ဒါက န၀တရဲ့အစီအစဉ်အရပါ။ ကျ မတို့ရဲ့ အာဇာနည်ကုန်းအစီအစဉ်နဲ့ ဘာမှမဆိုင်ပါဘူး။

အာရ်အက်ဖ်အေမှ အသံလွှင့်ကောက်နုတ်ချက်မှ--

5/6/ 2011 (သူရိယ)

----------------------------

အကောင်းမြင်သမားရဲ့  အမှန် မြင်ခြင်းနှင့်  အဆိုးမြင်သမားရဲ့  အကောင်းမြင်ခြင်း

 အကောင်းမြင်သမားဆိုတာကတော့ အကောင်းဖြစ်လာဖို့အတွက် ဘယ်အလုပ်မဆို စ မလုပ်ခင် ကထဲက အမှားအမှန် အကောင်း အဆိုးအကျိုးအပြစ်တွေကို ဝေဖန်ဆန်းစစ် ပိုင်းခြားပြီး အကောင်း တွေဖြစ်ဖို့ အမှန်မြင်၊ အမှန်ပြော၊ အမှန်လုပ်ပြီး၊ ရည်ရှည် အကျိုး အတွက် ကြည့်တတ်ကြပါတယ်၊

အဆိုးမြင်သမားကတော့ ကိုယ်ထင်တာကိုယ်လုပ် ပြီး အကောင်းတွေလုပ်နေတာဘဲလို့ ပုံချတတ် ပါတယ်၊

 အကောင်းမြင်သမားတယောက်ကတော့ အမှန်တရား အတွက်ပြောရဲ ပါတယ်။ ဘာကြောင့်လဲဆို တော့ အမှားတွေကို အစကထဲက မလုပ်ခဲ့လို့ပါဘဲ၊ တကယ်လို့ အကောင်းမြင်သမားလုပ်လို့ တာဝန်ခံ ပြစ်ဒဏ်ခံရမယ်ဆိုရင်လဲ ထွက်ပြေးမဲ့သူတွေ မဟုတ်သလို လာမဲ့ဘေးပြေးတွေ့မဲ့သူတွေ ပါဘဲ၊

 အဆိုးမြင်သမားကတော့ အများအကျိုးအတွက်ထက် ကိုယ့်အကျိုးအတွက် အရင်ရ အောင် လုပ်တတ်ပါတယ်၊ ကိုယ့်အတ္တအတွက်လုပ်ခဲ့လို့ အမှားတွေ့ရင်လဲ ဘယ်တော့မှမခံပါဘူး။ လွတ်ရာရုန်းထွက်ပြေးကြတာပါဘဲ။ ဒီတော့ အမှားမြင်သမား ဆိုတာ ဒုက္ခတွေ့ရင် ဘယ်တော့မှာ ဒဏ်မခံသလို ရမဲ့အပေါက်ကိုဘဲ လိုက်ရှာတတ်ပါတယ်။

 အဆိုးမြင်သမားက ကိုယ်ရပြီးမှ အများ အတွက် လုပ်နေတာလို့ အသံကောင်း ဟစ်တတ်ကြ ပါတယ်၊ အကောင်းမြင်သမားကတော့ ကိုယ် ယုံချက်အပေါ်တန်ဘိုး ထားတတ်ကြ ပါတယ်၊ မယုံကြည်ဘဲနဲ့ ဘယ်အလုပ်ဖြစ်ဖြစ် သိန်းထောင် ချီပေးလဲ လုပ်မဲ့သူတွေ မဟုတ် ကြပါဘူး၊ အဆိုးမြင်သမားကတော့ ကိုယ့်အတွက် အကျိုးရှိမယ် ဆိုရင် ယုံကြည် ချက်မရှိ ပန်းတိုင်မရှိ ဖြစ်သလို မီးဆင်ကပြီး အရိုးမရှိတဲ့လျှာလေးနဲ့ မရှက်မ ကြောက်ကိုယ့်စကား တန်ဘိုးမထား ပြောတတ်ကြပါတယ်၊

အကောင်းမြင်သမားကတော့ ပြောပြီးသားစကားကို တာဝန်ခံသလို ကတိတွေကိုလဲ လွယ်လွယ် မပေးတတ်ကြပါဘူး။ အဆိုးမြင်သမားကတော့ စကားလွယ်လွယ်ပြော ကတိတွေလွယ်လွယ်ပေး ဘယ်တော့မှ တာဝန်မခံပါဘူး၊ ဒါကြောင့် အကောင်းမြင် သမားနဲ့ အဆိုးမြင်သမားတွေဟာ အ ရှေ့နဲ့အနောက် တောင်နဲ့မြောက် ဖြစ်တတ်ကြပါတယ်။

ဒါပေမဲ့လမ်းဆုံးတော့ရွာတွေ့ဆိုသလို နိဂုံး ချုပ်ရင်တော့ အဖြေမှန်ထွက်လာတတ်ကြပါတယ်၊ အကောင်းမြင်သမားတွေက သမိုင်း ကောင်း တွေရေးရဲကြပါတယ်။

အဆိုးမြင်သမားတွေက သမိုင်းကောင်းတွေ မရေးရဲလို့ သမိုင်းကောင်းမရှိပါ၊ စာရေးဆရာက အကောင်းမြင်သမားရဲ့ အမှန်မြင်ခြင်းနဲ့ အဆိုးမြင်သမားရဲ့အကောင်းမြင်ခြင်းကို ဒီလို နိဂုံးချုပ် ထားပါတယ်၊

 အကောင်းမြင်သမားကတော့ အမှန်မြင်ထားပြီးသားဖြစ်လို့ အစ အ လယ် အဆုံး အမှန်ကို သာပြောသွားလို့ အတိတ်ရှင်း ပစ္စုပန်ရှင်း အနာဂါတ်မှာလဲ ရှင်းရှင်း လင်းလင်း နေသွားနိုင်ပါတယ်၊ အဆိုးမြင်သမားရဲ့ အကောင်းမြင်ခြင်းကိုတော့ ဒီလို ဒီလို လှလှပပ နိဂုံးချုပ် ထားပါတယ်၊

အိပ်ယာပေါ်မှာ လဲနေတဲ့ လူနာ(၂)ယောက်ကိုပြထားပါတယ်၊ တယောက်က ပြူတင်းပေါက် အ နားမှာနေရတဲ့သူ တယောက်က နံရံနားမှာနေရတဲ့သူ စကားဘဲပြောနိုင်ကြတာ မထနိုင်ကြဘူး။ ပြူတင်းပေါက်အနားကလူကလဲ အပြင်ဘက်ဘဲ ကြည့်နေသတဲ့။

နံရံနားကလူကလဲ အပြင်ဘက်ရဲ့ မြင်ကွင်းတွေ ကြည့်ချင်တော့ ပြူတင်းပေါက်နားကလူကို မေးသတဲ့။

 ပြူတင်းပေါက်နားကလူက အဆိုးမြင်သမားဆိုတော့ အမှန်ကိုဖုံးကွယ်ပြီး သူ့ခံစားချက်အတိုင်း သူများတွေ သက်သာအောင် အကောင်းမြင် ပြောလိုက်ပါတယ်တဲ့။ အပြင်ဘက်ရဲ့ စိမ်းလမ်းတဲ့ ရှုခင်းတွေအကြောင်း လူတွေသွားလာလုပ်ရှားနေတဲ့အကြာင်း ဝေေ၀ ဆာဆာ ပြောလိုက်ပါတယ် တဲ့။

ဒီတော့ လူ့သဘာဝအတိုင်း နံရံနားကလူက ပြူတင်းပေါက် နားကနေရာကို နေချင် လာတာ ပေါ့ ။ တနေ့တော့ ပြူတင်းပေါက် နားက လူက အသဲအသန် အသက်ငင်နေတော့ နံရံနားကလူက သူနာပြုဆရာမ ခေါ်တဲ့ ဘဲမနှိပ်ပဲ သူ့နေရာ နေချင်ဇောနဲ့ တဖက်လှည့်ပြီး မမြင်ချင် ဟန်ဆောင် နေသ တဲ့။ ဒါနဲ့ ပြူတင်းပေါက်နားကလူလဲ ဆုံးသွားတော့ နံရံနားက လူကလဲ ပြူတင်းပေါက်နား ပြောင်းရ တာပေါ့။

သူကြည့်ချင်တဲ့ ပြူတင်းပေါက် ကနေ ကြည့်လိုက်တော့ အုတ်နံရံကြီးသာမြင်ရသတဲ့ ။

တကယ်လို့ အခြေခံ စလုပ်ကထဲက အမှန်မြင် အမှန်ပြော အမှန်လုပ်ခဲ့ရင် သူလဲ မသေနိုင်ဘူးပေါ့ ။ အ ခုတော့ မတရားတဲ့နည်းနဲ့ အကောင်းပြောချင်တော့လိမ်လိုက်ရလို့ အဆိုးမြင်သမားဖြစ်သွားတာ ပေါ့။ ဒီလို အဆိုးမြင် သမားဖြစ်ပြီးမှအကောင်းမြင်လဲ ဘာမှ အကျိုး မရှိတဲ့ အကြောင်းပါဘဲခင်ဗျာ၊ ၊

ဌေးဇော်(အင်းဝ) 28/5/2011

---------------------------------

နော်ဝေ - မြန်မာ-အင်္ဂလိပ် အဘိဓါန် နိဒါန်း

၁၉၈၈ မှာ ဒီမိုကရေစီလှုပ်ရှားဆောင်ရွက် လုပ်ကိုင်မှူ၏ အကျိုးဆက်ကြောင့် မြန်မာ နိုင်ငံသားများ နော်ဝေနိုင်ငံသို့  ၁၉၉၂ ခန့် မှ စတင်ပြီး ပုံစံ အမျိုးမျိုးနဲ့  ရောက်ရှိ လာခဲ့ရာယခုဆိုလျှင် လူဦးရေ သုံးထောင်( ၃၀၀၀ ) ခန့် ရှိပါတော့မယ်။

တချို့က ထိုင်း မှာရှိတဲ့ ဒုက္ခသည်စခန်းတွေဆီက၊ တချို့ က မလေးရှားမှာရှိတဲ့ ဒုက္ခသည် စခန်းတွေဆီက၊ တချို့က အိန္ဒိယမှာရှိတဲ့ ဒုက္ခသည်စခန်းတွေဆီက၊ တချို့က ကိုယ့်ငွေလေး ရင်းပြီး နော်ဝေမှာ လာခုန်ချ- ဒုက္ခသည် အဖြစ်ခံယူ လျှောက်ထားကြပြီး ရောက် လာကြတာ တွေပါ။

နော်ဝေ မြေကိုခြေချ မိကြပြီဆိုတော့ နော်ဝေ ဘာသာ စကား၊ နော်ဝေ စာကို သင်ကြရပါတယ်။

နော်ဝေစာ သင်ရာမှာ ပြည်ပ နိုင်ငံသားတိုင်းမှာ အဘိဓါန် စာအုပ်ရှိကြပေမယ့် မြန်မာ နိုင်ငံသားတွေကတော့  မရှိသေးတာမို့ နော်ဝေ စာလုံး သိချင်ရင် နော်ဝေ- အင်္ဂလိပ် ကိုသုံးကြရပါတယ်။

အဲဒီ အခက်အခဲကို ကိုရွှေသွေးက

ပထမဆုံး På Vei   သက်ကြီးသင် စာအုပ်ကို နော်ဝေ မြန်မာနဲ့ေ၇းသား ထားတာ ထွက်ရှိ လာပါတယ်။

--------------------------------

အဲဒီနောက် ဒေါက်တာ ၀င်းမောင် (ခ) ဦးလှိုင်ထွန်းက

၁။ အခြေခံ နော်ဝေဘာသာ Nivå B1 တက်ရောက်နေသူ မြန်မာပြည်သားများအတွက် STEIN PÅ STEIN သင်ကြားရေး အထောက်အကူ -ခက်ဆစ် မြန်မာပြန် ဝေါဟာရ စာရင်း Ordliste

---------------------------------------------------------------------------------------

၂. Norsk grammatikk på burmesisk, နော်ဝေ သဒ္ဒါ မြန်မာ လို ပြန်ဆိုရှင်းလင်းချက် စာအုပ်တွေ ထွက်ရှိလာ ပါတယ်။

----------------------------------------------

အခု ၂၀၁၁ ခုနှစ်အထဲမှာတော့ ကိုအောင်မျိုးနဲ့  ကိုနိုင်တို့က

Norsk- Burmessisk -Engelsk  Ordbok စာအုပ်ကို နော်ဝေ စာလုံးရေ နှစ်သောင်း နှစ်ထောင် (၂၂၀၀၀) ကျော် နော်ဝေ မြန်မာ အင်္ဂလိပ် စာအုပ်ထွက်ရှိလာပါတယ်။

 ဒီစာအုပ်ကို အိန္ဒိယနိုင်ငံမှာ ရောက်ရှိတဲ့ ဒီမိုကရေစီ တိုက်ပွဲဝင် အင်အားစုများ ဖြစ်တဲ့ လွတ်လပ်သောလူငယ်များ အစည်းအရုံးက ကူညီ စာစီကာ အိန္ဒိယနိုင်ငံမှာ ပုံနှိပ်၍ နော်ဝေနိုင်ငံတွင် မြန်မာဘုန်းတော်ကြီးကျောင်းဖြစ်မြောက်ရေး အလှူငွေနှင့် အခြားလူမှုရေး ရံပုံငွေ အတွက် ဦးတည် ရည်ရွယ် ထုတ်ဝေတာ ဖြစ်ပါတယ်။

စာအုပ်ဖြစ်မြောက်ရး အတွက် စီစဉ်သူများဟာ နော်ဝေနိုင်ငံ တောင်ပိုင်းနှင့် မြောက်ပုိုင်းတို့မှာ နေထိုင်ကြပြီး ကျောင်းတဘက် အလုပ် တဘက်နဲ့ လုပ်ကိုင်ကြရခြင်း ၊ နော်ဝေစာ သင်ကြားခြင်း မခံရသည့် စေတနာရှင် အိန္ဒိယနိုင်ငံမှာ ရောက်ရှိတဲ့ ဒီမိုကရေစီ တိုက်ပွဲဝင် အင်အားစုများ၏ လုပ်ဆောင်မှုများသည် အမှား အယွင်းများ ရှိနိုင်ပါလိမ့်မည်။

ယင်းကို ပြန်လည် တည့်မတ်နိုင်စေရန် ဤစာအုပ်နှင့် ပတ်သက်ပြီး Norsk- Burmessisk-Engelsk Ordbok အင်တာနက် စာ မျက်နှာ ဖွင့်တင်ပေးထားပါသည်။

http://nayyarthit.nl/?sh=nor တွင် စာအုပ် ၀ယ်ယူသူ များသည် ခေါ်ယူ သုံးစွဲ နိုင်ကြပါသည်။ ၄င်း စာမျက်နှာတွင် စာအုပ်၌ လို အပ်ချက်များ၊ အမှား ပြင်ဆင်ချက်များ အပြင်၊ စာလုံး အသစ် ခြောက်ထောင် (၆၀၀၀) ကိုပါ ဖြည့်စွက် ထားပါသည်။

အမှား အယွင်းများ အတွက်ဖြစ်စေ၊ အကြံကောင်းများ ပေးလိုပါက ဖြစ်စေ၊ဝေဖန် ထောက်ပြလိုပါက  ဖြစ်စေ စာအုပ်စီစဉ်သူများက ကြိုဆိုလျှက်ရှိပြီး il.fram690@gmail.com  ပေးပို့ နိုင်ရန် ကမ်းလှမ်း ဖော်ပြထားပါသည်။

နော်ဝေ အစိုးရ၏ စာအုပ်ထုတ်ဝေခွင့် အမှတ်မှာ ISBN 978-82-303-1786-0- ဖြစ်ပါသည်။

စာအုပ် စီစဉ် ထုတ်ဝေ သူများ၏ ဖွင့်ဆိုပြောပြသည်မှာ နော်ဝေ နိုင်ငံရောက် အခြား ပြည်ပ နိုင်ငံသားများ နည်းတူ နော်ဝေ- မြန်မာ အဘိဓါန် စာအုပ်တအုပ် ဖြစ်တည်ရေးကို ဦးတည်ပြီး ပြည့်စုံ၍ အမှားအယွင်း ကင်းသော စာအုပ်ကောင်း မြန်မာ နိုင်ငံသားများ ရရှိ ရေးအတွက် ရည်ရွယ်ပါသည်။ ဆက်လက်၍လည်း ပိုမို ကောက်းမွန် သပ်ရပ် ပြည့်စုံသော ဒုတိယ အကြိမ်မြောက် စာအုပ် ဖြစ် မြောက်ရေး ဆက်လက် ကြိုပမ်း လိုကြောင်းနှင့် နော်ဝေစာ ကျွမ်းကျင်သူများနှင့် ပူးပေါင်းကာ ဆက်လက် လုပ်ဆောင်လိုသည်ဟုသိ ရသည်။

ဤစာအုပ်သည် နော်ဝေ - မြန်မာ အဘိဓါန်၏ နိဒါန်း စာအုပ်သာလျှင် ဖြစ်ပါလိမ့်မည်။

ဤ စာအုပ်နှင့် ပတ်သက်ပြီး ဆက်သွယ် မေးမြန်း စုံစမ်း လိုပါက

ဆရာတော်ဦးဝိသုဒ္ဓ္ဓ --၀၀၄၇ ၉၄၂၄၅၁၂၉

ကိုသက်နိုင်-      ၀၀၄၇ ၄၅၀၇၄၂၈၈

ဦးဇော်ဝင်း--      ၀၀၄၇ ၉၉၄၀၂၁၄၉

ကိုအောင်သူ--    ၀၀၄၇ ၉၀၇၁၇၀၈၉

မြန်မာနိုင်ငံသားများ နော်ဝေစာတတ်မြောက်အောင်မြင်ကြ၍ အလုပ်အကိုင် အခွင့် အလမ်းကောင်းများ ရရှိကြပါစေ။

သူရိယ အဖွဲ့  (နော်ဝေ မြန်မာ မိတ်ဆွေများ အသင်း) ၁၁။မေ ၂၀၁၁

------------------------

တရားမေ့သူကြီးတွေ ----နေမင်းသူ /30, 4, 2011

ကျနော့မိတ်ဆွေ စစ်သည်တစ်ဦးကပြောပြတာရှိတယ်။
ဒုတိယကမ္ဘာစစ်အတွင်းက ဟစ်တလာရဲ့ ညာလက်ရုံးလည်းဖြစ်ပြီး သဲကန္တာရမြေခွေးလို့နာမည်ကြီးခဲ့သူ နာဇီ ဗိုလ်ချုပ်ကြီး ရောမဲလ် ပြောခဲ့တဲ့အဆိုတစ်ရပ် ဖြစ်ပါတယ်။
သူက“စစ်တပ်ဆိုတာ မင်းမရှိလည်းဖြစ်တယ်။ ငါမရှိလည်းဖြစ်တယ်။ မင်းရောငါပါ နှစ်ယောက်စလုံး မရှိလည်းဖြစ်တယ်”တဲ့။

ကျနော်တို့ဗိုလ်ချုပ်ကြီးတွေလည်း ပြောလေ့ပြောထရှိတာပါပဲ။
“စစ်တပ်မှာ မရှိမဖြစ်မိုး ဆိုတာ မရှိဘူး။ ဘယ်သူရှိရှိ မရှိရှိ စစ်တပ်ယန္တရားကြီးကတော့ ပုံမှန်လည်ပတ်နေတာပဲ” တဲ့။
အဲဒီသဘောကို အလေးအနက် ခံယူထားတယ်ဆိုရင် အသက်(၆၀)ပြည့်တာနဲ့ တပ်ကအနားယူသင့်တာပေါ့။
ဘာဖြစ်လို့ တွယ်ကပ်နေရမှာလည်း။ ခေါင်းဆောင်ဆိုတာ ဆိုခဲစေမြဲစေ ကိုယ့်စကားကိုယ်တာဝန်ယူမှလည်း လေးစားလောက်တဲ့ စံပြခေါင်းဆောင် ဖြစ်လာမှာပေါ့။
သက်ကျားအို စစ်ဗိုလ်ချုပ်ကြီးတွေ အားလုံး မျက်နှာ မပါကြသလိုပဲ။

ဗိုလ်ချုပ်မှူးကြီး သန်းရွှေဟာ ၁၉၉၃ ခုနှစ်ကသာ အနားယူခဲ့မယ်ဆိုရင် နာမည်ဆိုးထွက်စရာ အကြောင်း သိပ်ရှိ မှာ မဟုတ်ဘူး။
ခုတော့ သူနဲ့သက်တူရွယ်တူတွေ တရားဘာဝနာနဲ့မွေ့လျော်နေချိန်မှာ သူက ကမ္ဘာမြေကြီးပျောက်သွားမှာစိုးလို့ တစ်နေ့ သုံးခါ စမ်းကြည့်တဲ့ မျောက်ကြီး လိုဖြစ်နေရပြီ။
သူဟာ ၁၉၉၂ ခုနှစ်မှာ ဦးစီးချုပ်တာဝန်ကို ရယူခဲ့တာ ဆိုတော့ အသက်(၆၀)ကျော်မှ စိတ်ကြိုက်အာဏာ ထူထောင် ခွင့်ရတယ်လို့ ပြောရမှာပေါ့။
ဒီလုပ်ရပ်ကပဲ သူ့ဂုဏ်သိက္ခာကို မြောင်းထဲဆွဲချသွားတာ။

အဲဒီအချိန်က သူသာ လုပ်တတ်ကိုင်တတ်မယ်ဆိုရင် သူရဲကောင်းတောင်ဖြစ်ရင်ဖြစ်ခဲ့မှာ။
မလုပ်တတ်လို့တော့ ဟုတ်မယ်မထင်ပါဘူး။ ကိုယ်ပျော်မွေ့ရာကိုယ်ရွေးချယ်ခဲ့တာပဲဖြစ်မယ်။
ခုတော့ သူပြုသမျှဒုစရိုက် အဝဝကို ကျေရာကျေကြောင်း ယတြာအနေနဲ့ စေတီအဆူဆူတည် သမိုင်းတွင်မော်ကွန်း ထိုးလောက် အောင် မြို့တော်သစ်နေပြည်တော်ကို ပြပြီး လှည့်စားဘန်းပြနေလေရဲ့။

ရှေးမြန်မာ ပုဂံရာဇ၀င်မှာ ရှိဖူးတယ်။ (ဘုရင်နာမည်တွေကို မမှတ်မိလို့ ခွင့်လွှတ်ပါ) ။သားကအဖေကိုသတ်၊ ညီကအကိုကိုသတ် ညစ်ပတ်တဲ့ထီးနန်း ရာဇ၀င် တွေခင်းခဲ့ပြီးမှ နောက်ဆုံးမှာ အပြစ်တွေ ပြေရာ ပြေကြောင်း “ဓမ္မရံကြီးဘုရား” ကိုတည်တဲ့အခါ ပဒေ သရာဇ် အာဏာစက်နဲ့ တိုင်းသူပြည်သား အပေါင်းကို ကြေညာမောင်းခတ်လို့ အဓမ္မလုပ်အားပေးနဲ့ တည်လိုက်တာ အများအမြင်မှာ တော့ ဘုရားရှင်ကိုယ်ပွား ဥဒိဿစေတီ မည်သွားသတဲ့။
ဒါပေမယ့် ဘုရားတည် လုပ်အားပေးရင်း ညှင်းပန်းမှုဒဏ်မခံနိုင်တဲ့အဆုံး ဘဝနိဂုံးချုပ်သွားသူတွေရဲ့ ဝိညာဉ်တွေက စေတီထံပါးမှာ ဝတ်တွား ခယလျက်ရှိ လေတော့ စိတ်ကြည်လင် အေးချမ်းချင်လို့ တရားရိပ် ခိုလှုံဖို့ ရောက်ရှိလာသူ ဘုရားဖူးတွေရဲ့ နားထဲမှာ သဒ္ဓါမဖြူ ပူပင်သောကရောက်စရာ ငိုကြွေး ညည်းညူသံတွေကိုသာ အဆက်မပြတ် ကြားကြား နေရသတဲ့။

ကျနော်တို့ရေတပ်မှာတော့ အသက်(၆၀) ကျော်တဲ့အထိ ယူနီဖောင်း မချွတ်နိုင်တာဆိုလို့ ဒုတိယ ဗိုလ်ချုပ်ကြီး မောင်မောင်ခင် (ခွေးဘီလူး)သာရှိလိမ့်မယ် ထင်ပါတယ်။
ဦးစီးချုပ်(ရေ)ဆိုတဲ့စစ်ဖက်ရာထူး နဲ့တော့မဟုတ်ပါဘူး။ ဒုတိယဝန်ကြီးချုပ် အဆောင်အယောင်နဲ့ သက်တော် ရှည်ဖြစ်ခဲ့တာပါ။
ရေးနေရင်းသတိရ သွားပြန်ပြီ.. ၂၀၀၁ခုနှစ်မှာ အတွင်းရေးမှူး(၂) ဒုတိယဗိုလ်ချုပ်ကြီး တင်ဦး စီးနင်းလိုိက်ပါလာတဲ့ ရဟတ်ယာဉ် ပျက်ကျတုန်းက ဒုဗိုလ်ချုပ်ကြီး မောင်မောင်ခင်ရဲ့ သားမက် စစ်ဦးစီး ဗိုလ်မှူးကြီး(ရေ) ဗိုလ်မှူးကြီး ကျော်တင်လှ ပါသွား ရှာတယ်။
ရေတပ်သားပီပီ ရေငုပ်ကျွမ်းလိုက်တာ ဒီကနေ့ထိ အလောင်းပြန်မရ တော့ဘူး။
လေယာဥ်ပျက် ကျပြီး ခုနှစ်ရက်မြောက်တော့ နာရေးကိစ္စအတွက် ရေတပ်က အရာရှိ/စစ်သည်အချို့ မဏ္ဍပ် ထိုးဖို့ ဗိုလ်မှူးကြီး ကျော်တင်လှ အိမ်ကိုရောက် သွားတယ်။

အဲဒီမှာ ဒုဗိုလ်ချုပ်ကြီး မောင်မောင်ခင် သိသွားပြီး နိမိတ်မရှိ နမာမရှိ ဘာလာလုပ်တာလည်းလို့ ဒေါသတကြီး ဆူပူအော်ဟစ် ထုတ် လိုက်တာ အားလုံး ကုတ်ကုတ် ကုတ်ကုတ် နဲ့ပြန် လာခဲ့ရတယ်။ ဗိုလ်မှူး ရဲမင်းဦး ကပြောဖူးတယ်။

စစ်တပ်မှာ ရာထူးကြီး မိန်းမကြောက်လေ ဆင်ခြင်တုံတရားမဲ့ လေပဲ တဲ့။
ကိုယ့်ပေါင်ပေါ်ကို မီးခဲတည့်တည့်ကျလာမှ ကဆုန်ထပေါက်တတ်တဲ့ လူစားမျိုးတွေပဲ။
နာဂစ်မုန်တိုင်း တုန်းက လောလောလတ်လတ် မိသားစုဘဝ ပျက်သွားသူတွေကျတော့ ဖြေသိမ့်စကားလေးတောင် အသေအချာ မပြောပဲ “ကိုယ်သုံးမယ့် အိမ်သာကျင်း ကိုယ့်ဘာသာတူး” လို့ပြောရက်ကြတယ်။ ဖြစ်ရပ်နှစ်ခုကို နှိုင်းယှဉ်ကြည့် လိုက်ရင် တကယ့်ကိုတရားကျစရာ ဆန့်ကျင်ဖက် မြင်ကွင်းပါပဲ။

ဒီတော့ ကိုယ်အသာစီးရနေခိုက်မှာ အနိစ္စတရားကို လူကြားကောင်းရုံ ဟစ်ကြွေးနေကြတာ။
ရင်ထဲမှာရှိ တဲ့ ဆန္ဒအစစ်အမှန်ကတော့ ငါရှိမှဖြစ်မယ်။
ကျန်တဲ့သူတွေ ငါ့လောက်ထိန်းနိုင်မှာမဟုတ်ဘူး။ ငါသာထွက်ပေး လိုက်ရင် ပွဲပျက်ပြီးမရှုမလှရှုံးတော့မှာပဲ ဆိုပြီး နေရာတကာ ငါရှေ့တန်းတင်လို့ မောဟတွေ အထပ်ထပ်ဖုံးလွှမ်း နေကြတယ်။ တပ်ချုပ်ကြီးကလည်း ငါ။ တပ်မှူးကြီးကလည်း ငါ။ နေရာတကာ ငါ.. ငါ.. ငါ…။

ဒါပေမယ့် ဆန္ဒဆိုတာ ကိုယ်ဖြစ်ချင်တဲ့သဘောကိုပဲ ကိုယ်စားပြုတာ။ မဖြစ်မနေရ ဥပဒေသ မဟုတ်ဘူး လေ။
ကိုယ်စိုက်တဲ့အပင်က သီးတဲ့အသီးကို ကိုယ်စားရဖို့ ဆိုတာ အသာထား ကိုယ်ကြည့်တိုင်း မြင်ရဖို့တောင် ခက်တယ်။

တပ်မတော်မှာ တိုင်းမှူးတို့ ဌာနချုပ်မှူးတို့ လွှဲပြောင်းရင် နောက်လူက ရှေ့လူဘာလုပ်သွားတယ်ဆိုတာ ထက် ငါလက်ထက်မှာ ဘယ်လိုလုပ်မယ် ဆိုတာကို အဓိက ထားစဉ်းစားကြတာ။
လမ်းခင်းတာ အပင်စိုက်တာက စ ပြုပြင်ပြောင်းလဲ ပစ်တတ်တာကို အမြဲလိုလို ကြုံတွေ့နေရတယ်။
၁၉၉၅ ခုနှစ်လောက်က ဗိုလ်ချုပ်မှူးကြီး သန်းရွှေ တိုင်းခန်း လှည့်လည်ရင်း နတခ ကို ရောက်လာတော့ တစ်ချိန်တုန်းက သူစိုက်ခဲ့ဖူးတဲ့ အုန်းပင်ကို လိုက်ရှာတာ ဘယ်မှာမှမတွေ့ရတော့ဘူး။
တပ်မတော်ဆိုတာ သူ့ထက်ကဲတွေ စုနေတဲ့နေရာ။
အုန်းပင်ကို ဘယ်သူခုတ်ပစ်သလဲ။ ဗိုလ်ချုပ်မြင့်အောင်လား။ ဗိုလ်ချုပ်တင်လှလား။ ဗိုလ်ချုပ်ညွှန့်တင်လား။

ပျောက်သွားတဲ့ အုန်းပင်ကတော့အနိစ္စတရားကို ထင်ထင်ရှားရှားပြသွားတာပဲ။
မမြင်တတ်တာက ကြည့်တဲ့သူရဲ့တာဝန်ပဲလေ။

ပခုက္ကူ ဦးအုန်းဖေ ရေးတဲ့ ဆောင်းပါးတစ်ပုဒ်ကို ဖတ်ဖူးပါတယ်။ “စာတွေ့နဲ့ ငါတွေ့”။
ငါးပါးသီလကို ခါးဝတ်သင်္ကန်းလို ကိုယ်နှင့်မကွာ အမြဲတမ်းဆောက်တည်ပါမယ်လို့ အဖန်ဖန်ရွတ်ဆိုခဲ့တဲ့ ကိုရင်လေး တပါး ဘတ်စ်ကားပေါ်မှာ တကာမတစ်ယောက်ရဲ့ လက်မှာဝတ်ထားတဲ့ လက်ကောက် တစ်ကွင်း သူ့သင်္ကန်းပေါ် အမှတ်တမဲ့ ပြုတ်ကျတာကို ကြုံရတော့ အသိပေးရ ကောင်းနိုးနိုး ငြိမ်နေလိုက်ရ ကောင်းနိုးနိုးနဲ့ အမျိုးမျိုး အကြံ အိုက်ရပုံကို ရေးသား ထားတာပါ။

ရောမဲလ်ပြောခဲ့တာကတော့ ပရော်ဖက်ရှင်နယ် တပ်မတော်ကို ရည်ညွှန်းပုံရပါတယ်။ ပရော်ဖက်ရှင်နယ်ဆိုတာ တစ်လက်ကိုင်မဟုတ်။ တပ်မတော် ဆိုတာကလည်း ကိုယ်ပိုင်ပစ္စည်းမဟုတ်။
အစဉ်အမြဲ စက်ကောင်း တက်မကောင်း ရေဒါကောင်း တယ်လီမော်တာကောင်းတဲ့ သင်္ဘောတစ်စီးဆိုရင် ဘယ်သူတက်မောင်းမောင်း ခရီးပေါက် နိုင်ပါတယ်။

တစ်လက်ကိုင်ဆိုတာက အခြားသူသုံးရခက်ခဲအောင် တမင်မြှုပ်ကွက်ဆင် ဖန်တီးထားတာပါ။
ပြောကြစတမ်း ဆိုရင်တော့ တစ်လက်ကိုင်ဆိုတာ ကိုယ်သုံးတဲ့ ကိုယ်ပိုင်ပစ္စည်းလေးလောက်ပဲ ကောင်းပါတယ်။

(ကိုယ်တိုင်ကြုံတွေ့သူတွေရဲ့တဆင့်စကား ကြားဖူးနားဝ ရှိထားတာ လေးတွေကို တခါတလေ ပေါ့ပေါ့ပါးပါး ရေးကြည့်တာပါ)

နေမင်းသူ
30,4,2001

။။။။။။။။။။။။။။။။။။။။။။။။။။။

ပြည်သူတွေ ဘာဆက်လုပ်ရမယ် ဆိုတာ

အယ်ဒီတာများခင်ဗျား
နှစ်သစ်မှာ အမျိုးသားပြန်လည်သင့်မြတ်ရေးတို့ နိုင်ငံရေးအကျဉ်းသားပြန်လွှတ်ပေးရေးတို့  မတောင်းဆိုပါနဲ့ လေကုန်တယ် မောရုံပဲ ရှိကြမှာပါ။
ယူနီဖောင်ချွတ်အစိုးရဟာ တရုတ်အစိုးရ နောက်မှာရှိနေသ၍ အမျိုးသား ပြန်လည်သင့်မြတ်ရေး ကိုလည်း လုပ်မှာ မဟုတ်ဘူး။
ဒေါ်အောင်ဆန်းစုကြည်နဲ့လည်း တွေ့ဆုံရေးကို လုပ်မှာမဟုတ်ဘူး။
နိုင်ငံပိုင်ပစ္စည်းတွေကို ပုဂ္ဂလိကပိုင် လုပ်တဲ့နေရာမှာ စစ်ဗိုလ်ချုပ်တွေပဲ လျှော့ဈေးနဲ့ ၀ယ်ယူကျတော့ တိုင်းပြည်လည်း ချွတ်ချုံကျ နေပြီ။
NLD ကိုလည်း ရပ်တည်လို့မရအောင် စနစ်တကျ ရွေးကောက်ပွဲကော်မရှင်က စနစ်တကျ လုပ်သွားတယ်။
ဒေါ်အောင်ဆန်းစုကြည်ကိုလည်း အချိန်မရွေးထပ်ဖမ်းနိုင်အောင် လုပ်ထားတယ်။
နိုင်ငံရေးအကျဉ်းသားတွေကိုလည်း ပုဒ်မအမျိုးမျိုးတတ်ကာ ထောင်ချထားတယ်။
ထောင်ထဲမှာလည်း ထုရိုက်နှိပ်စက်ထားတာ အားလုံးဟာကျေမွနေပါပြီ။
မိသားစုတွေ ထောင်ဝင်စာတွေ့တဲ့အခါ မြင်မှာစိုးလို့  ဝေးလံခေါင်တဲ့ နေရာမှာရှိတဲ့ ထောင်တွေဆီ ပို့ထားတယ်။

 အခုအချိန်လွှတ်လိုက်ရင် ခန္တာကိုယ် ကျေမွနေတဲ့ နိုင်ငံရေးအကျဉ်းသားတွေကို နိုင်ငံတကာက မှတ်တမ်း ဓာတ်ပုံရိုက်တဲ့အခါ အစိုးရ သိက္ခာကျမှာ စိုး၍ လွှတ်တော့မှာ မဟုတ်ပါဘူး။

မြန်မာ့သမိုင်းမှာတော့ ဦးနေ၀င်း မဆလခေတ်မှာ တက္ကသိုလ်ကျောင်းသား ဦးရေ (၅၀၀)ခန့် တက္ကသိုလ်ကျောင်းဆောင်မှာ အစည်းအဝေး လုပ်နေတုန်း ကျောင်းဆောင်ကို သော့ခတ်ပြီး ဗုံးခွဲသတ်ပစ်တဲ့ဖြစ်စဉ်များ၊
ဦးစောမောင် စစ်အစိုးရလက်ထက်မှာ ၁၉၈၈ အရေးအခင်းမှာ ပစ်သတ်ခံရတဲ့ ဖြစ်စဉ်များ။
ဦးသန်းရွှေ နအဖ စစ်အစိုးရလက်ထက်မှာ မှတ်တမ်း ဓာတ်ပုံ ရိုက်ယူ မရအောင် အစိုးရကနေ ကြံ့ဖွတ် ပါတီဝင်တွေနဲ့ ထောင်သား တွေ ပေါင်းပြီး ဒေါ်အောင်ဆန်းစုကြည်ကို ထောက်ခံတဲ့ ပြည်သူတွေကို ညဖက်ကြီး လုပ်ကြံသတ်ဖြတ်တဲ့ ဒီပဲရင်း အရေးအခင်း ဖြစ်စဉ်များ။
၂၀၀၇-ခုနှစ် ရွှေဝါရောင်တော်လှန်းရေးမှာ သံဃာတော် အပါး(၂၅၀)ကျော် အပစ်သတ်ခံရပြီး (၅၀၀)ကျော် ထောင်ထဲမှာ လူဝတ်လဲ ပြီး နှိပ်စက်ထောင်ချလိုက်တဲ့ ဖြစ်စဉ်များဟာ မြန်မာ့သမိုင်းမှာ ဖျောက်ဖျက်လို့မရပါဘူး။
ပြည်သူတွေကို သိရှိအောင် ပြန်လည်ဆော်အောဖို့  လုပ်ပေးဖို့  တိုက်တွန်းကြမှ ဘာဆက်လုပ်ရမယ် ဆိုတာကို သိကြမှာပါ။

ကိုမျိုးချစ်

18/4/ 2011

/////////////////////

သမ္မတသစ် ဦးသိန်းစိန် မိန့်ခွန်းနဲ့ အနာဂတ် မြန်မာနိုင်ငံရေး
သန်းစိုးလှိုင်၊
ဧပြီ ၉၊ ၂၀၁၁
အစိုးရသစ်အဖွဲ့ဝင်တွေ ကတိသစ္စာပြု (ကျမ်းကျိန်တယ်လို့ သုံးနှုန်းခြင်းမရှိ) ပြီးနောက် သမ္မတသစ် က လွှတ်တော်ကို တစ်ကြိမ် မိန့်ခွန်းပြောကြားပြီးနောက် တစ်ရက်မှာ အစိုးရအဖွဲ့ဝင်တွေ ဖြစ်တဲ့ ၀န်ကြီး ဒုဝန်ကြီး ရှေ့နေချုပ်၊ ရဲချုပ်၊ စာရင်းစစ်ချုပ်စတဲ့ အဖွဲ့ဝင် တွေကို ထပ်ပြီး မိန့်ခွန်းခြွေခဲ့ပါသေးတယ်။ အဆိုပါမိန့်ခွန်းနှစ်ခုလုံးမှာ လွှတ်တော် ကိုယ်စားလှယ်တွေကို ပြောဆိုတဲ့ မိန့်ခွန်းကို မူဝါဒ မိန့်ခွန်းလို့ ဖေါ်ပြထားပါတယ်။ ထိုနေ့က နေပြည်တော်မှာ ကတိသစ္စာပြုတယ်ဆိုတဲ့ သတင်းနေ့ခင်းပိုင်းမှာ ကတည်းက ထွက်ပေါ် လာပြီး နေ့လည်မွန်းတည့်လောက်ကတည်းက ရုပ်သံကနေ အမိန့်ကြေညာစာတွေကို ထုတ်လွှင့်ဖတ်ပြနေခဲ့တာပါ။ ည၈ နာရီသတင်း မှာတဖန် သမ္မတမိန့်ခွန်းအပြည့်အစုံနဲ့ အမိန့်ကြေညာချက်တွေကို ထပ်ပြီးကြေညာခဲ့ပါတယ်။

အဆိုပါမိန့်ခွန်းဟာ လွှတ်တော်ကိုယ်စားလှယ်တွေကို ရည်ညွှန်းပြောကြားတဲ့မိန့်ခွန်းပါ။ ဦးသိန်းစိန်က သူ့ရဲ့မိန့်ခွန်းကို မူဝါဒ သဘော ထားလမ်းစဉ်သစ်တွေ ပြောဆိုဖို့ တာဝန်ရှိတယ်လို့ မိန့်ခွန်းအစမှာ ဆိုထားပါတယ်။ စစ်အစိုးရ ခေါင်းဆောင်တွေ အနေနဲ့ သူတို့ရဲ့ အာဏာအခြေစိုက်ရာ စစ်တပ်ကိုသာ ရည်ညွှန်းပြီး ပြောဆိုလေ့ရှိပါတယ်။ နိုင်ငံတကာမှာလို ပြည်သူလူထုကို တိုက်ရိုက်ရည်ညွှန်းပြီး ရုပ်သံနဲ့ ရေဒီယိုမှ မိန့်ခွန်းပြောဆိုတာ မြန်မာနိုင်ငံမှာ မရှိသေးပါဘူး။ အခုမိန့်ခွန်းကတော့ လူထုကိုမပြောပေမယ့် အရပ်ဖက်က ကိုယ် စား လှယ်တွေပါဝင်တဲ့ လွှတ်တော်မှာ ပြောဆိုတာဖြစ်လို့ ဆယ်စုနှစ်ကာလတွေ ချီပြီးမတွေ့ရတဲ့ မြင်ကွင်းမျိုးလည်း ဖြစ်ပါတယ်။
ဒီမိန့်ခွန်းမှာ ဘာတွေပါဝင်ပြီး လူဟောင်းအများစုနဲ့ ဖွဲ့ထားတဲ့ အစိုးရသစ် အနေနဲ့ ၊ လက်ရှိအခြေအနေကို ဘယ်လို သုံးသပ်ပြီး ရှေ့ဆက် ဘာတွေလုပ်ဖို့ ရည်ရွယ်ထားသလဲ ဆိုတာကို လေ့လာကြည့်ဖို့ ရှိလာပါတယ်။

အစဉ်မပြောင်းလဲတဲ့ အရေးသုံးပါး
ပထမဆုံးအနေနဲ့တော့ လွှတ်တော်ကိုယ်စားလှယ်တွေ အနေနဲ့ ၂၀၀၈ အခြေခံဥပဒေကို အသက်နဲ့လဲကာကွယ်ကြဖို့ လိုအပ်တယ် ဆိုပြီး ပြောသွားပါတယ်။ လွှတ်တော် ကိုယ်စားလှယ်တွေ အနေနဲ့ ရွေးကောက်ပွဲ မ၀င်မီကတည်းက ၂၀၀၈ အခြေခံဥပဒေကို ယုံကြည် လေးစားလိုက်နာပါမယ် ဆိုတဲ့ ခံဝန်ချက်ကို လက်မှတ်ထိုးခဲ့ကြတာမို့ ဒီအချက်ကို ဘယ်သူမှ ငြင်းနိုင်မှာ မဟုတ်ပါဘူး။
ဒီနောက် တာဝန်ကြီး ၃ ရပ် (တို့တာဝန် အရေးသုံးပါး) ဆိုတာကို ဆောင်ရွက်ဖို့ နိုင်ငံမှာ နိုင်ငံရေး၊ စီးပွားရေးနဲ့ စစ်ရေးအင်အား ရှိရမယ်လို့ဆိုပါတယ်။ အခုလက်ရှိအနေအထားမှာတော့ စစ်ရေးအင်အားကလွဲရင် စီးပွားရေးနဲ့ နိုင်ငံရေးအင်အားမရှိတာ သေချာ ပါတယ်။ အတိုက်အခံ အဖွဲ့အစည်းတွေကို နိုင်ငံရေး လမ်းစဉ်ထဲပါဝင်လာအောင် စည်းရုံးပြောဆိုခြင်းမရှိသလို စီးပွားရေးဘက် မှာလည်း နီးစပ်ရာ ကုန်သည်လုပ်ငန်းရှင်ကြီးတွေကိုသာ လက်ဝါးကြီးအုပ်လုပ်ခွင့်ပေးထားတာ ကြောင့် သာမန်ပြည်သူတွေအနေနဲ့ ယှဉ်ပြိုင်မှု အကျိုးရလဒ်၊ အလုပ်အကိုင် အခွင့်အလမ်းတွေ သိသိသာသာ တိုးပွားလာတာမရှိတာဟာ စစ်တပ်အုပ်ချုပ်တဲ့ နှစ်ပေါင်း ၂၀ ကျော်ကာလရဲ့ လက်တွေ့ အခြေအနေတွေပဲ ဖြစ်ပါတယ်။

ဒီလိုအနေအထားကနေ အခု ၃ မတ်သား အရပ်သား အစိုးရလို့ခေါ်ဆိုရမယ့် ဦးသိန်းစိန် အစိုးရအဖွဲ့က လုပ်ဆောင်နိုင်မလားဆိုတာ မေးစရာရှိပါတယ်။

အပြောနဲ့ လက်တွေ့
ဦးသိန်းစိန်ရဲ့ မိန့်ခွန်းထဲမှာ စီးပွားရေး အင်အားမတောင့်တင်းရင် သူတပါးရဲ့ အထင်မြင်သေးမှု နှိမ့်ချမှုတွေကို ခံရမှာဖြစ်တယ်လို့ ဆိုထားပါတယ်။ ယခုလက်ရှိ မြန်မာနိုင်ငံက ရွှေ့ပြောင်းလုပ်သား ပြဿနာတွေ၊ မြန်မာနိုင်ငံသားတွေ နိုင်ငံတကာ အသိုင်းအ၀ိုင်းရော အဖွဲ့ဝင်ဖြစ်တဲ့ အာဆီယံနိုင်ငံအချင်းချင်းအကြားမှာတောင် အခွင့်အရေးတန်းတူမရတဲ့ အဖြစ်ဟာ ၂၃ နှစ်တာ စစ်တပ်အုပ်ချုပ်မှုရဲ့ အကျိုးဆက်တွေပဲ ဆိုတာကိုတော့ မိန့်ခွန်းမှာ ဖေါ်ပြမသွားခဲ့ပါဘူး။
နိုင်ငံတော် ကာကွယ်ဖို့ ကမ္ဘာ့အဆင့်မီ တပ်မတော် လိုအပ်တယ်ဆိုတာကိုလည်း မိန့်ခွန်းမှာ ဖေါ်ပြခဲ့ပြီး နိုင်ငံသားတိုင်းမှာ နိုင်ငံ တော် ကာကွယ်ရေး တာဝန်ရှိတယ်လို့လည်း ဆိုသွားပါတယ်။ ဒီဇင်ဘာလက နိုင်ငံတော် ပြန်တမ်းမှာ ထုတ်ပြန်ခဲ့တဲ့ စစ်မှုမထမ်း မနေရ ဥပဒေကို ရည်ညွှန်းပြောဆိုတာလို့ ယူဆစရာရှိပါတယ်။

စီးပွားရေးနဲ့ ပတ်သက်တဲ့ အပိုင်းမှာတော့ ဈေးကွက်စီးပွားရေး စနစ် ပီပြင်စွာဖြစ်ထွန်းလာအောင် ဆောင်ရွက်သွားကြမယ်လို့ ပြော သွားပါတယ်။ တပ်မတော်အစိုးရရဲ့ မူဝါဒလမ်းစဉ်တွေထဲ ဈေးကွက်စီးပွားရေး စနစ် ပီပြင်စွာပေါ်ထွန်းလာရေး ဆိုတာကိုထည့် သွင်း ထားပြီး စီးပွားရေး ဦးတည်ချက် ၄ ရပ်ဆိုတဲ့ ခေါင်းစဉ်နဲ့ နေ့စဉ်လိုလို ကြေညာနေတာကြောင့် ဒီအချက်ဟာလည်း အဆန်းတော့ မဟုတ်ဘူးလို့ ဆိုရမှာပါ။ လက်တွေ့ဆောင်ရွက်ရာမှာသာ၊ စစ်တပ်ပိုင် ဦးပိုင်ကုမ္ပဏီ အကျိုးစီးပွားအတွက် ပြိုင်ဆိုင်လုပ်ကိုင်ခွင့် ပိတ်ထားတဲ့ အချက်၊ စစ်အစိုးရနဲ့ နီးစပ်သူတွေ သားသမီးတွေကိုယ်တိုင် ကုမ္ပဏီထောင်ပြီး လုပ်ကိုင်တဲ့ လုပ်ငန်းတွေကို အကာ အကွယ်ပေးတာတွေဟာလည်း လွန်ခဲ့တဲ့ ၂၃ နှစ်မှာ ကျယ်ကျယ်ပြန့်ပြန့် ဖြစ်ပျက်နေခဲ့တာ ဖြစ်ပါတယ်။
ဒီအချက်တွေကို အခုသမ္မတဖြစ်လာတဲ့ ဦးသိန်းစိန် အစိုးရက ဆန့်ကျင်လုပ်ဆောင်နိုင်ပါ့မလား ဆိုတာ သံသယရှိစရာပါ။

သမ္မတ ဦးသိန်းစိန်က ဆက်လက်ပြီး နိုင်ငံဟာ စိုက်ပျိုးရေးကို အခြေခံပြီး စက်မှုနိုင်ငံဖြစ်အောင် လုပ်မယ်လို့ ဆိုသွားပါသေးတယ်။ မြန်မာနိုင်ငံရဲ့ လယ်ယာစိုက်ပျိုးရေး ကဏ္ဍဟာ ခေတ်မမီတဲ့ မျိုးစေ့၊ နည်းစနစ်နဲ့ စိုက်စရိတ် ချေးငွေစနစ် ၊ လွတ်လပ်တဲ့ရောင်းချမှု ဈေးကွက်မရှိတာတွေကြောင့် လယ်သမားတွေလည်း အကြွေးတင်၊ မြန်မာ့ဆန်ဈေးလည်း အရှေ့တောင်အာရှ ဆန်တင်ပို့တဲ့နိုင်ငံတွေ အကြားအနိမ့်ဆုံးရတဲ့ အခြေအနေကိုရောက်နေရတာ ဖြစ်ပါတယ်။
အရှေ့တောင်အာရှမှာ ထိုင်းဆန်က ဈေးအမြင့်ဆုံးရပြီး ဗီယက်နမ်ဆန်က ဒုတိယ၊ မြန်မာ့ဆန်က အနိမ့်ဆုံးဈေးရှိတာကို သတင်းမီဒီ ယာ တွေမှာ ဖတ်ရကြားနေရတာပါ။

ပြည်တွင်းသာမက ပြည်ပမှာပါ လူ့အခွင့်အရေးဆုံးရှုးံနေရတဲ့ မြန်မာပြည်သားများ
ဦးသိန်းစိန်ရဲ့ မိန့်ခွန်းထဲမှာ ပြည်ပမှာ လုပ်ကိုင်နေတဲ့ မြန်မာနိုင်ငံသား အလုပ်သမားများရဲ့ တရားဝင်အခွင့်အရေးများ အပြည့်အ၀ ရရှိနိုင်ဖို့ အတွက် ကြိုးပမ်းဆောင်ရွက်သွားမယ်လို့ ဆိုခဲ့ပါတယ်။
ပြည်ပမှာ အလုပ်သွားရောက်လုပ်ကိုင်နေတဲ့ မြန်မာအလုပ်သမားတွေကို နိုင်ငံခေါင်းဆောင် တယောက် အနေနဲ့ တကြိမ်တခါမျှ အသိအမှတ်ပြု ပြောဆိုခဲ့တာ မရှိလို့ ယခုလိုဖေါ်ပြ အသိအမှတ်ပြုတာ ပထမဆုံး ဖြစ်ကောင်းဖြစ်ပါမယ်။ ထိုင်းနိုင်ငံ၊ မလေးရှား၊ စင်္ကာပူ၊ ကိုးရီးယား၊ ၊ အရှေ့အလယ်ပိုင်းနိုင်ငံ၊ ဂျပန်နိုင်ငံတွေမှာ မြန်မာအလုပ်သမားတွေ သိန်းနဲ့ သန်းနဲ့ချီအလုပ်လုပ် နေကြရ ပါတယ်။
ဖွံ့ဖြိုးပြီး နိုင်ငံတွေမှာ နေထိုင်တဲ့ မြန်မာအလုပ်သမားတွေ အဖို့တရားဝင်မဖြစ်တဲ့ အချက်အပြင် ဆိုးဆိုးရွားရွား လူ့အခွင့်အရေး ချိုး ဖေါက်ခံရတာ မရှိပေမယ့် ထိုင်း၊ မလေးရှားလို နိုင်ငံတွေမှာ နေထိုင်ရတဲ့ မြန်မာအလုပ်သမားတွေရဲ့ ဘ၀ဟာ မိခင်နိုင်ငံအစိုးရရဲ့ အကာအကွယ်ဘာမှ မရရှိကြပါဘူး။ ဒီအချက်တွေကို အခု တာဝန်စယူတဲ့ ဦးသိန်းစိန် အစိုးရက ဆောင်ရွက်ပေးနိုင်မယ် ဆိုရင် မြန်မာနိုင်ငံသားတွေ အတွက် ဒုက္ခတွေ လျော့နည်းလာမယ့် သဘောရှိပါတယ်။ ဘယ်လို ဆောင်ရွက်ပေးမှာလည်း ဆိုတာကို စောင့်ကြည့်ကြရဦးမှာပါ။
ယခုလက်ရှိ အချိန်မှာတော့ မြန်မာနိုင်ငံသား ဖြစ်တဲ့အတွက် မြန်မာသံရုံးက ဆောင်ရွက်ပေးတဲ့ အထဲ ၀င်ငွေခွန်ဆောင်လိုသူတွေ လက်ခံဆောင်ရွက်ပေးတာ၊ နိုင်ငံကူးလက်မှတ် သက်တမ်းတိုးရင်လည်း အခွန်အပြည့်အ၀ဆောင်မှ တိုးပေးတာပဲ ရှိတယ်လို့ ပြည်ပမှာ အလုပ်လုပ်ကိုင်နေသူတွေရဲ့ ပြောဆိုချက်အရ ကြားသိနေရပါတယ်။
စီးပွားရေးနဲ့ ဘဏ္ဍာရေး ဆိုင်ရာမူဝါဒ နဲ့ ပတ်သက်လို့ ယခင်က တစ်ကြိမ်တခါမျှ မပြောဖူးတဲ့ ပင်စင်လစာတွေကို သင့်တော်တဲ့ အချိန်ကြရင် တိုးပေးမယ်ဆိုတဲ့ တချက်ထည့်ပြောသွားပါတယ်။ ဒါကလည်း ပြီးခဲ့တဲ့ လွှတ်တော် အမေးအဖြေတွေမှာ လွှတ်တော် ကိုယ်စားလှယ်တဦး မေးခဲ့လို့ ဒီကိစ္စဟာ သတိပြုစရာ ကိစ္စ တစ်ခုဖြစ်လာရတဲ့ သဘောဖြစ်ပါတယ်။

အစုိုးရအကြိုက်လိုက်ကလွတ်လပ်စွာ ဖော်ထုတ်နိုင်သည်
စတုတ္ထမဏ္ဍိုင် ဖြစ်တဲ့ သတင်းမီဒီယာများနဲ့ ပတ်သက်ပြီး ဖွဲ့စည်းပုံအခြေခံဥပဒေပါ ပြဋ္ဌာန်းချက်များနဲ့ အညီ ခေတ်နဲ့ မလျော်ညီတဲ့ စာပေစာနယ်ဇင်း ဆိုင်ရာ ဥပဒေအချို့ကို ပြင်ဆင်ပြဋ္ဌာန်းမယ်လို့ ပြောသွားပါတယ်။ ၂၀၀၈ အခြေခံဥပဒေမှာ သတင်းမီဒီယာတွေနဲ့ ပတ်သက်လို့ တိတိကျကျ ဖေါ်ပြထားခြင်း မရှိပဲ နိုင်ငံတော်ရဲ့ အကျိုးနဲ့ မဆန့်ကျင်လျင် နိုင်ငံသားတိုင်း လွတ်လပ်စွာ ဆန္ဒထုတ် ဖေါ်ခွင့်ရှိသည် ဆိုတဲ့သဘောသာ ဖေါ်ပြထားတာဖြစ်ပါတယ်။
ယခုလက်ရှိ ကျင့်သုံးနေတဲ့ စာပေစိစစ်ရေး ဆိုတာကို ဖျက်သိမ်းဖို့ အရိပ်လက္ခဏာ မမြင်ရသေးပဲ၊ အကြောင်းအရာတချို့ကိုသာ ထုတ်ဝေပြီးမှ စိစစ်ရေးတင်ပြဖို့ ခွင့်ပြုဖို့ အဆိုပြုချက် ရေးဆွဲထားတာ လွန်ခဲ့တဲ့ သတင်းပတ်အတွင်း စာပေစိစစ်ရေး ညွှန်မှူး ဟောင်း က ပြောခဲ့ပါတယ်။
၃၁ ရက်နေ့ အစိုးရအဖွဲ့ဝင်တွေကို ပြောတဲ့မိန့်ခွန်းမှာတော့ အစိုးရအဖွဲ့ဟာ ပြည်သူလူထုသိသင့်တဲ့အချက်တွေကို မီဒီယာတွေမှ တဆင့်အသိပေးဖို့နဲ့ မီဒီယာတွေကလည်း အပြုသဘောဆောင်တာတွေကို ဖေါ်ပြဖို့ ပြောသွားပါတယ်။ မီဒီယာရဲ့ ပင်ကိုယ်သဘော မှာ ဘက်မလိုက်ဖို့၊ မျှတဖို့ ၊ စာဖတ်သူ၊ လူထုအကျိုးအတွက် ရဲရဲဝံ့ဝံ့ ပြောဆိုဖို့ မူဝါဒရှိပြီးသားဖြစ်တာကြောင့် အပြုသဘော ဆောင် တယ်ဆိုတာဟာ ဘာကိုဆိုလိုသလဲဆိုတာ သဲသဲကွဲကွဲမ ရှိပါဘူး။ အစိုးရကို မဝေဖန်ဖို့ ဆိုလိုချင်တဲ့သဘောလည်း ဖြစ်ကောင်း ဖြစ်ပါလိမ့်မယ်။
မတ်လ ၃၁ ရက်နေ့မှာ အစိုးရအဖွဲ့ဝင်တွေကို ပြောကြားတဲ့ မိန့်ခွန်းမှာတော့ ကောင်းမွန်တဲ့ အုပ်ချုပ်မှု စနစ်နဲ့ သန့်ရှင်းသော အစိုးရ ပေါ်ပေါက်လာအောင် ကြိုးစားကြဖို့ ပြောသွားပါတယ်။ ကောင်းမွန်တဲ့ အုပ်ိချုပ်မှုနဲ့ သန့်ရှင်းသော အစိုးရဆိုတာ ပေါ်ထွက်ဖို့ စတုတ္ထ မဏ္ဍိုင်ဟာ ဘယ်လောက်ထိ လွတ်လပ်ခွင့်ရှိသလဲ ဆိုတာလည်း အရေးကြီးပါတယ်။ ယခုလက်ရှိ အနေအထားလို လွှတ်တော်ထဲ ကိုတောင် သတင်းထောက် ၀င်ခွင့်မရှိတဲ့ အနေအထားမျိုးနဲ့ သွားမယ်ဆိုရင် စတုတ္ထမဏ္ဍိုင်အနေနဲ့ အစိုးရအဖွဲ့ရဲ့ လုပ်ဆောင်မှုတွေ အပေါ်ဘာမှ ဝေဖန်ပြောဆိုခွင့် ရရှိမယ် မထင်ပါ။

သိန်းစိန်၏ ဒီမိုကရေစီ ကျင့်စဉ်ဋီကာ
ဒုတိယနေ့ မိန့်ခွန်းမှာ အစိုးရအဇွဲ့ရဲ့ ဒုတိယ လုပ်ငန်းစဉ်ဟာ ဒီမိုကရေစီ ကျင့်စဉ် ထွန်းကားရေး လို့ဆိုသွားပါတယ်။ သို့ပေမယ့် ဒီမိုကရေစီ ကျင့်စဉ်ထွန်းကားအောင် ယခုလက်ရှိမူတွေနဲ့ ကွဲပြားပြီး ဘယ်လိုဖေါ်ဆောင်မလဲဆိုတာက ပိုစိတ်ဝင်စားစရာ ဖြစ်ပါတယ်။
ဦးသိန်းစိန်ရဲ့မိန့်ခွန်းထဲမှာ ပြည်သူတွေက စနစ်တစ်ခု ကောင်းမကောင်း ဆုံးဖြတ်ရာမှာ သူတို့ရဲ့ နေ့စဉ်လူနေမှုဘ၀ အပေါ်ဘယ်လို အကျိုးသက်ရောက်မှု ရှိတယ် ဆိုတာနဲ့ တိုင်းတာမှာဖြစ်တယ်လို့ ပြောသွားပါတယ်။ ဒီအချက်ဟာ လက်တွေကျတဲ့ စကားလုံးပါ။

အထက်ပါ အချက်ကို တိုင်းဖို့ရာ ယခုအစိုးရသစ်တာဝန်ယူပြီး နောက် ၆ လအကြာ၊ တစ်နှစ်အကြာမှာ ဓါတ်ဆီဆိုင်တွေရှေ့မှာ ကားတန်းရှည်ကြီးတွေနဲ့ တန်းစီထုတ်ရောင်းတာတွေ ရှိနေဦးမှာလား၊ ဈေးဝယ်တဲ့အခါ ဘတ်စကားစီးတဲ့အခါ အကြွေမရှိလို့ ဆိုပြီး ခရီးသည်နဲ့ ကားစပယ်ယာ အကြားအငြင်းပွားတာတွေ ကြုံနေရဦးမှာလား။ နယ်မြို့တွေမှာ ပိုက်ဆံအကြွေတွေကို ပလပ်စတစ်အိတ်ထဲ ထည့်သွင်းပြီး သုံးနေကြရဦးမှာလား ဆိုတာနဲ့ တိုင်းထွာကြည့်ကြ မယ်ဆိုရင် အစိုးရ ကောင်းမကောင်း သန့်မသန့် မှတ်ကျောက်တင်နိုင်မှာ ဖြစ်ပါတယ်။

၉။၎။၂၀၁၁

။။။။။။။။။။။။။။။။။

မြန်မာပြည် အစိုးရအဖွဲ့ အပြောင်းအလဲကို ဒီလို မြင်ကြတယ်
ယမန်နေ့က နအဖ စစ်ကောင်စီကို ဖျက်သိမ်းလိုက်သည်။ မကြာသေးမီက စစ်တပ်မှ အစုလိုက်အပြုံလိုက် အငြိမ်းစားယူလိုက်သူများ ပါဝင်သည့် "အရပ်သားအစိုးရ"ကို ဖွဲ့စည်းလိုက်သည်။ သို့သော်လည်း အာဏာကို ချုပ်ကိုင်ထားသည့် စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေတွင် မည်သည့် ရာထူး၊ မည်သည့် တာဝန်များရှိသည်ကို မသိရသေးပေ။ တချိန်တည်းတွင်ပင် သူ၏ ရာထူး "ကာကွယ်ရေးဦးစီးချုပ်" ရာထူးက ဗိုလ်ချုပ်ကြီးမင်းအောင်လှိုင်ထံသို့ ရောက်သွားကြောင်း လွှတ်တော်တက်သူများကို ကိုးကားပြီး သတင်းဌာနတို့က ဖော်ပြကြသည်။
ဤအပြောင်းအလဲများနှင့် ပတ်သက်ပြီး ယမန်နေ့က သတင်းဌာနတချို့တွင် ပါရှိသည့် သုံးသပ်ချက်များကို ကူးယူ ဖော်ပြလိုက်သည်။

တကယ် အာဏာရှိတဲ့သူက ဗိုလ်ချုပ်မှူးကြီးသန်းရွှေ ဖြစ်ပါတယ်။ ဆိုတော့ - သူက အာဏာစွန့်ပါတယ် ဆိုတာကို လုံးဝ ပြတ်ပြတ် သားသား မမြင်ရသရွှေ့ ကာလပတ်လုံး ဒါဟာ အာဏာလွှဲတယ်လို့ ဆိုဖို့ ခက်ခဲပါလိမ့်မယ်။
ဦးကျော်ဇံသာ၊ စာနယ်ဇင်းသမား
VOA

ဗိုလ်ချုပ်မင်းအောင်လှိုင်တို့က သူတို့နဲ့ စာရင် အသက် အများကြီး ကွာပါတယ်။အချိန်မရွေး ဒီလူတွေဟာ စိတ်နေစိတ်ထား ပြောင်းလဲ သွားနိုင်ပါတယ်။ ကမ္ဘာမှာ အခု ဖြစ်နေတဲ့ အခြေအနေနဲ့ ယှဉ်ရင်၊ အရှေ့အလယ်ပိုင်း အခြေအနေတွေမှာလည်း စစ်တပ်က ပြည်သူ လူထုနဲ့ ပေါင်းသွားတဲ့ အခြေအနေမျိုးတွေက အာဏာရှင်ကို ဖယ်နိုင်တယ် ဆိုတဲ့ အတွေးအခေါ်မျိုးတွေက အများကြီး ဖြစ်နေတဲ့ အချိန်အခါမျိုးမှာ သူ အလန့်ဆုံးပါပဲ။
ဦးအောင်လင်းထွဋ်၊ ထောက်လှမ်းရေးဗိုလ်မှူးဟောင်း
VOA

ဗိုလ်ချုပ်မှူးကြီး သန်းရွှေ အနေနဲ့ စစ်တပ်က အနားယူလိုက်တယ် ဆိုပေမယ့် ဒီ (လက်ရှိ) ဗိုလ်ချုပ်တွေ အပေါ်မှာ ဆက်ပြီး ချုပ်ကိုင်နိုင်တဲ့ နေရာ တခုခုကို ဖန်တီးပြီးတော့ နောက်ကွယ်ကနေ ကြိုးကိုင်နေဦးမယ်လို့ ယူဆပါတယ်။
စစ်ရေးလေ့လာသူ ဦးဌေးအောင်
BBC

ပြည်သူလူထု မျှော်မှန်းတောင့်တနေတဲ့ ပြောင်းလဲမှုမျိုးတော့ မဖြစ်သေးဘူး။
ဦးအုန်းကြိုင်၊ NLD
RFA

ရခိုင်ပြည်နယ်က ကျနော် မနေ့ညနေကမှ ရောက်ပါတယ်၊ ပြည်သူတွေကြားမှာ၊ ရွာတွေမှာ ကျနော်ရောက်တဲ့ အခါကြတော့ တကယ့် အားကိုးတကြီးနဲ့ သူတို့ရဲ့ အခက်အခဲတွေ၊ သူတို့ရဲ့ အကျပ်အတည်းတွေကို တင်ပြနေတာက ကျနော်တို့ကိုပဲ တင်ပြနေတာ ဖြစ်နေ တယ်။ အဲတော့ တကယ်ဆိုရင် ပြည်သူတွေက အစိုးရသစ်နဲ့တကွ ကိုယ်စားလှယ်တွေကို အားကိုးတယ်ဆိုရင် သူတို့ကို တင်ပြရ မှာပေါ့။
ဦးအေးသာအောင်၊ ပြည်သူ့လွှတ်တော် ကိုယ်စားပြု ကော်မတီ (CRPP)
VOA

အစိုးရအသစ်က လည်ပတ်သွားပြီးတော့ အရှိန်လေး ရလာတဲ့အချိန်မှာ ကျနော်တို့ ပြည်သူလူထုအတွက် ဘာလုပ်ပေးနိုင်မလဲ၊ အစိုးရသစ်ကလည်း ပြည်သူလူထုကို ဘာတွေ စွမ်းဆောင်ပေးနိုင်မယ်ဆိုတာ အဲဒီတော့မှ အဖြေပေါ်မှာပေါ့။
ဦးစိုင်းစောင်စီ၊ ရှမ်းတိုင်းရင်းသားများ ဒီမိုကရက်တစ်ပါတီ (ကျားဖြူပါတီ)
VOA

လွှတ်တော်ထဲမှာရော အစိုးရထဲမှာရော သူတို့လူတွေချည်းပဲ ဆိုတော့ သူတို့ကိုယ်တိုင်က လူများစုနဲ့ အနိုင်ကျင့်တဲ့အဖြစ်ကို မရောက်အောင် နိုင်ငံတကာ မျက်နှာစာမှာ နိုင်ငံရေးသိက္ခာ အပြည့်နဲ့ ဆောင်ရွက်မယ် ဆိုရင်တော့ အားထားဖွယ်ရာ ရှိလာစရာ ရှိတယ်။
ဦးခင်မောင်ဆွေ၊ အမျိုးသား ဒီမိုကရေစီ အင်အားစု ပါတီ(NDF)
VOA

အစိုးရအဖွဲ့ဆိုတာ အရင်တုန်းကဆိုရင် စစ်ဗိုလ်တွေချည်းပဲ၊ ယူနီဖောင်းတွေချည်းပဲ မြင်ရတယ်။ အခုတော့ ခေါင်းပေါင်းနဲ့ ပုဆိုးနဲ့ ဆိုတော့ ဒါဟာ အရပ်သားတွေနဲ့ တန်းတူရည်တူ အစိုးရမျိုး ဖြစ်သွားတယ်။
ဦးသုဝေ၊ ဒီမိုကရက်တစ်ပါတီ (မြန်မာ)
RFA

နာမည်ရှေ့က ‘ဗိုလ်ချုပ်’ တွေ ဖြုတ်ပြီး ‘ဦး’ တွေ တပ်၊ အရပ်သား အစိုးရပုံနဲ့ လုပ်လိုက်တော့ မသိတဲ့သူတွေ မျက်စိလည်စရာပဲ။ သူ့သြဇာခံမယ့် သူတွေကိုရွေးပြီး အစိုးရသစ်ကို ဖန်တီးထားတာ။ ဦးသန်းရွှေတို့ကတော့ ဘေးကနေ မတော်မတရား မလုပ်အောင် ၀င်ပြောမယ်လို့ ကြားတာပဲ။ တိုက်ရိုက်အုပ်ချုပ်တာ မဟုတ်ပေမယ့် သွယ်ဝိုက်အုပ်ချုပ်မှာပါပဲ။ သူတို့က ရာထူးသြဇာ အကုန်စွန့်လိုက် တဲ့ပုံစံ လုပ်ပြလိုက်တာပါပဲ။ တကယ်တော့သူတို့ လုပ်ချင်သလိုလုပ်လို့ ရနေတာပဲ။
ဝါရင့်နိုင်ငံရေးသမားကြီး သခင်ချန်ထွန်း
ဧရာဝတီ

1/4/2011

-----------------

လိုအပ်နေသည့် ဝေဖန်ရေးနှင့် ဝေဖန် ခံနိုင်ရေး
-ဦးဖိုးသာအောင်-16.Feb, 2011။-

ဒေါက်တာလွမ်းဆွေရဲ့ ဝဘ်ဆိုက်မှာ ကလောင်ရှင် အက်ဆစ်က ဒေါ်အောင်ဆန်းစုကြည် ကို ဝေဖန်တဲ့ဆောင်းပါးကို ၃.၂.၁၁ နေ့ က ဖတ်ရပါတယ်၊ ဝေဖန်ထောက်ပြတဲ့ အချက်အလက်တွေ သည် ခိုင်သည် မာသည် မှန်သည်ဆိုပေမယ့် ကြိုက်သူရှိသလို မကြိုက်သူ လည်း ရှိကြပါသည်၊ ဒါလည်းသဘာဝပါပဲ၊

စာဖတ်သူတို့ ၏အယူအဆ အတွေးအခေါ်အနိမ့်အမြင့်အရ ငြင်းဆိုခြင်းလက် ခံခြင်းဆိုတာလည်း ရှိကြမှာပါ၊
မည်သို့ ရှိပါစေ နိုင်ငံရေးဝေဖန်ချက်ကဏ္ဍတခု၏ တိုးတက်သစ်လွင် လာမှုအပေါ် ကြိုဆိုရမည်သာ ဖြစ်ပါသည်။

အရင်းစစ်တော့ အမြစ်မြေကဆိုသကဲ့သို့  မြန်မာကြိုက် သူရဲကောင်းကိုးကွယ်မှုဝါဒကိုဆန့်  ကျင်ရန် အချိန်ရောက်ကြောင်း မီးစိမ်းပြ လိုက်သလိုလည်း ဖြစ်နေပါသည်၊
မြန်မာလူထုသည် အင်မ တန် သနားစရာကောင်းလှပါသည်၊ နိုင်ငံရေး၊ လူမှုရေး၊နိုင်ငံတကာ အရေးမှအစ စီးပွားရေးနှင့်နည်း ပညာ ပိုင်းတို့ တွင် လွန်စွာအားနည်းပြီး နောက်ကျကျန်ရစ်ခဲ့ကြပါသည်၊

ဒါကလည်း ဗိုလ်နေဝင်း၏ စနစ်တကျ ရေရှည်စီမန်ကိန်းဖြင့် လူထုကို နိုင်ငံတကာနှင့်အဆက်ဖြတ်သည့်အပြင် ဦးနှောက်ထောင် ချကာ စာမတတ်အောင် နည်းမျိုးစုံသုံးပြီး ဖိနှိပ်ခဲ့သောကြောင့်ပင်ဖြစ်ပါသည်၊
မ.ဆ.လ ခေတ်တ လျှောက်လုံး မြန်မာတွေမှောင်ကြီးမဲကြီး ထဲမှာ စခန်းသွားခဲ့ရပါသည်၊
ဒါကြောင့်လည်းမြန်မာလူထု ကြီးသည်အတွေးအခေါ်မတိုးတက်ဘဲရှိနေပါသည်၊
မတိုးတက်သည့်အလျှောက် သူရဲကောင်း ကယ် တင်ရှင် ကိုးကွယ်သည့် ဝါဒလည်း ရှင်သန်မြဲ ရှင်သန်နေပါသည်။

မြန်မာတွေသူရဲကောင်းကိုးကွယ်သည့် စိတ်ဓါတ်ကို အနောက်အုပ်စုက ကောင်းကောင်း သိကြသလို ဒီအားနည်း ချက် ကိုအသုံးချပြီး မြန်မာ့အရေးမှာ ဝင်ရောက်ဆောင်ရွတ်နေကြပါသည်၊
ထိုနည်းတူမြန်မာအတိုက်အခံ အုပ်စုများကလည်း ဒီအားနည်းချက်အပေါ်မှာပဲ နိုင်ငံရေးအမြတ်ထုတ်ရန် ကြိုးစား ကြ ပါသည်၊
ယနေ့ သိသာမြင်သာနေသည့် မြန်မာ့သူရဲကောင်းကား မည်သူနည်း၊

အများက လေးစားချစ်ခင်နေသော ဒေါ်အောင်ဆန်းစုကြည်မှတပါး အခြားမရှိပါ၊
မျက်မှောက်ခေတ် မြန်မာ့သမိုင်းတွင် ပြည်သူလူထု၏ချစ်ခင်လေးစားမှုကို ခံစားရရှိသည့် ခေါင်းဆောင်ကိုပြပါဆိုလျှင် ဗိုလ်ချုပ် အောင်ဆန်းနှင့် သူ၏ သမီး ဒေါ်အောင်ဆန်းစုကြည်တို့ ပင်ဖြစ်ပါသည်၊ ဒါကိုငြင်း၍မရပါ၊
သို့ ပေမယ့် မည်သို့ သောသူရဲကောင်းများပင်ဖြစ်ကြပါစေ သူတို့  လုပ်ရပ် တိုင်း ခြောက်ပြစ်ကင်း မဟုတ် သည်ကတော့ သေချာပါသည်၊ အသေးအမွှားကိစ္စများ၊ ပုဂ္ဂိုလ်ရေးများကို ရှေတန်းမတင်ကြပဲ လူထု၏ အကျိုး စီးပွားနှင့် ပတ်သတ် သည့် ကိစ္စများကိုတော့ အကောင်းအဆိုး ဝေဖန်ကြရမည်သာဖြစ်ပါ သည်၊
ဗိုလ်ချုပ်အောင်ဆန်းပင်လျှင် ဂျပန်တွေကိုသွားပင့်တာလည်း အောင်ဆန်း၊ ဂျပန်တွေကိုတိုက် ထုတ်တာလည်း အောင်ဆန်းဟု ပင် ပြောခဲ့ကြသေးသည် မဟုတ်ပါလား၊
ဓနရှင်ကိုယ်စားလှယ်၊ လွတ်လပ်ရေးအတုကိုယူသူဟုလည်း စွပ်စွဲဝေဖန်ကြသေးသည် မဟုတ်ပါလား၊
အနစ်နာခံမှုနှင့်စေ တနာတို့ က တပိုင်း လုပ်ရပ်၏မှားခြင်းမှန်ခြင်ကတပိုင်း အဝေဖန် ခံရမည်သာဖြစ်ပါသည်၊
ဒါသည်ပင်လျှင် ဒီမိုကရေစီ၏ အုပ်မြစ်ပါပဲ။


ဒေါ်အောင်ဆန်းစုကြည်သည်လည်း ရုပ်နမ်ဓမ္မ သင်္ခါရပေမို့  ကဲ့ရဲ့ ချီးမွမ်း လောကဓံမှ လွတ်မည်တော့ မဟုတ်ပါ၊
တောင်ထိပ်ကသစ်ပင်သည် လေတိုက်ခြင်းဒါဏ်ကိုပိုပြီးခံရမည်မှာ ဓမ္မတာပါ၊
သို့ သော် ယနေ့ ဝေဖန်ရေးတို့ သည် အိုးကျပြော ပန်းကန်ကျပြောဆိုသည့် ဆီလို အ ပေါက်ရှာဝေဖန် အပြစ်တင် နေတာလား၊
ဒါမှမဟုတ်လူထု၏အကျိုးစီးပွားနှင့် တိုင်းတာတွက်ချက်ပြီး အားနည်းချက် အားသာချက်တွေကို ထောက်ပြဝေဖန် နေကြတာလား ဆိုတာတော့ ခွဲခြား နားလည် အပ်ပါသည်၊

အားနည်းမှားယွင်းသော အမြင်ရှိသည့် လူများသည် ဝေဖန်ရေး၏ သဘောသဘာဝကိုနားမလည်ကြပါ၊
အဆိုးဆုံးသည် ပုဂ္ဂိုလ်စွဲ၊ ဝါဒစွဲရှိသူများပင်ဖြစ်ပါသည်၊
ထိုသူတို့ သည်သူတို့ စွဲသည့် လူပုဂ္ဂိုလ်နှင့်ဝါဒကို ဝေဖန်လာမည်ဆိုလျှင် မခံမရပ်နိုင်ဖြစ်ကြပါတော့သည်၊
မည်သူကပင် ဝေဖန်ပါစေ ထောက်ပြသည့် အချက်အလက်၏ မှားခြင်းမှန်ခြင်း၊ အကျိုးရှိခြင်း အကျိုးယုတ်ခြင်း အပေါ်တွင်သာ ကြည့်မြင်ရပါလိမ့်မည်၊
ဝေဖန်တဲ့သူကို သိစရာမလိုပါ၊ ဝေဖန်ချက်၏ မှားခြင်းမှန်ခြင်းနှင့် လူထု၏ အကျိုးဖြစ်ထွန်းမှု ရှိ မရှိ ဖြင့်သာတိုင်းတာပြီး တုန့် ပြန် ဝေဖန်မှုများ ပြုလုပ်ကြရန်သာ ဖြစ်ပါသည်၊
နိုင်ငံကျော်မြန်မာပန်းချီဆရာကြီး တဦး၏ နွားနှစ်ကောင်ဝှေ့ နေသော ပန်းချီကားကိုကြည့်ပြီး နွားကျောင်းသားလေး တယောက်က ပက်ပက်စက်စက်ဝေဖန် ဘူးသည်၊ နွားဝှေ့ လျှင်အမြီးမထောင် ပါဘူးတဲ့၊ သွေးထွက်အောင်မှန်နေသည့်ဝေဖန်ရေးပါ၊ နမူနာယူသင့်ပါသည်။

ယ္ခုမူ ဒေါ်စုကိုဝေဖန်လို့  အက်စစ်ဆိုတာဘယ်သူလဲ၊ သူကဘာကောင်လဲ၊
နိုင်ငံရေး ဖြတ်သန်းမှုက ဘယ်လောက်ရှိလဲ စသည်ဖြင့်လျှောက်မေး လျှောက်ရေး လုပ်နေကြပါသည်၊
အက်စစ် ဆောင်းပါးကိုထည့်ပေးတဲ့ ဒေါက်တာလွမ်းဆွေကိုလည်း ပုဂ္ဂိုလ်ရေးပုတ်ခတ်တိုက်ခိုက်ပြီး ငယ်ကျိုး ငယ်နာတွေ ဖေါ်ရေးနေ တာ လည်း တွေ့ နေရပြန်ပါသည်၊ ဒါမဖြစ်သင့်ပါ၊
ဝေဖန်ရေးကဏ္ဍသည် နိုင်ငံ ရေးမှာမရှိမဖြစ် လိုအပ်ချက်ဖြစ်သည်ဆိုတာ အားလုံးသဘောပေါက်ကြပါသည်၊
ဝေဖန်ရေး၏အနိမ့်ဆုံး လိုက်နာရမည့် လူ့ စည်းကမ်းကိုလည်း သိဖို့ လိုပါသည်၊ အဲဒါကတော့ မရိုင်းပြဖို့ ပါပဲ၊
ဆင်ဆာမရှိ ဟုဆိုကာ မိုက်ရိုင်းစော်ကား ဆဲဆိုမှုဆိုတဲ့ ဖရုဿဝါစာ ဆိုတာကိုတော့ မည်သည့် လူ့ အဖွဲ့ အစည်း ကမျှ လက္ခံကြမည် မဟုတ်ပါ၊
ယ္ခုလည်း တော်တော်တော့သိနေကြပါပြီ၊ ဘယ်သူရေးတာဆိုလျင်ဆဲ စာပါပဲဆိုတာမျိုးပေါ့၊

ဒုတိယအချက်က ဝေဖန်သူသည် နိုင်ငံရေး ရေချိန်နိမ့်ခြင်း မြင့်ခြင်းသည် ပဓါနမဟုတ်ပါ၊
ပြည်သူ့ အကျိုးကိုရှေ့ရှူပြီး အချက်အလက် မှန်ကန်စွာထောက်ပြဖို့ သာဖြစ်ပါသည်၊
ဟင်းမချက်တတ်ပေမယ့် အပေါ့အငံကိုတော့ ပြောခွင့်ရှိပါသည်၊ မည်သူမျှမပိတ်ပင်နိုင်ပါ၊
တကယ် တော့ အတွေးအခေါ်နှင့် ခံယူချက် မတူသူများသည် အစဉ်အမြဲ တဦးနဲ့ တဦး တဘက်နှင့်တဘက် ဝေဖန်နေကြမည်သာ ဖြစ်ပါသည်၊

မည်သူ၏ဝေဖန်ချက်က မှန်သည် မှားသည်ဆိုတာကိုတော့ ချက် ချင်း အဖြေမထွက်သော်လည်း အချိန်ကအဆုံးအဖြတ်ပေးမည်သာ ဖြစ်ပါသည်၊ အချိန်၏အဆုံးအဖြတ်ကို မနာခံလိုဘဲ ထာဝရဆိုသူများကိုတော့ ထာဝရ ငရဲက စောင့်နေ မည် သာ ဖြစ်ပါသည်။

မြန်မာ့နိုင်ငံရေးလောက၏ စူပါစတားမှာ ဒေါ်စုပင်ဖြစ်ပါသည်၊ လူထုကြီးကလည်း ထောက်ခံပါသည်၊
ဒေါ်စုကို ဗိုလ်ချုပ်သမီးဆိုတဲ့ အချက်တခုတည်းဖြင့် ယုံကြည်ထေက်ခံကြခြင်း ဖြစ်သည်၊
ဒေါ်စု၏နိုင်ငံရေးဖြတ်သန်းမှု၊ ဒေါ်စု၏နိုင်ငံရေးယုံကြည်ချက်နှင့်လမ်းစဉ်၊ ဒေါ်စု၏ရည်ရွယ် ချက်နှင့်မဟာဗျူဟာ နည်းဗျူဟာတို့ ကို လူထုကြီးမသိပါ၊ ကျနော်လည်းမသိပါ၊
လူထုကြီးသည် သူတို့ ဘဝပေး အတွေ့ အကြုံအရ ဗိုလ်နေဝင်းကိုမုန်းသည်၊
ဗိုလ်အောင်ဆန်းကိုချစ်သည်၊ထို့ ကြောင့် ဗိုလ်အောင်ဆန်း၏ သမီးကိုလည်း ချစ်ကြပါသည်၊
ချစ်ယုံတွင်မက ယုံကြည်အားကိုးကြ ပြန်ပါသည်၊

၉၀ခုနှစ်ရွေးကောက်ပွဲမှာ အင်အယ်ဒီအနိုင်ရသည်မှာ အင်အယ်ဒီကြောင့်မဟုတ်ပါ ဒေါ်စုကြောင့်သာဖြစ်ပါသည်၊
အင်အယ်ဒီ၏ မူဝါဒသဘောတရားတွေကို လူထုမသိပါ၊ ဗိုလ်ချုပ် သမီးလေး၏ပါတီမို့  အားကိုးသမှုပြုကာ ပုံအောပြီးမဲပေး လိုက်ခြင်း ပင်ဖြစ်ပါသည်၊
ကျောင်းသားနှင့် လက်ဝဲယိမ်းအုပ်စုများကလည်း ဒေါ်စုတယောက်တည်းကို လုပ်ပိုင်ခွင့်အာဏာအပ်နှင်းဖို့ ကြိုးစား ကြပါသေးသည်၊
ဝိဒူရ ကြီးက ကန့် ကွက်လို့ ပျက်ခဲ့ပါသည်၊ သို့ သော် လူထုကအားကိုးသော ဒေါ်စု သည် လူထုခေါင်းဆောင်နေရာကို ရရှိခဲ့သည်ကား အမှန်ပင်ဖြစ်ပါသည်။

မည်သို့ ပင်ဖြစ်ပါစေ အင်အယ်ဒီလည်း အစိုးရမဖြစ်၊ ဒေါ်စုလည်း ထောင်ကျ၊ ပြည်သူ လည်း မွဲသထက်မွဲ၊ စစ်အစိုးရသည်ပင် တရားဝင် လူထု တင်မြှောက်သည့်အစိုးရ ဖြစ်ချေအုံး တော့မည၊်
ဒီလိုဖြစ်လာရခြင်းအပေါ် ဝေဖန်သုံးသပ်မှု မပြုလုပ်ရဘူးတဲ့လား၊ အဆိုးအကောင်း အကျိုးအကြောင်းတွေ မပြောကြရဘူးတဲ့လား၊
ဒီလိုမဖြစ်သင့်ပါ၊
ကိုယ့်တိုင်းပြည်ကိုယ့်လူမျိုး အတွက် ကိုယ့်ခေါင်းဆောင်တွေကို မဝေဖန်ကြရတော့ဘူးလား၊
အတွေးအခေါ် အောက်တန်း မကျသင့်ပါ၊ တိုင်းပြည်ကိုချစ်တဲ့လူတိုင်းမှာ တာဝန်ရှိသည်ဟု ခံယူထားရပါမည်၊
ယနေ့  မြန်မာ့ဒီမိုကရေစီရေး မအောင်မြင်ရသည်မှာ ကိုယ်ကျိုးကြည့် အချောင်သမားများ များလွန်းပြီး ဝေဖန်ရေးအားနည်းလွန်း သည့် အချက်သည် အဓိကအချက် တချက်ဖြစ်ပါသည်၊

စစ်အာဏာရှင်ကို ဝေဖန်နေခြင်းသည်မိုက်မဲပြီး အချိန်ဖြုန်းရာရောက်ပါသည်၊
နဂိုကတည်းက စစ်အာဏာရှင်ဆိုတာ မကောင်းဆိုးဝါးမှန်း သိလျှက်နှင့် အလုပ်ရှုပ်ခံ ဝေဖန်နေကြသူများသည် သူတို့  ကိုယ့်ကျိုးရှိ ကောင်း ရှိနေလေသလားလို့ တွေးစရာပါ၊
မိမိတို့ ဘက်က အားနည်းချက်များကို ဝေဖန်လိုက်တယ်ဆိုရင်ပဲ ရန်သူအားရမည်ဆို တာကတမျိုး၊ အချင်းချင်းတွေ သွေးကွဲနိုင် သည်ဟု ပြောတာကတဖုံ၊ ဒလန်လား သူလျှိုလားဟုဆိုတာ ကတနည်း၊ နည်းမျိုးစုံ ပိတ်ပင်နေကြသည် မှာလည်း အံ့သြစရာ ဖြစ်ပေမယ့် သူတို့ အကြောင်းကို တကယ်သိရတော့ မအံသြတော့ပါ၊

သူတို့ သည် တော်လှန်ရေး အဒွန့် ရှည်ရေးသမားများနှင့် သူခိုးများ လူလေလူလွင့်များ ဖြစ်နေကြလို့ ပါပဲ၊
လူတော်လူကောင်းများဆိုလျှင် မိမိတို့ ရည်ရွယ်ချက် အောင်မြင်မှု ရှိမရှိ ဆိုတာကို အစဉ်အမြဲ ဝေဖန်သုံးသပ်ပြီး ပြုပြင်သင့်လျှင်ပြု ပြင် ကြဖို့ သာ ရှိပါသည်၊
အခုတော့ မြန်မာ့အတိုက်အခံ နိုင်ငံရေးလောကတွင် ဒီလိုမဟုတ်ပါ၊
ပွင့်လင်းမြင်သာပြီး မှတ်တမ်းတင် ခံနိုင်သည့် ဒီမိုကရေစီနည်းကျ ဆွေးနွေးပွဲ၊ စည်းဝေးပွဲ၊ ဖိုရမ်ဆိုတာ မတွေ့ ရပါ၊ လူယုတ်မာကိုယ်ကျိုး ရှာသမားများ၏ ရေများရေနိုင် မီးများမီးနိုင် ဆိုသည့်မူနှင့် အနိုင်ကျင့်သည့် အစည်းအဝေးမျိုးများသာ ပြည့်နှက်နေပြီး၊ ဝေဖန်ရေးကို ပိတ်ပင်ထားကြ ပါတော့သည်။

အံသြစရာကောင်းသည်မှာ အမှန်ကိုအမှန်အတိုင်း ထောက်ပြဝေဖန်မှု အားနည်းနေ ခြင်းဖြစ်ပါသည်၊
အမှန်အတိုင်းဝေဖန်လိုက်လျှင် ငါ့ကို အသိုင်းအဝိုင်းကြီးကဘယ်လိုမြင်သွားမလဲဆို ပြီး ကြောက်ရွံ့ နေသူများ များလွန်းနေပါသည်၊
ဤသည်ပင်လျှင် ကိုယ်ကျိုးရှေရူတဲ့ အတ္တကြီးသူများ ဟုဆိုရပါမည်၊
ကျေးဇူးရှိလို့ ၊ မျက်နှာမပျက်လိုလို့ ၊ ပြောလည်းမထူးပါဘူးတို့  စတဲ့ အကြောင်းပြ ချက်တွေသည် တကယ်တော့ ထိုသူတို့ ၏ သတ္တိကြောင်မှုပင်ဖြစ်ပါသည်၊
ဤကဲ့သို့  သတ္တိကြောင် သူတွေ များလွန်းသည့် နိုင်ငံရေးလောကမှာ မအောင်မြင်တာ လည်း မဆန်းလှပါ၊
ဒေါ်အောင်ဆန်းစုကြည်တို့  ဦးဝင်းတင်တို့ ကို ဝေဖန်ရင်ပဲ အဝီစိရောက်တော့မလိုလို၊ မိုးကြိုးပစ်တော့မလိုလို ဖြစ်နေတာကတော့ ရယ်ဖွယ်ကောင်း လှပါသည်၊
မလိုအပ်သည့် အောက်တန်းကျသော အတွေးအခေါ်များကို စွန့် ပယ်သင့်ကြပါပြီ၊
ဆိတ်ဆိတ်နေထောင်တန်ဆိုပြီး ဝေဖန်ရေးကိုပြစ်ပယ်ကာ ဖောက်ပြန်နေကြသူများအတွက် နေရာမရှိတော့သည့် ခေတ်ကို ရောက်နေပါပြီ၊

သန်းရှစ်ရာလူထုကို ကျွန်စာရင်းမှ ကယ်တင်နိုင်ခဲ့သည့် တရုပ်ပြည်သူ့  သူရဲကောင်း ကြီး မော်စီတုန်းသည် သူ၏လယ်ယာမြေ စီမံကိန်း ကြောင့် တရုပ်ပြည်သူတွေ ဆင်းရဲမွဲတေခဲ့ရပါ သည်၊

ဂျပန်တော်လှန်ရေးမှာ ကြီးမားသည့်ခေါင်းဆောင် အခန်းကဏ္ဍမှာ ပါဝင်ခဲ့သည့် သ္ခင်သန်းထွန်းသည် ခြောက်ဆယ့်လေး လမ်းစဉ် အမှား ကိုချမှတ်ပြီး သူ၏ရဲဘော် တစ်ရာကျော်ကို သတ်ပြစ်လိုက်ပါသည်၊
ဗဟိုကော်မတီတခုလုံး တာဝန်ရှိပါသည်ဟု ဝန်ခံပေမယ့် တာဝန်အရှိဆုံး မည်သူလဲဆိုတာကိုတော့ ဝန်ခံမသွားပါ၊ ဒါတွေကိုဝေဖန် ရဲသူ အလွန်နည်းလှပါသည်၊ ဒါကြောင့်လဲ ပျက်စီးခြင်းနှင့်သာ ရင်ဆိုင်ကြရပါသည်။

မည်သူမဆိုဝေဖန်ခံနိုင်မှု ရှိခြင်း မရှိခြင်းသည် ထိုသူတို့ ၏အရည်အသွေး သတ္တိနှင့်သာ သက်ဆိုင်ပြီး မှန်တဲ့အတိုင်း ဝေဖန် ထောက် ပြရဲခြင်း ရှိမရှိသည်လည်း ထိုသူတို့ ၏အရည်အသွေး သတ္တိနှင့်သာ ပတ်သတ်နေပါသည်၊
ထိုကြောင့်မြန်မာ့နိုင်ငံရေး လောကတွင် သတ္တိနှင့် အရည်အသွေးရှိသူများ များများထွန်းကားပါစေဟု အားပေး တိုက်တွန်း လိုက်ပါ ကြောင်း။ ။

ဦးဖိုးသာအောင် 26/3/ 2011

/////////////////////////////

လက်နက်ကိုင်အင်အားစုများပြည်ပရောက်ဒီမိုကရေစီအင်အားစုများပူးပေါင်းလုပ် ဆောင်ရမည့် အလုပ်သင့် ဆုံးအလုပ် မှာ...
ထွန်းအောင်ကျော်-16,3, 2011။-

တိုင်းရင်းသားအချင်းချင်း ညီညွတ်ရေးသည် တပ်ပေါင်းစုများဖွဲ့ပြီး နိုင်ငံရေးအရ ပူးပေါင်းလုပ်ဆောင်မှုများသာ အတိက်က ရှိခဲ့ ပေသည်။ National Democratic Front (NDF) သည် တိုင်းရင်းသားလက်နက်ကိုင် အဖွဲ့အစည်းများ၏ တပ်ပေါင်းစုဖြစ်သည်။

Democratic Alliance of Burma (DAB) ဒီမိုကရက်တစ် မဟာမိတ်အဖွဲ့ချုပ်ကြီး (မဒတ) သည် တိုင်းရင်းသား တပ်ပေါင်းစု NDF နှင့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) အပါအဝင် မြန်မာအဖွဲ့အစည်းများပါဝင်သည့် ပိုမို ကျယ်ပြန့်သည့် တပ်ပေါင်း စုတခု ABSDF ဖွဲ့စည်းပြီး ရှေးမနှောင်း ခင် ပေါ်ပေါက် လာခဲ့သော အဖွဲ့ကြီးဖြစ်သည်။

နောင် ၁၉၉၀ လွှတ်တော်ကိုယ်စားလှယ်များ နယ်စပ်သို့ထွက်ပြေးလာပြီးနောက် ၁၉၉၀ ရွေးကောက် ပွဲ ရလာဒ်ကို ခုတုံး လုပ်၍ အမတ်(၁၀)ယောက်ကျော်နှင့် NCGUB အစိုးရဖွဲ့သောအခါ ထိုအစိုးရကို ထိန်းညှိုရန် အမျိုးသားကောင်စီ (NCUB) National Council of Union of Burma ဆိုသည့် တပ်ပေါင်းစု တခု ထပ်ပေါ် လာပြန်ပါသည်။

ထို့နောက် NCUB တွင် NLD (LA), MPU တို့ ထည့်ပေါင်းပြီး NCGUB မှ နှုတ်ထွက်သွားခဲ့သည်။
NCUB နှင့်တခါ ၈၈ အုပ်စုတို့ဖြင့် Seven Alliance ကို ထပ်ဖွဲ့ပြန်သည်။

နောင် ဟန်ညောင်ရွှေ NCGUB ၏ ဥရောပ ကိုယ်စားလှယ်အဖြစ် ခန့်အပ်ခံရပြီးနောက် ငွေကြေးထောက်ပံ့မှုများကို ရရှိလာသည့်အခါ ၎င်းရရှိသော ထောက်ပံ့ မှု များဖြင့် ENC (Ethnic Nationalities Council) ဆိုသည့် တိုင်းရင်းသားလူမျိုးများ ကောင်စီကို တည်ထောင် ၍ NCGUB မှ ခွဲထွက် တစင်ထောင်ပြီး တပ်ပေါင်းစုဖွဲ့ လာခဲ့ပြန်သည်။

ထိုသို့ တပ်ပေါင်းစုများ မှိုလိုပေါက်လာခဲ့သော်လည်း အလုပ်မဖြစ်ခဲ့ကြ၊ ၎င်းတပ်ပေါင်း စုများတွင် အဖွဲ့ သီးသီးသည် ဒွေးယော ယှက် တင် ပါဝင်လျှက်ရှိသည်။ တပ်ပေါင်းစု နာမည် အမျိုးမျိုးဖြစ်နေသော်လည်း ပါဝင်သည့်အဖွဲ့အစည်းများသည် များသောအားဖြင့် တူညီနေကြ သည်၊ ပါဝင်နေကြသည်။ အဓိကပြဿနာမှာ တပ်ပေါင်းစုများ ဖေါင်းပွလာနေခြင်းဖြစ်သည်။

ပထမဆုံး လုပ်ရမည့်အလုပ်မှာ ထိုဖေါင်းပွ ဖေါင်းကာလာနေသော တပ်ပေါင်းစုများကို ကျစ်လစ်ခိုင်မာသော တပ်ပေါင်းစုတခု တည်း ဖစ်ရန် ကျိုးစားအားထုတ်ရေးပင် ဖြစ်သည်။

၂၀၀၆ ခုနှစ်လောက်က မဲဆောက်ရောက်စဉ် ဖဒိုမန်းရှာမှ ဖိတ်ကြားသဖြင့် NCUB အစည်း အဝေးသို့ ဧည့်သည်အဖြစ် တက်ရောက် ခဲ့ဘူးသည်။
အကြံဉာဏ်ပေးပါဆိုသဖြင့် NCGUB သည် အလုပ်မဖြစ်သည့် ဟန်ပြအစိုးရသာဖြစ်သည်၊ ၁၉၉၀ ရွေးကောက်ပွဲ အမတ်များ သက် သက်နှင့်သာ အစိုးရဖွဲ့ရမည်၊ အပြင် လူပါခွင့်မရဆိုသည်မှာ အဓိပ္ပါယ်မရှိ၊ ၁၉၉၀ ရွေးကောက်ပွဲရလာဒ်ကို ကိုင်စွဲ၍ အစိုးရဖွဲ့ခွင့်ရှိခြင်းကို မငြင်းလိုသော်လည်း ထိုရွေးကောက်ပွဲ နိုင် အမတ်များ သက်သက်သာ အစိုးရအဖွဲ့တွင်း ပါရမည်ဆိုသည်မှာ ခြံခတ်ထား သည့် လက်ဝါးကြီးအုပ် နိုင်ငံရေးဖြစ်သည်။

NCGUB သည် အစိုးရအင်္ဂါနှင့် မညီ၊ NCGUB ကို တိုးချဲ့ဖွဲ့စည်းရန်လိုသည်၊ တိုင်းရင်းသားအဖွဲ့အစည်းများ၊ လက်နက်ကိုင် အဖွဲ့ အစည်းများပါ ပါဝင်ဘို့လိုသည်။ ထို့ပြင် NCGUB အစိုးရတွင် ကိုယ်ပိုင်နယ်မြေ၊ ကိုယ်ပိုင်တပ်ရှိရမည်၊ တိုင်းရင်းသားလက်နက်ကိုင် တပ်များအားလုံး စုစည်း၍ ပြည်ထောင်စု တပ်မတော်ကို ထူထောင် သင့်သည်ဟု အကြံဉာဏ်ပေးခဲ့ဖူးပါသည်။

အစည်းအဝေးတက်ရောက်လာကြသော လွှတ်တော်ကိုယ်စားလှယ်များ အများစုက ကျွန်တော်တင်ပြသည်ကို ထောက်ခံဆွေးနွေးပြီး NCGUB မှ ဒေါက်တာစန်းအောင် တို့က သူတို့ရပ်တည်ချက်ကို ခုခံကာကွယ်ခဲ့ကြပါသည်။
အချုပ်အားဖြင့် ကျွန်တော့အကြံပေးချက်ကို အများက လက်ခံခဲ့သည်။

ပြုပြင်ပြောင်းလဲရေး ကြိုးစားမှုများ

၎င်းဆွေးနွေးတင်ပြချက်ကို အခြေခံ၍ NCGUB ကို တိုးချဲ့ဖွဲ့စည်းရေးအဆိုကို ဒပ်ဗလင်တွင် ဆွေးနွေးကြရာ၌ ၁၉၉၀ ရွေးကောက်ပွဲ ရလာဒ်ကို ပျက်ပျယ်သွားမည်ဟု အကြောင်းပြချက်ဖြင့် NCGUB အတွင်း ၁၉၉၀ ရွေးကောက်ခံမဟုတ်သည့် တိုင်းရင်းသား ခေါင်း ဆောင်များ ပါဝင်မှုကို အကြောက်အကန်ငြင်းဆန်ပြီး မဲခွဲဆုံးဖြတ်ရသည့် အခြေအနေထိ ဆိုက်ရောက်ခဲ့ရပြီး တိုးချဲ့သင့်သည်ဟူ သည့်ဘက်မှ အနိုင်ရရှိသွားခဲ့သည်။

တိုးချဲ့ရန် ကော်မီတီဖွဲ့စည်းပေးခဲ့ပြီး မတိုးချဲ့ဘဲ အချိန်ဆွဲနေခဲ့သည်မှာ ယနေ့အထိဖြစ်သည်။ ယ္ခုအခါ ၂၀၁၀ ရွေးကောက်ပွဲ ဖြစ်သွားပြီးဖြစ်သည်၊ ၂၀၁၀ ရွေးကောက်ပွဲမည်မျှပင် ညစ်စေ၊ ၂၀၁၀ ရွေးကောက်ခံအမတ်များလည်း ပေါ်ပေါက်လာခဲ့ပြီဖြစ်သည်။
နအဖနှင့် ယှဉ်ပြိုင်အနိုင်ရလာ သည့် ဖိနှိပ်မှုများကြားမှ ရွေးချယ်ခံရသည့် တိုင်းရင်းသားအမတ်များနှင့် အတိုက်အခံအမတ် များကို တရားမဝင်ဟု မပြောနိုင်ချေ။ ၎င်းတို့သည် ပြည်သူမှ အမှန်တကယ်ရွေးပေးလိုက်သည့် သူများဖြစ်သည်။
ထိုအခါ ၁၉၉၀ ကို အသေဆုတ်ကိုင်၍ ပြည်ပတွင် ငါးယောက်တပိုင်း အစိုးရသည် တန်ဘိုးမဲ့ အစိုးရဖြစ်လာသည်၊ အဓိပ္ပါယ်မရှိတော့ ဟုမြင်သည်၊ ဖျက်သိမ်းဘို့ အချိန်ရောက်ပြီဖြစ်သည်။

လပိုင်းလောက်က နယ်စပ်ကရင်နီပြည်နယ်တွင် ၁၉၉၀ အမတ်များနှင့် တိုင်းရင်းသား ခေါင်းဆောင်များ စုဝေး၍ လွှတ်တော်တရပ် ဖွဲ့စည်းသည်ဟု ကြားသိရသည်၊ သို့ရာတွင် နောက်ထပ်ဘာသံမျှ ဆက်လက်မကြားရတော့ချေ။
ယ္ခုလ ဖေဖေါ်ဝါရီ (၁၇) ရက်နေ့တွင် ညီညွတ်သော တိုင်းရင်းသား လူမျိုးများ ဖယ်ဒရယ်ကောင်စီ (United Nationalities Federal Council) ကို ဖွဲ့စည်းကြောင်း သတင်းထွက်လာခဲ့ပြန်သည်။ ၎င်းအဖွဲ့တွင် လက်နက်ကိုင် တိုင်းရင်းသားအဖွဲ့အစည်းများနှင့် တိုင်း ရင်း သားနိုင်ငံရေးအဖွဲ့အစည်းများ ပါဝင်နေသည်ကို တွေ့ရသည်၊ သို့ရာတွင် မြန်မာလူမျိုးစုတို့ ပါဝင်မှုမရှိကြောင်း တွေ့ရပြန်သည်။

၎င်း (UNFC) သည် NDF နှင့် တိုင်းရင်းသား နိုင်ငံရေးအဖွဲ့များ ပေါင်းထားသည့် တပ်ပေါင်းစုတခုဖြစ်သည်။ မူလ NDF ကလည်း ဆက်လက်ရှိနေသည်။

NCUB ဖွဲ့စည်းစဉ်ကလည်း ၎င်းတွင် NDF,DAB,MPU,NLD(LA) တို့ ပါဝင်သည့် ပိုမိုကျယ်ပြန်သည့် တပ်ပေါင်းစုဖြစ်သည်။
သို့ရာတွင် မူလဖွဲ့ထားသော တပ်ပေါင်းစုများ ဖြစ်သည့် NDF,DAB တို့ကို ဖျက်သိမ်းခဲ့ခြင်းမရှိသဖြင့် ပိုမိုများပြားသော တပ်ပေါင်းစု များ ဖြစ်လာပြီး နိုင်ငံရေးအရ ပိုမိုရှုပ်ထွေးမှုများ ဖြစ်လာခဲ့သည်။

အဓိက ပြဿနာမှာ အဖွဲ့အစည်းအသီးသီးက ရိုးသားစွာ တပ်ပေါင်းစုများ ဖေါင်းပွနေခြင်းမှာ မဖြစ်သင့်တော့ကြောင့် တပ်ပေါင်းစုတခု တည်းကိုသာ ယခုအချိန်တွင် ဦးတည်ဖွဲ့စည်းဖို့လိုကြောင်း ဝန်ခံဘို့လိုသည်။

ပထမအဆင့်အနေနှင့် NDF, DAB, NCUB, Seven Alliance, UNFC, Ethnic Nationalities Council (ENC) တို့ကို ဖျက်သိမ်း ပစ်ဖို့ လိုသည်။ မိမိနေရာပျောက်မည်စိုးသည့် အချောင်သမားစိတ်၊ ဖေါက်ပြန်ရေးသမားစိတ်ရှိသူတို့ကို ရှင်းထုတ်ပစ်ရမည့် အချိန်ရောက်ပြီ ဖြစ်သည်။
ထို့နောက် လူမျိုးစု တဖွဲ့ချင်းကို ကိုယ်စားပြုနိုင်သည့် ကိုယ်စားလှယ်များ အားလုံးကို ဖိတ်ကြား၍ တပ်ပေါင်းစု ကိုယ်စားလှယ်များ အဖြစ် မဟုတ်ဘဲ မိမိလူမျိုး၊ မိမိအဖွဲ့ အစည်းကို ကိုယ်စားပြုသည့် ကိုယ်စားလှယ်များအဖြစ် တက်ရောက်ပြီး ညီလာခံကြီး တရပ်ကို ကျင်းပရမည်။

ထိုညီလာခံကြီးမှ တခုတည်းသော ကျစ်လစ်ခိုင်မာသည့် တပ်ပေါင်းစု ကြီးကို ဖွဲ့စည်းရမည်။
ထိုတပ်ပေါင်းစုကြီးကို ယှဉ်ပြိုင်၍ တပ်ပေါင်းစု နောက်တခု ထပ်မဖွဲ့ရန် ပြင်းထန်တိကျသည့် မှုဝါဒကို ချမှတ်၍ တပ်ပေါင်းစုကြီး ပြိုကွဲရန် ကြံရွယ်သူမှန်သမျှကို သုတ်သင်ရှင်းလင်းရဲရမည်၊ ထိုမှသာ အချောင်သမားများ၊ နေရာသမားများရန်မှ ကာကွယ် နိုင်မည်ဖြစ်သည်။

ထိုမှတဆင့် ထိုညီလာခံမှ အများရွေးချယ်မှုဖြင့် လွှတ်တော်အမတ်များ၊ တိုင်းရင်းသား ခေါင်းဆောင်များ၊ ကျောင်းသား ခေါင်း ဆောင် များ၊ တတ်သိပညာရှင်များဖြင့် NCGUB နေရာတွင် အစားထိုးနိုင်မည့် တိုက်ပွဲဝင်အစိုးရ တရပ်ကို ဖွဲ့စည်းပြီး ထိုအစိုးရ အောက်တွင် ပြည်ထောင်စု တပ်ကို တည်ထောင်ရမည်။
ထိုပြည်ထောင်စုတပ်သည် တိုင်းရင်းသားလူမျိုးစု အားလုံးကို ကိုယ်စားပြုသည့် မြန်မာနိုင်ငံ အနာဂါတ်တပ်မတော် သန္ဓေတည်သည့် တပ်ဖြစ်ရည်မှန်းချက် ထားရှိရမည်။
ပြည်ထောင်စုတပ်သို့ ပူးပေါင်းလာရန်အတွက် သန်းရွှေလက်အောက်ခံ တပ်များအတွက်လည်း လမ်းဖွင့်ပေးသည့် အစီအစဉ်များ၊ ကြိုဆိုရေး၊ နေရာချထားရေး ကိစ္စများ အထိပါ ပြင်ဆင်ထားရမည်။

ထိုအဆင့်ဖြစ်လာလျှင် ပြည်တွင်းရှိ ကွန်ယက်အသီးသီးချိတ်ဆက်မှုဖြင့် ပြည်သူ့အုံကြွ မှုကြီးဖြစ်လာသည့်အခါ ပြည်ထောင်စုတပ်မှ မိမိနေရာဒေသအသီးသီးမှ ထိုးစစ်ဆင်ပြီး ပြည်တွင်းလှုပ်ရှားမှုကို မဖြိုခွဲနိုင်ရန် ဟန့်တားနိုင်ရမည်။
ပြည်သူ့ရင်ခွင်သို့ ဝင်လာသည့် ပြည်ချစ် တပ်မတော်သားများကို နွေးထွေးစွာ ကြိုဆို၍ ကြေးစားတပ်များကို ပြတ်ပြတ်သား သား တိုက်ခိုက်ကြရမည်။

တခုတည်းသော တပ်ပေါင်းစုကြီးမှ ဖွဲ့စည်းပေးလိုက်သော စင်ပြိုင်အစိုးရသည် နိုင်ငံတကာနှင့် နယ်စပ် ဒေသတွင် အင်အားအကြီး ဆုံးနှင့် တပ်ထောက်ခံမှု ရှိသည့် အစိုးရ ဖြစ်လာမည်။
ဤကဲ့သို့ ညီညီညွတ်ညွတ်လုပ်နိုင်ကြလျှင် ပြည်သူ့အုံကြွကြီးကို ဦးဆောင်ရာတွင် NLD ပါတီနှင့် တွဲ၍ ထိထိရောက်ရောက် လုပ်နိုင် မည်ဖြစ်သည်။

မဖြစ်နိုင်သည်မရှိ၊ ဖြစ်အောင်မလုပ်သေးသဖြင့် မဖြစ်သေးခြင်းဖြစ်သည်။ ယနေ့ မတ် ၄,၅ရက်တွင် ဖို့ဒ်ဝိန်းမြို့တွင် ညီလာခံတခုကို လုပ်ကြအုံးမည်၊ ထိုညီလာခံမှ လွှတ်တော်တရပ် ဖွဲ့စည်းလာရန် ကြိုးစားနေကြောင်းသိရသည်။
လုပ်ချင်စိတ်ရှိသူများ လုပ်နိုင်လျှင် ကန့်ကွက် ရန် မရှိပါ။
သို့ရာတွင် တင်ပြထားသည့်အတိုင်း လုပ်စားတပ်ပေါင်းစုများကို အရင်ဖျက်သိမ်းပြီး တခုတည်းသော တပ်ပေါင်းစု ဖေါ်ဆောင်ရေး မရှိဘဲနှင့် ပြုလုပ်ကြလျှင် အောင်မြင်နိုင် ရန် ဒုံးဝေးနေဦးမည်ဖြစ်သည်။

NCGUB အဖွဲ့အစည်းသည် တိုးချဲ့ရန်လည်းကောင်း၊ တည်ရှိရန် လည်းကောင်း မရှိသင့်တော့ချေ။

NCGUB အား ကျွန်ုပ်တို့မှ အသိအမှတ်မပြုတော့သည်မှာ နှစ်ကာလပင်ကြာမြင့်နေပြီဖြစ်သော်လည်း တရားဝင် အသိအမှတ်မပြု တော့ ကြောင်း ယခုဖိုဒ် ဝိန်း အစည်း အဝေးမှ ထုတ်ဖေါ်ပြောကြလျှင် အမှိုတ်တခု ရှင်းသွားနိုင် ပါသည်။
ထိုမှတဆင့် တပ်ပေါင်းစုများအားလုံး ဖျက်သိမ်းပြီး တခုတည်းသော တပ်ပေါင်းစုကြီးဖြင့် ညီညွတ်ရေးကို တည်ဆောက်ပြီး ရှေ့တလှမ်းတိုးသင့်ပါသည်။

ထိုအခါ တပ်ပေါင်းစုမှ တခုတည်းသော နိုင်ငံခြားဆက်ဆံရေးဋ္ဌာန၊ ဘဏ္ဍာရေးဋ္ဌာန၊နိုင်ငံရေးဋ္ဌာန၊စီးပွားရေးဋ္ဌာန၊ကျန်း မာရေးဋ္ဌာန၊ ပညာရေးဋ္ဌာနတို့ကို ဖွဲ့စည်းပြီး ကျွမ်းကျင်သူများ လွှတ်တော်ကိုယ်စားလှယ်များကသာ နေရာယူရမည်ဆိုသည့် မူကိုပယ်ပြီး တကယ် သိ၊ တကယ်တတ်၊ တကယ်နားလည် သည့်သူများကို ရွေးချယ် ခန့်ထားခြင်းဖြင့် နိုင်ငံတကာ ထောက်ခံမှု၊ စည်းစံနစ်ကျမှု၊ ပွင့်လင်း မြင်သာ ရှိမှုတို့ဖြင့် ပြီးပြည့်စုံသော စင်ပြိုင်အစိုးရ တရပ် ပေါ်ပေါက် လာနိုင်မည် ဖြစ်သည်။
တဖက်မှလည်း တိုင်းရင်းသား လက်နက်ကိုင်တပ်များကို ပူးပေါင်း၍ မိမိတပြည်ထောင် လွတ်လပ်ရေးထက် စုပေါင်း အားဖြင့် တနိုင်ငံ လုံး လွတ်မြောက်ရေးဆိုသည့် အမျိုးသား ရည်မှန်းချက်ကို မူချ၍ ပြည်ထောင်စု တပ်မတော် ကြီးကို တည်ထောင်၍ တိုက်ပွဲဝင်မှ နိုင် မည် ဆိုသည့် အမြင်နှင့် ယုံကြည်ချက်ရှိဘို့လိုသည်။

နအဖတပ်တွင် တိုင်းရင်းသားပေါင်းစုံ ပါဝင် သည်။
ဗမာလူမျိုးသက်သက်နှင့် ဖွဲ့စည်းထားခြင်းမဟုတ်သည်ကို သတိပြုသင့်သည်။ ကျစ်လစ်ခိုင်မာသော တခုတည်းသော တပ်ပေါင်းစု အောက်တွင် ဖွဲ့စည်းထားသည့် စင်ပြိုင်အစိုးရနှင့် ပြည်ထောင်စုတပ်မတော်သည် စစ်အာဏာရှင်စံနစ်ကို ထိရောက်စွာ ထိုးစစ်ဆင် နိုင်သော အင်အားစုကြီး ဖြစ်လာလိမ့်မည်။

မှိုလိုပေါက်နေသော အဖွဲ့အစည်းမျိုးစုံ၊ တပ်ပေါင်းစုမျိုးစုံတို့မှ ငါးပွက်ရာ ငါးစားချနေ သည့် (Proposal) ပရိုပိုဆယ် နိုင်ငံရေးဘဝမှ ရုန်းထွက်ပြီး (ALL inclusive) အများပါဝင် ပတ်သက်သော အစိုးရတရပ်အဖြစ် နိုင်ငံခြားထောက်ပံ့ ငွေများကို စံနစ်တကျရယူပြီး အသုံးစားရိတ်၊ ကုန်ကျငွေ၊ ရငွေတို့ကို အများမြင်သာအောင် ဖေါ်ပြရင်း အများလက်ခံသော စင်ပြိုင်အစိုးရဘဝမှ ဒီမိုကရေစီတိုက် ပွဲကို ပြတ်ပြတ်သားသား ထောက်ခံမှုအပြည့်နှင့် တိုက်နိုင်မည် ဖြစ်ကြောင်း ရိုးသားစွာဖြင့် ကိုယ်ကျိုးမဖက်ဘဲ အမုန်းခံတင်ပြ လိုက်ပါသည်။။
ထွန်းအောင်ကျော်

--------------------------

နှင်းဆီနီ တော်လှန်ရေး ကို မိတ်ဆက် တင်ပြခြင်း

တိုင်းပြည်ကို တကယ် ချစ်မြတ်နိူးကာ စစ်မှန်သော တိုးတက်ကောင်းမွန်ရေးကို အဓိက လိုလားသူ အများစုက ပြည်သူလူထုကို နှစ်ပေါင်းများစွာ ဒုက္ခပေးပြီး တိုင်းဘဏ္ဍကို လက်ဝါးကြီး အုပ်ထားပြီး လက်တစ်ဆုပ်စာ လူတစုကောင်းစားရေး ၀ါဒကို အကောင် အထည် ဖော်ဆောင်ရွက်နေတဲ့ စစ်အုပ်ချုပ်ရေး အောက်က ရုန်းထွက်လွတ်မြောက်ဖို့ အတွက် တော်လှန်ရေး တရပ်စတင် ဆင်နွှဲ ပါတော့မယ် ။

 မြန်မာနိူင်ငံမှာ နေထိုင်တဲ့ နိူင်ငံသားများ အနေဖြင့် ဆင်းရဲချမ်းသာ မကွဲပြားဘဲ လူ့အခွင့်အရေး ပျောက်ဆုံးနေခြင်း ဆိုသည့် ရောဂါ တရပ်ကို အဆိုးဆုံးဝေဒနာ အဖြစ် တသားတည်း ခံစားနေရပါသည် ။ ထိုဝေဒနာကို ကုစားရန် တော်လှန်ရေး ဆိုသည့် ဆေးဝါးကို မသောက်သုံးနိူင်သမျှတော့ ကျွန်ူပ်တို့ ရောဂါပျောက်ရန် မလွယ်လှချေ ။ ကိုယ့်မှာ စွဲကပ်နေတဲ့ ရောဂါ သက်သာဖို့ အတွက် ဆေးခါး ကြီးကို မှီဝဲရပေမယ့် အကျိုးရလဒ် က အစွမ်းထက်လှတာကို ဥပမာ ထားစေလိုပါတယ် ။ အနာသိရင် ဆေးရှိတဲ့ ဆိုတဲ့ စကားအတိုင်း အာဏာရှင် စနစ်အောက်က ရုန်းထွက်လွတ်မြောက်ဖို့ တော်လှန်ရေး တရပ် ဆင်နွှဲကျင်းပရတာ လောက ဓမ္မတာလို ဖြစ်နေတာ အားလုံးအသိပါ ။

လူဖြစ်လာရင် လူ့အခွင့်အရေးလေးတော့ ပြည့်ြ့ပည့်၀၀ ရသင့်တယ်လို့ လူအများက နားလည်သဘောပေါက်လာကြလို့ ကမ္ဘာ တ၀ှမ်း မှာ လူ့အခွင့်အရေး တိုက်ပွဲများစွာကို အတိတ်က ဆင်နွှဲခဲ့ကြသလို ယခုမျက်မှောက် ကမ္ဘာအထိလည်း မလွတ်လပ်သော နိူင်ငံများက တောင်းဆိုတိုက်ပွဲဝင် နေဆဲပါဘဲ ဆိုတာကို သတင်းနည်းပညာ တိုးတက်ထွန်းကားနေတဲ့ ဒီခေတ်ကြီးမှာ အားလုံး လည်း တွေ့မြင်ကြရမှာပါ ။ ဒီလို အချိန်အခါမျိုးမှာ ကျနော်တို့ နိူင်ငံက လူ့အခွင့်အရေး တောင်းဆိုတိုက်ပွဲဝင်သံ မကြားခဲ့ရင် နိူင်ငံတကာအသိုင်းအ၀ိုင်းက မြန်မာအစိုးရ တရားမျှတနေပါတယ်လို့ မှတ်ချက်လေး တစ်ခုချလိုက်တာနဲ့ ကျနော်တို့ နိူင်ငံသားတွေရဲ့ ရှေ့ရေးဟာ အင်မတန်မှ ရင်လေးစရာ ကောင်းတဲ့ အနေအထားကို သူ့အလိုလို ရောက်ရှိသွားပါလိမ့်မယ် ။

 ဒါကြောင့် ကျနော်တို့ရင်ထဲက မကျေနပ်တာ မှန်သမျှကို လက်ရှိ စစ်အာဏာရှင်များထံမှ တောင်းဆို တိုက်ပွဲဝင်ရန် မှာ ကျွန်ူပ် တို့အတွက် တာဝန်ဝတ္တရား ပင်ဖြစ်လေသည်ဟု လက်ခံထား၍ လူထုခွန်အားကို အမြန်ဆုံး ပြနိူင်ရန် ကြိုးစားပေးကြပါ ။
အတိတ်သမိုင်းစာမျက်နှာများကို ပြန်လှန်ကြည့်လိုက်လျှင်လည်း တော်လှန်ရေး ဆိုတဲ့ စကားလုံးကို မတွေ့ချင်မှ အဆုံး တွေ့မြင် နေရအုံးမှာပါဘဲ ။ တကယ်သေသေချာချာ စဉ်စားကြည့်လိုက်မယ် ဆိုရင် တော်လှန်ရေး ဆိုတဲ့ စကားလုံးဟာ မုန်းစရာ မကောင်း ဘဲ ချစ်စရာတောင် ကောင်းလာတယ်လို့ ထင်မိပါတယ် ။ တော်လှန်ရေး ဆိုတဲ့ အဓိပ္ပာယ်ကိုက လက်ရှိ အနေအထား ထက် ပိုမို တိုးတက် ကောင်းမွန်သော အနေအထား သို့ ရောက်ရှိရန် ကြိုးစားလုပ်ဆောင်ခြင်းလို့ ထင်မြင်ယူဆမိပါတယ် ။ အသိဥာဏ်ရှိသော လူသားတို့ သဘာဝ အကောင်း အဆိုးကို အကြောင်းအကျိုး နှင့် ဆက်စပ်မိသော အခါ ဆိုးဝါးလှသော စနစ်များကို ဖယ်ရှား၍ ကောင်းမွန်သော စနစ်များကို ကျင့်သုံးလိုက်နာရန် ကြိုးစားလေ့ ရှိကြပါသည် ။ လူ့အသိဥာဏ်တို့သည် တဆင့်ပြီး တဆင့် မြင့်တက်လာသည်နှင့် အမျှ ပိုမိုကောင်းမွန်သော အနေအထားကို ရောက်ရှိရန် ကြိုးစားရာက စလို့ ကမ္ဘာတခွင်လုံးတွင် တော်လှန် ရေး ဆိုသည့် စကားသံများကို အစဉ် သုံးစွဲနေကြအုံးမည် ဖြစ်လေသည် ။

ယနေ့ ကျနော်တို့ တိုင်းပြည် လက်ရှိအနေအထားတွင် အာဏာရှင် စနစ်ဆိုး ကြောင့် လူ့အခွင့်အရေး မှန်သမျှ ပျောက်ဆုံးနေ သည် ကို သိရှိနားလည်ကာ လူပီသသော လူသားဘ၀ကို ပိုင်ဆိုင်လိုသူများက ဒီစနစ်ဆိုးအောက်မှ ရုန်းထွက်လွတ်မြောက်ရန် အစဉ်အမြဲ ကြိုးစားနေကြသည် ။ သင်သည်လည်း လူသားတယောက်ပီသစွာ လူ့အခွင့်အရေးမှန်သမျှ ရရှိခံစားနိူင်ရန် အတွက် ကျွန်ူပ်တို့နှင့် ပူးပေါင်း ပါဝင်ဆောင်ရွှက်လိမ့်မည်ဟု ယုံကြည်ထားပါသည် ။ တဦးချင်းစီပေါင်းစပ်ရာက ဖြစ်ပေါ်လာသော ပြည် ထောင်စုကြီးတွင် တဦးတယောက် နှင့် မဖြစ်လောက်ပါဟူသည့် အတွေများကို ဖျောက်ထားကြကာ ဒီတိုင်းပြည် အရေးဟာ ဒို့အရး ကိစ္စပါဆိုတဲ့ အတွေးများကို ဆုပ်ကိုင်ထား၍ တော်လှန်ရေးရဲ့ ပထမ ခြေတလှမ်းကို စတင် လမ်းလျှောက်ကြပါလို့ လေးစား စွာ တိုက်တွန်း နိူးဆော်လိုပါတယ် ။
ဘယ်အရာမျှ မတည်မြဲတဲ့ ဒီကမ္ဘာကြီးမှာ သူတို့တွေ အာဏာအစဉ် တည်မြဲလိမ့်မယ် လို့ ယူဆထားတဲ့ လူအများက တွေးခေါ်နေ ကြ တဲ့ ဖောက်ပြန်တဲ့ အတွေးများက ရုန်းထွက်ကြပါ ။ အတိတ်က ကျရှုံးခဲ့တာကို ပူဆွေးသောကနဲ့ အစဉ်အမြဲ ရှုံးနိမ့်လိမ့်မယ် ဆိုတဲ့ အယူအဆကို တွေးခေါ်နေသူများက ဘ၀ကို ရေစုန်မြောလိုက်လိုသူများရဲ့ အယူဝါဒများ ဖြစ်လို့ ရဲရဲကြီး စွှန့်ပယ် ဖြစ်လိုက် ကြစမ်းပါ ။ ကျနော်တို့ အမျိုးသား ဖခင်ကြီး ဗိုလ်ချုပ်အောင်ဆန်းကို နိူင်ငံရေး သုခမိန်ပါလို့ ယခု ချိန်ခါမှာ တင်စားခေါ်ဝေါ် နေကြ ပေမယ့် တခါက သူ့ကိုလည်း လူအများက မဖြစ်နိူင်တဲ့ အလုပ်များကို လုပ်ချင်တဲ့ စိတ်ကူးယဉ် နိူင်ငံရေး သမားပါလို့ ကွယ်ရာမှာ ပြစ်တင်ဝေဖန် ပြောဆိုကြတာပါဘဲ ။ လူ့သဘာဝ အရ ဝေဖန်ကြတာကို ဂရုမစိုက်ဘဲ လူထုခွန်အားကို အကျိုးရှိစွာ အသုံးချပြီး လွတ်လပ်ရေး ပန်းတိုင်သို့ တကြောင်းတည်းသော လမ်းစဉ်ကို တစိုက်မတ်မတ်ချီတက်နိူင်ခဲ့လို့ တိုင်းတပါး ကျွန်ဘ၀ ရုန်းထွက် လွတ်မြောက်လာတယ် ဆိုတာ ပုံပြင်တွေ မဟုတ်ပါဘူး ။

အစိုးရ အသစ်ကို စိတ်ကူးယဉ်ပြီး စောင့်စားလိုတဲ့ ဆန္ဒနဲ့ ရွေးကောက်ပွဲကို လက်ခံလိုတဲ့ လူအများလည်း အခုချိန်ခါမှာ အမှန်နဲ့ အမှားကို ပိုင်းခြား သိမြင်လောက်ပြီလို့ ယူဆမိပါတယ် ။ လွှတ်တော် အမတ်ရာထူးကို ဒီမိုကရေစီ ပန်းတိုင်လို့ ယူဆပြီး ပေးတာယူ ၊ ကျွေးတာစား ၊ လက်ညိုးထောင် ခေါင်းငြိမ့်ဘ၀ နဲ့ ကျေနပ်နေရမယ့် လူအများကို အားထားနေလို့လည်း အပိုပါဘဲ ဆိုတာ သူတို့ တွေ လုပ်ရပ်က သက်သေခံနေပါတယ် ။ အစိုးရ အသစ်ရဲ့ အုပ်ချုပ်ရေး ယန္တာရားကိုက ပြည်သူလူထု ဘ၀ ပိုမို ဒုက္ခရောက်အောင် ကြံရွယ်ထားတယ် ဆိုတာ မိုးထိအောင် လှေကားထောင်မယ့် ကုန်ဈေးနှုန်းများက လက်တွေ့ကျကျ သက်သေပြနေပါပြီ ။

 ပြည်သူလူထုရဲ့လူနေမှု ဘ၀ တိုးတက်ထွန်းကားဖို့ အရေးအတွက် ဒီမိုကရေစီစနစ်ကို တည်ထောင်ပေးပါမယ်လို့ ပါးစပ်က အမြုပ် တစီစီ ထွက်အောင် ကြွေးကြော်နေကြပေမယ့် သူတို့တွေ လုပ်ရပ်က အရင်းရှင် ပဒေသရာဇ် စနစ်ကို နောက်ပြန်သွားနေ တယ် ဆိုတာ ပေါ်လွင်ထင်ရှားနေပါတယ် ။ အစိုးရ အသစ်ရဲ့ စနစ်မကျတဲ့ အုပ်ချုပ်ရေး နဲ့ ယိုင်နဲ့နေတဲ့ ဥပဒေများပေါ်က ရူးကြောင် ကြောင် လုပ်ရပ်များကြောင့် ကုန်ဈေးနှုန်း အဆမတန်ကြီးမြင့်လာမှုကို ပထမဦးစွာ ဒုက္ခ အဖြစ် ခံစားရတာက ပြည်သူလူထု ကြီးပါဘဲ ။
ပြည်သူလူထု ကြားက ပေါက်ဖွားလာတဲ့ တပ်မတော်သားများ နှင့် လက်နက် ကိုင် အဖွဲ့အစည်းများ အနေဖြင့်လည်း တပ်မတော်ရဲ့ ဖခင်ကြီးမိန့်မှာခဲ့တဲ့ စကားများကို လေးစားစွာ လိုက်နာ၍ အာဏာရှင် အစိုးရကို ပြည်သူအများနှင့် လက်တွဲ ပူးပေါင်းပါဝင်ဆောင် ရွက်ကြပါက မကြာမှီ အချိန်ကာလမှာ တပ်မတော်သားတို့ဘ၀များ တိုးတက် မြှင့်မားလာနိူင်ကာ ပြည်သူအများ စိတ်ချမ်းသာလာရမည်မှာ အမှန်ပင် ဖြစ်ပါသည် ။
မြတ်ဗုဒ္ဓရဲ့ သာသနာဟာ အာဏာရူးတွေရဲ့ လုပ်ရပ်ကြောင့် ကွယ်ပျောက်လုနီးပါး ဖြစ်နေတာကို သိရှိပြီး ဖြစ်ထားတဲ့ သာသနာကို ထိန်းသိမ်းစောင့်ရှောက်ထားတဲ့ သံဃာတော် အရှင်သူမြတ်များ အနေဖြင့်လည်း သာသနာကို စော်ကားတဲ့ မိစ္ဆာဒိဌိ အယူဝါဒကို လက်ကိုင်ထားတဲ့ အာဏာရှင်များ ဆန့်ကျင်လုပ်ရှားနေသည့် ပြည်သူအပေါင်းနှင့် လက်တွဲကာ သန့်ရှင်းစင်ကြယ်သော သာသ နာကို ပြန်လည်တည်ဆောက်နိူင်ရေး အတွက် ပူးပေါင်း ပါဝင်ဆောင်ရွက်ပေးပါရန် တပည့်တော် နဖူးမြေစိုက် ဦးခိုက်လျှောက် ထားလိုက်ရပါသည် သံဃာတော် အရှင်သူမြတ်တို့ဘုရား .။

ရှေ့ဆက်သွားရင် ဒီထက် ပိုမိုဆိုးဝါးလာစရာ အကြောင်းဘဲ ရှိပါတယ် ဆိုတာကိုတော့ ကုန်လွန်ခဲ့တဲ့ ၂၂ နှစ်က ကျနော်တို့ကို ကောင်းကောင်း သက်သေပြထားတယ် ။ တကမ္ဘာလုံးက ပြုပြင်ပြောင်းလဲရေး လုပ်ပါလို့ တောင်းဆိုလို့ ယူနီးဖောင်းချွတ် ချွတ်ထမီ ၀တ်ပြီး လွှတ်တော်တက်ပြနေတာကို အပြောင်းအလဲပါလို့ ခံယူထားရလောက်အောင် ပြည်သူလူထုကို ငတုံးငအ လို့ သတ်မှတ် ထားတဲ့ ဒီအစိုးရကို ဆန့်ကျင်ရန်မှ တပါး အခြား မရှိတော့ပါဘူး ။သမိုင်းဝင်တဲ့ ဒီလိုတိုက်ပွဲကြီးကို တနိူင်ငံလုံး အတိုင်း အတာ နဲ့ ဆင်နွှဲနိူင်ကြရင် မကြာခင် ပြည်သူအများ လိုလားတောင့်တနေတဲ့ လွတ်လပ်၍ တရားမျှတကာ ခေတ်မှီဖွံ့ဖြိုးသော နိူင်ငံတော် အဖြစ် ကို ချီတက်နိူင်မှာ မလွဲဧကန်ပါဘဲ ။ သေချာစွာ ယုံကြည် လက်ကိုင် ထားသင့်တာက လူထု ခွန်အားကို ကျော် လွှားနိူင်တဲ့ အာဏာရှင် အစိုးရ ဆိုတာ သမိုင်းမှာ မရှိခဲ့သလို အနာဂတ်မှာလည်း ရှိလာမှာ မဟုတ်ပါဘူး ။ ဒါကြောင့် ဒီတော် လှန်ရေးနဲ့ ပက် သက်တဲ့ အရင်းအမြစ် အခြေခံ အချက်အလက်များကို ပြည်သူလူထု အများ သိရှိနိူင်အောင် ကျနော် လေးစားစွာ တင်ပြ အစီရင်ခံ ချင်ပါတယ် ။

ရည်ရွယ်ချက် - စစ်အာဏာရှင် အစိုးရကို ဖြုတ်ချပြီး ပြည်သူလူထုကိုယ်စားပြု အစိုးရ တရပ် ဖွဲ့စည်းရန်
လုပ်ဆောင်ချက် - နိင်ငံလုံးဆိုင်ရာ အထွေထွေ သပိတ်ကြီး ကို ကျင်းပ၍ လူထု ခွန်အားဖြင့် အာဏာရှင် အစိုးရကို
ဖြုတ်ချနိူင်အောင် အစွမ်းကုန် ကြိုးစား လုပ်ဆောင်ရမည် ။
ဘယ်အချိန်မှာစတင်လုပ်မလဲ - မတ်လ ၁၃ ရက်၊ ၂၀၁၁၊ နံနက် ၉ နာရီ ကနေစမယ်။
ဘာလုပ်မလဲ - အတိတ်က ပြည်သူလူထု ကောင်းစားရေး အတွက် စတေးခံကာ သွေး မြေကျတိုက်ပွဲဝင်ခဲ့ကြတဲ့ သူရဲကောင်းများ ကို အောက်မေ့တမ်းတကာ ဂုဏ်ပြုလိုသည့် ဆန္ဒများ ကို ပြဆိုသည့် အနေဖြင့်  အနက်ရောင် အကျီ သို့မဟုတ အနက်ပိတ်စ တခုကို လက်မောင်းမှာ ပါတ်ပြီး ချီတက်ကြမှာပါ ။

တိုင်းပြည်ကို တကယ် ချစ်မြတ်နိူးကာ တန်ဖိုးထားသူများပါလို့ ကိုယ့်ကိုကိုယ် ခံယူထားကြတဲ့ ပြည်သူလူထု တရပ်လုံးက အာဏာ ရှင် စနစ်ကြောင့် တိုင်းပြည်ကြီး ပြိုကျ ပျက်စီးနေတာကို လက်ပိုက်ကြည့်မနေကြဘဲ ဒီတော်လှန်ရေးကြီးမှာ ပါဝင် ဆင်နွှဲလာကြမှာ အသေအချာပါဘဲ ။ ကျွန်ူပ်တို့ ဘိုးဘွားများ လက်ထက်က စလို့ ကျင့်သုံးလိုက်နာခဲ့တဲ့ မဟုတ်လျှင် မခံ ၊ မတရားလျှင် တွန်းလှန် ဆိုတဲ့ စိတ်ဓါတ် အခံများကို အမွေဆက်ခံထားတဲ့ ပြည်သူအများက ဒီလိုလုပ်ရှားမှုကြီးမှာ ပါဝင်ဆင်နွှဲကြရင် ကျနော်တို့ အဓိက ရည်ရွယ်ချက် မကြာခင်မှာ အထမြောက်လာပါလိမ့်မယ် ဆိုတာကို စွဲမြဲစွာ ယုံကြည်ထားပြီး ရုန်းထဖို့ အဆင်သင့် ပြင်ပေးထားပါ ။
တော်လှန်ရေးကို ဆင်နွှဲလိုသူများ အင်အားကောင်းလာတဲ့ အခါ တိုင်းပြည် အတွက် အဓိက လိုအပ်နေတဲ့ အချက်များကို သံပြိုင် ကြွေးကြော်ကာ ချီတက်သွားကြပါမယ် ။ အဲဒီလို ချီတက်နေရင်းမှာဘဲ လက်ရှိအစိုးရက ပြည်သူလူထု အလိုဆန္ဒကို မလိုက် လျော ခဲ့ရင် အာဏာရှင်များ အား ဖြုတ်ချ၍ လူထုကိုယ်စားပြု အစိုးရကို ဖွဲ့စည်းကာ တိုင်းပြည်၏ အချုပ်အချာ အာဏာကို လူထု လက်ထဲသို့ ပြန်လည် လွှဲပြောင်းပေး အပ်သွားမှာပါ ။

ပွဲမ၀င်ခင် အပြင်က ကျင်းပဆိုတဲ့ အတိုင်း ၁၃ရက်နေ့မှာ ကျင်းပတဲ့ နှင်းဆီနီရောင် တော်လှန်ရေးကြီး အောင်မြင်စွာ ဆင်နွှဲကျင်းပ နိူင်ရေး အတွက်
နည်းပညာကို အသုံးချကာ လူအသုံးများတဲ့ Facebook တို့ Gmail တို့ကနေ ကြွေးကြော်သံများ ဖြန့်ဝေပေးထားကြမယ် ။
ပြည်တွင်းမှာလည်း အဓိက လူစည်ကားရာ ကျောင်းများ ၊ ဈေးများ အစရှိတဲ့ နေရာများမှာ တော်လှန်ရေး ကြွေးကြော်သံ လက်ကမ်းစာစောင်များ ၊ ပိုစတာများကို ဖြန့်ဝေပေးထားကြမယ် ။
လူထုလုပ်ရှားမှုကို ပိုမိုစိတ်အား တက်ကြွစေမယ့်အလံများ ၊ ပိုစတာများကို အသင့်အနေအထား ရောက်အောင် စီစဉ်ထားကြမယ် ။
ကြွေးကြော်သံများ အနေဖြင့်
အာဏာရှင် အစိုးရ အလိုမရှိ ............. အလိုရှိတာ ဒီမိုကရေစီ
ရုပ်သေး အစိုးရ အလိုမရှိ .............. အလိုရှိတာ ဒီမိုကရေစီ
အတုအယောင် လွတ်တော် ဖျက်သိမ်းရေး..........ဒို့အရေး .. ဒို့အရေး..
လူထု အစိုးရ ဖွဲ့စည်းရေး ........................... ဒို့အရေး... ဒို့အရေး
တရားမျှတမှု မရှိတဲ့ အစိုးရ .............ဆန့်ကျင်ကြ ..........ဆန့်ကျင်ကြ
တိုင်းပြည်ကို ဒုက္ခပေးတဲ့ အစိုးရ အလိုမရှိ ..........အလိုရှိတာ လူထုအစိုးရ
အရေးတော်ပုံ<<<<< အောင်ရမည်..............
အရေးတော်ပုံ<<<<< အောင်ရမည်..............
ရာထူးနဲ့ အာဏာကို အသုံးချကာ ပြည်သူလူထုအား ဒုက္ခမျိုးစုံပေးလျှက် ရှိသော အာဏာရှင် အစိုးရအား ပြည်သူလူထုမှ လက်မခံကြောင်းကို စည်းလုံးစွာ ပြဆိုနိူင်ပါက မကြာခင် အချိန်အတွင်းမှာ ပြည်သူလူထု လက်ရှိ ခံစားနေရသော ဒုက္ခများမှ ကင်းလွတ်ကာ တိုင်းပြည် ဖွံ့ဖြိုးတိုးတက်ရေးကို အမှန်တကယ်လုပ်ဆောင် နိူင်မည့် လူထုအစိုးရ ပေါ်ထွန်းလာမည်မှာ အမှန်ပါဘ ဆိုတာကို ကိုင်စွဲထားပြီး အေးချမ်းသာယာ၍ ခေတ်မှီ ဖွံ့ဖြိုးတိုးတက်သော နိူင်ငံတော်ကြီးဆီသို့ ညီညာစွာ ချီတက်ကြပါစို့ ပြည်သူလူထု အပေါင်းတို့ ခင်ဗျာ........... ။
ခင်မင်လေးစားလျှက်
ဗမာ့သွေး

၅။၃။၂၀၁၁

--------

ဒီမိုကရေစီလိုလားသူများခင်ဗျား

- မြန်မာ့ဒီမိုကရေစီတော်လှန်ရေးကာလဟာ အနှစ်(၂၀)ကျော်ပါပြီ၊၊
ဘာတွေတိုးတက်ပြောင်းလဲခဲ့ပြီလဲ၊ မျှော်လင့်ချက်တွေ ဘယ်လောက်အထိပြည့်ဝခဲ့ပြီလဲ၊၊
ဘယ်သူ့ကြောင့်၊ ဘယ်အဖွဲ့အစည်းကြောင့်လို့ လက်ညှိုးထိုးနေတာထက်၊ ဘာကြောင့်မအောင်မြင်သေး တာလဲ၊ ဘာတွေလိုအပ်နေလို့လဲ၊ ဘာတွေများအခုအခံအားနည်းချက်တွေ ဖြစ်နေလို့လဲဆိုတာတွေကို ဆန်းစစ်ကြဖို့အထူး လိုအပ် နေပါပြီ။
- ဒီလိုဆန်းစစ်သုံးသပ်ခြင်းအလုပ်ကို ဘယ်သူတွေလုပ်ကြမလဲ။ ဘယ်သူတွေမှာ တာဝန်ရှိကြလဲဆိုတဲ့ မေးခွန်းတွေကို တွေးမိ တိုင်း ကိုယ့်ကိုယ်ကို အပြစ်မကင်းသူအဖြင့်မြင်မိပါတယ်။ စတွေးမိသူ စလုပ်ဖို့လိုအပ် မယ်လို့လည်း ယူဆမိပါတယ်။

- ဒါကြောင့်ပဲအခုလို မြန်မာ့လူ့အဖွဲ့အစည်း၏ ဒီမိုကရေစီယဉ်ကျေးမှုစစ်တမ်း ဖြစ်မြောက်နိုင်ရေးကို ကြိုးစားမိတာပါ။ မိမိတို့ရဲ့အတ္တကျဉ်းကျဉ်းအကျိုးစီးပွားထက် မြန်မာ့လူ့အဖွဲ့အစည်းတစ်ခုလုံးရဲ့ အကျိုးစီး ပွားအတွက်ဆိုတာကို ယုံကြည်တယ်ဆိုပါရင် ဒီလုပ်ငန်းဖြစ်မြောက်ရေးကို တတ်နိုင်တဲ့ဖက်မှ ၀ိုင်းဝန်းကူညီ စေချင်ပါတယ်။
- ဒီစစ်တမ်းအကောင်အထည်ဖေါ်ခြင်းမှ
(၁) သဘောထားအမြင်များကို အပြန်အလှန်ဖတ်ရှုနိုင်ခွင့်မှ လေ့လာမှုပုံစံတစ်ခုကိုဖန်တီးလိုခြင်း၊
(၂) သဘောထားအမြင်များကိုစုစည်း၍ စာအုပ်၊ စာတမ်းတစ်ခုအဖြစ် မှတ်တမ်းတင်လိုခြင်းနှင့်
(၃) ထိုမှတ်တမ်းကောက်နှုတ်ချက်များမှ သက်ဆိုင်ရာတို့၏ ဒီမိုကရေစီရေးဆိုင်ရာမူဝါဒများနှင့် လုပ်ငန်းစဉ်
များ ပြင်ဆင်၊ ဖြည့်စွက်မှုများတွင် ထောက်ကူမှုများရရှိနိုင်ခြင်း စသည်တို့ကိုမျော်လင့်ထားပါတယ်။
- ကျေးဇူးပြု၍ မေးခွန်းများကိုဖြေဆိုရာတွင်
- အလေးအနက်ထား၍ အချိန်ပေးဖြေပေးစေချင်ပါတယ်။
- ဖြေဆိုပြီးပါက ဖေါ်ပြပါအီးမေးလိပ်စာသို့ ဂျူလိုင်လ မကုန်မီပြန်ပို့ပေးစေချင်ပါတယ်။
- မေးခွန်းလွှာများကိုနီးစပ်ရာသို့လက်ဆင့်ကမ်း၊ သတင်းပေး၊ ဝေငှခြင်းဖြင့်ကူညီနိုင်ပါတယ်။
- ဖြေဆိုသူများရဲ့ ကိုယ်ရေးအကျဉ်း (ပညာအရည်အချင်း၊ အသက်၊ ကျားမနှင့်နေရပ်ဒေသတို့ကို
ထည့်ပေးစေချင်ပါတယ်။
- လိုအပ်မယ်ထင်ပါက မေးခွန်းများထပ်မံဖြည့်စွက်ခြင်း၊ ဖြေဆိုခြင်းနှင့်အကြံပြုခြင်းများပြုလုပ် နိုင်ပါတယ်။
သစ္စာဖြင့်
စစ်တမ်းဖြစ်မြောက်ရေးအဖွဲ့ 

မြန်မာ့လူ့အဖွဲ့အစည်း၏ ဒီမိုကရေစီယဉ်ကျေးမှုစစ်တမ်း မေးခွန်းများ
၁။ ဒီမိုကရေစီ၏ သဘောသဘာဝများသည် မြန်မာ့ယဉ်ကျေးမှု ဓလေ့ထုံးစံ၊ အခြေအနေများနှင့် ကိုက်ညီမှု ရှိပါရဲ့လား။
(က) မြန်မာ့လူ့အဖွဲ့အစည်းအတွင်း ( ဘာသာရေး၊ ပညာရေး၊ အုပ်ချုပ်ရေး) ဒီမိုကရေစီနှင့် ထိပ်တိုက်ဆန့် ကျင်မှုဖြစ်စေမယ့် အချက်တွေကဘာတွေလဲ၊ ဘာကြောင့်လဲ။
(ခ) မြန်မာ့လူ့အဖွဲ့အစည်းအတွင်း ဒီမိုကရေစီနှင့် သဟဇာတဖြစ်စေနိုင်မယ့်အချက်တွေက ဘာတွေလဲ၊ ဘာကြောင့်လဲ။
(ဂ)) မြန်မာ့လူ့အဖွဲ့အစည်းအတွင်း ဒီမိုကရေစီကို အဟန့်အတားပြုနိုင်တဲ့အချက်တွေက ဘာတွေလဲ၊ ဘယ်လိုဖြတ်ကျော်မလဲ။
(ဃ) ) မြန်မာ့လူ့အဖွဲ့အစည်းအတွင်း ဒီမိုကရေစီကို အထောက်အပံ့ပြုစေနိုင်တဲ့အချက်တွေက ဘာတွေလဲ၊ ဘာကြောင့်လဲ။

၂။ ဒီမိုကရေစီအပေါ် တဦးချင်း၏ သက်ဝင်ယုံကြည်မှုများသည် အစစ်အမှန်ဖြစ်ပါရဲ့လား။
(က) ဘယ်အကြောင်းအရာအပေါ်မှာအခြေခံပြီး ဒီမိုကရေစီကို ယုံကြည်သက်ဝင်ခဲ့ပါသလဲ။
(ခ) လက်တွေ့ခံစားမှုများအရ ယုံကြည်သက်ဝင်ခဲ့ပါသလား။ ဘယ်လိုဖြစ်ပေါ်ခဲ့ပါသလဲ။
(ဂ) စာတွေ့နှင့် အခြားသူများ၏ ကူညီပံ့ပိုးမှုများအရ ယုံကြည်သက်ဝင်ခဲ့ပါသလား။ ဘယ္လိုပံုစံမို်းလဲ။
(ဃ) မြန့်မာ့လူ့အဖွဲ့အစည်းရဲ့ ဖွံ့ဖြိုးတိုးတက်မှုများကို စွမ်းဆောင်နိုင်မယ်လို့ ယုံကြည်ပါသလား။ ဘာကြောင့်လဲ။
(င) နောက်မျိုးဆက် ၃ ဆက်လောက်မှသာ ဒီမိုကရေစီဖြစ်ထွန်းနိုင်မည်ဆိုလျှင် လက်ရှိအခြေနေကို ဘယ်လိုတည်ဆောက်ချင်လဲ။
(စ) ဒီမိုကရေစီသက်ဝင်ယုံကြည်မှုပံျ့နှံ့ရေးကို ဘယ်လောက်ဆောင်ရွက်၊ တာဝန်ကျေခဲ့ပြီးပြီလဲ။

၃။ မြန်မာနိုင်ငံတွင် ဒီမိုကရေစီ စတင်ဝင်ရောက်လာချိန်နှင့် သနြွေတည်လာပုံတို့ကို ဘယ်လိုသတ်မှတ်မလဲ။
(က) စတင်အသိအမှတ်ပြု၊ ခေါ်ဝေါ်ကျင့်သုံးခဲ့သည့်အချိန်ကာလ၊ နေရာနှင့်အခြေအနေများ၊
(ခ) ပိုမိုကျယ်ပံျ့လာသည့်အချိန်ကာလ၊ နေရာနှင့်အခြေအနေများ၊
(ဂ) ဒီမိုကရေစီလှုပ်ရှားမှု(သို့) တောင်းဆိုမှုများ အားကောင်းလာချိန်၊ နေရာနှင့် အခြေအနေများ။
(ဃ) ကိုလိုနီကာလမတိုင်မီတွင် စတင်ပံျ့နှံ့နေပြီဟူသော အယူအဆကို လက်ခံပါသလား၊ ဘာကြောင့်လဲ။

၎။ ဒီမိုကရေစီသဘောသဘာဝကို ဘယ်လောက်အထိ နားလည်သဘောပေါက်ကြပြီလဲ။
(က) ဒီမိုကရေစီကို ဘယ်လိုနားလည်သလဲ။ ဘယ်နိုင်ငံက ဒီမိုကရေစီပုံစံကို နှစ်သက်လဲ။ ဘာကြောင့်လဲ။
(ခ) ဒီမိုကရစီကို ကျင့်သုံးခြင်းဖြင့် မြန်မာ့လူ့အဖွဲ့အစည်းအတွင်း ဘယ်လိုကောင်းကျိုး၊ ဆိုးကျိုးတွေဖြစ်ပေါ် စေနိုင်မလဲ။ ဘာကြောင့်လဲ။
(ဂ) ဘယ်လိုဒီမိုကရေစီအမျိုးအစားဟာ မြန်မာ့လူ့အဖွဲ့အစည်းနဲ့ ပိုမိုကိုက်ညီမလဲ၊ ဘာကြောင့်လဲ။
(ဃ) ဒီမိုကရေစီအခြေခံအုတ်မြစ် ခိုင်မာရေးတွက် ဘယ်အချက်တွေဟာ မရှိအဖြစ်လိုအပ်လဲ၊ ဘာကြောင့်လဲ။

၅။ ဒီမိုကရေစီသဘောသဘာဝတွေကို လက်တွေ့မှာ ဘယ်လောက်အထိ ကျင့်သုံးနိုင်ကြပြီလဲ။
(က) မိမိပတ်ဝင်ကျင်တွင် ဒီမိုကရေစီသဘောသဘာဝတွေကို ကျင့်သုံးနိုင်မှုရှိမရှိ၊ ဘာကြောင့်လဲ။
(ခ) ဒီမိုကရေစီကျင့်သုံးမှုများတွင် လက်တွေ့ရင်ဆိုင်ရသော အခက်အခဲအတားအဆီးတွေက ဘာတွေလဲ။
(ဂ)ဒီမိုကရေစီကျင့်သုံးမှုများတွင် အပြုသဘောနှင့်အပျက်သဘောပါဝင်မှု အပိုင်းများတွင် ဘယ်အပိုင်းက ပိုမိုပါဝင်နေပါသလဲ။ ဘယ်လိုဖြေရှင်းဆောင်ရွက်မှုများနှင့် နိဂုံးချုပ်စေခဲ့ရပါသလဲ။
(ဃ) ဒီမိုကရေစီကျင့်သုံးမှုများ၏ ရလဒ်များနှင့် နောက်ဆက်တွဲပြဿနာတွေက ဘာတွေလဲ။
(င) ဒီမိုကရေစီကျင့်သုံးမှု ကျယ်ပံျ့အားကောင်းလာစေရေးကို ဘယ်လောက်အထိ ကြိုးပမ်းဆောင်ရွက်ခဲ့ပြီး ပြီလဲ။ ဘာတွေလုပ်ဖို့လိုအပ်နေသေးလဲ။

၆။ မြန်မာနိုင်ငံတွင် ဒီမိုကရေစီရေး ပညာပေးမှုများသည် ပြည့်စုံလုံလောက်မှု ရှိပါရဲ့လား။
(က) လက်ရှိအစိုးရနှင့် အတိုက်အခံအဖွဲ့အစည်းများ၊္ဒွဥျ များ၏ ပညာပေးမှုများသည် ပြည့်စုံမှုရှိပါပြီလား။ ဘာကြောင့်လဲ။
(ခ) ပညာရေး၊ ဘာသာရေးနှင့် လူမှုရေးလက်တွေဘ၀များတွင် ဒီမိုကရေစီသဘေသဘာဝများကို လေ့လာ နိုင်ခွင့်ရှိပါသလား။ ဘယ်လိုအနေအထားမျိုးတွေလဲ။
(ဂ) နိုင်ငံတကာအဖွဲ့အစည်းများနှင့် ပြည်ပမီဒီယာများ၏ ဒီမိုကရေစီရေးပညာပေးမှုများသည် ထိရောက်ပါ သလား။ ဘယ်လိုအနေအထားမျိုးတွေလဲ။
(ဃ) ပြည်တွင်စာနယ်ဇင်းများတွင် ဒီမိုကရေစီသဘောသဘာဝများကို လေ့လာခွင့်ရရှိနိုင်ပါသလား။ ဘာ ကြောင့်လဲ။

၇။ မြန်မာ့ဒီမိုကရေစီယဉ်ကျေးမှု အားကောင်းခိုင်မာစေရေး အလားအလာကောင်းများကို တွေ့မြင်နေရပါပြီလား။
(က) ဒီမိုကရေစီရေးပညာပေးမှုများကို ဘယ်လိုအဖွဲ့အစည်းများက တာဝန်ယူနေကြပါသလဲ။ ဘယ်လောက်အထိလဲ။
(ခ) ဘယ်လိုအဖွဲ့အစည်းတွေက တာဝန်ယူခြင်းက ပိုမိုအားကောင်းစေနိုင်ပါသလဲ။ ဘာကြောင့်လဲ။
(ဂ) လက်ရှိပညာပေးအဖွဲ့အစည်းများ၏ အားနည်းချက်တွေက ဘာတွေလဲ။ ဘယ်လိုအကြံပြုချင်လဲ။
(ဃ) ဘယ်လိုဖေါ်ဆောင်မှုများသည် ဒီမိုကရေစီယဉ်ကျေးမှုကို ထိရောက်အားကောင်းစေနိုင်ပါသလဲ။
(င) ဒီမိုကရေစီယဉ်ကျေးမှုကို ဟန့်တားနှောက်ယှက်စေခဲ့တဲ့ သင်ခန်းစာယူစရာ၊ ရှောင်ကြဉ်စရာအဖြစ်အ ပျက်တွေက ဘာတွေဖြစ် မည်ဟု ထင်ပါသလဲ။
(စ) မြန်မာ့ဒီမိုကရေစီယဉ်ကျေးမှု အားကောင်းခိုင်မာစေရေး လုပ်ငန်းစဉ်တွင် မိမိကိုယ်တိုင်ပါဝင်နေသည်ဟု ယူဆပါသလား။ ကျေနပ်မှုရှိပါသလား၊ ဘာကြောင့်လဲ။

မိတ်ဆွေများခင်ဗျာ
ကျနော် ဒီမိုကရေစီယဉ်ကျေးမှုစစ်တမ်း လေးတခုလုပ်ချင်ပါတယ်။
သက်ဆိုင်ရာ ၀က်ဆိုဒ်များမှာ ကူညီတင်ပေးစေချင်ပါတယ်။ ပြန်ပို့လာမယ့် ပြန်စာများကိုလက်ခံရယူထားပြီး မိမိထံသို့ပြန်ပို့စေချင် ပါတယ်။
စာအုပ်တအုပ်အဖြစ်ထုတ်ဝေနိုင်ရေးကိုမျှော်လင့်ထားပါတယ်။
ဝိုင်းဝန်းကူညီကြစေချင်ပါတယ်။ အခြားဝက်ဆိုဒ်များသို့လည်း သင့်တော်သလို ထပ်ဆင်ပို့ပေးခြင်းဖြင့်ကူညီနိုင်ပါတယ်။
မိမိအနေနဲ့ အစစခက်ခဲနေပါသဖြင့်တတ်နိုင်သမျှကူညီပေးကြပါ။

Nyi Nyi Aung
18118 Royal Bonnet Circle
Montgomery Village, MD 20886
United States of America
Phone: 301-519-1907
Mobile: 703-731-1167
Thai Mobile: +66 (0) 858-00-22-79
Email: freeburma18@gmail.com
From: Lu Bo <notification+kr4mkk2wbmrn@facebookmail.com>

ဖြစ်မြောက်လိုသူ
လူဗိုလ်
ကျောင်းသားတပ်မတော် (ရဲဘော်ဟောင်း)
ခေတ္တ နို့ဖိုးဒုက္ခသည်စခန်း

/////////////////////

ကွန်ဂရက်လွှတ်တော်နဲ့ ဒဏ်ခတ်ပိတ်ဆို့မှု-- ဦးအောင်ခင်  feb17,2011

ဗမာစစ်အစိုးရကို စီးပွားရေးဒဏ်ခတ်ပိတ်ဆို့ထားတာ ရုတ်သိမ်းပေးဖို့ နိုင်ငံရေးပါတီအချို့ က အမေရိကန်အစိုးရကို တောင်းဆို ကြ ပါတယ်။ တချို့ ကလည်း ဒဏ်ခတ်မှုအချို့ အဝက်ကိုသာ ရုတ်သိမ်းဖို့ လိုလားကြပါတယ်။ ဗမာစစ်အစိုးရနဲ့ ဆက်ဆံတဲ့မူဝါဒကို အမေရိကန်အစိုးရကျင့်သုံးနေတဲ့အတွက် အခုလို တောင်ဆိုလာကြတာ ဖြစ်ပုံရပါတယ်။

ဒဏ်ခတ်ပိတ်ဆို့ရေး အစီအစဉ်တွေကို သမ္မတလက်အောက်ခံ ဝန်ကြီးဌာနတွေက အကောင်အထည်ဖော်နေတာမို့ အမေရိကန် အစိုးရမှာ ရုတ်သိမ်းပိုင်ခွင့်ရှိသလို ထင်ယောင်ထင်မှား ဖြစ်နိုင်ပါတယ်။ ဗမာစစ်အစိုးရကို ဒဏ်ခတ်ပိတ်ဆို့ရာမှာ အဓိကဦးဆောင် သူဟာ ကွန်ဂရက်လွှတ်တော် ဖြစ်ပါတယ်။ အမေရိကန်သမ္မတ မဟုတ်ပါဘူး။
ဗမာစစ်အစိုးရကို ဒဏ်ခတ်တဲ့ ဥပဒေကို ကွန်ဂရက် အောက်လွှတ်တော်နဲ့ အထက်ဆီးနိတ်လွှတ်တော် နှစ်ရပ်က ၁၉၉၆ မှာ ပြဌာန်း ထားတဲ့ဥပဒေကို အမေရိကန်သမ္မတ က ၁၉၉၇ ရာ စတင်ကျင့်သုံးတာကိုကြည့်ရင် ကွန်ဂရက်လွှတ်တော်ရဲ့  သြဇာအာဏာကို ခန့်မှန်းနိုင်ပါတယ်။ အပေါ်ယံကြည့်ရင်တော့ အမေရိကန်အစိုးရက နိုင်ငံခြားလမ်းစဉ်ကို ဖန်တီးတယ်လို့ ပြောနိုင်ပေမယ့် ကွန်ဂရက် လွှတ်တော်ကလည်း အမေရိကန်နိုင်ငံခြားရေးလမ်းစဉ်အပေါ် သြဇာညောင်းနိုင်ပါတယ်။

ဗမာစစ်အစိုးရကို စီးပွားရေးဒဏ်ခတ်ပိတ်ဆို့ရာမှာ ကွန်ဂရက်လွှတ်တော်က အရင်ဆုံးဥပဒေပြုပြီး သမ္မတကို ကျင့်သုံးခိုင်း တာဖြစ်ပါ တယ်။ စစ်အစိုးရတက်လာတဲ့ ၁၉၈၈ က ၁၉၉၅ အထိ ဗမာစစ်အစိုးရကို အကူအညီမပေးဖို့သာ အမေရိကန်အစိုးရကလည်း စည်းရုံး လှုပ်ရှားခဲ့ပါတယ်။ ဒီအတောအတွင်း ဗမာစစ်အစိုးရရဲ့  လူ့အခွင့်အရေးချိုးဖောက်မှုဟာ ပိုမိုဆိုးဝါးလာပါတယ်။ ဒါကြောင့် ဒီမိုကရေစီ လှုပ်ရှားမှုမှာ ပါဝင်တဲ့ အမေရိကန်ရောက် မြန်မာတွေ၊ လူ့အခွင့်အရေးအဖွဲ့တွေနဲ့ ကွန်ဂရက်လွှတ်တော်အမတ်တွေက ဗမာစစ်အစိုး ရကို ပြင်းပြင်းထန်ထန် အရေးယူဖို့ တောင်းဆိုလာကြပါတယ်။ ဗမာစစ်အစိုးရကို ဒဏ်ခတ်အရေးယူဖို့ ကွန်ဂရက်လွှတ်တော် အမတ်အချို့ က အရင်ဆုံးလှုပ်ရှားကြပါတယ်။

ဗမာစစ်အစိုးရကို ဒဏ်ခတ်အရေးယူရေးနဲ့ ပတ်သက်ပြီး ကွန်ဂရက်လွှတ်တော်မှာ ကြားနာပွဲတွေ ၁၉၉၃ ကစပြီး လုပ်ပါတယ်။ မြန်မာ့ရေးရာကျွမ်းကျင်သူ၊ တသီးပုဂ္ဂလအဖွဲ့ဝင်၊ စီးပွားရေးလုပ်ငန်းရှင်၊ ဆီးနိတ်လွှတ်တော်အမတ် စတဲ့ ပုဂ္ဂိုလ်တွေက ကြားနာပွဲမှာ ထွက်ဆိုကြပါတယ်။ ဗမာစစ်အစိုးရကို အရေးယူဖို့ စိတ်ထက်သန်သူတွေရှိသလို မြန်မာပြည်မှာ စီးပွားရေးလုပ်ဖို့သာ စိတ်ပူသူတွေ လည်းရှိပါတယ်။ ဒဏ်ခတ်အရေးယူတဲ့ဖက်က အဓိကအကျဆုံး ပုဂ္ဂိုလ်ဟာ ဆီးနိတ်အမတ် Mitch McConnell ဖြစ်ပါတယ်။

 မြန်မာလွတ်လပ်ရေးနဲ့ ဒီမိုကရေစီ အက်ဥပဒေကို မူကြမ်းကို ရေးဆွဲရာမှာ မြန်မာကျောင်းသား၊ တိုင်းရင်းသားခေါင်းဆောင်၊ ဒီမို ကရေစီ အကျိုးဆောင် နဲ့ ဒေါ်အောင်ဆန်းစုကြည်ရဲ့  လုပ်ဖော်ကိုင်ဖက်ဟောင်းတွေကို တိုင်ပင်တယ်လို့ Mitch McConnell က အတိအလင်း ဖော်ပြပါတယ်။

၁၉၉၅ ခုနှစ် မြန်မာလွတ်လပ်ရေးနဲ့ ဒီမိုကရေစီအက်ဥပဒေမှာ မြန်မာ့သွင်းကုန်ပိတ်ပင်ရေး၊ ရင်းနှီမြုပ်နှံမှု ပိတ်ပင်ရေး၊ မြန်မာပြည်ကို သွားခွင့်ပိတ်ပင်ရေး စတဲ့အချက်တွေ ပါဝင်ပါတယ်။ ဒဏ်ခတ်မှုကို မပိတ်ပင်ဘူးဆိုရင် ထိုင်းနဲ့ တရုတ်ကို ပေးထားတဲ့ ကုန်သွယ်ရေး အခွင့်ထူးတွေ ရုတ်သိမ်းပစ်ဖို့လည်း အကြံပြုထားပါတယ်။ ဒီ အက်ဥပဒေကို ဆီနိတ်လွှတ်တော်မှာ ကြားနားပွဲလုပ်ရာမှာ လူ့အခွင့် အရေး ဦးစားပေးသူတွေရော အမေရိကန်အမှုထမ်းတွေရော ထွက်ဆိုကြပါတယ်။

 အမေရိကန် နိုင်ငံခြားရေးဌာန အရှေ့ အာရှရေးရာ လက်ထောက်ဝန်ကြီး Wiston Lord က ဒဏ်ခတ်အရေးယူရင် ဗမာစစ်အစိုးရနဲ့ ဆက်ဆံရာမှာ လုပ်ရကိုင်ရ ခက်ခဲသွားတာမို့ သဘော မတူဘူးလို့ ဆိုပါတယ်။ ၁၉၉၅ အက်ဥပဒေအရ ဒဏ်ခတ်အရေးယူတာကို သမ္မတ ကလင်တန် က လက်မခံနိုင်ပါဘူး။ နောက်ပြီးတော့ ဥပဒေပြုပုံနဲ့ ပတ်သက်ပြီး ဘဝင်မကျတဲ့အမတ်တွေလည်း ရှိနေတာမို့ အတည်ပြုတဲ့အဆင့်ကို မရောက်ခဲ့ပါဘူး။

၁၉၉၅ မြန်မာ့လွတ်လပ်ရေးနဲ့ ဒီမိုကရေစီအက်ဥပဒေကို အတည်မပြုနိုင်ဘဲ ဖြစ်သွားရတဲ့အကြောင်းရင်း နှစ်ခုကို ဆီနိတ်အမတ် Mitch McConnell က ထောက်ပြပါတယ်။ သမ္မတ မထောက်ခံတာဟာ ပထမအကြောင်းရင်းဖြစ်ပြီး ဒုတိယအကြောင်းရင်းက Unicol နဲ့ Texaco ရေနံကုမ္မဏီတွေဘက်က အကြီးအကျယ် lobby လုပ်တာကြောင့် ဖြစ်ပါတယ်။ တနည်းဆိုရင်တော့ စီးပွားရေးဦးစားပေး အုပ်စုက အနိုင်ရသွားလို့ ၁၉၉၅ ခုနှစ်မှာ မြန်မာလွတ်လပ်ရေး နဲ့ ဒီမိုကရေစီအက်ဥပဒေကို ကွန်ဂရက်လွှတ်တော်မှာ မပြဌာန်းနိုင် ခဲ့တာ ဖြစ်ပါတယ်။ နောက် ရှစ်နှစ်ကြာတော့မှ ၂၀၀၃ ခုနှစ်မှာ မြန်မာ့လွတ်လပ်ရေးနဲ့ ဒီမိုကရေစီအက်ဥပဒေကို ကွန်ဂရက် လွှတ် တော်က ပြဌာန်းလိုက်ပါတယ်။

အတည်မပြုနိုင်တဲ့ ၁၉၉၅ အက်ဥပဒေကို ပြင်ဆင်ပြီး ၁၉၉၆ ခုနှစ်မှာ ကွန်ဂရက်လွှတ်တော် နှစ်ရပ်စလုံးက အတည်ပြုပြဌာန်း ပါ တယ်။ ဒါပေမဲ့ ၇ လကြာတော့မှ သမ္မတက ကျင့်သုံးဖို့ ဆုံးဖြတ်ပါတယ်။ ဒီဖြစ်စဉ်ကိုကြည့်ရင် အမေရိကန်သမ္မတ မလုပ်ချင်လုပ်ချင် ဖြစ်နေတဲ့ ကိစ္စတွေကို ကွန်ဂရက်လွှတ်တော်က ဥပဒေပြဌာန်းပြီး အကောင်အထည်ဖော်ဖို့ တိုက်တွန်းတာ တွေ့ရပါတယ်။ ဒါကြောင့်မို့ ကွန်ဂရက်လွှတ်တော်မှာ စီးပွားရေး ဦးစားပေး lobby အုပ်စု သြဇာညောင်းလာမှသာ ဒဏ်ခတ်ပိတ်ဆို့မှုကို ရုတ်သိမ်းဖို့ အလားအလာပေါ်ထွက်လာဖွယ်ရှိကြောင်း တင်ပြလိုက်ရပါတယ်။

ဦးအောင်ခင်

(မူရင်း-- ဗွီအိုအေ စနေ, 12 ဖေဖော်ဝါရီ 2011)

------------------

ရွေးကောက်ပွဲလွန်ကာလ နိုင်ငံရေးလှုပ်ရှားမှုများ

ကောင်းမြတ်သူ

  ရွေးကောက်ပွဲလွန်ကာ လနိုင်ငံရေးလှုပ်ရှားမှုများကို အားလုံးစိတ်ဝင်စားကြမည်ဖြစ်သည်။ အစိုးရအဖွဲ့တစ်ရပ် အ ပြောင်းအလဲ ဆို သည်မှာလည်း စိတ်ဝင်စားဖွယ်ရာ သတင်းတစ်ပုဒ်ဖြစ်ပါသည်။ မြန်မာပြည်၏ ရွေးကောက်ပွဲလွန်ကာလ အပြောင်းအလဲသည် အစိုးရ အပြောင်းအလဲဆိုသည်ထက် နိုင်ငံရေးစနစ်အပြောင်းအလဲဖြစ်၏။ စစ်အုပ်ချုပ်ရေးစနစ်မှ ပါလီမန် ဒီမိုကရေစီစနစ်သို့ အပြောင်း အလဲဖြစ်ပါသည်။
သို.သော်လည်း စစ်အုပ်ချုပ်ရေး ပုံသဏ္ဍာန်များက ဆက်လက်ရှိနေသလို လွှတ် တော်တစ်ရပ်သည်လည်း ပေါ်ပေါက်လာပြီဖြစ်သဖြင့် ``ပါလီမန်စစ်အာဏာရှင်စနစ်`` အဖြစ်သာ ကျွန်ုပ်တို.က ရှုမြင် ပါ သည်။
         နိုင်ငံရေးပါတီများ၏ အလုပ်မှာ ရွေးကောက်ပွဲလွန်ကာလတွင်ဘာဖြစ်မည်လဲဟုစောင့်ကြည့်ရန်မဟုတ်ပါ ။ ရွေး ကောက်ပွဲ လွန်ကာလတွင်ဘာလုပ်မည်လဲဟူသောမူဝါဒများကို တင်ပြ ရန် သာဖြစ်ပါသည်။ ရွေးကောက်ပွဲဝင် ပါတီများအ နေဖြင့် နိုင်သည် ဖြစ်စေ ရှုံးသည်ဖြစ်စေ အစိုးရအဖွဲ.တွင် ပါဝင်နိုင်ရေးကြိုးပမ်းရမည်ဖြစ်ပါသည်။ အစိုးရဖွဲ.ခြင်း (သို.မဟုတ်) အစိုးရယန္တယား တွင် ပါဝင်ခြင်းဆိုသည်မှာ အများစု အနိုင်ရပါတီတစ်ရပ်၏ အလုပ်မဟုတ်ပါ။ ရွေးကောက်ပွဲ အနိုင်ရ သူ များရော ရှုံးသူများပါ ပါဝင်ဆောင် ရွက်ရမည့်အလုပ်ဖြစ်ပါသည်။ နိုင်ငံရေးလောကမှ မဟုတ်သော တက္ကသိုလ်ပညာရှင်လည်း ဖြစ်နိုင်သလို ၊ စာပေပညာရှင်များ လည်း ပါဝင်နိုင်ပါသည်။
         နိုင်ငံရေးပါတီများနှင့်ရွေးကောက်ခံကိုယ်စားလှယ်များအနေဖြင့် တိုင်းပြည်အုပ်ချုပ်ရေးယန္တယားတွင်ပါဝင်ဆောင် ရွက်လို ကြောင်း သဘောထားတင်ပြခြင်းဖြင့် အနာဂတ်နိုင်ငံရေးကိုဝင်ရောက်ပုံဖေါ်ရန်ကြိုးစားကြရမည် ဖြစ်ပါသည်။ သို. သော်လည်း ကြီးမားသော အခက်အခဲမှာ စစ်အစိုးရ ထောက်ခံသော ပါတီမှ အများစုအနိုင်ရနေခြင်းဖြစ်၏။ အနာဂတ်မြန်မာ ပြည်၏ နိုင်ငံရေး လောကသည် အတိုက်အခံနှင့် အစိုးရနှစ်ဖွဲ.တည်းသာ ရှိသော နိုင်ငံရေးလောကမဟုတ်တော့ပါ။
         အစိုးရပါဝင်သော အုပ်စုတွင် အများစုအနိုင်ရသော ကြံ.ခိုင်ရေးပါတီ၊ တ-စ-ည ပါတီနှင့် စစ်တပ်တို.ဖြစ်ပါသည်။
အတိုက်အခံများပါဝင်သောအုပ်စုတွင် ရွေးကောက်ပွဲဝင်ပါတီ နှင့်ရွေးကောက်ပွဲသပိတ်မှောက်သူများ၊ တိုင်းရင်းသား တောတွင်း လက်နက်ကိုင်နှင့် ငြိမ်းချမ်းရေးလက်နက်ကိုင်များ၊ အနိုင်ရအမတ်များ ပါဝင်နိုင်ပါသည်။ မီဒီယာများကတော့ ကြားနေသည် ဆို သော်လည်း ရွေးကောက်ပွဲဝင်နိုင်ငံရေး လောကအား အင်အားချိနဲ.အောင် ဆက်လက်ဆောင်ရွက်မည် သာ ဖြစ်နိုင်ပါသည်။
အပြည်ပြည်ဆိုင်ရာမျက်နှာစာတွင်တော့ ၂၀၁၀ အစိုးရအား ထောက်ခံသောအစိုးများ နှင့် မထောက်ခံသော အစိုးရ များဟူ၍ ရှိ လာနိုင်ပြီး အားလုံးက ၂၀၁၀ အစိုးရနှင့် ဆက်ဆံသွားမည်ဟု ယုံကြည်ရပါသည်။ ဆက်ဆံသည်ဆိုသည်မှာ ထောက်ခံသည်ဟု ဆိုလိုခြင်းမဟုတ်ပါ။ ကုလ ၏ ရပ်တည်ချက်ကတော့ ၂၀၁၀ အစိုးရအား တရားဝင်အစိုးရအဖြစ် လက်ခံ ရေးမှာ သေချာမှုမရှိသေးဟု ဆိုနိုင်ပါသည်။ ကြံ့ခိုင်ရေးအစိုးရအနေနှင့်တော့ အပြည်ပြည်ဆိုင်ရာ ထောက်ခံမှု အပြည့်အ၀မရ ခြင်းကို ၂၀၁၀-၁၅ သက်တမ်းတွင် စဉ်းစားမှုပြုတော့မည်မဟုတ်ပါ ။အာဏာနှင့် ဂုဏ်သိက္ခာ နှစ်ခုအနက်မှ တစ်ခုခုကို ရွေး ချယ်ရမည်ဆိုလျှင် ကြံ့ခိုင်ရေး အစိုးရ အနေ ဖြင့် အာဏာကိုသာရွေးချယ်မည်ဖြစ်ပြီး။ ရွေးကောက်ပွဲသပိတ်မှောက်သူတို.က တော့ ဂုဏ်သိက္ခာကိုသာ ရွေးချယ်မည်ဟု မျှော်လင့် ရပါသည်။
ကျွန်ုပ်တို.မလွဲမသွေ ရင်ဆိုင်ရမည်ဖြစ်သော အခြားမျက်နှာစာတစ်ရပ်မှာ အတိုက်အခံဟုဆိုသော နိုင်ငံရေးပါတီများ အတွင်း အားပြိုင်မှုဖြစ်ပါသည်။ ကျော်ကြားသော နိုင်ငံရေးပါတီများ၏ အသံက လူကြိုက်များဖွယ်ရှိသော်လည်း လက်တွေ. နှင့်အလှမ်း ကွာ ဝေးဖွယ်ရှိပါသည်။ ရွေးကောက်ပွဲဝင်နိုင်ငံရေးပါတီများ၏ ပါလီမန်တွင်းမအောင်မြင်မှုများအား ရှုံ့ချသော နိုင်ငံရေးယဉ်ကျေးမှု ထွန်း ကားလာလျှင် တိုင်းပြည်အတွက် ပို၍ အကျိုးယုတ်စေမည်ဖြစ်ပါသည်။
၂၀၁၀ လွန်နိုင်ငံရေးလောက၏ အားနည်းချက်တစ်ခုမှာ အင်အားအကောင်းဆုံးသော NLD ပါတီ၏ တရားဝင်ရပ် တည်နိုင်မှု ဆုံးရှုံးခြင်းဖြစ်ပါသည်။ NLD တရားဝင်ရပ်တည်နိုင်မှု မရှိသည့်အချိန်တွင် NLD ကိုဝန်းရံသော နိုင်ငံရေးလှုပ်ရှားမှု တစ်ရပ်ပေါ် ပေါက် လာရေးမှာ လက်တွေ့သဘောနှင့်အလှမ်းကွာဝေးခဲ့လျှင် ဗဟိုချက်ပျောက်သော ပါတီငယ်များ လှုပ်ရှားမှု ဖြင့် စခန်းသွားရ ဖွယ်ရှိပါ သည်။ နှလုံးသားထဲတွင် ရှိသော NLD နှင့် တရားဝင်စာမှတ်စာတမ်းပေါ်တွင်ရှိသော NLD ဆိုသည် မှာ လွန်စွာကွာခြားသော အရာ ဖြစ်ပါသည်။
အတိုက်အခံနိုင်ငံရေးပါတီအချို.၏ အယူအဆမှာ ပါလီမန်တွင်းတိုက်ပွဲဝင်ရေးဖြစ်၏။ လုံလောက်သောတိုက်ပွဲဝင် အင်အား တော့ရှိလှသည်မဟုတ်ပါ။ ပါလီမန်၏ သဘာဝမှာ ပြည်သူတို.အတွက် လိုအပ်သော ဥပဒေများပေါ်ထွန်းလာရေးဖြစ် ပါသည်။ မိမိပါတီမှ အင်အားနည်းပါနေသည့်တိုင် ပြည်သူများအတွက် လိုအပ်သော အဆိုများ ပေါ်ထွက်လာနိုင် အောင် ဆောင်ရွက် နိုင်ခြင်း သာလျှင် ပထမဆုံးအာရုံစိုက်သင့်သည့် နိုင်ငံရေးလှုပ်ရှားမှုဖြစ်သင့်ပါသည်။ ပြည်သူအတွက် ဘာမျှလုပ် မပေးနိုင်သော ပါလီမန်တွင်း သူရဲကောင်းများလမ်းကြောင်း ကိုကြိုက်နှစ်သက်သော လွတ်တော်အမတ် များလည်း ရှိနိုင် ပါသည်။ မီဒီယာများသည်လည်း ထိုအမတ်များနှင့်သာ အချိန်ကုန်နေသည်မျိုးဖြစ်နိုင်၏။
နိုင်ငံရေးအကျဉ်းသားများကတော့ ပုံမှန်ရှိနေနိုင်ပါသည်။ ၀င်လိုက်ထွက်လိုက် ဖြင့် အဟောင်းပေး အသစ်ယူပုံစံမျိုး ဖြစ်နိုင်၏ ။ ပါလီမန်တွင် ပထမဆုံးတင်ပြလာသော တောင်းဆိုမှုတစ်ခုလည်းဖြစ်လာပါမည်။ နိုင်ငံရေး အကျဉ်းသားများ လွတ်ပေးရေးအပါ အ၀င် နိုင်ငံရေးအကျဉ်းသားအခွင့်အရေးတောင်းဆိုသော အသံများက ပါလီမန်၏ ပထမဆုံးသောအကျပ် အတည်းဖြစ်ဖို.ရှိပါသည်။

ကျွန်ုပ်တို.ပါတီအနေဖြင့် နယ်ပယ်ပေါင်းစုံတို.တွင် ပြုပြင်ပြောင်းလဲနိုင်ရေးဆောင်ရွက်သွားမည်ဖြစ်ပါသည်။ နိုင်ငံရေး ပါတီ တို.၏ မူဝါဒများအား ထောက်ပြပြောဆိုခြင်းက ကျွန်ုပ်တို.ပါတီ၏ အဓိကဆောင်ရွက်ချက်များတွင်ပါဝင်လာမည်ဖြစ်ပါ သည်။ တိုင်းပြည်၏ နိုင်ငံရေး၊ စီးပွားရေး၊ လူမှုရေး၊ ပညာရေး၊ ကျန်းမာရေး၊ ယဉ်ကျေးမှု၊ ရင်းနှီးမြုတ်နှံမှု၊ ဆင်းရဲမွဲတေမှု ပပြောက်ရေး၊ အဂတိလိုက်စား မှုများ လျှော့ချနိုင်ရေး၊ အဆင့်မြင့်နည်းပညာဖွံ့ဖြိုးတိုးတက်ရေး နှင့် တိုင်း ရင်းသားလူမျိုးများ အရေးကိစ္စ စသည်ဖြင့် နယ်ပယ်ပေါင်းစုံ တို.တွင် ပြုပြင်ပြောင်းလဲမှုများ ပေါ်ပေါက်စေရေးအတွက် ကြိုးပမ်း သွား မည် ဖြစ်ပါသည်။ နိုင်ငံရေးအကျဉ်းသားများနှင့်ပတ်သက်သော ဆောင်ရွက်မှုများက ထိပ်တန်းဦးစားပေးဖြစ်ပါသည်။

နိုင်ငံရေးပါတီ အချို.က လူထုအားဖြင့်အောင်နိုင်ရေး (သို.) လူထုတိုက်ပွဲဆန်ဆန်အယူအဆများကို သာတွင်တွင် ပြောဆိုနေကြ၏။ ကျွန်ုပ်တို.၏ အယူအဆမှာ ယခုဖြစ်ပေါ်နေသော နိုင်ငံရေးဖြစ်စဉ်ကို လူထု အားဖြင့် ယှဉ်ပြိုင်ရမည့်ပွဲဟုမ ယူဆပါ၊ အသိဥာဏ်အားဖြင့်ယှဉ်ပြိုင်ရမည့်ပွဲဟုသာယူဆပြီး အသိဥာဏ်သာသူများသာအောင်ပွဲရမည်ဖြစ်ပါသည်။
အသိ ဥာဏ်ဟုဆိုရာ၌လည်း တစ်ဦးကောင်းတစ်ယောက်ကောင်း အသိဥာဏ်ကိုဆိုလိုခြင်းမဟုတ်ပါ၊ အသိဥာဏ်အစုအဝေး အား သာမှုကသာ အဆုံးအဖြတ်ပေးမည်ဖြစ်ပါသည်။

feb 8, 2011

------------------

ပြောတတ် ဆိုတတ် ဆွေးနွေးတတ်တဲ့ အရည်အချင်း
မောင်ဝံသ-
2,Feb, 2011။-

နိုင်ငံရေးစကားဝိုင်းတချို့နားထောင်ဖြစ်ပါတယ်။
နိုင်ငံရေးအကြောင်းပြောကြတာဆိုိတော့ နိုင်ငံရေးစိတ်ဝင်စား သူတွေနိုင်ငံရေးသမားတွေပါဝင်ပြောကြတာများပါတယ်။
တချို့ပါဝင်ဆွေးနွေးသူတွေ တော်သလောက် တချို့ကျတော့ညံ့လွန်းတယ်။ စကားဝိုင်းကို အနှောင့်အယှက်ဖြစ်စေတယ်။ သေးသိမ်စေတယ်။ ဒီလိုလူမျိုးများဖိတ်ခေါ် ဆွေးနွေးရသလားဆိုပြီး စီစဉ်တဲ့လူကိုတောင် အပြစ်ပြောစရာ ဖြစ်စေတယ်။

မှားတတ်တဲ့အမှားများ
နိုင်ငံရေးစကားဝိုင်းတွေမှာ အများဆုံးမှားတတ်ကြတာက မလိုအပ်ဘဲ လေရှည်နေတာဖြစ်တယ်။
ရှေ့ကလူတချို့ပြောပြီးသားတွေကိုထပ်ပြောနေတာ။ အချိန်ကို မတွက်တတ်တာ။
စီစဉ်သူရဲ့အရိပ်အကဲကို နားမစွင့် ကိုယ်ပြောချင်တာတွေကို ရေပက်မ၀င် အောင်စွတ်တင် နေတာဖြစ်တယ်။
ကိုယ်ညံ့တာကုိုအထုပ်ဖြေ ပြသလိုဖြစ်တတ်တယ်။
စီစဉ်သူကအတင်းကိုစကားဖြတ်တောက်ခံရတာ ရှက်စရာလည်းဖြစ်တယ်။

ဥပမာ-စီးပွားရေးအကြောင်း စကားဝိုင်း ဆိုပါစို့။ နိုင်ငံခြားကို ပို့ကုန်များများ တင်ပို့နိုင်အောင် ဘယ်လို နည်းလမ်းတွေ ရှိနိုင်မလဲ ဆို တာကို ဆွေးနွေးကြပါလို့စီစဉ်သူက လမ်းကြောင်းပေးတယ်။ ဆွေးနွေးသူတွေက ကုန်ဈေးနှုန်း တွေကြီးမားနေတာ၊ အလုပ်လက်မဲ့ တွေများနေတာ၊ ကုန်ထုပ်လုပ်မှုကို အထောက်အကူပြုတဲ့ ပညာ ရေးကို အားပေး သင့်တာတွေ လျှောက်ပြောနေရင် တလွဲတွေ ဖြစ်ကုန်ပြီ။
အဲဒါတွေဟာ မှားလားဆိုတော့ မမှားပါ ဘူး။

ဒါပေမယ့် ခုတော့ ဆွေနွေးရမယ့် ခေါင်းစဉ်နဲ့ တိုင်ရိုက်မသက်ဆိုင်ဘူး။
ပြီးတော့လူတွေတော်တော်များများ သိနေပြီး ဖြစ်တဲ့အကြောင်းတွေကို စကားဝိုင်းမှာ ပြောနေဖို့မလိုပါဘူး။
တချို့ကသမားဂုဏ်ပြချင်လို့ ပြောတာ။
တချို့က ကိုယ်ကတစ်မတ်ဖိုးလောက်သိတာကို တစ်ကျပ်ဖိုးလောက် ထင်ပြီး လူတွင်ကျယ်လုပ်တာ။ တော်တော်များများကတော့ စကားဝိုင်းမှာ အပေးအယူမျှမျှ ပါဝင်ပြောဆိုနည်းကို နာမလည်လို့မှားနေကြတာ ဖြစ်တယ်။

သတိထားရန်
(၁) စကားဝိုင်းမှာ ပါဝင်ပြောဆိုသူဟာ အရိပ်သုံးပါနားလည်ရမယ်။ စီစဉ်သူရဲ့စကားကို နားစွင့်ပြီးပြောဆိုရမယ်။
ကြားဖြတ် မေးချင်ရာမေးမှာပေါ့။ မေးတာကိုဖြေရမယ်။
(၂) တစ်ယောက်တည်းအကြာကြီး မပြောရပါဘူး။
(၃) သူများကို အလှည့်ပေးရမယ်။ သူများ ပြောတာကိုသေချာနားထောင်ရမယ်။
(၄) မိမိပါဝင်ဆွေးနွေးတဲ့ ဘာသာရပ်ကို နားလည်အောင်လေ့လာပြီးမှ ပြောသင့်တယ်။
(၅) အကောင်းဆုံးကတော့ ပြောချင်တဲ့ အချက်အလက်တွေကို မှတ်စုလေးတေးပြီး ပြောသင့်တယ်။

အရည်အချင်း လိုအပ်ချက်
ကျွန်တော်တို့နိုင်ငံမှာ နိုင်ငံရေးစိတ်ဝင်စားသူ၊ နိုင်ငံရေးပါဝင်ဆောင်ရွက်သူတွေ အရေအတွက်ကော အရည် အချင်းကော လိုအပ် နေပါတယ်။ နိုင်ငံရေးကိုဘာသိဘာသာနေတဲ့သူတွေ များနေရင်လုံးဝမကောင်းပါဘူး။ နိုင်ငံရေးကို ကိုယ်ကျိုးစီးပွားအတွက်ဝင်ရောတဲ့ အချောင်သမားတွေများလာရင် လုံးဝ မကောင်းပါဘူး။

ကိုယ်ကျိုးစီးပွားမရှာတဲ့ နိုင်ငံရေးကို စိတ်ဝင်စားပြီး မိမိနိုင်ငံမှာ ဘာတွေဖြစ်နေလဲ၊ ဘယ်သူတွေက အုပ်ချုပ်နေ တာလဲ၊ ဘာစနစ်နဲ့ အုပ်ချုပ်နေတာလဲ၊ တိုးတက်နေသလား၊ ဆုတ်ယုတ်နေသလား၊ မချောင်လည်ဘူးလား စသည်ဖြင့် အကဲခတ်လေ့လာ၊ မိမိတတ်နိုင် တဲ့နေရာက ကိုယ်စွမ်း ဥာဏ်စွမ်း ရှိသလောက် ပါဝင်ဆောင်ရွက်သူ တွေကို အရေအတွက်အားဖြင့် အရင်ဆုံးလိုပါတယ်။
ပြီးတော့မှ အရည်အချင်းပိုင်း ဖြည့်ဆည်းရင် ဖြစ်ပါတယ်။

အရည်အချင်းပိုင်းမှာပထမ အရေးကြီးဆုံးကတော့ ရိုးသားဖြောင့်မတ်မှု (Sincerity) ပါပဲ။ ရိုးသား ဖြောင့်မတ်မှုလို့ အပြည့်အစုံပြောမှ တိကျမှာပါ။
Sincerity ကို The Quality or condition of being sincere; genuineness honesty, and freedom from duplicity လို့ The American Heritage Dictionary က အဓိပ္ပါယ်ဖွင့်တာကို သဘောကျလို့ပါ။

ကျွန်တော်တို့နို်င်ငံမှာ နိုင်ငံရေးပါတီတွေ အများကြီးပေါ်ခဲ့ဖူးတယ်။
ဟိုး…. အာဏာရ ဖဆပလ ခေတ် ကနေ မြန်မာ့ဆိုရှယ်လစ် ခေတ်အထိ လေ့လာကြည့်ရင် ရိုးသား ဖြောင့်မှန်မှုနှဲ့ နိုင်ငံရေး ၀င်လုပ်သူထက် အခွင့်အရေး မျှော်ကိုးပြီး ၀င်လုပ်သူတွေက အရေအတွက်များ ခဲ့တာ တွေ့ရမှာပါ။

လမ်းစဉ်ပါတီစတင်တည်ထောင်ချိန်က ကျွန်တော်တို့ တက္ကသိုလ်အပြင်တောင်ရောက်နေပြီမို့ ကောင်း ကောင်းကြီးသိမီပါတယ်။
အဲဒီအချိန်က အလုပ်အကိုင်သိပ် မရှားသေးပါဘူး။
တက္ကသိုလ်ဘွဲ့ရတွေဟာ ကုန်သွယ်ရေးမန်နေဂျာ သစ်လုပ်ငန်းလက်ထောက်မန်နေဂျာ နိုင်ငံခြားရေးရုံးတတိယအတွင်းဝန် စသည်ဖြင့် ရာထူးဝန် စာမေးပွဲတွေ ဖြေဆိုနိုင်တယ်။ ရာထူးရတဲ့သူများတယ်။
နောက်တစ်မျိုးက ATO လို့ခေါ်တဲ့ လက် ထောက်မြို့ပိုင်ရာထူး။ နောင် မြို့ပိုင် နယ်ပိုင် ခရိုင်ဝန် စသည်ဖြင့် တက်သွားတာပဲ။

မိုးထဲရေထဲမှာ

အဲဒီကာလမှာပဲ သူငယ်ချင်းတချို့က လမ်းစဉ်ပါတီကေဒါများအဖြစ် ၀င်ခဲ့ကြတယ်။
လမ်းစဉ်ပါတီကို ပမညတ ဟောင်းနဲ့ ဗကပ ဟောင်းတွေ ၀င်တာများတယ်။
ဖဆပလ နဲ့ ပထစ ဟောင်းတွေ ၀င်တာနည်းတယ်။
ယခင်နိုင်ငံ ရေးမလုပ်ခဲ့ဖူးဘဲ လမ်းစဉ်ပါတီထဲဝင်တဲ့ လူသစ်တွေဟာ ဆိုရှယ်လစ်လမ်းစဉ်ကို တကယ်ယုံကြည်လို့ ၀င်သူ တွေရှိသလို ရေရှည်စားသာမှာသေချာတယ် ဆိုပြီး တွက်ကိန်းနဲ့ ၀င်သူတွေ အတော်များတယ်။

ကျွန်တော်တို့ ကျောင်းမှာတုန်းက နိုင်ငံရေးစိတ်ဝင်စားဖို့မပြောနဲ့ သမဂ္ဂထဲတောင်မရောက်ဖူးသူတွေ အတော်များများ လမ်းစဉ် ပါတီထဲရောက်ကုန်တယ်။
နောင် မိုးထဲရေထဲလည်းရောက်ရော ပါတီဝင်ကတ်ပြားတွေ မီးရှို့ပြီး ကိုယ်လွတ်ရုံး ကြတဲ့အခါ သူတို့ရှေ့ဆုံးကပဲဗျ။

ကျွန်တော်တို့တိုင်းပြည်ရဲ့ အနာဂတ်နိုင်ငံရေးမှာ အဲသလိုလူတွေကိုတော့ ကျပ်ကျပ်ကြီးသတိထား ရှောင်ဖို့လိုပါတယ်။
အခွင့်အရေးမျှော် နိုင်ငံရေးသမားနဲ့ ရိုးသားဖြောင့်မှန် နိုင်ငံရေးသမားကို ခွဲခြားအားပေးဖို့ ကတော့ ပြည်သူများရဲ့တာဝန်ဖြစ်ကြောင်းပါခင်ဗျာ။

မောင်ဝံသ
ပြည်သု့ခေတ်ဂျာနယ် အတွဲ ၁၊ အမှတ် ၂၅

-------------------

နောက်ကျောဓားနှင့်ထိုးသည့် ဆိုးမွေများ ထပ်၍မပေးကြပါနှင့်
ဦးဖိုးသာအောင်--

ဘိုဘိုကျော်ငြိမ်းနှင့် ဝင်းတင့်ထွန်းတို့ရဲ့ ဆောင်းပါးတွေကို မဇ္စျိမမှာဖတ်ရပါတယ်။ ဖတ်သူတိုင်း သိနားလည်စဉ်းစား နိုင်တဲ့အတွက် လည်း ကောင်းပါတယ်။
အထူးသဖြင့် နောက်မျိုးဆက်တွေ အတွက်ပါ။ ဝင်းတင့်ထွန်းပြုစုထုတ်ဝေခဲ့တဲ့ အမှောင်ကြားက ဗမာပြည် စာအုပ်ထဲမှာ ဦးကျော်ငြိမ်း ရဲ့ အခန်းကဏ္ဍကို ရာဇဝင် အချက်အလက်ကို လိမ်ပြီး ကိုယ်လိုရာဆွဲကောက်ချက်ချတာသည် တာဝန်မဲ့ရေးသားချက်ဖြစ်တယ် ဆို တာကို ဘိုဘိုကျော်ငြိမ်းက အဓိကအားဖြင့် ပြန်လည်တင်ပြရေးသားတယ်လို့ နားလည် နှိုင်ပါတယ်။

မြန်မာ့လွတ်လပ်ရေးသမိုင်းမှာ “ အဖြစ်မှန် ” “ သဘောတရား” နှင့် “ အချက်အလက် ”ဆိုသည်မှာ သဘာဝအရ ရှိစမြဲပါ၊ ဦးကျော်ငြိမ်းသည် (တိုင်း ၆) မှာ နိုင်ငံရေးမှူး ဖြစ်ခဲ့တယ ဆိုတာကို ရန်ကုန်တာဝန်ခံလို့ ဖေါ်ပြချက်ကိုကြည့်မယ်ဆိုရင် အမှန်တ ကယ် က တိုင်း ၆ ရဲ့ နိုင်ငံရေးမှူးပါ၊
ဒါက အချက်အလက်အရမှန်ပါသည်။ ဦကျော်ငြိမ်းသည် တိုင်း၆ ကို မသွားတာက အဖြစ်မှန်ပါ။
သို့သော် သဘောတရားအရ ဦးကျော်ငြိမ်း မသွားသဖြင့် တိုင်း၆ ၏ နိုင်ငံရေးမှူး မဟုတ် ဟု မည်သူမျှ မပြောနှိုင်ပါ၊ အဲဒီ့အချိန်က ဦးကျော်ငြိမ်းသည် တိုင်း၆ ကို မသွားခဲ့သဖြင့် လိုအပ်သည့် အရေးယူဆောင်ရွက်ချက် မလုပ်နှိုင်ခဲ့သည့် ခေါင်းဆောင်၏ တာဝန်ပင် ဖြစ်ပါသည်။

ဗိုလ်မှူးချုပ်ကျော်ဇောရဲ့ ကိုယ်တိုင်ရေး အတ္ထုပ္ပတ္တိထဲမှာ ဦးကျော်ငြိမ်းသည် တိုင်း ၄ ကိုလည်းမသွား တိုင်း ၆ ကိုလည်း မလာဘဲ လုံခြုံရာတွင် မိမိဘာသာ ပုန်းခိုနေပြီး ဂျပန်တပ်များ ဆုတ်မှ ရန်ကုန်တိုင်း ကိုဗဆွေထံ သွားပူးပေါင်းနေခဲ့သည်၊ ဦးကျော်ငြိမ်း မှာ အနာမခံလိုသော နိုင်ငံရေးအချောင်သမားကြီးဖြစ်သည်ကို သိနိုင်ပေသည်ဟု ပါရှိသည့်အချက်များကို ဝင်းတင့်ထွန်းက ထပ်မံ ကိုးကား ရေးသား သည်ကိုလည်း ဖတ်ကြရပါသည်။

ဒီနေရာမှာ ဦးကျော်ငြိမ်းသည် သူတာဝန်ကျနေရာများကို မသွားရောက်ခဲ့ပါဆိုသည်မှာ သမိုင်းအချက်အလက်အရ မှတ်တမ်းအဖြစ် ပြောနှိုင် ရေးနှိုင်ခွင့်ရှိသော်လည်း လုံခြုံရာတွင် မိမိဘာသာ ပုန်းခိုနေတယ်တို့ အနာမခံလိုသော နှိုင်ငံရေးအချောင်သမားကြီး ဖြစ် တယ် ဆိုတာတို့ကတော့ ပုဂ္ဂိုလ်ရေးစွဲချက် ဖြစ်သဖြင့် ဘောက်ချည်း မှတ်တမ်းမျိုးဟု ယူဆ နှိုင်ပါသည်။
ဆိုလိုတာက သမိုင်းစာအုပ်ကို ပြုစုရေးသား သူများသည် အစွဲကင်းကင်း ဘက်မလိုက်ဘဲ ဦးဏှောက်ဖြင့်သာ ဆုံးဖြတ်ရေးသား ပြုစုကြရမည်ဖြစ်ပါသည်၊ ထို့ကြောင့် *အဖြစ်မှန်*၊* အချက်အလက် နှင့် သဘောတရား*တို့ အပေါ်တွင် အစွဲနှင့်ကြည့်သူ၏ အမြင်သည် ဘယ်သောအခါမှ မမှန်နှိုင်ပါ။
ဝင်းတင့်ထွန်းတို့ အပြန်အလှန် တင်ပြကြသည့် စစ်တိုင်းများရဲ့ နိုင်ငံရေး ခေါင်းဆောင်တွေသည် ဗမာပြည် ကွန်မြူနစ်ပါတီ ကချည်း ဖြစ်တယ်ဆိုတဲ့ အချက်သည်လည်း ခိုင်လုံ သည်ဟု ယူဆနှိုင်ပါသည်၊
သ္ခင်ချစ်လည်း ကွန်မြူနစ်ပါပဲ၊

ဖ.တ.ပ.လ ဗဟိုလ်ဦးစီးအဖွဲ့ဝင်ထဲမှာ သ္ခင်တင်မြ ပါခဲ့ခြင်းဟုတ် မဟုတ်ဆိုတာလည်း လွယ်လွယ်နှင့် သိနှိုင်ကြပါလိမ့်မယ်၊
အဲဒီတုံးက ထဲထဲဝင်ဝင်လုပ်ခဲ့ဘူးတဲ့ ပုဂ္ဂိုလ်ကြီးတွေရှိနေကြတုံးမှို့ ထိုပုဂ္ဂိုလ်ကြီးမျာကို မေးမြန်းပြီး အတည်ပြုလို့ရနှိုင်ပါသေးသည်။
သမိုင်းအချက်အလက်အရ အရေးကြီးတယ်ဆိုတာထက် မျိုးဆက်သစ်တွေအတွက် ကောင်းမွေဖြစ်မယ့် အယူအဆ မျိုးတွေကို ပေးနှိုင်ဖို့ကပိုပြီး အရေးကြီးမယ်လို့ ထင်မိပါတယ်။

မြန်မာပြည်နိုင်ငံရေးလောကမှာက ယနေ့တိုင် သဘောတရားရေးပြတ်သားမှု့၊ ညီညွှတ်မှု မရှိသေးတဲ့အတွက် အာဏာ ရှင်နဲ့ပဲ ထိုက်တန်တဲ့ နိုင်ငံမျိုးဖြစ်နေပါတယ်၊ ဒီလိုပြောလို့ နာမည့်သူတွေတပုံကြီးပါ၊ ဒါပေမယ့် အဖြစ်မှန် အတိုင်း ပြောတာပါ။
မြန်မာ့လွတ်လပ်ရေးရရှိဖို့ ကြိုးပန်းခဲ့စဉ် ဗိုလ်မင်းရောင်တို့လက်ထက်က ကွန်မြူနစ်ဝါဒလည်း မြန်မာပြည်ကို မရောက် သေးပါဘူး ။သို့သော် သူတို့ခေတ်နဲ့ သူတို့အခါမှာလည်း လွတ်လပ် ရေး တိုက်ပွဲဝင်သူရဲကောင်းတွေ၊ အဖွဲ့အစည်းတွေ ရှိခဲ့ကြတာပါပဲ။
ဗိုလ်ချုပ်အောင်ဆန်းတို့ လက်ထက်ကျတော့ ကွန်မြူနစ်ဝါဒလည်း မြန်မာပြည်ကိုဝင်လာပြီ၊လူငယ်နိုင်ငံရေးခေါင်းဆောင် တော်တော် များများသည်လည်း ကွန်မြူ နစ် ဝါဒကို လေ့လာယုံကြည်လက်ခံကြပြီး ကိုလိုနီလွတ်လပ်ရေးတိုက်ပွဲနှင့် ကွန်မြူနစ်လူတန်းစား တိုက် ပွဲနှစ်ခုကို တပြိုင်တည်းပေါင်းစပ်တိုက်ပွဲဝင်ကြပါတော့သည်။

အဖြေမှန်ကတော့ အရင်းရှင်ကို အရင်ရှင်းချင်သည့် ဗမာကွန်မြူနစ်တို့၏ လူတန်းစားတိုက်ပွဲ မအောင်မြင်ဘဲ တောခိုသူခို၊ သူပုန်ဖြစ် သူ ဖြစ်နှင့် ပြည်တွင်းစစ်ကြီးသာ အမွေအဖြစ် ကျန်ရစ်ခဲ့ပါသည်၊ ကိုလိုနီလွတ်လပ်ရေးတိုက်ပွဲသည်လည်း စာချုပ်စာတမ်းဖြင့် အပေး အယူလုပ်ခါ လက်မှတ်ထိုးယူခဲ့ရသည့် လွတ်လပ်ရေးမျိုးကို ရခဲ့ကြပါသည်၊

မြန်မာ့လွတ်လပ်ရေး တိုက်ပွဲကို ဗိုလ်ချုပ်အောင်ဆန်းနှင့် သခင်သန်းထွန်းတို့ မယားညီအကို နှစ်ယောက်က ခေါင်းဆောင် တိုက်ခဲ့ကြ သည် မဟုတ်ပါလားလို့ ဂုဏ်ယူ ပြောဆိုသံတွေလည်း ကြားခဲ့ရပါသည်။
ဒီအချက်ကို မငြင်းနိုင်သော်လည်း ယနေ့မြန်မာပြည်၏ အနေအထားသည် ထို့ကြောင့် ဤသို့ဟု ဆိုလျှင် လည်း ငြင်းနှိုင်ကြမည် မဟုတ်ပါ။

ဗမာပြည်ကွန်မြူနစ်ပါတီကိုစတင်တည်ထောင်သူများထဲတွင် တဦးဖြစ်ခဲ့သည့် သခင်အောင်ဆန်း ရယူပေးခဲ့သော မြန်မာ့လွတ် လပ်ရေးအပေါ်တွင်လည်း မြန်မာ ကွန်မြူနစ်တို့သည် ယနေ့အထိအကြွင်းမဲ့ လက်ခံအတည်ပြုသည့်သဘော မရှိကြသေးပါ၊
ဒါက ကြီးမားသည့်ပြဿနာတရပ်ဖြစ်သလို ယနေ့အထိ ရင်ဆိုင်နေရသည့် မြန်မာ့ဒီမိုကရေစီရေးမှာလည်း အတွေးအခေါ် အရ ကြီးမားတဲ့အနှောင့်အယှက် ဖြစ်နေပါတော့သည်။
ဒါ့အပြင် ပြည်တွင်းစစ်သည်လည်း ကွန်မြူနစ်တွေကြောင့်၊ ဆိုရှယ်လစ်တွေကြောင့် စသည်ဖြင့် အပြန်အလှန် စွပ်စွဲကြတုံးပါပဲ၊
ဒီပြဿနာကြီးတွေသည် ရှေးလူကြီးများ၏ ယုံကြည်ချက်ကြောင့် ဖြစ်ပေါ်ခဲ့ကြတာပါ။ သို့ပေမင့် ယုံကြည်ချက်မတူကွဲပြားသူချင်း တယောက်နဲ့တယောက်၊ တဘက်နဲ့တဘက် ဝေဖန်စွပ်စွဲတိုက်ခိုက် နှိုင်ကြသည် ဆိုသော်လည်း နိုင်ငံရေးနှင့် ပတ်သက်သည့် အချက်အလက် အယူအဆများ အပေါ်တွင်သာ ရေးသား ပြောဆို သင့်ကြပါသည်။
မြန်မာ့နိုင်ငံရေးလောကတွင် နိုင်ငံရေးနှင့် လုပ်ငန်းကဏ္ဍတွင်သာ မကတော့ဘဲ ပုဂ္ဂိုလ်ရေး အကျင့်စာရိတ္ထ ပိုင်းဆိုင်ရာများကို ခံစားမှု ဦးစားပေး ဖော်ထုတ်ချက် များက ရှေ့တန်း သို့ ရောက်ရှိ လာသည်မှာ ဆိုးဝါးသောအမွေအနှစ် များအဖြစ် ကျန်ရစ်သည်မှာ လုံးဝ မကောင်းပါ။ အင်မတန် နိမ့်ကျလှပါသည်။

ဒီမိုကရေစီနှင့် မီဒီယာကို အသုံးပြု၍ သခင်တင်မီးခွက်မှုတ်မှုတို့၊ ပုတီးတဖက်ဓါးတလက်ဖြင့် ကိုကြီးနုနှင့် ရုပ်ရှင်မင်းသမီး အရှုပ် ဇာတ်လမ်းတို့၊ ခွေးကတက်ချစ်မောင်၊ လင်းနို့လိုလို ကြွက်လိုလို အိမ်ဖော်ထားတဲ့ သိန်းဖေ၊ တပည့်မယား မတရားသိမ်းတဲ့ သခင်စိုး တို့ စသည်ဖြင့် စသည်ဖြင့် တဦးနှင့်တဦး ငယ်ကျိုး ငယ်နာဖော်ပြီး ဝေဖန်တိုက်ခိုက် တာက မြန်မာ့နိုင်ငံရေး လုပ်ဟန် လို့တောင် ထင်စရာ ဖြစ်လာပါတယ်။ ငါနဲ့မတူ ငါရန်သူဆိုပြီး နောက်ကျော ဓါးနဲ့ထိုးတဲ့ အကျင့်စရိုက် ကိုလည်း ကလေးတွေကို အမွေ မပေးသင့် တော့ပါ။

နိုင်ငံရေးလောကတွင်သာမက အခြားဆိုဒ် အသီးသီးမှာ ရှိနေကြသူ များသည် ယုံကြည်ခံယူချက်များ မတူခြင်းကြောင့် အပြန်အလှန် ဝေဖန် ထောက်ပြမှု များလည်း မုချလိုအပ် ပါသည်။
သို့သော် အခြေခံရမည့် သဘောထားမှာ ပုဂ္ဂိုလ်တဦး တယောက်သည် သူ့ခေတ် သူ့အခါမှာ သူကိုယ်စားပြု နေသော လူ့အဖွဲ့ အစည်းအတွက် သူ့လုပ်ဆောင်မှုများက ဘယ်လောက် ကောင်းကျိုး ဖြစ်ခဲ့တယ် ဘယ်လောက်ဆိုးကျိုး ဖြစ်သွားတယ်ဆိုတဲ့ အချက် အပေါ်မှာပဲ ဝေဖန် သင့်ကြပါတယ်။

ပုဂ္ဂိုလ်တဦးတယောက်သည် သူယုံကြည်ချက်ခံယူချက်ဖြင့် သူကိုယ်စားပြုနေသည့် လူ့အဖွဲ့အစည်းအပေါ် စေတနာပြည့်ဝစွာရှိသည်။ ထို့ကြောင့် သူ့ဘဝ တခုလုံးကို စွန့်လွှတ် အနစ်နာခံကာ ဆောင်ရွက်ခဲ့သည်၊ သို့သော် အတွေ့ သဘောအရ လူထုအတွက် ဘာမျှ တိုးတက် ပြောင်းလဲမှု မရှိလျှင် သူ့ကို နှစ်ပိုင်းခွဲပြီး ဝေဖန် ရပေမည်။
စေတနာနှင့် စွန့်လွတ်မှုက ချီးကျူးဂုဏ်ပြုရမည့်ကဏ္ဍဖြစ်သလို တိုးတက် ပြောင်းလဲအောင် မလုပ်နိုင်သည့် အတွက် လူထုကို ချစ်ရာ မရောက်ဘဲ နှစ်ရာ ရောက်သည်ဟု စွပ်စွဲရမည်က တကဏ္ဍ ဖြစ်ပါသည်။ ပုဂ္ဂုလ်စွဲ၊ ဝါဒစွဲဖြင့် အားလုံး ကောင်းပါသည်။ အားလုံး မကောင်းပါဟု ဆိုလျှင် မှန်ကန်သော ဝေဖန်မှု မဖြစ်နှိုင် တော့ပါ။

မြန်မာ့နိုင်ငံရေးသည် ရှုပ်ထွေးလှသည်တော့မဟုတ်ပါ။ ဖက်ဆစ်ဂျပန်တော်လှန်ရေးကို ဦးဆောင်ခဲ့ကြသူတွေရော နောက်လိုက်များ ပါ၊ တာဝန်ကျေကြပါသည်။
ကွန်မြူနစ်၊ ဆိုရှယ်လစ်၊ လက်ျာဂိုဏ်း၊ ဘယ်သူတွေပဲဖြစ်ဖြစ် နှောင့်ယှက်ဖျက်ဆီးသူတွေကလွဲလို့ အားလုံးတာဝန်ကျေကြပါသည်။ ဂုဏ်ပြုထိုက်ပါသည်။
အင်္ဂလိပ်ကိုလိုနီဘဝမှလွတ်လပ်ရေးကို အရယူပေးခဲ့ကြသည့် ခေါင်းဆောင်များ နောက်လိုက်များအားလုံးလည်း တာဝန်ကျေကြ ပါသည်။
ဘယ်လိုလွတ်လပ်ရေးမျိုးပင်ဖြစ်ပါစေ မြန်မာလူထုကြီးတရပ်လုံးက တခဲနက်အတည်ပြုလက်ခံခဲ့ကြသည့်အတွက် ဗိုလ်ချုပ်အောင် ဆန်းနှင့်ခေါင်းဆောင်များအား (လွတ်လပ်ရေး အပေါ်မခံယူသူများကလွဲလို့) ဂုဏ်ပြုထိုက်ကြပါသည်။ လွတ်လပ်ရေးရပြီးစ မြန်မာနိုင် ငံကို ခေါင်းဆောင်သူများသည် ပြည်တွင်းစစ်မီးကို ငြိမ်းအောင် မဆောင်ရွက်နှိုင်ဘဲ တိုင်းပြည် အေးချမ်းသာယာအောင် မပြု လုပ်နှိုင် ခဲ့ကြခြင်းအတွက် တာဝန်မကျေကြပါ။

ဗ.က.ပ တွေသည်လည်း လွတ်လပ်ရေးရပြီး မြန်မာနိုင်ငံကို ယနေ့ထက်တိုင် တိုးတက်သာယာအောင် ဘာတခုမှ လုပ်ပေးနှိုင်ခြင်း မရှိသည့်အတွက် တာဝန်မကျေပြွန်ကြပါ။

ပြည်တွင်းစစ်ကို မငြိမ်းသတ်နှိုင်တဲ့ ဦးနုအစိုးရဆီမှ အာဏာကို လွဲပြောင်းရယူခဲ့တဲ့ ဗိုလ်နေဝင်းစစ်အစိုးရသည်လည်း ပြည်တွင်းစစ်ကို အပြီးအပိုင်မငြိမ်းသတ်ဘဲ တိုင်းပြည် ဆင်းရဲတွင်းနက်အောင် လုပ်ခဲ့သည့်အတွက် အဆိုးဆုံးဟုပြောရပါလိမ့်မည်။ နောက်ဆက်တွဲ စစ်အစိုးရများသည်လည်း လူထု၏ ဆင်းရဲတွင်းနက်မှုကို မကယ်တင်နှိုင်သည့်အပြင် မြန်မာနိုင်ငံသည် တရုတ်၏ ကိုလိုနီတပိုင်း နိုင်ငံဖြစ်လာသည့်အတွက် ကိုသာဆိုးများဟုပင် ကင်ပွန်းတပ်ရပါမည်။

ပြည်တွင်းက ဒီမိုကရေစီရရှိရေးအတိုက်အခံအဖွဲ့ကြီးဖြစ်သည့် အင်အယ်ဒီသည်လည်း ပါတီအဖြစ်မှ လူမှုအထောက်အကူ အသင်း အဖြစ်လျှော့ကျပြီး အားရစရာမရှိပါ။
ညီညွှတ်မှုအားနည်းသည့်အပြင် စစ်အစိုးရ၏ ခြေလှမ်းကို ရပ်တန့်အောင် ဆောင်ရွက်နှိုင်ခြင်း မရှိသည့်အတွက် တာဝန်မကျေပါ။
ပြည်ပရောက် အတိုက်အခံဆိုသူတို့ကတော့ စင်ပြိုင်ဖွဲ့လိုဖွဲ့၊ ပရီပိုဇယ်နဲ့ ဟန်ကျသူကျ ဖြစ်နေကြပြီး နှစ်တွေကြာလာသည်နှင့် ရှက်စ ရာဖြစ်နေပါသည်။

ဤအတိုင်းဖြစ်နေသည့် ရိုးရှင်းလှတဲ့မြန်မာ့နိုင်ငံရေးသမိုင်းမှာ အတိတ်က အစာမကြေခဲ့တဲ့ ဆိုရှယ်လစ်နှင့် ကွန်မြူနစ်တို့ရဲ့ မကျေပွဲ အသံတွေသည်လည်း မကြာမကြာ ပေါ်ထွက်လာတတ်ကြပါသည်။ ဓမ္မတာသဘောပင်ဖြစ်ပါသည်။
သို့သော် ယနေ့ထက်တိုင် နိုင်ငံရေးအမှန်တရားကို ပွင့်ပွင့်လင်းလင်း ဝန်ခံရဲခြင်း မရှိတာကတော့ မြန်မာ့အံသြစရာသမိုင်း ကဏ္ဍများ ပင်ဖြစ်နေပါသည်။
ဥပမာ- မြန်မာနိုင်ငံကို ကွန်မြူနစ်နိုင်ငံတခု ဖြစ်ရေးအတွက် ကြိုးစားသည်၊ ဥပဒေတွင်းမှ ကြိုးစားသည် မရလျှင် ဥပဒေပမှ လက် နက်ကိုင်တော်လှန်ရေးနည်းဖြင့် တိုက်ပွဲဝင်သည်၊ သည့်အတွက် ပြည်တွင်းစစ်ဖြစ်လာလျှင်လည်း ဘာမှမဆန်းပါ။ ပြည်တွင်းစစ်ဖြစ်အောင် တမင်ဖန်တည်းကြတာမဟုတ်၊ ဒီအတွက် ကောင်းကျိုးဆိုးကျိုးမှန်သမျှ မိမိတို့တာဝန် သာဖြစ်သည်ဟု ပြောရဲရပါမည်။

ထိုနည်းတူ ဆိုရှယ်လစ်များကလည်း ကွန်မြူနစ်တွေ တိုင်းပြည် အာဏာရလို့မဖြစ်ပါ၊ မြန်မာနိုင်ငံမှာ ကွန်မြူနစ်တွေသာ အာဏာရသွားလျှင် တိုင်းပြည်ဆုတ်ယှတ်ပျက်စီးနှိုင်သည် ဒါကြောင့် ကွန်မြူနစ် တွေ ကို နေရာ မပေးနှိုင်၊ သူတို့ဘက်က မလျှော့လျှင် တိုက်ခိုက်ခြေမှုန်းရန်သာဖြစ်သည်။ ဒီလိုတိုက်ခိုက်လို့ ပြည်တွင်းစစ်ဖြစ်လာလျှင်လည်း မတတ်နှိုင်ပါ။

မိမိတို့ဆုံးဖြတ်ချက်နဲ့ ဆောင်ရွက်ချက်၏ ကောင်းကျိုးဆိုးကျိုးမှန်သမျှ မိမိတို့ဆိုရှယ်လစ်များမှာသာ တာဝန်ရှိသည်လို့ ဝန်ခံနှိုင်ဖို့ လိုအပ်ပါသည်။

လုပ်တုန်းကတော့ ကောင်းမယ်ထင်လို့လုပ်ကြတာပဲ နောက်ဆုံး အဖြေနဲ့ အမွေကတော့ စစ်အာဏာရှင် စံနစ်ကြီး မြန်မာပြည်မှာ လွှမ်းမိုး သွားခဲ့တယ်။
ဒီအတွက် လူထုကြီးလည်း မွဲပြာ ကျခဲ့ ကြရတယ်၊ နောက်မျိုးဆက်တွေလည်း ယခုအထိ စစ်အာဏာရှင်ကို တွန်းလှန် တိုက်ခိုက် နေကြရတုန်း၊ တိုင်းပြည်လည်း မှောင်မိုက် နေတုန်း ဖြစ်နေ ပါတော့တယ်။
ဒီလိုဖြစ်ခဲ့ရတဲ့အတွက် တာဝန်ကြီးကြီးထမ်းဆောင်ပြီး တာဝန်ယူခဲ့တဲ့ ခေါင်းဆောင်များက ဝန်ခံကြ သည်ဖြစ်စေ ဝန်မခံကြ သည်ဖြစ် စေ သမိုင်းဖြစ်ရပ် များကတော့ အမှန်တရား အတိုင်း ပေါ်ပေါက်နေ ပါသည်။

မြန်မာနိုင်ငံတွင် ယနေ့နိုင်ငံရေးမျိုးဆက်များသည်လည်း စစ်အာဏာရှင်စံနစ်ချုပ်ငြိမ်းရေးအတွက်တိုက်ပွဲ ဝင်ကြဆဲပါ။ ဒီမိုကရေစီပန်းတိုင်ဦးတည်ချက်၊ မဟာဗျူဟာ နည်းဗျူဟာများကွဲပြားခြားနားမှုမှာ သဘာဝအတိုင်း ရှိနေကြပါမည်။
မိမိတို့ယုံကြည်ချက် ခံယူချက်အတိုင်း ကြိုးစားနှိုင်ကြပါသည်။ သို့သော် ဆယ်နှစ်၊ နှစ်နှစ်ဆယ်၊ နှစ်သုံးဆယ်၊ နှစ်ငါးဆယ်အထိ လုပ်ကိုင် ဆောင်ရွက် ကြရာတွင် အောင်မြင်မှု ရှိ မရှိ၊ ပြည်သူ့အတွက် ကောင်းကျိုး ဆိုးကျိုး စတာတွေကို တွက်ချက်ပြီး မိမိတို့၏ ခံယူချက် ယုံကြည်ချက်များ၏ အမှားနှင့် အမှန်ကိုတော့ ဝန်ခံရဲဖို့ လိုမည်ထင်ပါသည်။

ရှေးနည်းအတိုင်း ထာဝရတော်လှန်ရေးတို့၊ ကမ္ဘာတည်သ၍ ယုံကြည်ချက်တို့နှင့် ဆောင်ရွက်နေမည်၊ မည်သည့် ကောင်းကျိုး ဆိုး ကျိုးနှင့် တိုင်းတာ သတ်မှတ်မှုကိုမျှ မခံနှိုင်ပါ ဆိုလျှင်တော့ မြန်မာပြည်သည် ရာဟုက မလွတ်သေး ပါတကားဟု ကောက်ချက် ချရ ပါတော့မည်သာ ဖြစ်ပါကြောင်း.... ။ ။


ဦးဖိုးသာအောင်
21.1.11

--------

ကျမတို့က လက်တွေ့လုပ်သူတွေဖြစ်ပါတယ်ဟု ဒေါ်စုက ဂျင်ဝက်ဘ်ကိုပြော
အကြောင်းအရာ။ ။ မြန်မာနိုင်ငံ- ဗိုလ်ချုပ်မှူးကြီးက စကားစတင် ပြောဆိုလာခြင်း။ မိမိတို့ မည်သို့ တုံ့ပြန်မည်နည်း။
လျှို့ဝှက်မှတ်တမ်း ဖြည့်သွင်းသူ။ ။ နိုင်ငံရေး-စီးပွားရေးဌာန အကြီးအကဲ ဂျင်နီဖာ ဟာဟိုက် (Jennifer Harhigh) အကြောင်းပြချက် 1.4 (b) & (d)

အကျဉ်းချုပ်
၁။ (S) မြန်မာ ထိပ်တန်းဗိုလ်ချုပ်များက ဆီးနိတ်အမတ် ဝက်ဘ် လာရောက်ခြင်းကို အသုံးချပြီး ၎င်းတို့ ရှင်းရှင်း လင်းလင်း ဖေါ်ပြ လိုသော အချက်များမှာ မြန်မာအစိုးရနှင့် အမေရိကန်အစိုးရ ဆက်ဆံရေး ပိုမိုကောင်းမွန်လိုခြင်း၊ ဝါရှင်တန် နှင့် တိုက်ရိုက်ဆက်ဆံ လိုပြီး အထူးသံတမန်တဦး (စစ်အစိုးရ၏ အတွင်းလူဖြစ်ပြီး အမေရိကန်နိုင်ငံဆိုင်ရာ သံအမတ်ကြီး ဖြစ်ခဲ့ဖူးသူ ဦးသောင်း) ကို ရွေး ချယ်သတ်မှတ်ပြီး ဖြစ်ကြောင်းတို့ပင် ဖြစ်သည်။ သန်းရွှေ သူ့လက်သီးဆုပ်ကို ဖြေချလိုက်သည်မှာ (အမေရိကန် အစိုးရပိုင်း ပုဂ္ဂိုလ် တဦးကို ပထမဆုံးအကြိမ် ၎င်းနှင့်တွေ့ဆုံခွင့်ပေးခြင်း၊ "ချစ် ကြည်ရေး"ကို ပြသသောအားဖြင့် အမေရိကန် အကျဉ်းသားတဦးကို ပြန်ပို့ ခြင်း) ကို ထောက်ထား၍ သေချာနေပါသည်။ ဗိုလ်ချုပ်များသည် အကြောင်းပြန်ကြားချက်ကို မျှော်နေပါလိမ့်မည်။ (UNGA) (ကုလသမဂ္ဂအထွထွေ ညီလာခံ) အပြီးမှာ မြန်မာနိုင်ငံခြားရေးဝန်ကြီး ဉာဏ်ဝင်းကို ဝါရှင်တန်ရှိ သံရုံးသို့ သွားရောက်ခွင့် ပေးသင့်ပါ သည်။ မျှော်လင့်ချက်များ အပြန် အလှန် ဖော်ပြနိုင်ရေးအတွက် ကျွန်ုပ်တို့ ဦးသောင်းနှင့် မကြာမတင်မှာ ဆွေးနွေးသင့်ပြီး ထိုမှတဆင့် ဝါရှင်တန် အဆင့် ဆွေးနွေးပွဲဆီသို့ တက်လှမ်းသင့်ပါသည်။ တချိန်တည်းမှာပင် စစ်အစိုးရနှင့် "ပြတ်သားသော" အမျိုးသား ဒီမိုကရေ စီ အဖွဲ့ချုပ်တို့ ဆွေးနွေးပွဲဖြစ်မြောက်အောင် အတိအလင်းရော တိတ်တဆိတ်ပါ အားပေးသင့်ပါသည်။ ဆွေးနွေးပွဲ ကာလအတွင်း မှာလည်း ကျွန်ုပ်တို့နှင့် ဒေါ်အောင်ဆန်းစုကြည် ဆွေးနွေးဖြစ်အောင် ကြိုးပမ်းသင့်ပါသည်။ အကျဉ်းချုပ်- ပြီးဆုံး။

လက်သီးဆုပ် ဖြေလိုက်ပြီလား။
---------------
၂။ (S) ပထမဦးဆုံး အမေရိကန် အစိုးရပိုင်း ပုဂ္ဂိုလ်၏ သန်းရွှေနှင့် တွေ့ဆုံမှုသည် မျှော်လင့်မထားဘဲ ဖြစ်ပေါ်လာခဲ့သည်။ သူ နားစွင့် ရုံ နားစွင့်နေသည်မှာ ပေါ်လွင်လှပါသည်။ ဒေါ်အောင်ဆန်းစုကြည်အကြောင်း သူ့ကို ပြောနေစဉ်မှာပင် စိတ်ဆိုးဟန် သော်လည်း ကောင်း၊ မုန်းတီးဟန်သော်လည်းကောင်း မပြခဲ့ချေ။ သူက ဆီးနိတ် အမတ် ဝက်ဘ်ကို ပြုံးပြ နှုတ်ခွန်းဆက်ပြီး နွေးနွေးထွေးထွေး လက်ဆွဲနှုတ်ဆက်ခဲ့ပါသည်။ ဆွေးနွေးပွဲတလျှောက်လုံး သူက "မိတ်ဆွေများ"၊ "ချစ်ကြည်ရေး"ဟူသော စကားများကို လှိုင်ဘော လယ်အောင် ပြောခဲ့သည်။

၃။ (S) သန်းရွှေနှင့် ဝန်ကြီးချုပ် သိန်းစိန်တို့ ဆီးနိတ်အမတ် ဝက်ဘ်နှင့် တဦးချင်းစီ တွေ့ဆုံဆွေးနွေးရာ၌ စာရွက် တမျိုးတည်းကို ကိုင်၍ ဆွေးနွေးကြသည် (ရည်ညွှန်းချက် က နှင့် ခ)။ သူတို့နှစ်ဦးစလုံးပင် ယခင်က သည့်ထက် အဆင်ပြေခဲ့သော အမေရိကန်-မြန်မာဆက်ဆံရေး အကြောင်းကို ဖေါ်ပြကြပြီး လက်ရှိဆက်ဆံရေးလည်း ပို၍ ကောင်းလာလိမ့်မည်ဟု အလေးတင်း ဖေါ်ပြခဲ့ကြ သည်။ "တိုက်ရိုက်" နှင့် အပြန်အလှန် ဆက်ဆံရေး၊ နေပြည်တော်နှင့် တိုက်ရိုက် ဆက်သွယ်သော ဦးသောင်းကို အထူးသံတမန် အဖြစ်ခန့်အပ်ရေးကို တောင်းဆိုခြင်း၊ နှစ်ဖက်စလုံး သံအမတ်အဆင့်များကို တိုးမြှင့်ရန် အကြံပြုခြင်း တို့ဖြင့် ဗိုလ်ချုပ်များဘက်က လက်ကမ်းလာနေခြင်းသည် ရှင်းနေပါ သည်။

၎။ (S) ဒေါ်အောင်ဆန်းစုကြည်၏ ကံကြမ္မာသည် အမေရိကန်အစိုးရအဖို့ လွန်စွာအရေးပါနေကြောင်း၊ ဤပြဿနာသည် အမှန် တကယ် ဆက်ဆံရေးတိုးတက်ကောင်းမွန်ရေးအတွက် ဖြေရှင်းပေးရမည့်ပြဿနာဖြစ်ကြောင်း ဆီးနိတ်အမတ် ဝက်ဘ်၏ ပြောစကား ကို သန်းရွှေနှင့် သူ၏ ထိပ်တန်း ဗိုလ်ချုပ်များ ကောင်းကောင်းကြီး သဘောပေါက်ပါသည်။ ဒေါ် အောင်ဆန်းစုကြည် လွှတ်ပေးရေး ကိစ္စကို သန်းရွှေနှင့်ပြောသောအခါ၌ သန်းရွှေက တိုတိုတုတ်တုတ်ပင် တုံ့ပြန်ပါသည်။ ကတိကဝတ်မပေးခဲ့ချေ။ ဆီးနိတ်အမတ်က စကားကို ဖြတ်လိုက်ပြီး အခြားအကြောင်းအရာဘက်သို့ လှည့်သွားခြင်းကြောင့်လည်း ဖြစ်နိုင်ပါသည်။ (ဒေါ်အောင်ဆန်းစုကြည်နှင့်ပတ်သက်၍ ငြင်းပယ်သော အဖြေကို စောင့် သည်ထက် တိုးလို့တန်းလန်း ထားလိုက်ခြင်းက ပိုကောင်း သည်ဟု သူက နောက်ပိုင်းမှာ ကျွန်ုပ်တို့ကို ပြောပြခဲ့သည်)။ သို့ရာတွင် သန်းရွှေအဖို့ ဒေါ်အောင်ဆန်းစုကြည်နှင့် ပတ်သက်၍ မကောင်းကြောင်း စကားစရန် အခွင့်အရေးယူခဲ့ပုံရပါ သည်။ ဒေါ်အောင်ဆန်းစုကြည်၏ အမျိုးသား ဒီမိုကရေစီအဖွဲ့ချုပ် (NLD) ခေါင်းဆောင်များက သန်းရွှေ သဘော ထားပြောင်းသွားပုံရသည်ဟု သူတို့ထင်ကြောင်း၊ ဆွေးနွေးပွဲလုပ်ရန် အသင့်ရှိသည်ဟု မျှော်လင့်ရကြောင်း ကျွန်ုပ်တို့ကို လည်းပြော၊ ထို့နောက် ဆီးနိတ်အမတ် ဝက်ဘ်ကိုလည်း ပြောခဲ့သည်။

မျှော်လင့်ချက်များ မြင့်မားနေသည်။
-------------------
၅။ (S) စစ်အစိုးရ၏ ကြံရွယ်ချက်များကို နောက်ထပ် ညွှန်ပြနေသည်မှာ အင်္ဂလိပ်သာသာနှင့်ရော မြန်မာဘာသာနှင့်ပါ ထုတ် ဝေသော အစိုးရ အာဘော်သတင်းစာ မြန်မာ့အလင်းပင် ဖြစ်သည်။ ထိုသတင်းစာ၏ ခေါင်းကြီးပိုင်းက ဆီးနိတ်အမတ် ဝက်ဘ်၏ အလည်အပတ် လာရောက်ခြင်းကို အောင်မြင်မှုအဖြစ် "ခရီးရှည်ကြီး၏ ပထမခြေလှမ်း" ဟူသော ခေါင်းစဉ် ဖြင့် သြဘာပေး ရေးသားခဲ့သည်။ မြန်မာနိုင်ငံ၏ နှစ်နိုင်ငံဆက်ဆံရေး ပိုမိုနက်ရှိုင်းရေးနှင့် နှစ်နိုင်ငံအကြား ကွဲလွဲမှုများ လျှော့ပါးရေး သဘောထားကြောင့် ဆီးနိတ်အမတ် ဝက်ဘ်နှင့် ထက်ထက်သန်သန် ပူးပေါင်း ဆောင်ရွက်ခဲ့ကြောင်း ဆောင်းပါးက ဖေါ်ပြခဲ့သည်။ ဆီးနိတ်အမတ်၏ အလည်အပတ်ခရီးသည် "နှစ်နိုင်ငံ ဆက်ဆံရေး တိုးမြှင့်ရေးအတွက် ပထမဆုံးခြေလှမ်း မိုင်ပေါင်း (၁,ဝဝဝ) ခရီး၏ ပထမဆုံး ခြေလှမ်း" ဖြစ်သည်ဟု နိဂုံးချုပ် ရေးသား ထားသည်။

၆။ (S) လောလောဆယ် မြန်မာအစိုးရပိုင်း ပုဂ္ဂိုလ်များထဲမှာရော၊ သာမန်ပြည်သူများထဲမှာပါ အားလုံးနီးပါးက ဆီးနိတ်အမတ်၏ တွေ့ဆုံ ဆွေးနွေးမှုများကြောင့် နှစ်နိုင်ငံဆက်ဆံရေး ပို၍ အကောင်းဘက်သို့ ရှေ့ရှု လာမည်ဟု မျှော်လင့်နေကြသည်။ အလည်အပတ်ခရီး နောက်ပိုင်း အမျိုးသားနေ့ ဧည့်ခံပွဲ၌ သံတမန်အရာရှိများကို ဆုတောင်း ပေးသူများ ဝိုင်းဝိုင်းလည်နေခဲ့ကာ ဆက်ဆံရေးကောင်းမွန်လာရေးဆီ ရှေ့ရှုသော တိုးတက်မှုများအတွက် ကျေနပ်မိကြောင်း ဖေါ်ပြခဲ့ကြသည်။ ဤခရီးအကြောင်းသည် ရန်ကုန်တမြို့လုံး လက်ဖက်ရည်ဆိုင် စကား ဖြစ်လျက်ရှိကာ လူအတော်များများက နောင်ရေရှည်မှာ ဖြစ်လာနိုင်မည့် အလားအလာ များကို တွက်ဆကြည့်နေကြ သည်။

၇။ XXXXXXXXXXXX

ကျွန်ုပ်တို့က ရှေ့တိုး၍ လက်ကမ်းခြင်း
------------
၈။ (S) ဗိုလ်ချုပ်များက သူတို့အဖို့ အရေးလည်းကြီး၊ ကျေအေးမှုလည်းရနိုင်သော ခြေလှမ်းကြီးတလှမ်းကို လှမ်းခဲ့ပြီ ဟု ယုံ ကြည်နေ သည်မှာ သေချာပါသည်။ သန်းရွှေက အမေရိကန် အစိုးရပိုင်း ပုဂ္ဂိုလ်တဦးကို ပထမဦးဆုံး အကြိမ် တွေ့ဆုံ ခဲ့သည်။ (စစ်အစိုးရသည် နိုင်ငံအချင်းချင်း ဝါစဉ်အလိုက် ဆက်ဆံနေသော လောကမှာ ပြစရာ တခုရလာခြင်းကို အသုံး ချနေသည်ဖြစ်ရာ ဤကိစ္စသည် အထူး ကြီးကျယ်သော ကိစ္စကြီးတခုဖြစ်သည်။ တရုတ်ပြည်က (နအဖ) အဖွဲ့ဝင်များကို ၎င်းတို့ အမျိုးသားနေ့ အခမ်း အနား တက်စေခြင်း၊ ကျွန်ုပ်တို့က နိုင်ငံခြားရေးဝန်ကြီးဌာနမှ အရာရှိများကို လက်ခံ တွေ့ဆုံခြင်းတို့ကို ကြည့်ပါ)။ ကုလသမဂ္ဂ အတွင်းရေးမှူးချုပ်၏ ဒဏ် ခတ်ပိတ်ပင်မှုကို ရုပ်သိမ်းပေးပြီး နောက်ပိုင်း စစ် အစိုးရက ဆီးနိတ်အမတ် ဝက်ဘ်ကို ဒေါ်အောင်ဆန်းစုကြည်နှင့် တွေ့ဆုံခွင့်ပေး ခဲ့သည်။ (မှတ်ချက်- ကျွန်ုပ်တို့သိရ သလောက် ဆီးနိတ်အမတ် ဝက်ဘ်က ခရီးမသွားမီ ဒေါ်အောင်ဆန်းစုကြည်နှင့် တွေ့ခွင့်ပေးရန် တောင်းဆိုခဲ့ခြင်း မရှိ ချေ။ သို့ရာတွင် ဤသို့တောင်းဆိုလိမ့်မည်ဟု စစ်အစိုးရက ကြိုတွက်မိကာ ဝက်ဘ်က ဒေါ်အောင်ဆန်းစုကြည် နှင့် တွေ့ဆုံ လိုခြင်း ရှိ- မရှိ မေးခဲ့သည်။ မှတ်ချက်-ဆုံး)။ ကျွန်ုပ်တို့က သိပ်အရေးမကြီးပါဟု အကြောင်းပြန်ခဲ့သည်။ သို့ရာတွင်အရေး ကြီးသည်ကတော့ အမှန်ပင်ဖြစ်သည်။ ချစ်ကြည်ရေး စိတ်ဓာတ်ကို ပြသောအားဖြင့် စစ်အစိုးရက အမေရိကန် အကျဉ်း သားတဦးကို ပြန်ပို့ပေးခဲ့သည်။

၉။ (S) ဗိုလ်ချုပ်ကြီးများက အမေရိကန်၏ တုံ့ပြန်မှုကို မျှော်လင့်နေပါလိမ့်မည်။ မကြာမီမှာ ပြန်ကြားပေးလိမ့်မည် ဟုလည်း မျှော်လင့် နေပုံရပါသည်။ လောလောဆယ် ကျွန်ုပ်တို့အနေနှင့် အမေရိကန်အစိုးရသည် CODEL ၏ ရလဒ်ပေါ်မှာ အခြေခံကာ မြန်မာနိုင်ငံဆိုင် ရာ မူဝါဒမှာ အကြီးအကျယ်ပြောင်းလဲမှုများ လုပ်သင့်သည်ဟု မယုံကြည်ကြပါ။ သို့ရာတွင် တိုက်ရိုက် ဆက်သွယ်မှု လုပ်ရန် မြန်မာ နိုင်ငံ၏ ကမ်းလှမ်းချက်ကို လက်ခံပေးရေးအတွက် စဉ်းစားသင့်ကြောင်းနှင့် အချိန် ကြာလာသည်နှင့်အမျှ မည်သို့ဖြစ်လာနိုင်ဖွယ်ရှိ သည်ကို စဉ်းစားသင့်ကြောင်း ကျွန်ုပ်တို့ ယုံကြည်မိသည်ကား အမှန်ပင် ဖြစ်ပါသည်။ ဤအခြေအနေ၌ ဝါရှင်တန်အနေနှင့် ထည့် သွင်းစဉ်းစားရန် အောက်ပါ အကြံပြုချက်များကို ကျွန်ုပ်တို့ ဖေါ်ပြ အပ်ပါသည်။

နိုင်ငံခြားရေးဝန်ကြီးကို ၀ါရှင်တန်သို့ သွားခွင့်ပြုသင့်သည်။
-------------
၁ဝ။ (S) နိုင်ငံခြားရေးဝန်ကြီးဌာန အရာရှိများက နိုင်ငံခြားရေး ဝန်ကြီး ဉာဏ်ဝင်းသည် (UNGA) အပြီး ဝါရှင်တန်ရှိ မြန်မာသံရုံး မွမ်းမံ ပြင်ဆင်နေသည်ကို သွားကြည့်လိုကြောင်း ဖေါ်ပြပြောဆိုခဲ့ကြသည်။ ဤကိစ္စ သည် အမေရိကန်အစိုးရဖေါ်ပြသော အတုံ့ အပြန် ချစ်ကြည်ရေး အရိပ်လက္ခဏာတရပ်အဖြစ် မြင်နေပုံရပါသည်။ နိုင်ငံခြား ရေး ဝန်ကြီးက အစိုးရပိုင်း ပုဂ္ဂိုလ်များ အချင်းချင်း တွေ့ဆုံဆွေးနွေးရေးကို တောင်းဆိုလိုကြောင်း အရိပ်လက္ခဏာများကို ကျွန်ုပ်တို့ မတွေ့ရပါ။ မကြာမီက ဒေါ်အောင်ဆန်းစုကြည် အမှုစီရင်ချက်၏ ဂယက်ရိုက်ခတ်မှုများနှင့် (၂ဝဝ၇) စက်တင်ဘာ နှစ်ပတ်လည် ဖြစ်ရပ်များ၏ အဓိပ္ပာယ်လေးနက်မှုကို ကျွန်ုပ်တို့ သိရှိပါသည်။ သို့ရာတွင် Post နေထိုင်မည့် ကာလ၊ သို့မဟုတ် ဆက်ဆံမှုတို့နှင့်ဆိုင်သော ကြိုတင်စည်းကမ်း ကန့်သတ်ချက်များ ချမှတ်သည့်တိုင် ဝါရှင်တန်သို့ သွား ရောက်လည်ပတ်ခွင့်ကို အကြီးအကျယ် ထောက်ခံခဲ့သည်။

ဦးသောင်းနှင့် တွေ့ဆုံဆွေးနွေးမည့် နည်းလမ်းများကို ရှာသင့်သည်။
---------
၁၁။ (S) ဦးသောင်းနှင့် ပွဲဦးထွက် တွေ့ဆုံရေးအစီအစဉ်ချမှတ်ရေး၊ သူ၏ အခန်းကဏ္ဍ၊ သူ၏ အခွင့်အာဏာတို့ကို စုံစမ်း လေ့လာ ရေး၊ ထိပ်တန်းဗိုလ်ချုပ်များနှင့် သူ တွေ့ဆုံနိုင်မည့်အဆင့်တို့ကို သိရှိရေးအတွက် မကြာမီမှာ သူနှင့်တွေ့ဆုံ ဆွေးနွေး မည့် နည်းလမ်း များ ရှာသင့်ပါသည်။ သူ့ကို ယာယီတာဝန်ခံ (Charge) အဆင့်မှာ ထားလျက် ဝါရှင်တန်အခြေစိုက် အစိုးရပိုင်းပုဂ္ဂိုလ်တဦး နှင့် (DAS အဆင့်မှာ ဖြစ်ကောင်းဖြစ်မည်) တတိယနိုင်ငံ တနိုင်ငံမှာ ပွဲဦးထွက် တွေ့ဆုံပြီးနောက် သင့်တော်သော အဆင့်တဆင့်သို့ တက်လှမ်း သင့်သည်။ ဦးသောင်းကို ပြောကြားရာ၌ ဝန်ကြီးချုပ်တင်ပြသော မြောက်ကိုရီးယားပြဿနာ၊ စစ်သုံ့ပန်းနှင့် စစ်အတွင်း ပျောက်ဆုံး သူများ (POW/ MIA) ရုပ်ကြွင်းများ ရှာဖွေရေး ကဲ့သို့ ကိစ္စများ၌ အနာဂတ်တွင် ပူးပေါင်းဆောင်ရွက်ရေး၊ နှစ်ဖက်စလုံး အနိုင်-အနိုင် ဟု ယူဆရသော ကိစ္စများ ရှာဖွေဖော်ထုတ်ရေး အပါအဝင် ပြဿနာများကို ဖူးခက် (Phuket) ဆွေးနွေးပွဲများမှာ ဆွေးနွေးပြီး နောက် ဒေါ်အောင်ဆန်းစုကြည်၏ အဆင့်နေရာ သတ်မှတ်ရေးတွင် အမေရိကန်၏ ထောက်ခံမှုကို ထပ်လောင်း ပြော ကြားသင့်သည်။

စစ်အစိုးရနှင့် ဒေါ်အောင်ဆန်းစုကြည်အကြား တွေ့ဆုံဆွေးနွေးပွဲများ ဖြစ်စေရေး တိုက်တွန်းသင့်သည်။
-----------------
၁၂။ (S) ဒေါ်အောင်ဆန်းစုကြည်မှာ ယခင်ထက်ပို၍ ရှင်းရှင်းလင်းလင်း မြင်ထားပုံမရချေ။ သူ၏ ထိပ်တန်းဦးစားပေး လုပ်ငန်း သည် ကြိုတင် စည်းကမ်း သတ်မှတ်ချက်မပါဘဲ စစ်အစိုးရနှင့် တိုက်ရိုက်ဆွေးနွေးမှုများ စတင်ရန်ဖြစ်သည်။ထို့ပြင် ဒေါ်အောင်ဆန်းစုကြည် သည် ပါတီ၏ ခိုင်မာပြတ်သားမှုလည်းရှိ ပျော့ပြောင်းမှုလည်းရှိသော ရပ်တည်ချက်ကိုလည်း ကောင်း၊ ဒဏ်ခတ်မှုများ (ရည်ညွှန်းချက် ဃ) အပါအဝင် ကိစ္စရပ်များတွင် စစ်အစိုးရနှင့် ဘုံရပ်တည်ချက် ပူးပေါင်းရှာလို သော ဆန္ဒကိုလည်းကောင်း အလေးထား ဖော်ပြခဲ့ သည်။ -------။ ကျွန်ုပ်တို့က ဤအချက်များနှင့်ပတ်သက်၍ အကြံပြုစာ တစောင်ကို အောင်ကြည်ထံ ယာယီတာဝန်ခံမှနေ၍ ပေးပို့ခဲ့ သည်။ ဆီးနိတ် အမတ် ဝက်ဘ်နှင့် ညှိနှိုင်းကာ သူ၏ ရပ် တည်ချက်ကို ကမ္ဘာက ရှင်းရှင်းလင်းလင်း သိစေရန်နှင့် သူသည် တင်းမာ ပြီး အလျှော့ပေးခြင်း မရှိဟူသော စစ်အစိုးရ၏ အာဘော်ကိုလည်း ချေဖျက်ရန် သူ့ပြောစကား အချို့ကို အများသိအောင် ထုတ်ဖော် ပေးသင့်သည်။ အပြင်မှ မြန်မာနိုင်ငံ လာရောက်သူများ တိုင်းပြည်အခြေအနေကို မျှမျှတတ မြင်တတ်အောင် ကြိုးစားနေသရွေ့ ထို သူတို့ အလည်အပတ်လာသည်ကို သူက ထောက်ခံအားပေးကြောင်း၊ စစ်အစိုးရနှင့် တွေ့ဆုံသည်ကိုပင် ထောက်ခံအားပေး ကြောင်း ကိုလည်း အများသိအောင် ဆောင်ရွက်ပေးသင့်ပါသည်။

အောင်ဆန်းစုကြည်နှင့် တွေ့ဆုံခွင့်တောင်းခြင်း
---------------

၁၃။ (S) ဒေါ်အောင်ဆန်းစုကြည်၏ အိမ်ချုပ်ကာလသည် ဥပဒေအရဆိုလျှင် သိပ်မကျန်တော့ချေ။ သို့ရာတွင် လက်တွေ့မှာ မည်သို့ ဖြစ်လာမည် မသေချာချေ။ ကျွန်ုပ်တို့သည် ဒေါ်အောင်ဆန်းစုကြည်ကို (အခြားသော နိုင်ငံရေးအကျဉ်းသား များနှင့်အတူ) လွှတ်ပေး ရန် တလျှောက်လုံး တောင်းဆိုလာခဲ့ရာ လောလောဆယ်မှာ သူ့ကို သူ့ပါတီဝင်များ၊ အပြင်မှ အလည်အပတ်လာရောက်သူများနှင့် တွေ့ဆုံခွင့်ပေးရန်လည်း စစ်အစိုးရကို တိုက်တွန်းသင့်ပါသည်။ ဆီးနိတ် အမတ် ဝက်ဘ်နှင့်တွေ့ဆုံသော အခါများ၌ သူသည် သူ့ လွတ်မြောက်ရေးကိစ္စကို ပြောဆိုခဲ့ဖူးခြင်း မရှိချေ။ သို့ရာတွင် ၂ဝ၁ဝ ရွေးကောက်ပွဲနှင့် ပတ်သက်၍ ပါတီ ရပ်တည်ချက်အကြောင်း ဆွေးနွေးမှုများ အပါအဝင် NLD နှင့် ဆွေးနွေးမှုများ လုပ်ရန်လိုအပ်ကြောင်း အလေးထားပြောခဲ့သည်။ သူ့အရိပ်အကဲကို ကြည့်ကာ သူ့ကို ဧည်သည့်များ နှင့် ပုံမှန်ဆိုသလို အနှောင့်အယှက်ကင်းစွာ တွေ့ခွင့်ပေးရန် စစ်အစိုးရကို တိုက်တွန်းသင့်ပါသည်။ တကယ်တမ်း စစ်အစိုးရဘက်က သူ့ကို အိမ်ချုပ်ချထားရာ၌ သတ်မှတ်ထားသော ချုပ်ချယ်မှုများကို လျှော့ပေးပြီး သူနှင့် အဓိပ္ပာယ်ရှိသော ဆွေးနွေး ပွဲလုပ်မည်ဆိုလျှင် ကျွန်ုပ်တို့ဘက်က မည်သို့ တုံ့ပြန်သင့်သည်ကိုလည်း စဉ်းစားသင့်ပါသည်။ အလုပ် အမှုဆောင် အဖွဲ့ဝင်များကပင် လျှင် ဒေါ်အောင်ဆန်းစုကြည် အိမ်ချုပ် ကျနေစဉ်မှာ စစ်အစိုးရနှင့် ဆွေးနွေးပွဲဖြစ်မြောက်ပြီး တိုးတက်မှုများ ရလာနိုင်ဖွယ်ရှိသည် ဆိုနေကြသည်။

၁၄။ (S) ဆီးနိတ်အမတ်ဝက်ဘ်၏ အလည်အပတ်ခရီးအပြီး နောက်ဆက်တွဲအနေနှင့် သံရုံးအဆင့်က ဒေါ်အောင်ဆန်းစု ကြည်နှင့် တွေ့ဆုံခွင့်ရရန် ကြိုးစားကာ NLD နှင့် စစ်အစိုးရတို့ ကြိတ်ဝိုင်း ဆွေးနွေးပွဲကို တိုးတက်လာအောင် အမေရိကန် ဘက်က အကောင်း ဆုံး ဆောင်ရွက်ပေးနိုင်မည့် နည်းလမ်းကို စုံစမ်းမေးမြန်းသင့်ပါသည်။ အကယ်၍ ကျွန်ုပ်တို့ ကြိုးပမ်း မှု အောင်မြင်ပါက ဝါရှင်တန် အခြေစိုက် အစိုးရပိုင်း ပုဂ္ဂိုလ်တဦးကို သွားရောက်တွေ့ဆုံရန် ဖြစ်နိုင်ပါလိမ့်မည်။ Post ဆီသို့ ပုံမှန်သွား ရောက်နေကျအတိုင်း သွားရင်းလည်း တွေ့ဆုံနိုင်မည် ဖြစ်ပါသည်။ အခြားသံတမန်အဖွဲ့များကလည်း ဒေါ်အောင် ဆန်းစုကြည်နှင့် တွေ့ခွင့်တောင်းရန် စဉ်းစားကာ ကျွန်ုပ်တို့နှင့် ညှိနှိုင်းလျက် ရှိပါသည်။

ကျွန်ုပ်တို့ လက်တွေ့ ကျရမည်၊ ဆွေးနွေးပွဲ ဆက်လုပ်နေရမည်။
--------------------
၁၅။ (S) ဆီးနိတ်အမတ် ဝက်ဘ်နှင့် တွေ့ဆုံဆွေးနွေးမှု တလျှောက်လုံးမှာ အောင်ဆန်းစုကြည်က "ကျမတို့မှာ ရည်မှန်းချက်တွေ အတိအကျ ရှိပါတယ်။ လိုအင်ဆန္ဒတွေလဲ အတိအကျရှိပါတယ်။ ဒါပေမဲ့ ကျမတို့က လက်တွေ့လုပ်သူတွေ ဖြစ်ပါတယ်။ ကျမတို့ ဖြေရှင်းနည်းတခုကို လိုချင်ပါတယ်" ဟု သူ၏ လက်တွေ့လုပ်လိုသော စိတ်ဓာတ်ကို အလေးထား ပြောကြားခဲ့သည်။ စစ်အစိုးရနှင့် ကြိုတင် စည်းကမ်းသတ်မှတ်ချက် မပါဘဲ ဆွေးနွေးလိုသည် ဟုလည်း သူက အလေးထား ပြောကြားခဲ့ပါသည်။ ၂ဝဝ၇ အတွင်းက အောင်ကြည်ကို "ဆွေးနွေးပွဲကို ရပ်မပစ်ပါဘူးလို့ သဘောတူထားကြရအောင်၊ ဆွေးနွေးရာမှာတော့ တဆင့်ပြီး တဆင့် ဆွေးနွေးသွားကြပါစို့" ဟု ပြောခဲ့ကြောင်း ဆီးနိတ် အမတ်ဝက်ဘ်ကို ဒေါ်အောင်ဆန်းစုကြည်က ပြန်ပြောခဲ့သည်။ ကျွန်ုပ်တို့၏ အမြင်အရဆိုလျှင် အမေရိကန် အစိုးရအနေ နှင့် ပြဿနာများကို တဆင့်ပြီးတဆင့် ရှင်းသွားရင်း ဆွေးနွေးပွဲများဆက်လုပ်သွားကာ ဤရည်မှန်းချက် ပေါက်မြောက် အောင် ကြိုးပမ်းသွားသင့်ပါသည်။ စစ်အစိုးရ၏ ယခုကမ်းလှမ်းချက်များကို တုံ့ပြန်ခြင်းဖြင့် ဤလုပ်ငန်းကို စနိုင်မည်ဟု ကျွန်ုပ်တို့ မြင်ပါသည်။
VAJDA

မူရင်း။။http://www.mizzimaburmese.com/special/burma-related-leaked-us-cables/6659-2010-12-30-09-50-32.html

-----------------
 

----------------------

ဖော်ပြပြီးဆောင်းပါးများ