လေးနှစ်ပြည့်တမ်းချင်း
စက်တင်ဘာ နေမိန္ဒ

အိပ်ရချမ်းသာ၊ ချမ်းသာစွာနိုး
အိပ်မက်ဆိုးပျောက်၊ စောင့်ရှောက်နတ်များ
ရင်ဝယ်သားတို့ ၊ လူများလည်းခင်
နတ်လည်းခင်၏၊ မီးလျှင်မပူ
အဆိပ်ဟူလည်း၊ ထို့တူပြေပျောက်
လက်နက်ရောက်လည်း၊ မပေါက်မဝင်
ပြီးသလျှင် တည်း၊ အစဉ်စိတ်တည်
မျက်နှာတည်၍၊ သေသည့်ကာလ
မတွေရနှင့်၊ လောက ဗြဟ္မာ
ပြည်သို့သာလျှင်၊ လားရာ ဆယ့်တစ်မျိုး
မေတ္တာအကျိုးတည်း။

မြန်မာနိုင်ငံရဲ့ အထင်ကရ ခေါင်းဆောင်များဖြစ်ကြတဲ့ တနည်း- မြန်မာနိုင်ငံရဲ့ အထွဋ်အမြတ် ကိုးကွယ်အားကိုး ယုံကြည်ရာဖြစ်တဲ့ မြန်မာနိုင်ငံရဲ့ တံခွန်လို့ ခေါ်တဲ့ ရဟန်းသံဃာတော်များဟာ ၂၀၀၇ စက်တင်ဘာဝယ် လမ်းမပေါ်သို့ ထွက်ခဲ့ကြပါတယ်။

လမ်းမပေါ်သို့ ထွက်ခဲ့ရတဲ့ အကြောင်းကတော့ ရှင်းပါတယ်။ နည်းမျိုးစုံနဲ့ ဖိနှိပ်ချုပ်ချယ် အနိုင်ကျင့်နေတဲ့ စစ်အာဏာရှင် အာဏာရူး များ လက်အောက်က ကျောင်းသားရဟန်း၊ သံဃာ မိဘပြည်သူတွေနဲ့တကွ အားလုံး လွတ်မြောက်ဖို့ရန် အတွက်ပါ။ တနည်းအားဖြင့် အဓမ္မဝါဒီတွေ ကြီးစိုးနေမှုကို မြတ်ဗုဒ္ဓရဲ့တပည့်သား သံဃာတော်များက မြတ်ဗုဒ္ဓ လမ်းစဉ်နှင့်အညီ ဓမ္မ ဆိုတဲ့ ငြိမ်းချမ်းရေးတရား တွေ လွှမ်းမိုးလာအောင် အဓမ္မ တရားတွေကို လက်ကိုင်ကျင့်သုံးနေတဲ့ နအဖ အာဏာရှင်များကို တွန်းလှန်တဲ့ ရွှေဝါရောင် ငြိမ်းချမ်း ရေးတိုက်ပွဲပါပဲ။

ရွှေဝါရောင်တော်လှန်ရေးကြီးကို ဘာကြောင့် ပြုလုပ်ခဲ့ရသလဲဆိုတော့ တနည်းအားဖြင့် ပေါ်ပေါက်ခဲ့ရသလဲ ဆိုတော့ အာဏာရှင်များ ဖြစ်ကြတဲ့ နအဖဟာ ကြံ့ဖွံ့ စွမ်းအားရှင် တွေကို လုပ်ပိုင်ခွင့် အာဏာတွေပေးပြီး ပြည်သူတွေနဲ့ သွေးခွဲအုပ်ချုပ်ခဲ့သလို နိုင်ငံတော်သံဃမဟာနာယက ဆရာတော်များနဲ့ အောက်ခြေ သံဃာတော်များကို နည်းမျိုးမျိုးနဲ့ သွေးခွဲအုပ်ချုပ်ခဲ့ပါတယ်။

ပြည်သူတွေပေါ်မယ် သံဃာထုက သြဇာကြီးမားတာကို သိသလို သံဃာထုတွေက နိုင်ငံရေးလောကထဲကို ၀င်ရောက်လာမှာကိုလည်း စိုးရိမ်ကြောင့်ကြပြီးတော့ ပြည်သူတွေနဲ့ အလှမ်းဝေးတဲ့ မဟနဆရာတော်များကို ချဉ်းကပ်ပြီး အောက်ခြေ သံဃာတော်များကို ၀ိနည်းဖြင့် လည်းကောင်း၊ တည်ဆဲ ဥပဒေများဖြင့် လည်းကောင်း နည်းမျိုးစုံသုံးပြီး သံဃာထုကိုသွေးခွဲခဲ့ပါတယ်။
(မှတ်ချက်။ ။ဒီလိုသွေးခွဲမှုကို အလိုလောဘရမ္မက်ကြီးတဲ့ မဟနဆရာတော်များက လက်ခံ ကျင့်သုံးကြပါတယ်)
ဒါဟာ သံဃာကို သင်းခွဲခြင်းလို့ခေါ်တဲ့ သံဃဘေဒကကံကို ထိထိမိမိကြီး အာဏာရှင်သန်းရွှေကြီးနှင့် တကွ နအဖနဲ့ န.အ.ဖ လက်ပါးစေများဖြစ်တဲ့ ကြံ့ဖွတ်စွမ်းအားရှင်တွေက ကျူးလွန်လိုက်တာပါ။
(မှတ်ချက်။ ။ဒေ၀ဒတ် လက်သစ်များလို့ခေါ်တဲ့ ကြံ့ဖွတ်၊ စွမ်းအားရှင်များဟာ လက်ရှိတိုင်းပြည်မယ် အာဏာရှင်များရဲ့ အဓိက အခိုင်မာ ဆုံး ဒေါက်တိုင်များအဖြစ် ဆက်လက်ရပ်တည်နေဆဲပါ။)

ဦးဇင်းတို့ ၂၀၀၇ စက်တင်ဘာမယ် လမ်းမတွေပေါ်ကို ထွက်ခဲ့ကြတယ်ဆိုတာဟာလည်း ၂၀၀၇ သြဂုတ်၁၉မှာ လောင်စာဆီ ဈေးနှုန်းတွေမြင့်ပြီး ကားခတွေ ရုတ်တရက်ဈေးတက်ခဲ့လို့ ၈၈ မျိုးဆက် ကျောင်းသားတွေ ဦးဆောင်ပြီး ပြည်သူတွေနဲ့အတူ လမ်းလျှောက် ဆန္ဒပြကြတာကိုလည်း မတရားဖိနှိပ် ဖမ်းဆီးခဲ့တယ်။
စက်တင်ဘာ ၅ရက်နေ့ ပခုက္ကူမှာ သံဃာတော်တွေကို န.အ.ဖတွေနဲ့ တကွ န.အ.ဖ လက်ပါးစေများ ဖြစ်ကြတဲ့ ကြံ့ဖွတ်စွမ်းအားရှင် တွေက သံဃာတော်တွေကို ကိုယ်ထိလက်ရောက် ကျူးလွန်တဲ့ကိစ္စ၊ ဒီနေရာမယ် ဦးဇင်းတစ်ခုပြောချင်တာကတော့ သံဃာ တော် တွေကို ထိလို့ဆိုတဲ့ စိတ်ဓါတ်တစ်ခုတည်းနဲ့ သံဃာတော်တွေက လမ်းမတွေပေါ် ထွက်ခဲ့ကြတာ မဟုတ်ပါဘူး။

ရတနာသုံးပါးထဲမယ် တစ်ပါးအပါအ၀င်ဖြစ်တဲ့ သံဃာရတနာကို ကျူးလွန်တာရော၊ အနာဂါတ် သာသနာအရေးကို တွေးပြီး စိုးရိမ်တာရော၊ မတရားသဖြင့် ပြည်သူတွေ အပေါ်မယ် ဖိနှိပ်ချုပ်ချယ်တာတွေရော မြန်မာနိုင်ငံမယ် အဓမ္မတရားတွေ အလွန်ကြီးစိုးနေတာရော၊ အဓမ္မ၀ါဒီ အဓမ္မတရားတွေ လက်ကိုင်ကျင့်သုံးနေတဲ့ န.အ.ဖ၊ န.အ.ဖ လက်ပါးစေများဖြစ်တဲ့ ကြံ့ဖွတ်စွမ်းအားရှင်တွေကို ဓမ္မနဲ့ရင်ဆိုင် ဖြေရှင်းဖို့ သံဃာတော်များဟာဖြင့် လမ်းမတွေပေါ် ထွက်ခဲ့ကြတာပါ။

သံဃာတော်များနဲ့ ပြည်သူတွေပါ ပူးပေါင်းပြီး လမ်းမပေါ် ထွက်လာခဲ့ကြတဲ့ ရွှေဝါရောင်တော်လှန်ရေးကြီးဟာ အာဏာရှင်လူမိုက်တွေရဲ့ ရက်ရက်စက်စက် ဖြိုခွင်းသတ်ဖြတ်မှုတွေကြောင့် အကျအဆုံးများစွာနဲ့ ဦးဇင်းတို့ ၂၀၀၇ရွှေဝါရောင်တော်လှန်ရေးကြီးဟာ အဆုံးသတ်ခဲ့ ရပါတယ်။

အဲဒီလိုကျဆုံးခဲ့ရတဲ့ အကြောင်းအရာကလည်း မြန်မာနိုင်ငံရဲ့ အထင်ကရဖြစ်တဲ့ နိုင်ငံတော်သံဃမဟာ နာယကအဖွဲ့က သံဃာထုနဲ့ အတူ မပါဝင်ခဲ့သလို လျစ်လျှူရှုခြင်း ခံခဲ့ရပါတယ်။ ဦးဇင်းတို့ ပြည်သူတွေ အများစုကလည်း ဘေးကနေ လက်ခုပ်တီးပေးရုံ လောက် နဲ့တင် တာဝန်ကျေပြီလို့ သတ်မှတ် အဖွဲ့အစည်းတွေ အများစုကလည်း ဦးဇင်းတို့ ၂၀၀၇ရွှေဝါရောင် ငြိမ်းချမ်းရေးပွဲတော်ကြီးကို လျစ်လျှူရှုခြင်း ခံခဲ့ရပါတယ်။
ဒီလိုအစရှိသောအကြောင်းအရာတွေကြောင့် န.အ.ဖနှင့်တကွ ကြံ့ဖွတ် စွမ်းအားရှင်တွေက အနိုင်ယူ ဖြိုခွင်းသွားတာပါ။

ရဟန်းသံဃာတော်တွေနဲ့ တကွ ပြည်သူတွေဟာ လမ်းမတွေပေါ်ထွက်ပြီး ငြိမ်းချမ်းစွာဖြင့် မေတ္တာပို့ စီတန်းလှည့်လည်ပြီး ငြိမ်းငြိမ်း ချမ်းချမ်းနဲ့ တောင်းဆိုခဲ့တာကို ဒီလိုမျိုးရိုက်နှက်ဖမ်းဆီး သတ်ဖြတ် ဖြိုခွင်းတာဟာဖြင့် အင်မတန် ရက်စက်လွန်းလှပါတယ်။

ရဟန်းသံဃာတော်တွေနှင့် ကျောင်းသား၊ မိဘပြည်သူတွေ တောင်းဆိုခဲ့တာကလည်း...
၁။ နိုင်ငံရေးအကျဉ်းသားတွေ ပြန်လွှတ်ပေးရေး။
၂။ အမျိုးသားပြန်လည်သင့်မြတ်ရေး။
၃။ ကုန်ဈေးနှုန်းကျဆင်းရေး။
၎။ ပြည်သူ့ဆန္ဒ၊ ပြည်သူ့အာဏာများရရှိရေး။
ဆိုတဲ့ အချက်အလက်များကို အဓိကထားပြီးတော့ တောင်းဆိုခဲ့ကြတာပါ။ ဒီအချက်အလက်များကို တောင်းဆိုခဲ့ကြတဲ့ နေရာမယ် အားလုံးသော ဝေနေယျ သတ္တ၀ါတွေ ကျမ္မာကြပါစေ ချမ်းသာကြပါစေဆိုပြီး မြတ်ဗုဒ္ဓရဲ့ လမ်းစဉ်နှင့်အညီ လူသူလေးပါး၊ မခွဲခြားပဲ အားလုံးကိုမေတ္တာထား၊ မေတ္တာပို့၊ မေတ္တာတရားကို လက်ကိုင်ထားပြီးတော့ ဆင်းရဲဒုက္ခရောက်နေကြတဲ့ မိဘပြည်သူတွေနှင့် တိုင်းရင်းသားပေါင်းစုံအတွက် သံဃာတော်တွေက ပြည်သူတွေ ရှေ့ကနေ ရပ်တည်ပြီး ငြိမ်းချမ်းစွာဖြင့် တောင်းဆိုခဲ့ကြတာပါ။ အဲဒီလိုမျိုး ငြိမ်းငြိမ်းချမ်းချမ်းနဲ့ ငြိမ်းချမ်းစွာဖြင့်တောင်းဆိုခဲ့ကြတဲ့ ကျောင်းသား၊ ရဟန်းသံဃာ၊ မိဘပြည်သူတွေကို မတရားသဖြင့် ရိုက်နှက် ဖမ်းဆီးတာကတော့ ကမ္ဘာပေါ်မယ် အဆိုးရွားဆုံးပါပဲ။

အခုလက်ရှိအချိန်ထိတော့ နိုင်ငံရေးအကျဉ်းသားတွေ ပြန်လွှတ်မပေးသေးသလို အမျိုးသား သင့်မြတ်ရေး အတွက်လည်း မလုပ် ဆောင်ကြသေးပါဘူး။ ၂၀၀၈ဖွဲ့စည်းပုံအခြေခံဥပဒေကို ကိုယ်တိုင်ရေးပြီး စိတ်တိုင်းကျ တိုင်းပြည်ကို ဖျက်ဆီးနေတဲ့ ပြည်သူတွေ မျက်စိပိတ်၊နားပိတ် အငတ်ဘေး ဒုက္ခပြဿနာအစရှိသော ဒုက္ခပေါင်းစုံ ကြုံတွေ့နေရတာတောင် လျစ်လျှူရှုပြီး ထင်တိုင်းကြဲနေတဲ့ န.အ.ဖတွေနှင့် တကွ န.အ.ဖလက်ပါးစေ လက်ကိုင်တုတ်တွေအားလုံးကို ပြည်သူတွေနှင့်တကွ ကျောင်းသား၊ ရဟန်း၊ သံဃာတော် တွေ အားလုံးက ဒီမိုကရေစီအရေးအတွက် အစဉ်အဆက် အသက်တွေ၊ဘ၀တွေ ပေးဆပ်ခဲ့ကြသော ကျောင်းသား၊ ရဟန်းသံဃာ မိဘပြည်သူအပေါင်းတို့ကို လေးနှစ်ပြည့် တမ်းခြင်းနှင့် အတူ ညီညီညာညာ ၀ိုင်းဝန်းကယ်ထုတ်ကြပါစို့။

ဆရာတော် ဦးနေမိန္ဒဟာ ရွှေဝါရောင်တော်လှန်ရေးကာလ အတွင်းက ဖွဲ့စည်းခဲ့တဲ့ မြန်မာနိုင်ငံလုံးဆိုင်ရာ သံဃာ့ကိုယ်စားလှယ် အဖွဲ့ရဲ့ ပြန်ကြားရေးတာဝန်ခံဖြစ်ပြီး လက်ရှိထိုင်းနိုင်ငံမှာ သီတင်းသုံး နေထိုင်နေပါတယ်...။
(ဒီမိုဝေယံဘလောက်ကနေ တဆင့်ကူးယူဖော်ပြပါတယ်)

---------------------

ကျနော်တွေးမိ ပြောမိရာ.....

မြန်မာပြည်နိုင်ငံရေး အခြေအနေကို ကျနော် မြင်တွေ့ရသလောက် သုံးသပ်ကြည့်မိတာပါ...
လက်ရှိ အရပ်သားအစိုးရအယောင်ဆောင် စစ်အစိုးရက ပြည်သူလူထုနှင့် အတိုက်အခံ တွေအပေါ် အပြုသဘောဆောင်သည်ဟု ထင်ယောင်ထင်မှားဖြစ်စရာရှိသော ချဉ်းကပ် မှုလေးတွေ လုပ်ပြလာပါတယ်။

ဘယ်တုန်းကမှ သူတို့အပေါ် ယုံကြည်လေးစားမှု မရှိခဲ့ကြတဲ့ ပြည်သူလူထုက အစိုးရသစ်အပေါ် (အနည်းဆုံးတော့ သိန်းစိန် အစိုးရက သိပ်မဆိုးလှပါဘူး) ဆိုတဲ့ ပြည်သူလူထုရဲ့ မ၀ံ့မရဲ ယုံကြည်မှုလေးလောက်ဖြစ်ဖြစ် ရနိုင်ကောင်းရဲ့ဆိုတဲ့အကြံနဲ့ တို့တိတို့တိ မဖြစ်စလောက်လေးတွေ လုပ်ပြလာပါတယ်။

ကမ္ဘာ့နိုင်ငံကြီးတွေ၊ ဒေသတွင်းနိုင်ငံတွေနဲ့ ပြည်တွင်းပြည်ပရှိ မြန်မာနိုင်ငံသားတွေအပေါ် လက်တလုံးကြား လှည့်စားဖို့ကြံစည်နေပြီး ပျားရည်နဲ့ဝမ်းချ နေတယ်လို့ ကျနော် မြင်မိတာပါ။

အစိုးရသစ်တရပ်အနေနဲ့ တာဝန်ယူတဲ့ အချိန်ကစပြီး ယနေ့အချိန်အထိ တိုင်းပြည်အတွင်းမှာ အဓိကကျတဲ့ လုပ်သင့်လုပ်ထိုက်တဲ့ အလုပ်တွေကို ပြတ်ပြတ်သားသား ဘာတခုမှ မလုပ်နိုင်သေးပါဘူး။

အထွေထွေ လွတ်ငြိမ်းချမ်းသာခွင့်ဆိုတာတောင် မလုပ်ပေးနိုင်သေးဘဲ မယောင်ရာဆီလူးနေတဲ့ အစိုးရ……
ပြည်တွင်းပြည်ပအတိုက်အခံရော.. နိုင်ငံတကာကပါ ၀ိုင်းပြီး တောင်းဆိုနေတာတောင် ယနေ့အချိန်အထိ နိုင်ငံရေးအကျဥ်းသားတွေကို လွှတ်ပေးဖို့ အရိပ်အယောင်တောင် မပြသေးဘူး။

ဒီကြားထဲက ဧရာဝတီမြစ်ဆုံဆည် စီမံကိန်းနဲ့ ပတ်သက်တာတွေ……
တိုင်းရင်းသားဒေသတွေမှာ ထိုးစစ်ဆင်နေတာတွေ…….
တပ်မတော်အတွင်း ဖြုတ်/ထုတ် အလုပ်ရှုပ်နေတာတွေနဲ့ အတွင်းထဲလှိုက်စားခံနေရဆဲ ပြည်သူတွေရယ်.. အရှေ့၊ အနောက်၊ တောင်၊ မြောက် ပြေးလွှားနေရတဲ့ ပြည်သူတွေကတော့ ဒုံရင်းက ဒုံရင်းပါပဲ။

ဒီလိုအချိန်မျိုးမှာ စစ်အစိုးရသစ်အနေနဲ့ ရှေ့က ပထွေးတွေသွားတဲ့ လမ်းအတိုင်း ဒေါ်အောင်ဆန်းစုကြည်နဲ့ ဆက်ဆံရေးဝန်ကြီး (ပြည်ထောင်စုဝန်ကြီး) ဦးအောင်ကြည်တို့ တွေ့ဆုံဆွေးနွေးပွဲလေးတွေ လုပ်ပြတယ်။ ဒေါ်အောင်ဆန်းစုကြည်ရဲ့ နိုင်ငံရေးခရီးစဉ်မှာ လုံခြုံရေးတာဝန်လေးတွေ ယူပြတယ်။

အခြားတဖက်မှာ အပစ်အခတ်ရပ်ဆဲရေးကို တိတိကျကျ လုပ်ဆောင်ခြင်း မရှိသေးဘူး။ တဖက်မှာဆွေးနွေးသယောင်ယောင်နဲ့ တဖက်မှာ အကြီးအကျယ် ထိုးစစ်ဆင်တယ်။

နိုင်ငံတကာအမြင်ကောင်းအောင် သတင်းစာရှင်းလင်းပွဲတွေ လုပ်ပြန်တော့လည်း အလွမ်းဓာတ်ခံကောင်းတဲ့ ၀န်ကြီးက ထိုင်ငိုလို့ တိကျတဲ့ ဖြေရှင်းချက်တွေ မထုတ်ပြန်နိုင်ဘူး။
သမ္မတကြီးကလည်း ပြည်ပရောက်နေတဲ့ နိုင်ငံသားတွေကို ပြန်လာခွင့်ပြုတယ်ဆိုပြီး လေချိုသွေးပြန်တယ်။
အနာတခြား၊ ဆေးတခြားနဲ့ ဒါဟာ ဦးနေ၀င်းလက်ထက်ကစပြီး အစဉ်အဆက် အသုံးပြုခဲ့ကြတဲ့ စစ်ဗိုလ်ချုပ်တွေရဲ့ နိုင်ငံရေး ဆေးမြီးတိုပါပဲ။

ကျနော်တို့တိုင်းပြည်ဟာ ဆေးမြီးတိုနဲ့ ကုလို့မရတော့တဲ့ အခြေအနေဆိုတာ စစ်ဗိုလ်ချုပ်တွေ သိသိကြီးနဲ့ လှည့်စားနေကြတုန်းပဲ ရှိနေပါတယ်။ တကယ်ပဲ မြန်မာနိုင်ငံကြီးကို အေးချမ်းသာယာ စေချင်တယ်ဆိုရင်၊ တကယ်ပဲ မြန်မာနိုင်ငံကြီး ခေတ်မီဖွံ့ဖြိုးတိုး တက်စေချင်တယ်ဆိုရင်၊ လက်ရှိ အစိုးရအနေနဲ့ ဘာလုပ်သင့်သလဲဆိုတာ သမ္မတအကြံပေးတွေ ဘာတွေကို မေးမနေပါနဲ့။

ပြည်သူလူထုကို တည့်တည့်မေးကြည့်လိုက်ပါ။ ကျနော်တို့ ပြည်သူလူထုက ဟိုးအရင် မဆလခေတ်ကနေ ဒီနေ့ အယောင်ဆောင် အရပ်သားအစိုးရအထိ အစိုးရအဆက်ဆက် ဖိနှိပ်ရက်စက်မှုတွေအောက်မှာ အားကိုးစရာ ကောက်ရိုးတမျှင်ကို အမိအရဆုပ်ကိုင် ထားရမယ်ဆိုတာ အားလုံးရဲ့ရင်ထဲမှာ သံမှိုစွဲသလို မှတ်ယူထားပြီးသားပါ။

ဒါကြောင့် သမ္မတကြီး ဦးသိန်းစိန်နဲ့ အစိုးရအဖွဲ့ဝင် ၀န်ကြီးများအားလုံးကို ပြည်သူလူထုအားရဲ့ကိုယ်စား ကျနော်အနေနဲ့ မေတ္တာရပ်ခံ အကြံပေးချင်ပါတယ်။

ပြည်သူလူထု တကယ်မြင်တွေ့ချင်တဲ့ပုံစံက ဒေါ်အောင်ဆန်းစုကြည်နဲ့ ဦးအောင်ကြည် တွေ့ဆုံနေမယ့်အစား ဒေါ်အောင်ဆန်း စုကြည်နဲ့ ဦးသိန်းစိန် တွေ့ဆုံဆွေးနွေးပါ။
ပြည်ပရောက် မြန်မာနိုင်ငံသားတွေကို ပြန်မခေါ်သေးခင် အထွေထွေလွတ်ငြိမ်းချမ်းသာခွင့်ကို အမြန်ဆုံးပေးပြီး နိုင်ငံရေးအကျဉ်းသား တွေကို အမြန်ဆုံး ပြန်လွှတ်ပေးပါ။

ပွင့်ပွင့်လင်းလင်းမပြောရတဲ့ သတင်းစာရှင်းလင်းပွဲတွေ လုပ်ပြနေမယ့်အစား သတင်းလွတ်လပ်ခွင့်လေးကို ပေးကြည့်လိုက်ပါ။
တိုင်းရင်းသားဒေသတွေမှာ စစ်ရေးအရ အနိုင်ယူဖို့ ကြိုးစားနေမယ့်အစား ပြည်သူလူထု ယုံကြည်ကိုးစားမယ့် တပ်မတော် တရပ်ဖြစ်အောင် ပြုပြင်လိုက်ပါ။

အဲဒီလို တကယ်တမ်း ဦးသိန်းစိန်အစိုးရက ပြည်သူလူထု အကျိုးအတွက် စေတနာသန့်သန့်နဲ့ လုပ်မယ်ဆိုရင် ကျနော်တို့ ပြည်သူလူထုတရပ်လုံးကလည်း ဒေါ်အောင်ဆန်းစုကြည် ခရီးထွက်လေရာ ပြည်သူလူထုက တခဲနက် ကြိုဆိုဂုဏ်ပြုသလိုမျိုး သမ္မတကြီးရဲ့ အစိုးရကို ကြိုဆိုဂုဏ်ပြုကြပါလိမ့်မယ်…။

အဲလိုမှ မဟုတ်ဘူးဆိုရင်တော့………..။

N.M.T (ညီမင်းသစ်) 20/8/2011

-----------------------

မန္တလေးရောက် ပြည်ကြီးပေါက်

အနေမဆန်းပြားခဲ့
ခြေလှမ်းမမှားတဲ့
ရွှေမန်းသားအစစ်တွေ
ကျုံးရေကို ပစ်ခွာ
နာရီစင်နဲ့ဝေးကွာ
ခုတော့ ရေကြည်ရာ မြက်နုရာ…။

ကဗျာဆရာ မြတ်ထက်က သူရဲ့ ‘မြနန္ဒာ ရှာပုံတော်’ ထဲမှာ နန်းမြို့တော်ဟောင်း မန္တလေးကို လွမ်းတသသ၊ တမ်းတကာရယ်နဲ့ ခံစားရေးဖွဲ့ထားတာပါ။ ကိုယ်တိုင်ကလည်း မန္တလေးသားပါပဲ။
မြို့ရွာအစွဲရယ်က မြန်မာတွေကြား အတော်အတန် ကြီးမားလှတဲ့အထဲမှာမှ ရပ်ရွာဒေသ အိမ်ခင်ကြတဲ့ မန္တလေးသားတွေက အကဲပိုတယ်လို့ ဆိုရမလားပင်။

မန္တလေးမှာ နှစ်ပေါင်း ၃ဝ ကျော် နေလာတဲ့ လူထုဦးလှကိုတောင်မှ ‘မန္တလေးသား’ လို့ မပြောကြဘဲ ‘ဒေါ်အမာ့ ယောက်ျား’ လို့ပဲ သာမည လက်ခံထားကြကြောင်း ကွယ်လွန်သူ သမိုင်းပညာရှင်ကြီး ဒေါက်တာသန်းထွန်းကပါ သတိပြုမိခဲ့ပါတယ်။
အဲဒီလို ချက်မြှုပ်ဇာတိကို အမြဲဂုဏ်ယူကြ၊ စွဲလန်းချစ်ခင်ကြပေမယ့် ရေကြည်ရာ မြက်နုရာဆိုတာကလည်း ရှိနေရတုန်းပါ။ ဘာကြောင့်များလဲ စောကြောချင်စရာ။

“မြို့ထဲက တချို့လမ်းထဲက တပြပေါက်မှာ ဗမာအိမ် ၂ အိမ်ပဲထွန်တုံးတို့၊ အောင်သာယာတို့၊ ကန်သာယာတို့၊ အောင်ပင်လယ်တို့၊ မြရည်နန္ဒာတို့ နောက်ချဲ့တဲ့ မြို့သစ်တွေက ဗမာတွေ နေဖို့ ချဲ့ပေးသလို ဖြစ်နေတာ ကျန်တော့တယ်တို့ဘာတို့ပေါ့။ ထွန်တုံးတို့၊ အောင်သာယာတို့၊ ကန်သာယာတို့၊ အောင်ပင်လယ်တို့၊ မရည်နန္ဒာတို့ နောက်ချဲ့တဲ့ မြို့သစ်တွေက ဗမာတွေ နေဖို့ ချဲ့ပေးသလို ဖြစ်နေတာ” လို့ မန္တလေးက စာရေးဆရာတဦးလည်း မဇ္ဈိမကို ပြောပါတယ်။

မူဆယ်၊ နမ့်ခမ်း၊ လားရှိုးလမ်းတွေကနေ စီးပွားရေး အချက်အချာကျရာ မန္တလေးဆီ ကူးပြောင်းလာပြီး၊ စီးပွားရေးအရ အင်အားသာ အသာစီးရနေပြီး အိမ်ကောင်းခြံကောင်း၊ နေရာကောင်းတွေ ပိုင်ဆိုင်နေတာလည်း မမြင်ချင်အဆုံး မြင်နေရတာပါ။

အိမ်ခြံပွဲစားတွေကို ပွဲခအပြင် အပိုကြေး မြိုးမြိုးမျက်မျက်လေး အပိုဆောင်းပေးလို့ လူမျိုးခြားတွေကိုမှ ရှာဖွေ ရောင်းချချင်သူကလည်း အများသား။ အခုနောက်ပိုင်းဆို ဆင်ခြေဖုံးတွေအထိပါ ဈေးကစားမှုတွေက ချဲ့ထွင်လာပါပြီ။ အရင်တုန်းက ကျပ်သိန်းဆယ်ဂဏန်း၊ ရာဂဏန်းလောက် ဈေးတန်ခဲ့တာတွေ အခုများဆို ထောင်ပိုင်းတွေ၊ထောင်ကြီးပိုင်းတွေထိ ခေါ်ပြီးတော့ အရောင်းသွက်၊အဝယ်လိုက် ဖြစ်နေတာပါ။ အရင်နှစ်ထဲ သိန်း ၂ ထောင် ဈေးပေါက်ရာက ဒီနှစ်မှာ ၄ ထောင့် ၅ ရာနဲ့ ပေးချေမယ့်သူက မရှား။ အပိုဆောင်းပေးဖို့ကလည်း မခဲယဉ်း။
ဒီလို ဝယ်နိုင်ခြမ်းနိုင်တာဟာ ဖောင်းပွနေတဲ့ မြန်မာကျပ်ငွေကို ယွမ်နဲ့ လဲလှယ်ပြီး တရုတ်ပြည်ကြီးမှာ သူဋ္ဌေးလေး ဖြစ်ရာမှ မြန်မာ ပြည်ထဲကျ သူဋ္ဌေးကြီး ဖြစ်လာကြပါတယ်။

“ဒီဘက်ပိုင်းမှာတော့ သူတို့ အလုံးအခဲနဲ့ ရောက်လာကြတယ်။ ဗမာတွေကလည်း အမွေတွေခွဲကြ၊ အိမ်တွေ ရောင်းကြနဲ့ သူတို့က ဝယ်ကြတာ။ လာကတည်းကိုက အထုပ်နဲ့အထည်နဲ့ လာကြတာကိုး” ဟု လင်းလက် စာအုပ်တိုက် ပိုင်ရှင် ဦးတင်အောင်မိုးက ဆိုပါတယ်။

တကယ်တော့ မန္တလေးမှာ ဟိုအရင်ခေတ်တွေကတည်းက တရုတ်လူမျိုးတွေ ဝင်ရောက်အခြေချခဲ့တာ ကြာခဲ့ပါပြီ။ အဲသလို ဆွေစဉ်မျိုးဆက်နဲ့ နှစ်ရှည်လများ နေလာကြတဲ့ တရုတ်အမျိုးသားတွေနဲ့ နောက်ပေါက်တွေ မတူကြဘူးလို့ ကွဲကွဲပြားပြား မြင်ကြရပါတယ်။

“သူတို့နဲ့ ကျနော်တို့နဲ့က ယဉ်ကျေးမှုလည်း ကွာတယ်။ တော်တော်ကွာခြားတယ်ဗျ။ အရင်တုန်းက တရုတ်တွေက မြို့ခံ အိမ်ရှင်တွေ အပေါ်မှာ လေးစားသမှု ရှိတယ်။ ခပ်ယို့ယို့ပဲ နေတယ်။ ပပလွှားလွှား သိပ်မရှိဘူး။ အခုလူတွေကတော့ မြို့ခံတွေကို သိပ်လူမထင်တော့ဘူး” လို့ တရုတ်လူမျိုးဖြစ်သူ ဥတ္တရလွင်ပြင် စာအုပ်တိုက်က ဦးသန်းဋ္ဌေးက ဆိုပါရဲ့။

မြန်မာ့ဆိုရှယ်လစ် မဆလ ခေတ်တုန်းက လူဝင်မှုကြီးကြပ်ရေးကဏ္ဍ တင်းကျပ်ခဲ့ပေမယ့် ၁၉၈၈-၉ဝ နောက်ပိုင်း ပြည်ကြီးသားတွေ အဝင်စိတ်လာပါတယ်။ သူတို့ မန္တလေးမှာ ဘယ်လိုများ နိုင်ငံသား ဖြစ်လာပါလိမ့်။

ဦးသန်းဋ္ဌေးက “နယ်စပ် လဝက က ကဒ်ပြားတွေ လှိုင်လှိုင် ထုတ်ပေးတာပဲဗျာ။ သူတို့က မှတ်ပုံတင်ကို နယ်စပ်ကနေ ယူလာတာ။ နိုင်ငံသားကို မဟုတ်ဘူး။ တိုင်းရင်းသားဗျ။ ရှမ်း၊ ရှမ်းတရုတ်၊ ဝ၊ ကိုးကန့်တို့ပေါ့။ ပိုပြီးတော့ ရင်းမြစ် ကျတယ်။ နယ်စပ်မှာက ဘိန်းနဲ့ မှောင်ခိုနဲ့ ချမ်းသာကြတော့ တချို့ဆို မှတ်ပုံတင် နှစ်ခုသုံးခုတောင် ရှိတယ်။ ဝင်လို့ထွက်လို့၊ ပေးလို့ကမ်းလို့ အတော်ကောင်းတဲ့ ကာလပဲဗျ” လို့ ဖြေပါတယ်။

နောက်ပေါက် တရုတ်လူမျိုးတွေကို တရုတ်ကြီး ဦးသန်းဋ္ဌေးက “သူတို့ … သူတို့” လို့ပဲ နာမ်စားသုံးပါတယ်။

အရင်နှစ်ထဲ သိန်း ၂ ထောင်ဈေးပေါက်ရာက ဒီနှစ်မှာ ၄ ထောင့် ၅ ရာနဲ့ ပေးချေမယ့်သူက မရှား။ အပိုဆောင်းပေးဖို့ကလည်း မခဲယဉ်း။
မန္တလေးသား စာရေးဆရာက “ ဒီမှာမွေးတဲ့ ဌာနေတရုတ် တွေနဲ့ သူတို့နဲ့က ချမ်းသာပုံချင်း၊ ပိုင်ဆိုင်ပုံချင်း လုံးဝ
ကွဲပါတယ်။ ၁၉၉ဝ ဒီဘက်ပိုင်း ရောက်တဲ့ မောင်တွေပေါ့။ တော်တော် ခြေလှမ်းသွက်ကြပါတယ်။ အထူးသဖြင့် အုပ်စိုးတဲ့ လူတွေကို ပိုင်နိုင်၊ ရင်းနှီးအောင် လုပ်တာ ကျွမ်းကျင်တယ်ဗျ။ ဒီလိုအတတ်ပညာတွေ တော်တော်ကြွယ်ဝတဲ့ လူတွေပါ။ မကင်းတရားတွေ အများကြီး ရှိတယ်လို့ ကြားဖူးပါတယ်” လို့ ပြောပါတယ်။
သူက “အခါအားလျော်စွာ ဗမာတွေနဲ့ ရောဖို့ ကြိုးစားတာတော့ ရှိပါတယ်။ ဒါပေမဲ့ သူတို့မှာ ပိုက်ဆံရှိတယ်၊ တသီးတခြား နေလိုတဲ့ ဆန္ဒရှိတဲ့ လက္ခဏာက များပါတယ်။ ကျနော်တို့ကို အထင်သေးပြီးတော့ မရှိခိုးနိုးပေါ့၊
တောင်းမယ် ရမ်းမယ်၊ ချေးမယ် ငှားမယ်ဆိုပြီး ကျနော်တို့ လူမျိုးကို နှိမ့်ချဆက်ဆံလို စိတ်တွေ ရှိကြပါတယ်” လို့ ဆိုပါတယ်။ သူ့လေသံထဲမှာ နှစ်ပေါင်းများစွာ မကျေမလည်နဲ့ မျိုသိပ်လာဟန်က ပေါ်နေပါတယ်။

ဦးသန်းဋ္ဌေးကတော့ “ဒီဘက်ခေတ်ရောက်လာတော့ လုပ်ငန်းတွေ ကြီးလာတယ်။ လွှမ်းမိုးမှုက များများလာတယ်။ အခုတော့ လက်ညှိုးထိုးမလွဲပေါ့ဗျာ” လို့ ဆိုလိုက်တာက စိန်ရွှေကျောက်မျက်ကအစ ဆောက်လုပ်ရေး၊ သစ်စက်၊ ဟိုတယ်၊ စားသောက် ဆိုင်အလယ် မုန့်ဆိုင်၊ စတိုးဆိုင်တွေအဆုံး ရည်ညွှန်းခြင်းပါ။
ဒီ တရုတ်စီးပွားရေး လုပ်ငန်းရှင်ကြီးတွေဟာ မြို့မျက်နှာဖုံးတွေတောင် ဖြစ်လာကြပြီလို့ မူလဒေသခံတွေကြား အဆိုရှိပါတယ်။

“ဥပမာ အာဏာပိုင်တွေကို ချဉ်းကပ်တာမျိုးဆို အလုံးအရင်းနဲ့ အုံနဲ့ကျင်းနဲ့ ရဲရဲတင်းတင်း ဝင်ထွက်ပြီးတော့ အခွင့်အရေးတွေ ရအောင်ယူနိုင်တာမျိုးတွေ ရှိတာပေါ့။ တော်တော်တန်တန် ကျနော်တို့ဗမာတွေ သိပ်လုပ်နိုင်တဲ့ အနေအထား မရှိဘူး။ အုပ်ချုပ်ရေးပိုင်းက ပုဂ္ဂိုလ်တယောက်ယောက် အပြောင်းအလဲ ရောက်လာတယ်ဆိုရင် ချက်ချင်း သွားလိုက်တာပဲ။ အဲဒါမျိုးတွေကအစပေါ့။ လုပ်ငန်းတခုခုချဲ့မယ်ဆို တိုင်းမှူးကို ၁ဝ သိန်းလောက် ပေးလိုက်တာမျိုး တွေက အစပေါ့။ ပေးဖို့ကမ်းဖို့လည်း ဝန်မလေးဘူး” လို့ တရုတ်ကြီး ဦးသန်းဋ္ဌေးက ချက်နဲ့လက်နဲ့ ထုတ်ပြပါတယ်။

ရာထူးအာဏာကြီးသူတွေကို အပိုင်ကိုင်ထားလို့ ရပ်ကွက်အဆင့်ရှိသူတွေလောက်တော့ အဖက်မလုပ်ပါဘူး။

“မြို့ထဲမှာ တိုက်ကြီးတာကြီးတွေ ဆောက်နေကြတယ်။ ဘယ်လူမျိုးမှန်းလည်းမသိ၊ ညာမှန်းလည်းမသိပေါ့။ ဘေးမှာ ဗမာမိသားစု တွေ နေကြတယ်ပေါ့။ ရုတ်ရုတ်ရက်ရက် ဖြစ်ကြပြီဟေ့ဆိုရင် ဧည့်စာရင်း စစ်ကြပြီပေါ့ဗျာ။ အဲလို စစ်ပြီဟေ့ဆို ဗမာအိမ်လောက်ပဲ စစ်တယ်ဗျာ။ တိုက်ကြီးကျတော့ ခေါ်မနှိုးဘူးဗျ။ တာဝန်ရှိသူများက ခေါ်နှိုးလည်း တံခါးဖွင့်မပေးဘူးဗျာ” လို့ ဦးသန်းဋ္ဌေးက နှိုင်းယှဉ်ပြော ပြောပါတယ်။

စီးပွားလာဘ်လာဘအတွက် အာဏာပိုင်တွေနဲ့ အလွမ်းသင့်တာမို့ အတိုက်အခံ နိုင်ငံရေးအလုပ်နဲ့ ခပ်ကင်းကင်း ခပ်ခွါခွါ နေကြတာလည်း သဘာဝကျလှပါတယ်။

“အရင် ၈ဝ ကျော်၊ ၇ဝ ကျော် ကာလတွေတုန်းက သူတို့ကလည်း လက်လုပ်လက်စား ရိုးရိုးသားသားတွေပဲလေ။ သူတို့လည်း အဖိနှိပ်ခံလူတန်းစားထဲ ပါတာ။ ကုန်သည်တွေ သူဋ္ဌေးတွေ မဟုတ်သေးဘူးဗျ။ ခေါက်ဆွဲကြော်ရောင်းတဲ့ အဖိုးကြီးတွေက သိပ်ကြီးပွားခဲ့တာ မဟုတ်ဘူးဗျ။ အခုလူသစ်တွေကတော့ နိုင်ငံရေး ကင်းတယ်ဗျ။ အလွန်ဆုံး သာရေးနာရေးအသင်း၊ ဗြဟ္မစိုရ်တို့ဘာတို့ကို ငွေလှူတာလောက်ပဲ လုပ်တာ” လို့ ဦးတင်အောင်မိုးက ပြောပါတယ်။

မြို့လယ်ခေါင်ထဲကမှ လမ်း ၈ဝ-၈၄ လမ်းအတွင်း၊ ၇၇ လမ်းကနေ လမ်း ၃ဝ အတွင်း အနေများပြီး ဗိုလ်ချုပ်ရွာမျိုးနဲ့ မြို့သစ်တွေမှာ ခမ်းနားထည်ဝါလှတဲ့ အိမ်ကြီးခြံကြီးတွေနဲ့ နေကြတာပါ။ ထီးနန်းကျခဲ့တဲ့ နန်းတော်ကြီးတမျှ ဆောက်လုပ်ထားကြတာပါ။

ဒေသခံတွေနဲ့ အခြေအနေချင်း ကွာဟနေလို့ မကြာသေးခင်က ကျောက်ဝိုင်း ခိုက်ရန်ပွဲမျိုး မျက်ဝါးထင်ထင် မြင်ရပေမယ့် အောင့်အည်းသည်းခံရမှုတွေက အစိုင်အခဲများ ရှိနိုင်မလားပဲ။

ဦးတင်အောင်မိုးက “သူလည်းကုန်သည် ကိုယ်လည်း ကုန်သည်မို့ ထိပ်တိုက်ဖြစ်တာ။ တချို့လုပ်ငန်း အများစုမှာက ဗမာက အလုပ်သမားဗျ၊ သူတို့က အလုပ်ရှင်။ ပိုင်ရှင်သူဋ္ဌေးဆိုတော့ မဖြစ်ဖြစ်ဘူးပေါ့ဗျာ။ ကျောက်ဝိုင်းလိုဟာမျိုးကျ သူတင်ကိုယ်တင်ကိုး။ ငြိစရာရှိရင် အဲဒါမျိုးတကြောက ငြိကြတယ်” လို့ ကောက်ချက်ချပါတယ်။

သူဆက်ပြောတာက “သရက်တို့၊ ဖရဲတို့၊ သခွားမွှေးတို့ တရုတ်ပြည်ဘက် သွားရောင်းတယ်ဆိုရင် အမျိုးမျိုး ဈေးနှိမ်ခံနေရတာပဲ။ တချို့ဆို ပြန်မသယ်နိုင်လို့ ရသလောက်နဲ့ ထိုးရောင်းရတယ်။ တချို့ကျ လှည့်ကို မကြည့်ဘူးပေါ့ဗျာ။ အဲဒါမျိုးမှာလည်း ထိပ်တိုက်တွေ့ဖို့ မဖြစ်နိုင်ဘူး။ ဈေးကစားမှုကလည်း သူတို့လက်ထဲမှာပဲ ရှိတာ။ ဒီလိုပဲ ငုံ့ခံလာခဲ့ကြရတာပေါ့” ဆိုတာပါပဲ။

ဒီလိုဈေးကွက်တွေမှာ အုပ်စီးမိအောင် ကျားကန်ပေးထားတဲ့ အကြောင်းအမျိုးမျိုးအနက် ခြစားလာဘ်စားတဲ့ လူဝင်မှုကြီးကြပ်ရေးနဲ့ လုပ်ငန်းလုပ်ခွင့် ပေးနိုင်တဲ့ ဒေသခံ အရာရှိတွေကြောင့်လည်း ပါဝင်ပါတယ်။ ဒါ့အပြင် သူတို့လုံခြုံရေး အကာအကွယ်ပေးဖို့ တရုတ်အစိုးရက မြန်မာအစိုးရကို ပြောထားတာတွေလည်း ရှိနေတယ်။

အပြင်ကျားကန်မှုသာမကက သူတို့ချင်း အတွင်းကျိတ် အင်အားတွေလည်း ရှိနေပြန်ပါတယ်။

“သူတို့အချင်းချင်းက လူအင်အားသာ နည်းတာ စည်းလုံးမှုကတော့ တော်တော်ကောင်းတယ်။ မိသားစုတခု အကြောင်းတခုခုကြောင့် စီးပွားပျက်တယ်ဆိုရင် ဘုံကျောင်းကနေ မတည်ပေးတဲ့ ပုံစံမျိုးတွေ တွေ့ရတယ်။ အလုပ်လည်း ကြိုးစားကြတယ်။ ဒါ သူတို့ကို အတုယူစရာတခုပေါ့။ ကျမတို့ မြန်မာလူမျိုးမှာက စီးပွားရေးမှာ တဦးနဲ့တဦး အားပေးမှုက တော်တော်နည်းတယ်” လို့ မန္တလေးအခြေစိုက် ဝံသာနု NLD ပါတီက အထွေထွေ အတွင်းရေးမှူး ဒေါ်နန်းရွှေကြာက သုံးသပ်ပါတယ်။

ဒီအချက်ကို ဌာနေတရုတ်ကြီး ဦးသန်းဋ္ဌေးကလည်း“သူတို့နဲ့ ကျနော်တို့နဲ့က ယဉ်ကျေးမှုလည်း ကွာတယ်။ တော်တော်ကွာခြားတယ်ဗျ။ အရင်တုန်းက တရုတ်တွေက မြို့ခံ အိမ်ရှင် တွေ အပေါ်မှာ လေးစားသမှု ရှိတယ်။ ခပ်ယို့ယို့ပဲ နေတယ်။ ပပလွှားလွှား သိပ်မရှိဘူး။ အခုလူတွေကတော့ မြို့ခံတွေကို သိပ်လူ မထင်တော့ဘူး”
သဘောတူပါတယ်။ “သူတို့က အလုပ်မရွေးဘူးပေါ့ဗျာ။ ဇွဲခတ်ပြီးတော့ အောက်ခြေကနေ စပြီးလုပ်တတ်တဲ့ ဟာလေးတွေကလည်း ရှိတော့ တက်တက်လာတာ တွေ့နေရတာပဲဗျ”

စာရေးဆရာကြီးက “ဆွေမျိုးထဲက သူဋ္ဌေးအကြီးတွေ၊အဖွဲ့အစည်း (ဘုံကျောင်း) တွေရှိရင် သူတို့ချင်း ဝံသာနု ကြပါတယ်။ စောင့်ရှောက်တဲ့ သဘော ရှိပါတယ်” လို့ ရှုမြင်ထားပါတယ်။

ဘုံကျောင်းတွေဆိုတာ ပင်လယ်ရပ်ခြား တရုတ်များရှိတဲ့ နေရာတိုင်းမှာ ထူထောင်ထားပြီး သာရေးနာရေး ကိစ္စတွေကို အဓိကလုပ် ဆောင်ပေးဖို့ ရည်ရွယ်ထားတာပါ။ ဒါထက်မက စီးပွားရေးအရ ခက်ခဲနေရင် မြေထောင်မြှောက်ရာ နေရာဌာနအဖြစ် ပါဝင်လာ လေ့ရှိပါတယ်။
“ကျမတို့နဲ့ ဈေးထဲမှာ ယှဉ်ပြီးတော့ လုပ်ကိုင်နေတဲ့ တရုတ်မိသားစု တစုဆိုရင် အရင်က အပေါင်ဆိုင်လုပ်တာ။ မီးလောင်တော့ ဘုံကျောင်းကနေ စိုက်ထုတ် မတည်ပေးတယ်” လို့ ဒေါ်နန်းရွှေကြာက ဥပမာပေးပါတယ်။

ဦးသန်းဋ္ဌေးက “ဘုံကျောင်းတွေက တရပ်တရွာမှာ အားမငယ်အောင် တယောက်နဲ့တယောက် လက်တွဲတဲ့ သဘောပါ။ လူမျိုးအလိုက် ဖွဲ့စည်းထားတာပါ။ လူမျိုးတွေကတော့ ဝမ်၊ ကျင် စသဖြင့် အများကြီးပေါ့။ သာရေးနာရေး အဓိကပါ။ လိုအပ်ရင် လိုအပ်သလိုပေါ့။ အလုပ်မရှိလို့ ဒုက္ခရောက်နေရင် တတ်နိုင်တဲ့သူတွေက သူတို့အလုပ်ရုံ ပွဲရုံတွေမှာ အလုပ်ပေးထားတာတို့ စသဖြင့်ပေါ့။ ဆိုင်ဖွင့်ချင်တယ်ဆို ပိုက်ဆံပေးတာတို့။ စီးပွားရေးမှာကျတော့ အမျိုးတူတဲ့ သူအချင်းချင်းဆို ကူညီတာ များတယ်။ ငွေတွေဘာတွေ ထုတ်ပေးတယ်။ မှန်မှန်သာ သွင်းရင် ပြန်ရတယ်” လို့ ရှင်းပြပါတယ်။

ဒေါ်နန်းရွှေကြာက “ကျမလည်း ကုန်စုံဆိုင်ဖွင့်ထားတယ်။ ဆင်းရဲတဲ့ဗမာတွေ များများဝယ်နိုင်အောင် အရင်းနှီးနှီးဈေးနဲ့ ရောင်းပါ တယ်။ ဒါပေမဲ့ ကျမ ရင်းနှီးနိုင်တာနဲ့ သူတို့ရင်းနှီးနိုင်တာနဲ့ မတူတော့ ရရှိတဲ့အမြတ်လည်း မတူနိုင်ဘူး။ သူတို့က ငွေအင်အားနဲ့ လွှမ်းမိုးနိုင်တော့ ယှဉ်လို့မရတဲ့ အပိုင်းတွေ အများကြီးပေါ့။ ရင်းနှီးမြှုပ်နှံနိုင်မှုအား အပေါ်မှာလည်း မူတည်ပါတယ်” လို့ စီးပွားရေးတွက်ကိန်း ထုတ်လာပါတယ်။

အရင်းနည်းတဲ့သူတွေအပြင် အရင်းမဲ့တဲ့သူတွေကတော့ မြို့သစ်တွေကနေ မြို့ထဲ အလုပ်ရုံတွေဆီ နေထွက်မှသည် နေဝင်တဲ့အထိ လာလုပ်ရပါတယ်။

“တနေ့လုပ်မှ တနေ့စားတွေ။ စက်ဘီးကို တနေ့ ၂ဝဝ နဲ့ ငှါးပြီး မြို့ထဲ လာအလုပ်လုပ်ကြရတယ်။ အလုပ်ကပြန်မှ ဈေးဝယ်ပြီးချက် စား ကြတဲ့သူ၊ သို့တည်းမဟုတ် ချက်ပြီးသားလေး ဝယ်စားကြပြုကြတဲ့ လူတန်းစားတွေပေါ့” လို့ စာရေးဆရာကြီးက ရှင်းပြပါတယ်။

ဒါနဲ့ဆက်စပ်ပြီး မန္တလေး ကဗျာဆရာတွေ တင်စားလေ့ရှိတဲ့ ‘နေလုံးကို ကျောပိုး’ နေကြရတယ်ဆိုတာလည်း ဆရာကြီး ရှင်းပြလို့  နားလည်ခွင့် ရလိုက်ပါတယ်။

“အရှေ့ဘက်ကနေ အနောက်ဘက်ကို လာကြရတာ“သူတို့ အချင်းချင်းက လူအင်အားသာ နည်းတာ စည်းလုံးမှုကတော့ တော်တော်
ကောင်းတယ်။ မိသားစုတခု အကြောင်း တခုခုကြောင့် စီးပွားပျက်တယ်ဆိုရင် ဘုံကျောင်းကနေ မတည်ပေးတဲ့ ပုံစံမျိုးတွေ
တွေ့ရတယ်။
ဆိုတော့ နေလုံးကို ကျောပိုးပြီး လာကြရတယ်။ ပြန်တော့လည်း နေလုံးကို ကျောပိုးပြီးပြန်တယ်လို့ ဖွဲ့ကြတာပေါ့ဗျာ”

နေ့စဉ်နေ့တိုင်း နေလုံးကို ကျောပိုးထားရသူ ရွှေမန်းသား တွေအဖို့ ကျုံးရေကို ပြန်သောက်၊ နာရီစင်အောက် ပြန်ရောက်နိုင်ဖို့ ဆိုတာ အတော်လုံးပန်းရဖွယ် ရှိပါတယ်။

ထောင်ကျခဲ့ဖူးတဲ့ စာရေးဆရာကြီးက “ကျနော်တို့ ထောင်ထဲမှာ ပြောနေကျ စကားတခုရှိတယ်ဗျ။ ငွေများ တရားနိုင်တဲ့ခေတ် မဟုတ်တော့ဘူးကွ။ ငွေနည်း တရားရှုံးတဲ့ခေတ် ရောက်ပြီလို့။ အနည်းနဲ့အများ ပေးနေကြတာ။ သူတို့က ပိုများများ ပေးနိုင်ကြတယ်။ အဲဒီတော့ ဥပဒေကို ကျော်လွှားဖို့ အခြေအနေက ပေးနေတာကိုး” လို့ ဥပဒေစိုးမိုးရေးကို တရိုးတမယ်ဖွဲ့ပြပါတယ်။

ဒီအခြေအနေတွေကို ကာကွယ်ရဖို့က ဥပဒေလား၊ ဝံသာနုစိတ်ထားလား၊ အဓိကရုဏ်းနည်းလားဆိုတာ စဉ်းစားကြပေမယ့် အဓိကရုဏ်းကတော့ ပြဿနာပေါင်းစုံကို မဖြေရှင်းနိုင်တဲ့ အစိုးရအတွက် ပြည်သူကို အာရုံပြောင်းဖို့ အကြိုက်တွေ့သွားမယ်လို့ အတိုက်အခံ နိုင်ငံရေးအသိုင်းအဝိုင်းက သုံးသပ်ပါတယ်။

ကိုယ့်မြေကိုယ့်ရေမှာ ကိုယ့်အခြေ ခိုင်ရဖို့အရေး စာရေးဆရာ ညီပုလေးနဲ့ မိုးမိုး (အင်းလျား) တို့ အပါအဝင် စာပေနယ်ပယ်က အဦးအဆွကတည်းက သတိပေးစာပေတွေ ရေးခဲ့ပါတယ်။ အခုလို အထင်အရှား ရင့်သန်လာတဲ့အခါ အမြင်လွယ်သလောက် ဖြေရှင်းရမှာက အလွယ်တကူ မဟုတ်ပါဘူး။

အများနည်းတူ ရှာဖွေကြတဲ့အထဲမှာ ဆရာဝန် ကဗျာဆရာ မြတ်ထက်က သူ့ကလောင်စွမ်းနဲ့ ဝံသာနုလိုက်ပါရဲ့ …။

မွေးမြေ မန္တလေး
တုတ်ကွေး လှိုက်စား
နုံးချည့် မသွားမီ
အဆီအနှစ်များ
အရည် ဖြစ်မသွားဖို့
စီဗစ်တပြားတော့ တိုက်ထားမှ…။ ။

ကိုပေါက် |

5/ jul -2011



---------------------------------

- တိုက်ခတ်သွားတဲ့ လေပြည်ထဲက မျက်ရည်တစ်စ
မိုးသီး -
“တစ်ပါးသောသူ ကောင်းစားရေးတွက် တစ်ယောက်သောသူမှာ ပေးဆပ်ရစမြဲ”

“ဒိုင်း” “ ဒိုင်း” အသံကြား လိုက်ရသည် နှင့် တစ်ပြိုင်နက် လူတွေဟိုပြေး ဒီပြေး ပြေးနေကြတာ ကို မြင်နေရတယ်။

ဟော်ဟစ်သံတွေ ငိုကြွေးသံတွေနဲ့ လမ်းမပေါ်တွင် ဆူညံသွားတယ်၊ တစ်ချို့လူတွေက လည်း အကူညီ တောင်းနေကြတယ်၊
နီစပ်ရာ အိမ်တွေဆီမှ အသံတွေ ကြားနေရတယ် ဘာ ဖြစ်ကြတာလဲ ဆိုပြီးတော့ မေးနေကြတာပေါ့၊
လမ်းမပေါ်တွင် မြင်နေရတဲ့ သွေးအိုင်ကြီးတွေကတော့ စိတ်ချောက်လန့် စရာ ဖြစ်ခြင်းနဲ့ အတူ ကံဆိုးမိုးမှောင် ကျသွားတာပေါ့။

ဖြစ်ပွားပုံက ဒီလိုပါ ၁၉၈၉ ခုနှစ် သီတင်းကျွတ် လဆန်း ၁၃ ရက်နေ့မှာပေါ့၊
ရခိုင်ပြည်နယ် ၊ စစ်တွေမြို့၊ အုန်းတပင် ရက်ကွက် လေးအတွင်းမှာ စစ်အစိုးရ ရဲ့ လူမဆန်သော ရက်စယုတ်မာမူ ကြောင့် အသက် ဆုံး သွားတဲ့ မိသားစုလေးအပါအဝင် အပြစ်မဲ့ ပြည်သူတွေရော ဒီ လူမဆန်သော လုပ်ရပ်ကြောင့် အသက်ရှင်နေလျှက်နဲ့ ဘဝသေ သွားတဲ့ အဖြစ်ကို ရောက်ရှိ သွားတာကို အများပြည်သူအနေနဲ့ အုပ်ချုပ်သူ လူတန်းစား တစ်ရပ်ဟာ ပြည်သူတွေအပေါ် မှာ ဘယ် လောက်ထိ ရက်စက်ယုတ်မာ သလဲ ဆိုတာကို နောင်လာ နောင်သားတွေ အနေဖြင့် သိရှိအောင် ဒီဖြစ်ရပ် မှန်လေးကို ဖော်ထုတ် လိုက်ခြင်း ဖြစ်ပါတယ်၊

အုန်းတပင် ရက်ကွက်ရှိ အိမ်တစ်အိမ်မှာ မနက်ဖန်တွင် လုပ်မည့် အလှူပွဲ အတွက် ပြင်ဆင် စရာရှိတာကို ပြင်ဆင်နေကြတာပေါ့ဗျာ၊
မနက်ဖန်ဆို သီတင်းကျွတ် တော့ မယ် ဖြစ်တာကြောင့် ရပ်ကွက်ထဲရှိ ကာလသားတွေရပ်ကွက်ရှိ အပျို လေးတွေ က သီတင်းကျွတ် ပွဲတော် ကြီး၇ဲ့ အကြိုနေ့မှာ ပျော်ရွင်နေကြတာပေါ့၊

ညနေစောင်းတော့ အလှူအတွက် ရက်ကွက်ထဲရှိ ကောင်စီရုံးတွင် ထား၇ှိတဲ့ ခုံတွေကို ရပ်ကွက် ဥက္ကဌ ထံတွင် ငှားရမ်းပြီး ခုံတွေကို အလှူလုပ်မဲ့ အိမ်ဆီသို့ ပြောင်းရွှေ့ နေကြတယ်၊

ဒီအချိန်မှာ စစ်အစိုးရ ရဲ့ စစ်တပ်မှ စစ်သားနှစ်ယောက်ဟာ ရွာကြီးမြောက် ရပ်ကွက် ရှိ မင်္ဂလာဆောင် ညစာစားပွဲမှ သူတို့ စစ်ခန်းချ ထားရာ ဆင်ကူးလမ်း ရပ်ကွက်ဆီသို့ ပြန်လာတာပေါ့၊

အုန်းတပင် ရပ်ကွက် ဟာ ဆင်ကူးလမ်း ရပ်ကွက်နှင့် ရွာကြီးမြောက် ရပ်ကွက် ကြားမှာ တည်ရှိနေတဲ့ ရပ်ကွက်လေးပါ၊
ဒါကြောင့် လူယုတ်မာ စစ်သားနှစ်ယောက်ဟာ စက်ရုံ လမ်း အတိုင်း ဆင်ကူးလမ်းရပ်ကွက်ရှိ သူတို့စခန်းချ ထားရာ စီးပွား/ကူးသန်း ရေး ရုံးဆီသို့ လမ်းလျှောက်ပြီးပြန်လာကြတာပေါ့၊
ပုံစုံ ကြည့်ရတာ အရက်မူးနေတဲ့ ပုံစုံက သိသာထင်ရှားစေပါတယ်၊

အုန်းတပင်ရပ်ကွက်ကို ရောက်တော့ ကောင်စီရုံးမှ ခုံတွေပြောင်း နေကြတဲ့ လူတွေကို တစ်စုံတစ်ရာ မေးခြင်း မရှိပဲ “မင်းတို့ အစိုးရ ခုံတွေကို ခိုးယူ နေကြတာပဲ” ဟုစပ်စွဲ လိုက်တယ်၊

ရွာသား တစ်ဦးက ပြန်ပြောတယ် “ကျနော်တို့ ရပ်ကွက် ဥက္ကဌဆီက ခွင့်ပြုချက်နဲ့ အလှူအတွက် ငှားရမ်းတာပါ” ဟု ပြန်ပြောလိုက်တယ်၊
ဒီအချိန်မှာ စစ်သားတစ်ယောက်က “တော်တော်ရှာရှည်တဲ့ အကောင်ပဲ” ဟုပြောပြိး သူနဲ့အတူ ပါလာတဲ့ သေနတ်ပေါင်နဲ့ ရွားသားရဲ့ မျက်နှာကို ထုရိုက်လိုက်တယ်၊

အရိုက်ခံရတဲ့ ရွာသားရဲ့ နာမည်ကတော့ မောင်ခင်လှ ဖြစ်ပါတယ်၊
သူ့မျက်နှာပေါ်က သွေးတွေစီး ဆင်းလာတယ်၊ မောင်ခင်လှ အရိုက်ခံတာကို မြင်တော့ ဘေးနားမှာ ပါလာတဲ့ သူ့အကိုက “ဟာဒီလို မတရား မလုပ်ကြ ပါနဲ့ဗျာ” ဟုပြောလို့ မဆုံးခင်မှာပဲ မောင်ခင်လှ အကို့ရဲ့ မျက်နာပေါ်ကိုလည်း သေနတ်ဒင် ရောက်သွားတယ်၊

ရွာသားတစ်ချို့ ကတော့ ထွက်ပြေးကြတာပေါ့၊
တစ်ချို့က အကူညီတောင်းရန် အနီး အနားမှာ ရှိတဲ့ အိမ်တွေက လူတွေကို လှမ်းခေါ်နေကြတယ်၊

ဒီအချိန်မှာ အခင်းဖြစ်ပွားရာနဲ့ ကပ်လျက်မှာ ရှိတဲ့ ဦးသားထွန်းအောင် အိမ်ကို သွားပြီး အကူညီ တောင်းကြတယ်၊
ခဏဆင်းလာပြီး ဖြေရှင်းပေးပါရန် တောင်းဆိုကြတယ်၊
ဦးသာထွန်းအောင်ဟာ အုန်းတပင်ရပ်ကွက် ဥက္ကဌ မဟုတ်ပေမယ့် ရပ်ကွက် ရှိ သာရေး နာရေး အဝဝ ကို ကူညီဆောင်ရွက်ပေးတဲ့ လူကောင်းတစ်ယောက် ဖြစ်ပါတယ်၊

အသက်က ၆၀ ကျော်လောက်ရှိနေပါပြီ၊
အသံကိုကြားတော့ ဦးသာထွန်းအောင် ဟာ အိမ်ပေါ် ကနေဆင်းလာလိုက်တယ်၊
သူနဲ့ ရှေ့ဆင့် နောက်ဆင့် မှာပဲ သူ့ရဲ့ သားဖြစ်သူ ဘတင်အောင် က လဲ အဖေ ဖြစ်သူရဲ့ နောက်မှ လိုက်လာခဲ့တယ်၊
ဘတင်အောင် ရဲ့ အသက်ဟာ ၂၈ လောက်ဖြစ်နေပြီ၊

အခင်းဖြစ်ပွားတဲ့ နေရာကို ရောက်သွားတော့ ဦးသာထွန်းအောင်က “ဒီကလေးတွေက ရပ်ကွက်ကပါ အလှူလုပ်ဖို့ အုန်းတပင် ရပ်ကွက် ကောင်စီရုံးမှာ ရှိတဲ့ ခုံတွေကို ဥက္ကဌ ထံမှ ခွင့်ပြုချက်နဲ့ ငှား ရမ်းတာ ဖြစ်ပါတယ် လို့ ပြောလိုက်တယ်” စစ်သားက “ဒီအဖိုး ကြီး နာချင်နေ ပြီနဲ့ တူတယ်” ဟု ပြောပြီး ဦးသာထွန်းအောင် ရဲ့ ရင်ဘတ်က သေနတ်ဒင်နဲ့ ထုရိုက်လိုက်တယ် ၊

ဒါကို သားဖြစ်သူ ဘတင်အောင် ကမြင်တော့ လုံးဝသည်းခံ နိုင်စွမ်းကုန် သွားတယ်၊
အဖေ ဖြစ်သူကို သားရှေ့မှာ မတရား ရိုက်နှက် နေတာကို ဘယ်သား သမီး က ကြည့်နေလို့ရပါမည်နည်း။

ဘတင်အောင် ရဲ့ မတရားတာကို ခေါင်းငုံ မခံချင်လိုသောစိတ် အမှန်တရားဘက် ရပ်တည်လိုသော လူငယ်ပီပီ စိတ်ကြောင့် စစ်သားရဲ့ မျက်နှာကို လက်သီးနဲ့ တစ်ချက် ထိုးလိုက်တာပေါ့၊

အထိုးခံ လိုက်ရတဲ့ စစ်သားဟာ နောက်ကို နည်းနည်း ယိုင်သွားတယ်၊
ဒါကို မြင်တော့ အနားမှာ ရပ်နေတဲ့ အရာရှိက သူ့တပ်သားကို အမိန့်ပေးလိုက် တယ် “ဒီကောင်တွေ အကုန်လုံးကို တစ်ယောက်မကျန် သတ်ပစ်လိုက်စမ်း” ဟု အမိန့်ပေးလိုက်တယ်။

ဒီနေရာမှာ ဘာကိုဖော်ပြနေလဲ ဆိုတော့ တပ်မတော်ဟာ နိုင်ငံတော်ကို ကာကွယ်ဖို့ ဖွဲ့စည်း ထားတာမဟုတ်ဘူး အဖိနှိပ်ခံ ပြည်သူတွေ ကို သတ်ဖို့ ဖွဲ့စည်း တယ်လို့ မြင်တယ်၊သေနတ်ပြောင်းဝ ဟာ ပြည်သူလူထုဘက် ကို ၁၉၈၈ ခုနှစ် အရေးခင်းတုန်းက လဲ တစ်ကြိမ် လှည့်ခဲ့ပြီးပြီ အခု ၁၉၈၉ ခုနှစ်မှာ လည်း နောက်ကြိမ်လှည့် လာခဲ့ပြီ၊

နောက်လည်း အပြစ်မဲ့ ပြည်သူ တွေဘက်ကို လှည့်လာအုံးမှာပဲ လို့ မြင်ရောင်မိတယ်၊

အမိန့် ကို ရရှိလိုက်တဲ့ စစ်ဘီလူး ဟာ အမိန့်ကို တသွေ မသိမ်း နာခံတော့ တာပါပဲ၊သူ့လက်စွဲတော် G3 သေနတ်ကို မောင်းတင်လိုက်ပြီး ရှေ့ ဦးစွာ ဦးသာထွန်းအောင် ရဲ့ ရင်ဘတ် ကို ၃ ချက် ပစ်ချ လိုက်တယ်၊

တဆက်တည်း မှာပင် သားဖြစ်သူ ဘတင်အောင် ရဲ့ ဦးခေါင်းကို အသေချာချိန် ပြီးပစ်လိုက်တယ်၊
ဘတင်အောင် ဦးခေါင်း ပွင့် ကျသွားတယ် ။
ဒါကို မကျေနပ်နိုင်သေးပဲ နောက်ထပ် ၂ ချက် သူ့ရဲ့ ရင်ဘတ် ကို ပစ်ထည့် လိုက်တယ်၊သွေးတွေကတော့ ကြောက်မက်ဖွယ် လမ်းမ ပေါ်တွင် စမ်းချောင်း သဖွယ် စီးဆင်းကုန်တာပေါ့၊

ထို့နောက် မိုးပေါ်ကို (၇) ချက် တိတိပစ်တယ် ပြီးရင် သေနတ်သံကြားလို ကြောက်ပြီး ထွက်ပြေးနေကြတဲ့ ပြည်သူတွေ ကို လှမ်းပစ်တော့တာပေါ့၊

သေနတ် သံနဲ့ အတူ အော်ဟစ်သံ တွေ ငိုကြွေး သံ တွေ ထွက်ပေါ်လာတယ်။

လူတွေ ငိုကြွေးနေကြတယ်၊ ကျည်မှန် တဲ့ သူတွေက လည်း နာကျင်မူ ဝေဒနာ နဲ့ အတူ အကူညီ တောင်းနေကြတဲ့ အသံတွေ နဲ့ ဆူညံနေတာပေါ့၊
ဒီအချိန်ထိတော့ အကူညီပေးမဲ့ သူတစ်ယောက်မှ မပေါ်လာသေးဘူး၊
ရွာသားတစ်ယောက်က ဦးသာထွန်းအောင် နှင့် ဘတင်အောင် သေဆုံး သွားပြီ ဖြစ်ကြောင်းကို ဦးသာထွန်းအောင် ရဲ့ နေအိမ်ကို လာပြီးအသိပေးတယ်။

အ်ိမ်မှာ ရှိတဲ့ မိသားစုတွေ ဟာကြားကြားချင်း မယုံသလို နဲ့ ပြန်မေးကြတယ်၊သေချာရဲ့လားပေါ့
ဦးသာထွန်းအောင်ရဲ့ ဇနီးဖြစ်သူ ဒေါ်မြစိန် ရဲ့ မျက်နှာ ပေါ် တွင် ဝမ်းနည်းသွား တဲ့ အမူအရာနဲ့ အတူ မျက်ရည် ဥလေးတွေစီးကျလာတယ် ၊

ယောင်္ကျားဖြစ် သူနဲ့ သားဖြစ်သူ ကိုတစ်ချိန် တည်း မှာ ဆုံးရုံးလိုက်ရ၍ သူ့ရင်ထဲ မှာဘယ်လောက်ထိ ကြေကွဲ ခံစားသွားရမယ် ဆိုတာကို စာဖတ်သူတို့အနေနဲ့ တွေးကြည့်ရင် မျက်လုံးထင်မှာ မြင်ယောင်မိမှာပါ၊

ဦးသာထွန်းအောင် ရဲ့ သမီး ဖြစ်သူ မှာ လည်းယူကျုးမရ ငိုကြွေးနေတယ်၊သူမောင်နဲ့ သူအဖေ ဖြစ်သူကို ဆုံးရှံးလိုက်ရ ပြိီ ။
ဒီဘဝအတွက် အတူနေခိုင်ခွင့်ဟာ ဒီနေ့မှာ ကုန်ဆုံးသွားပြီဆို တာသိလိုက်လေပြီ ၊

သမီးဖြစ်သူမှာက ကိုယ်ဝန် လွယ်ထားရတယ်၊ဦးသာထွန်းအောင်ရဲ့ ချွေးမ ဖြစ်သူ ဒေါ်လှနုခင် မှာလည်း တတိယ မြောက် ရင်သွေးလေးဖြစ်လာမယ့် ကိုယ်ဝန်လေး ကို လွယ် ထားတဲ့ အချိန်ပေါ့၊

မွေးဖွားလာမဲ့ ကလေးဟာ လူ့လောကကြီးမှာ အဖေ ခေါ်စရာ လူမရှိတော့ ပါဘူး။
ပြီတော့ သူ့အဖေ ကိုတောင် သူ မမြင်ဖူးလိုက်တော့ ရှာဘူး၊
ဦးသာထွန်းအောင်ရဲ့ သမီး အငယ်ဆုံးက တော့ ကျောင်းသူပါပဲ၊
ဒီ အချိန်မှာ ငိုကြွေးနေရာကနေ ဦးသာထွန်းအောင်ရဲ့ သမီးဖြစ်သူဟာ အခင်းဖြစ်ပွားတဲ့ နေရာကို သွားရန် အိမ်ပေါ် ကနေ ပြေးဆင်း သွားတယ်။

သူ့နောက်က သူမိသားစုတွေရော အိမ်ဘေးနားက သူဆွေမျိုး တွေရော လိုက်ပါသွားကြတယ်။
အခင်းဖြစ်ပွား ရာနေရာ ကိုရောက်တော့ လူယုတ်မာ စစ်သားတွေ က ထွက်ပြေး ကုန်ပြီ။ ရွာသားတွေနဲ့ အတူ ဦးသာထွန်းအောင် ရဲ့ မိသားစုဝင်တွေ ဟာ စစ်တပ် စခန်းချ ထားရာ ဆင်ကူးလမ်းရပ်ကွက် ရှိ စီးပွားကူးသန်း ရုံးဆီကို သွားကြတယ်။

ရုံးရှေ့ ကို ရောက်သွားတော့ စစ်တပ်ကို တောင်းဆိုမူ တွေလုပ်ကြတာပေါ့။
လူသတ်တရားခံ နှစ်ယောက် ကို ထုတ်ပေးရန် တရားဥပဒေ အရ ဆောင်ရွက်ပေးရန် တောင်းဆို ကြတယ်။

ဒီအချိန်မှာ ပဲ အနီးက ရပ်ကွက်တွေ ဖြစ်တဲ့ ရွာကြီးမြောက် ရပ်ကွက်က ပြည်သူတွေရော ဆင်ကူးလမ်း ရပ်ကွက် ရှိ ပြည်သူတွေပါ ရောက်ရှိလာကြတယ်။

ဒါပေမယ့် စစ်တပ် က ပြည်သူတွေ အပေါ် မှာ လိမ်ညာ နေရုံ မကဘူး ရှေ့ တိုးလာတဲ့ သူကို ပစ်ထည့် လိုက်မယ်ဆို ပြီး အာဏာကို လက်နက် အားကိုး နဲ့ သုံးပြနေတယ်လေ။

နောက်ဆုံး မတတ်နိုင်တဲ့ အဆုံးမှတော့ ဦးသာထွန်းအောင်ရဲ့ သမီး ဖြစ်သူကပဲ လူထုကို နားလည်အောင်ပြောပြတယ် ။

ကျမ တို့ ဒီလိုက ဆက်ပြီး တောင်းဆိုနေလို့ကတော့ ထူးလာမှာမဟုတ်ဘူး၊
ဒီတော့ ကျမတို့ အိမ်ပြန်ကြမယ် - လုပ်စရာ ရှိတာတွေကို လုပ်ဖို့ ကျန်နေသေးတယ် လို့ ပြောလိုက်မှ လူထုဟာ ကိုယ့်အိမ်ကို ပြန်ကြတယ်။

ဒီနေရာမှာ ဦးသာထွန်းအောင်ရဲ့ သမီး ဖြစ်သူဟာ နိုင်ငံတစ်နိုင်ငံ ရဲ့ ဥပဒေ ကို လိုက်နာ လေးစားတဲ့ သူတစ်ယောက် ဖြစ်ကြောင်း ကို သူပြောခဲ့ စကားတွေကို ကြည့်ခြင်းအားဖြင့် ပေါ်လွင်စေပါတယ် ။

သူ့အဖေ နှင့် သူ့ရဲ့ တစ်ဦးတည်းမောင်လေးဟာ ရက်ရက်စက်စက် အသတ် ခံလိုက်ရပေမဲ့ ဥပဒေ ဘောင်အတွင်းကနေ ဖြေရှင်းချင်တဲ့ စိတ်ဟာ နိုင်ငံသားကောင်းတစ်ယောက် ရဲ့ စိတ်ဓါတ်ပါပဲ၊

ဒါဆိုရင် ပြည်သူ တွေ ဟာ ဘယ်လိုလူမျိုး တွေ ဆိုတာကို စာဖတ်သူတို့ အနေနဲ့ သိလောက်မယ် လို့ထင်မိပါတယ်၊
နောက်နေ့မှာတော့ ကွယ်လွန်သွားတဲ့ ဦးသာထွန်းအောင် နှင့် သားဖြစ်သူ ဘတင်အောင် ရဲ့ အသုဘ အခမ်းနားကို လူထောင်နဲ့ ချီ၍ လာရောက်ကြတယ်။

နောက်တစ်ပတ်လောက် အကြာတွင် တရားရုံးမှာ တရား စီရင် ချက်ချတယ်။ တရားခံ ဖြစ်တဲ့ အရာရှိဟာ သူ့လက်အောက် ငယ်သား တပည့်ဖြစ်သူ ကို ဒီအမူ့ အားလုံး ကို တပည့် ဖြစ်သူ တစ်ယောက်တည်း ကျုး လွန်ကြောင်းဝန်ခံ ရန် နှင့် ကျန်ခဲ့မယ့် သူ့ မိသားစုအား ထောက်ပံ ပေးမည် ဟုပြောရာ တပည့် ဖြစ်သူက အမူ့ အားလုံးအား သူတစ်ယေက်တည်း ကျုးလွန်ကြောင်း ဝန်ခံ သွားတယ်။

တရားခံကို တရားသူကြီးက ထောင်ဒဏ် (၈) နှစ်ချမှတ်လိုက်တယ်။
တရာခံ နာမည် ကတော့ ပန်းမွှေး ဖြစ်ပါတယ်။

ယခု အချိန်တွင် ပန်းမွှေး သည်ထောင်က လွတ်သွားတာကြာပြီ ဖြစ်ပေမယ့် သေသွားတဲ့ လူနှစ်ယောက်ကတော့ အသက်ပြန် မရှင်လာတော့ ပါဘူး။
ဒီအဖြစ်ပျက်ကြောင့် အုန်းတပင်ရပ်ကွက် မှ ကျောင်းဆရာကြီး(ကွယ်လွန်) တစ်ဦးမှာလည်း ကျည်မှန်သွား တာကြောင့် ခြေထောက် တစ်ဖက် ဖြတ်လိုက်ရတယ်။

နောက်တစ်ယောက် မှာ လက်တစ်ဖက် ဖြတ်လိုက်ရတယ်၊
မောင်ခင်လှ ဆိုတဲ့ တစ်ယောက် ကတော့ ယခု အချိန်ထိ စိတ်ဝေဒနာ ရှင် တစ်ယောက် ဖြစ်နေတယ်။
စစ်အစိုးရဟာ ပြည်သူတွေ အပေါ်တွင် ယခုလို လူမဆန်တဲ့ ရက်စက်မူ့ တွေ အများကြီး ရှိနေတာကြောင့် မြန်မာနိုင်ငံတွင် စစ်အစိုးရ ရှိတဲ့ ကာလ ပတ်လုံး ဒီလို အဖြစ်ပျက်တွေ လည်း နောက်ထပ် ရှိနေအုံးမယ် ဆိုတာ ပြည်သူတွေ အနေနဲ့ အထူး သိထားဖို့ လိုအပ်ပါတယ် ။

အုပ်ချုပ်သူ လူတန်းစား တစ်ရပ် ဟာ လက်နက်အားကိုး နဲ့ တိုက်ခိုက် သွားတဲ့ လေပြည်ထဲက မျက်ရည်တစ်စ ပါပဲ ။
ဆောင်းပါးရှင်- မိုးသီး 29/ 6/ 2011

-------------------------------

“ရွှေပြည်စိုး၊ ဘိုင်အိုမင်းသစ် နှင့် ၆၆ နှစ်စာ သောက”

ပြည်သူ့အမြင်စာစောင်၏ တာဝန်ခံ ဆရာရွှေပြည်စိုးက ဒေါ်အောင်ဆန်းစုကြည် ၆၆ နှစ်မြောက်မွေးနေ့အတွက် အမှတ်တ ရတခုခု ရေးပါ လားဟုတိုက်တွန်းတော့ ကျနော့်စိတ်က စာရေးဆရာ၊ ကျူရှင်ဆရာ ဘိုင်အိုမင်းသစ်ဆီရောက်သွား၏။

၁၉၈၈ ခုနှစ် လူထုအုံကြွမှုကာလတွင် စင်ပေါ်သို့ လူအတော်များများ တက်လာကြ၏။ ကိုယ်သန်ရာသန်ရာ ထောင့်များ မှနေ၍ လူထု အားစည်းရုံးသိမ်းသွင်း လှုံ့ဆော်ခဲ့ကြ၏။ သို့နှင့် ကျနော်တို့လည်း ထိုသူများအနက် သင့်ရာတော်ရာသူ များအားဖိတ်ကာ တရားပွဲ တွေလုပ်ဖြစ်၏။ တကြိမ်တွင် အခြားသူများနှင့်အတူ ဆရာဘိုင်အိုမင်းသစ်လည်းပါ၏။

တ ယောက်ပြီးတယောက် ဟောကြပြောကြရင်း သူ့အလှည့်ရောက်တော့ သူက သူဟောမည့်ပရိသတ်သည် လူကြီးများမ ဟုတ် ကြောင်း အစချီကာ မူလတန်းအလယ်တန်းကလေးများအား ရှေ့ဆုံးတွင် နေရာယူ စေ၏။ ထို့နောက် လူကြီးများ အား တရား ဟောမည်မဟုတ်ကြောင်း၊ သူနှင့်ကလေးများအမေးအဖြေသာ လုပ်မည်ဖြစ်ကြောင်း၊ လူကြီးများ ကိုယ့်နေ ရာကိုယ်နေပြီး သူနှင့် ကလေးများကိစ္စတွင် ဝင်မပါစေလိုကြောင်းဆို၏။

စစခြင်း သူက “သားတို့သမီးတို့ရေ..ဗိုလ်မင်းရောင်ခေါ်ဗိုလ်လရောင်ကို သိကြသလား” ဟု မေး၏။

ကလေးများက “သိပါတယ်.. သိပါတယ်”ဟု ဆိုတော့ “သိရင် ဘယ်သူလဲ” ဟု ထပ်မေး၏။

ကလေးတို့က “ဗိုလ်ချုပ်အောင်းဆန်းရဲ့ အဖိုးပါ” ဟု အုံးအုံးကြွက်ကြွက် ပြန်ဖြေ၏။

“ဒါဆိုရင်.. “ဦးဖါနဲ့ဒေါ်စုကိုရော” ဟုမေးတော့ ကလေးတို့က “ဗိုလ်ချုပ်အောင်ဆန်း အဖေနဲ့အမေပါ” ဟု သံပြိုင် ဖြေပြန်၏။

“ဒါဖြင့် နောက်ဆုံးတခုမေးမယ်” ဟုဆိုပြီး “ဒေါ်အောင်ဆန်းစု ကြည် ကိုရော” ဟုထပ်မေးပြန်၏။

ကလေးတို့ကလည်း သိကြောင်းပြောပြန်၏။ “သိရင် ပြော.. ဘယ်သူလဲ” ဟုဆို တော့ ကလေးတို့က “ဗိုလ်ချုပ်အောင်ဆန်း သမီးပါ” ဟု သံပြိုင်ပြန်ဖြေ၏။

“မင်းတို့ကလည်း အကုန်သိနေတော့တာပါပဲလား” ဟုဆိုကာ နဖူးကိုလက်ဖြင့် ရိုက်ပြီးနောက် “ကဲကွာ ဒါလောက် တောင် သိတဲ့ ကောင်တွေ” ဆိုပြီး “ဦးနေဝင်းကိုရောသိကြလား” ဟု အသံမြှင့်ပြီးမေး၏။

ကလေးတို့ကလည်း အားကျ မခံ အသံကုန်အော်ပြီး “သိပါတယ် သိ ပါတယ်” “ပါတီဥက္ကဋ္ဌကြီးပါ..ပါတီဥက္ကဋ္ဌကြီးပါ” ဟုပြောပြန်၏။

 “ဟာ..ဒီကောင် တွေ သိပြန်ပြီ။ ကဲကွာ ဒါဆို ပြောကြစမ်း အဲဒီ ဥက္ကဋ္ဌကြီး အဖေနဲ့အမေ နာမည်တွေ” ဟုလည်းဆိုလိုက်ရော ကလေး တို့ဆီက ဘာသံမှထွက်မလာတော့။ အားလုံးတိတ်ပြီးငြိမ်ကျသွား၏။

 သည်တော့မှ သူက “အဲဒါပဲ… ရှေးလူကြီးတွေ ပြောတဲ့ လူမှာအမျိုးကြက်မှာအရိုးဆိုတာ..” ဟု ပိတ်ချလိုက်တော့၏။ ကလေးပရိသတ်က ကြောင်နေဆဲ၊ လူကြီးပရိ သတ်ထံမှ လက်ခုတ်သံတွေတဖြောင်းဖြောင်း၊ လက်ခေါက်မှုတ်သံတွေတရွှီရွှီ၊ ပရိသတ်ကားပတ်တုတ်လို့မရတော့။

လောကတွင် လူတို့ မွေး၏။ နေ၏။ သေ၏။ ဘာမှမဆန်း။ သို့သော် လူတဦးခြင်းစီအလိုက် အမွေး၊ အနေ၊ အသေတွင် မူ ယုတ်ခြင်း၊ လတ်ခြင်းနှင့်မြတ်ခြင်းရှိ၏။ လူတို့က လူတဦးချင်းစီ၏ တန်ဖိုးဆိုသည်ကိုလည်း ထို အယုတ်၊ အလတ်၊ အမြတ်နှင့် အမွေး၊ အနေ၊ အသေ ဆို သည့် နှုန်းစံတို့ဖြင့် ချင့်တွက်ကြ၏။ လူတို့အတွက် မဆန်းသောကိစ္စသည် လူတ ဦးချင်းစီအတွက် ထူး၏။

မမွေးခင်ကပင် သန္ဓေမြတ်နှင့်သူ၊ မွေးမွေးခြင်း လောကကောင်းချီးရသူတို့အကြောင်း ဗုဒ္ဓဝင်၊ ခရစ်ဝင်နှင့် ကိုရ်အန် ကျမ်းစာများ၌ သာမက သူမြတ်တို့အကြောင်း စာပေများတွင်ပါတွေ့ရ၏။

ထိုမျှ မကြီးမြတ်ငြားလည်း ထိုက်သလောက်ကြီးမြင့်သူတို့၏ နေခြင်းအတွက် လောကဝမ်းမြောက်ရသလို၊ ထိုသူတို့၏ သေခြင်း၌ လောကနာကျင်ရ၏။ ထိုသူတို့နေခြင်းအား ကမ္ဘာမြေသည်အမွန်မြတ် အထွဋ်တပ်သလောက် ထိုသူတို့ သေ ခြင်းအား သင်္ခါရတို့၊ အနိစ္စတို့နှင့် နှလုံးသွင်းသည့်တိုင် စုပ်တသတ်သတ်ဖြစ်ရ၏။ “အသေစောလိုက်တာ” ဆိုသည့် မြည်တမ်းသံသည် ထိုသူတို့အား အကြောင်းပြု၍လာခြင်း ဖြစ်တန်ရာ၏။

မမွေးခင်ကပင် သန္ဓေယုတ်နှင့်သူ၊ ဖွားသည့်မိခင်၏ ဝမ်းရည်စပ်ရသူတို့အကြောင်းလည်း လောကီနှင့်လောကုတ္တရာ စာပေတို့တွင် တွေ့ရ၏။ ထိုသူတို့မွေးဖွားလာခြင်းအတွက် လောကညည်းတွားရသလို ထိုသူတို့သေဆုံးခြင်း၌ ပီတိဖြစ် စရာမဟုတ်သည့်တိုင် လောက ဝမ်းမြောက်ရသည်လည်း ရှိ၏။ “သက်ဆိုး(ဇိုး)တော်တော်ရှည်ခဲ့တာ” ဆိုသည့် ငြီး တွားသံသည် ထိုသူတို့အားအကြောင်းခံခြင်း ဖြစ်တန်ရာ၏။

ကျနော်တို့သည် “အသေစောလိုက်တာ” ဟု ဆိုစမှတ်တွင်လောက်အောင် ကြီးမြတ်သူတို့နှင့် ထိုက်တန်ခဲ့သူများဖြစ် သလို၊ “သက်ဆိုး (ဇိုး) တော်တော်ရှည်” များနှင့်လည်း နေနေရ၏။

ကျနော်တို့တွင် ကနောင်မင်းသားကြီးကိုရခဲ့ဖူး၏။

တန်ဖိုးထားရကောင်းမှန်းမသိသူတို့လက်ချက်ဖြင့် သူရော သူ့နိုင်ငံပါ ဆုံးရှူံးခဲ့ရဖူး၏။

ကျနော်တို့တွင် ဗိုလ်ချုပ်အောင်ဆန်း ကို ရခဲ့ဖူး၏။ အထွဋ်တင်ရကောင်းမှန်း မသိသူတို့လက်ချက်ဖြင့် သူရော သူ့တိုင်း ပြည် ပါ နစ်နာနေရ၏။

ကျနော်တို့တွင် ယခု ခေါင်းဆောင်တယောက် ရပြန်၏။

ယခုတိုင် ရှင်သန်နေရ ဆဲသည် ကောင်းပါ၏။

သို့သော် ပြည်ဖျက်သူတို့၏ လက်ဖျစ် တတွက်တွင် ထိုခေါင်းဆောင်၏ အသက်တာသည် ရေပွက်ပမာဖြစ်မသွားဟု မည်သူမှ မဆိုနိုင်ကြ။ သောကဖြင့် အကောင်းကို မျှော်ကြည့်ရခြင်းသည် ပူလောင်၏။ ဒွိဟ စိတ်ဖြင့် မျှော်ကိုးရခြင်းသည် မချင့်မရဲ ဖြစ်ရ၏။ အပူကင်း အကောင်းမြင်၊ ဧကစိတ်ချင့်ချင့်ရဲရဲဖြင့် ကိုးစားရခြင်း၌ အ သက်ရာကျော်ပါစေဟုသာ ဆိုချင်၏။

မျိုးမြင့်ချို

(ဒေါ်အောင်ဆန်းစုကြည် ၆၆ နှစ်ပြည့် မွေးနေ့ အမှတ်တရ)

21/6/2011

------------------------------

အားသစ် အင်သစ် မျှော်လင့်ချက်အသစ်တွေ

(၁)
လာမည့် ဇွန်လ (၁၉) ရက်နေ့ဟာ အမေ ဒေါ်အောင်ဆန်းစုကြည်ရဲ့ (၆၆) နှစ်ပြည့် မွေးနေ့ပွဲဖြစ်ပါတယ်။ ဒီနှစ်ကျရောက်တဲ့ မွေးနေ့ပွဲကတော့ မင်္ဂလာရှိသော၊ ပြီးပြည့်စုံသော၊ ပျော်ရွှင်ဖွယ်ကောင်းသော မွေးနေ့ပွဲ ဧကန် မလွဲ ဖြစ်မယ်လို့ ယုံကြည်ပါတယ်။ ဘာကြောင့်လဲ ဆိုတော့ မွေးနေ့ပွဲကို နှစ်ပေါင်း ဆယ်စုနှစ်တချို့ ပိုင်ရှင်မဲ့ ပြုလုပ်ခဲ့ရတာ ဖြစ်ပြီး ဒီနှစ်မှာ ထူးထူးခြားခြား မွေးနေ့ရှင် အမေစု ကိုယ်တိုင် အပြင်မှာ လွတ်လွတ် လပ်လပ် ကျင်းပရတော့မှာမို့ ဖြစ်ပါတယ်။

ပိုင်ရှင်ရှိတဲ့ မွေးနေ့ပွဲ ဖြစ်တဲ့ အတွက် မြန်မာပြည်သားတွေ အတွက် သာမက ကမ္ဘာကပါ အထူး ၀မ်းသာတဲ့ ပွဲဖြစ်မှာပါ။ အမေစုရဲ့မွေးနေ့ပွဲကို ဒီနှစ်မှာတော့ အနုပညာသည်တွေပါ ပူးပေါင်းပါဝင် ဆင်နွှဲကြမယ်ဆိုတဲ့ သတင်းကြားရတာ အတိုင်းထက် အလွန် ၀မ်းသာလို့ မဆုံးပါဘူး။ ဒီမိုကရေစီ လိုလားသူ အမှန်တရား အတွက် ရဲဝံ့စွာ တိုက်ပွဲ ၀င်နေကြတဲ့ မြန်မာပြည်သူ၊ ပြည်သားတွေ အားလုံး ပါဝင် တက်ရောက်ကြလိမ့်မယ် လို့ ယုံကြည် မျှော်လင့်မိပါတယ်။

(၂)
ပြည်တွင်းမှာ အခုလို အမေစုရဲ့ မွေးနေ့ပွဲ ပြုလုပ်နေကြချိန် ကျမတို့လို ပြည်ပရောက် မြန်မာ့အရေး လှုပ်ရှားသူတွေကလည်း ရောက်ရှိရာနိုင်ငံ၊ ရရှိတဲ့အခွင့်ရေးကို အသုံးချလို့ အမေစုရဲ့ မွေးနေ့ပွဲကို မဖြစ် ဖြစ်တဲ့နည်းနဲ့ ကျင်း ပပြုလုပ်သွားကြမှာ ဖြစ်ပါ တယ်။ အဆိုတော်တွေ အနုပညာရှင်တွေကလည်း သူတို့ အနုပညာ အစွမ်းဖြင့် အမေ့ မွေးနေ့ပွဲကို ဂုဏ်ပြုကြဖို့အစီအစဉ်တွေ ပြုလုပ်နေကြပါပြီ။

ကျမတို့ အခုလို ဘာကြောင့် အမေ ဒေါ်အောင်ဆန်းစုကြည်ရဲ့ မွေးနေ့ပွဲကို မှတ်မှတ်ရရ ပြုလုပ်ကြသလဲဆိုရင် မြန် မာပြည်သူ၊ ပြည်သားတွေအပေါ်ထားရှိတဲ့ အ မေ့ရဲ့ အနှိုင်းမဲ့ အနစ်နာခံ စွန့်လွှတ် ပေးဆပ်မှုတွေနှင့် ဦးဆောင် လမ်းပြမှုတွေကြောင့် လို့ပြောရ မှာပါ။ ကျမတို့နိုင်ငံ လွတ်လပ်တဲ့ ဒီမိုကရေစီ နိုင်ငံ မဖြစ်ဖြစ်အောင် လုပ်ဆောင်ရာမှာ အမေ့ရဲ့အသက်ကိုတောင် ပဓာနမထားခဲ့ဘူး ဆိုတာ လက်တွေ့ပေါင်း များစွာနဲ့ ကျမတို့ သိရှိခဲ့ရပါပြီ။

ဒီထက် ပိုလို့လည်း အမေ့ရဲ့ စိတ်ဓါတ်နဲ့ ခွန်အားတွေကို မြန်မာပြည်ကြီး အတွက် အကောင်းဆုံးဖြစ်အောင် ပေးဝေနေဦးမှာပါ။ ဘယ်တော့မှ ဘာအကြောင်းနှင့်မှ တွေဝေတုန့်ဆိုင်းနေမှာ မဟုတ်ပါဘူး။ အမေစုကတော့ ကျမတို့ မြန်မာနိုင်ငံဒီမိုကရေစီရဖို့ သူ့ ဘ၀ တခုလုံးကို ပုံအပ်ပြီး အကောင်းဆုံး ပေးဆပ်မြဲ ပေးဆပ်နေဦးမှာဖြစ် တယ်လို့ ကျမ ယုံကြည်ပါတယ်။
ဒါကြောင့်လည်း မြန်မာနိုင်ငံသားတွေသာမက ကမ္ဘာကပါ အမေ့ကို ချစ်ခင် လေးစားလျက်ရှိတာမို့ ဆုတံဆိပ်ပေါင်း များစွာဖြင့် ချီးမြှင့် ဂုဏ်ပြုလိုက်ကြတာ ယနေ့ ထိ မစဲနိုင်အောင်ပါပဲ။
အမေ့ရဲ့ ဂုဏ်ရည်တွေထဲမှာ လက်နက်နှင့် ရမ်းကားနေသူတွေကို လက်နက်မဲ့ နှလုံးရည်ဖြင့် ခုခံတိုက်ပွဲ ၀င်နေခြင်းဟာ အံ့အားသင့် လောက်တဲ့ ဂုဏ်ရည်ဖြစ် ပါတယ်။ အမေ့ရဲ့အသက်ကို တခုခုဖြစ်မှာကို ကျမတို့မြန် မာပြည်သားတွေသာမက နိုင်ငံတကာကပါ စိုးရိမ်စိတ်ဖြင့် အမြဲသတိပေးနေကြရတာပါ။
အခုဆို အမေ ဒေါ်အောင်ဆန်းစုကြည်ဟာ မအားလပ်တဲ့ကြားက နယ်မြို့ တွေကို ခရီး စထွက်ဖို့ ပြင်ဆင်နေပါပြီ။ လူငယ် ကွန် ယက်အဖွဲ့တွေနဲ့ ပါတီဝင်တွေကလည်း အမေ့အတွက် အသက်ပေးလို့ ကာကွယ်စောင့်ေ ရှာင့်ကြဖို့ ပြင်ဆင်နေကြပါ တယ်။ မနာလို မရှုစိမ့်နိုင်သူတွေကတော့ ဘယ်လို အကွက်ဆင်ပြီး လုပ်ကြံသတ်ဖြတ်ရမလဲ ဆိုတာ စဉ်းစားနေကြလိမ့်မယ်လို့ ကျမ သံသယဖြစ်မိပါတယ်။ မြေခွေးလို ကောက်ကျစ်တဲ့စိတ်နဲ့ အချိန်မရွေး ချောင်းမြောင်း တိုက်ခိုက်ချင်နေကြတာပါ။ ဒီပဲယင်း၊ ဂွတ္တလစ်၊ ဓနုဖြူ စသဖြင့် လုပ်ကြံ သတ်ဖြတ်ဖို့ အကြိမ်ကြိမ် ပြုလုပ်ခဲ့ကြတာပါ။ သူတော်ကောင်း နတ်ကောင်း စောင်မတယ် ဆိုတဲ့ စကား ကိုတော့ ကျမ လက်ခံယုံ ကြည်ချင်ပါတယ်။ တရားကို စောင့်သောသူကို တရားကလည်း ပြန်စောင့်ရှောက်တယ် ဆိုတာ ဒါမျိုးပဲ လို့ဆိုရင် ရမယ် ထင်ပါတယ်။ အမေစုကို ဘယ်လိုပင်လုပ်ကြံသတ် ဖြစ်မှုတွေပြုလုပ်ခဲ့ပေမယ့် အမေဟာ အသက်ဘေးမှ အကြိမ်ကြိမ် လွတ်မြောက်လာနိုင်ခဲ့ပါတယ်။ ကျမ နားလည်သလို ဘာသာပြန်ကြည့်ရရင် လူထုကို အကာအကွယ်ပေး ချင်တဲ့၊ ပေးဖို့ ကြိုးပမ်းနေ တဲ့ အမေစုကို လူထုက ပြန်ပြီးအကာ အကွယ်ပေးကြ တာဖြစ် တယ်လို့ ဆိုချင်ပါတယ်။

(၃)
မွေးနေ့ရှင်ကိုယ်တိုင် ကျင်းပနိုင်လို့ အတိုင်းမသိ ပျော်ရွှင်လိမ့်မယ် ဆိုပေမယ့် အပြည့်အ၀မှ ပျော်နိုင်ပါ့မလား ကျမ စိုးရိမ်မိပြန်တယ်။ ဘာကြောင့်လဲ ဆိုတော့ နအဖဗိုလ်ချုပ်ကြီးများရဲ့ ကလေးကလား အပြုအမူတွေေ ကြာင့်ပဲ ဖြစ်ပါ တယ်။

သူတို့အခေါ် လွတ်ငြိမ်းချမ်းသာခွင့် (ထောင်ဒဏ်တနှစ်ပဲ လျှော့ပေါ့ပေးတယ် ဆိုတဲ့ ကြေညာချက်) ကြောင့် ယုံကြည်ချက် အတွက် ပေးဆပ်နေကြတဲ့ နိုင်ငံရေး အကျဉ်းသား၊ အကျဉ်းသူပေါင်း (၄၇) ဦးပဲ လွတ်မြောက် လာခဲ့ပါတယ်။ အမေ ဘယ်လိုခံစားရလေမလဲ။ စိတ်တို ဒေါသ ထွက်မှုတွေနဲ့ တပြိုက်နက်ထဲမှာလည်း စိတ်မကောင်း ဖြစ်မိမှာ အမှန်ပါ။ နိုင်ငံရေးအကျဉ်းသားတွေကို လွတ်မြောက် စေချင်တဲ့ သဘောထက် နိုင်ငံတကာ နဲ့ ပြည်သူလူထုရဲ့ဖိအားကနေ အရပ်ဝတ် အမည်ခံ စစ်အစိုး ရ လွတ်မြောက်ချင်တာက အဓိက ဖြစ်နေတာက ကလေးလေးတောင် သိနိုင်ပါတယ်။

အမေစုပြောနေကျစကား ဖြစ်တဲ့ နိုင်ငံရေး အကျဉ်းသား အားလုံး ချွင်းချက် မရှိ ပြန်လွှတ်ပေးရေးနဲ့ အမျိုးသား ပြန်လည် သင့်မြတ်ရေးကို ကျမတို့ ဆက်လက် တောင်းဆို တိုက်ပွဲ ၀င်ကြရပါလိမ့်မယ်။

(၄)
နှစ်စဉ်နှစ်တိုင်း နိုင်ငံတကာရောက် မြန်မာပြည်သားတွေသာမက ကမ္ဘာကပါ အမေ့မွေးနေ့ပွဲကို ပုံသဏ္ဌာန် အမျိုးမျိုးနဲ့ သရုပ်ဖော်လို့ လုပ်ဆောင်ခဲ့ကြပါတယ်။ ဒီနှစ်မှာလဲ ဗြိတိန်နိုင်ငံမှာ ပန်းချီဆရာတွေ အမေစုရဲ့ပုံတူ ပန်းချီကားတွေ ရေးဆွဲပြီး အမေ့ကို ဂုဏ်ပြုတဲ့ ပန်းချီးကားပြပွဲ ပြုလုပ်နေပါပြီ။ အလားတူပဲ နိုင်ငံ တကာေ ရာက် မြန်မာပြည်သား ဒီမိုကရေစီလိုလားသူတွေနဲ့ အထူးသဖြင့် ထိုင်းနိုင်ငံမှာရောက်ရှိနေ ကြတဲ့ ရွှေ့ပြောင်း အလုပ်သမားတွေကလည်း သွေးလှူပွဲကြီး ခြိမ့်ခြိမ့်သဲသဲ ပြုလုပ်ကြ ဖို့ လုပ်ဆောင်နေကြပါပြီ။
ပြည်ပရောက် မြန်မာနိုင်ငံသားတွေထဲမှာ ရွှေ့ပြောင်းအလုပ်သမားတွေက အမေ့ရဲ့မွေးနေ့ပွဲကို ပိုလို့တန်ဖိုးထား လုပ်ကိုင်ကြတယ်လို့ ကျမတော့ မှတ်ချက်ချချင် ပါတယ်။ ဘာကြောင့်လဲ ဆိုတော့ နှစ်စဉ်နှစ်တိုင်း အမေ့ရဲ့ မွေးနေ့ပွဲကို ဂုဏ်ပြုသော အားဖြင့် သွေးလှူပွဲ၊ ဆုတောင်းပွဲ၊ ငါးလွှတ်ပွဲ၊ ပန်းချီပြပွဲ စာစီစာကုံး ပြိုင်ပွဲ၊ ကဗျာပြိုင်ပွဲ စတဲ့စတဲ့ ပွဲတွေပြုလုပ်ကြတဲ့အခါ အလုပ်သမားတွေဟာ အလုပ် ရှင်က အလုပ်ထုတ် သည်ဖြစ်စေ၊ အပြစ်ပေးသည်ဖြစ်စေ၊ ဘယ်လိုမှဂရုမစိုက်ပဲ အတက်ကြွဆုံး တက်ရောက်ကြတာ ကျမ အကြိမ် ကြိမ်ကြုံခဲ့ ရလို့ပါ။ အမေ့ရဲ့မွေးနေ့ပွဲတွေမှာ တက်ရောက် လာတဲ့ အလုပ်သမား ဦးရေဟာလည်း တနှစ်ထက် တနှစ် တိုးသည်ထက် တိုးတိုးလာ တာကို ကြည့်ယုံနဲ့တင် ခန့်မှန်းနိုင်ပါတယ်။ မွေးနေ့ရှင် အမေစုကို ဂုဏ်ပြုတဲ့ ပွဲတွေကို ထိုင်းနိုင်ငံမှာ သာမက မလေးရှား ရောက်အလုပ်သမားတွေကလည်း ဘယ်လောက် အခက်အခဲ အဖမ်း အဆီးတွေ ရှိနေပါစေ။ အတတ်နိုင်ဆုံး စုပေါင်း ကုသိုလ်ပြု တဲ့ပွဲကို မဖြစ်ဖြစ်အောင် ပြုလုပ်တတ်ကြပါတယ်။
နိုင်ငံတကာမှာ အမေစုရဲ့ မွေးနေ့ပွဲတွေကို ပြုလုပ်ကြတဲ့ မြန်မာပြည်သား တွေဟာ အခွင့်အလမ်းချင်း တနိုင်ငံနဲ့ တနိုင်ငံ မတူကြပါ ဘူး။ မလေးရှားလို နိုင်ငံလို မျိုး၊ ထိုင်းလိုနိုင်ငံလိုမျိုးတွေမှာက ဒုက္ခတွေ ပိုလို့ကြီးပါတယ်။ တနှစ်ကဆို အမေ့ရဲ့မွေး နေ့ ပွဲကို တက် ရောက်လာကြတဲ့ မြန်မာပြည်သားတွေဟာ ပွဲပြီးလို့ အခန်းထဲက အထွက် အောက်မှာ အဆင်သင့် စောင့်ဆိုင်းနေတဲ့ မလေးရှားရဲ တွေရဲ့ ဖမ်းဆီး ခေါ်ဆောင်တာကို ခံကြရတာပါ။
အဲဒီလို အဖမ်းခံရနိုင်တယ်လို့ ခန့်မှန်းမိကြပေမယ့် အမေစုရဲ့မွေးနေ့ပွဲကို မကျင်းပဘဲ မနေနိုင်ကြပါဘူး။ အမေ ပေးဆပ်နေတာထက် ကျမတို့ပေးဆပ်ရတယ် ဆိုတာ ဘာဟုတ်တော့လို့လဲ ဆိုတဲ့ အတွေးတွေနဲ့ပါ။ ဘယ်လို အခက်အခဲကို မဆို မြန်မာပြည်သားတွေက ကျော်လွှား ဖြတ်သန်းလို့ အမေ့ကို ဂုဏ်ပြုကြမှာဖြစ်ပါတယ်။ အမေ့ရဲ့ အနှိုင်းမဲ့ မေတ္တာတွေကြောင့်လို့ဆိုရမှာပါ။
ကျမတို့လို ပြည်ပရောက်ဒုက္ခသည်တွေကတော့ အမေစုရဲ့ မွေးနေ့ပွဲကို ပြည်တွင်းမှာ ဂုဏ်ပြု တက်ရောက်ဖို့ အခွင့်အလမ်း မရှိပေမဲ့ အမေ့ရဲ့မွေးနေ့ပွဲမှာ အမေက ရပ်ဝေးရပ်နီးက လူထုတွေကို နှုတ်ဆက်လာမယ့် အမေ့ရဲ့ ပီတိ အပြုံးနဲ့ အမေ့ရဲ့ ခွန်းချွေစကား တွေကိုတော့ ကြားရမြင်ရမှာပါ။ ပြည်ပရောက် မြန်မာပြည်သားတွေအတွက် အမေ့အပြုံး အမေ့စကားတွေဟာ ခွန်အားတွေ ဖြစ်လို့နေမှာပါ။
(၅)
မနှစ်ကတော့ အမေစုရဲ့ မွေးနေ့ပွဲကို ပြည်တွင်းမှာ NLD ပါတီဝင်တွေ ဦး ဆောင်ပြီး သစ်ပင်စိုက်ပွဲတွေ ပြုလုပ်ကြပါ တယ်။ သစ်တပင်ကောင်း ငှက်တသောင်းနား နေနိုင်တာမို့ အမေ့ရဲ့ မေတ္တာ၊ ဂရုဏာတွေေ ကြာင့် ပြည်သူ အထောင်အသောင်း အေး မြ ချမ်းသာကြဖို့ ရည်ရွယ်ပြီး ပြုလုပ်ခဲ့ကြတယ်လို့ မှန်းဆမ်ိပါတယ်။
ဒီနှစ်မှာတော့ ပိုင်ရှင်ရှိတဲ့ မွေးနေ့ပွဲကို မြန်မာပြည်သား အားလုံး ပါဝင်ဆင်နွှဲ ခွင့်ရရှိမှာ ဖြစ်သလို အမေ့ရဲ့  မွေးနေ့ပွဲမှာ မင်္ဂလာ အပေါင်း နဲ့ ပြီးပြည့်စုံပြီး နိုင်ငံရေး အဓိပ္ပါယ်လည်း တစုံတရာ ကြီးလိမ့်မယ်လို့ ကျမယုံကြည် ပါတယ်။
အမေရဲ့သတ္တိ၊ အမေရဲ့ ခွန်အား အပြည့်ပါတဲ့ မွေးနေ့ အထိမ်းအမှတ် နှုတ်ခွန်းဆက်စကားဟာ မြန်မာပြည်သူ ပြည်သားတွေ အပါ အ၀င် အဝေးရောက် ဒီမိုကရေ စီလိုလားသူ ကျမတို့ အားလုံးအတွက် ဖြန့်ဝေပေးလိုက်တဲ့ အဆုံးအစ မရှိတဲ့ အားသစ် အင်သစ် မျှော်လင့်ချက်အသစ်တွေ ဖြစ်မှာ သေချာပါတယ်။
အမေ ဒေါ်အောင်ဆန်းစုကြည် ဒီထက်မက သက်ရှည်ကျန်းမာပြီး နိုင်ငံအကျိုး ဆထက်တိုး သယ်ပိုးနိုင်ပါစေလို့ ဆုတောင်းမေတ္တာပို့သလျက် ...

အင်ကြင်းမေ
-------------------

ဧည့်သည် 

လာရောက်ခိုနား
သူ ပျံသွားသော်
ကိုင်းဖျား ဆတ်ဆတ်ခါသတည်း။
မောင်ပေါက်စည် (မန္တလေး)

ခရီးအကြိမ်ကြိမ် သွားတတ်လေ့ရှိသော ကိုယ်သည် ခရီးသွားခြင်းနှင့်စပ်သော စကားတစ်ခွန်းနှင့်လည်း အလွန်ရင်းနှီးပါ သည်။ ထိုစကားမှာ ဧည့်သည်ဆိုသော စကားဖြစ်ပါသည်။ ကိုယ်သည် ဧည့်သည်လည်း အကြိမ်များစွာဖြစ်ဖူးသလို အိမ်ရှင် လည်း အကြိမ်များစွာ ဖြစ်ဖူးပါသည်။

 ကိုယ်က ဧည့်သည်ဖြစ်သဖြင့် အိမ်ပြန်ရသော အခါမှာပဲဖြစ်စေ၊ ကိုယ်ကအိမ်ရှင်ဖြစ် သဖြင့် အိမ်မှာကျန်ခဲ့ရသော အခါမျိုးမှာပဲဖြစ်စေ၊ ထူးခြားသော 'ဧည့်ရသ'တစ်ခုကိုတော့ ခံစားမိတတ်ပါသည်။ ထိုသို့ခံစား မိတတ်တိုင်း ဆရာမောင်ပေါက်စည်၏ ကဗျာလေးကိုလည်း သတိရမိတတ်ပါသည်။ ဧည့်သည်ဆိုသည်မှာ ငှက်တစ်ကောင် အလားပမာဖြစ်ပါသည်။

လူသားဘဝဆိုသည်မှာကလည်း တစ်နေရာထဲ၌ ရပ်တန့်ကာ နေထိုင်သွားနိုင်ဖို့ မလွယ်ကူတတ်ပါ။ ထိုအတွက် သွားလာ လှုပ်ရှား နေကြရစမြဲ ဖြစ်ပါသည်။ အပေါင်းအသင်းနှင့် နေထိုင်ကြရသောကြောင့်လည်း တစ်ဦးနှင့်တစ်ဦး ကူးလူးဆက်ဆံ နေကြရစမြဲလည်း ဖြစ်ပါသည်။ သွားချည့်တစ်ခါ၊ ပြန်ချည်တစ်လှည့်။ စုန်ခဲ့တစ်ဖန်၊ ဆန်ခဲ့တစ်ဖုန်။ မဆုံးနိုင်သော ဘဝ ဇာတ်ခုံဝယ် အိမ်ရှင်ဧည့်သည် အလဲလှယ်နှင့် မသေချာလှသော ဇာတ်ရုပ်တစ်ခုနှယ် ကပြအသုံးတော် ခံနေရစမြဲပင်။

သေချာသည်ကတော့ ဧည့်သည်ဆိုသည်မှာ အချိန်တန်လျှင် ပြန်မည့်သူသာဖြစ်သည်။ အကြောင်းအပေါင်းသင့်လို့ ထပ် လာချင် လည်း လာလည်နိုင်ပါသည်။ ထို့အတူ ထပ်လာ ချင်မှလဲ လာပေတော့မည်။  ပြန်လည်ဆုံတွေ့ရန် အခါအခွင့်ဆို သည်မှာ ရှိချင်မှသာ ရှိနိုင်ပေမည်။ ဧည့်သည်တစ်ယောက်သည် ဧည့်သည်တစ်ယောက်သာလျှင် ဖြစ်ပေမည်။   

ဧည့်သည်ဆိုသည်ကတော့ အစားစားရှိနိုင်သည်။ စိတ်အနွမ်းကို ပေးတတ်သောဧည့်သည်မျိုးရှိနိုင်သလို စိတ်အလွမ်းကို ပေးတတ် သော ဧည့်သည်မျိုးလည်း ရှိနိုင်ပါသည်။ ၄င်းအပြင် ခဏတာ လာရောက်လည်ပတ်သောဧည့်သည်၊ အချိန် အတန်ကြာကြာ လာ ရောက်သောဧည့်သည်စသဖြင့်လည်း ဧည့်သည်အမျိုးမျိုး ရှိနိုင်ပြန်ပါသည်။

မည်သို့သော ဧည့်သည် ပင်ဖြစ်စေ ခင်မင်ရင်းနှီးမှု အတိုင်းအတာပေါ် လိုက်၍ ထိုဧည့်သည် ပြန်သွားသည့်အခါ ခံစားရသော ခံစား ချက် တစ်ခုခု ဆိုသည်မှာကတော့ အိမ်ရှင်တွင် ကျန်နေတတ်ပါသည်။  မခွဲခွါလိုသေးခင်မှာ ခွဲခွါရသဖြင့် ဝမ်းနည်းခြင်း၊ စိတ်မ ကောင်းခြင်း စသော ခံစားမှုများ။ ထိုခံစားမှုကြောင့်  မျက်ရည်စများဖြင့် နှုတ်ဆက်လက်ပြခြင်းမျိုးလည်း ရှိနိုင်သလို ခွဲခွါစေလိုချိန်မှာ ဧည့်သည်ပြန်သွားသဖြင့် လွတ်လပ်ခြင်း၊ ဝမ်းမြောက်ခြင်းစသောခံစားမှုများ။ ထိုခံစားမှုကြောင့် ကျေနပ်ပျော်ရွှင်စွာ နှုတ် ဆက်နိုင်ခြင်းမျိူးလည်း ရှိနိုင်ပါသည်။

အနွမ်းပေးတတ်သောဧည့်သည် ပြန်လေသဖြင့် ပန်းကျန်ရစ်သောအဖြစ်သည် ယာယီအခိုက်အတန့်မျှ အိမ်ရှင်အဖို့ နွမ်းလျ နိုင်ပါ သည်။ သို့သော် တမ်းတစရာ မဟုတ်လေသမို့ အချိန်ကြာကြာ သတိတရ ရှိနေကောင်းမှ ရှိပါမည်။

အလွမ်းပေးတတ် သော ဧည့်သည် ပြန်လေသဖြင့် တမ်းကျန်ရစ်ရသောအဖြစ်သည် တစိမ့်စိမ့်စီးပျော်ဝင်သော ရေပမာ ခြောက်သွေ့ သွားဖို့ ခဲ ယဉ်းနိုင်ပါသည်။

ထာဝစဉ်မျှ ထင်ကျန်တော့လေမလားရယ်ဟုပင် တွေးထင်မိတတ်ပါသည်။

လာရောက်ခိုနားသော ငှက်ဆိုသည်မှာ ပျံချိန်တန်လျင်ဖြင့် ပျံလေမည်မှာ ဓမ္မတာသာပင်ဖြစ်သည်။ သို့သော် လာနားသော ငှက် ပျံလေသဖြင့် လှုပ်ခါကျန်နေခဲ့သော သစ်ကိုင်းကလေးအတွက်မူ မူလကဲ့သို့ ပြန်လည် တည်ငြိမ်ရန်ဆိုသည်မှာ အချိန် အခါတစ်ခုကိုဖြင့် အသေအချာပင် စောင့်ဆိုင်းရပေဦးတော့မည်။ ။

(ဝန်ခံချက်) လောကအလှမှ ရတနာ၏အတွေးကို ထပ်ဆင့်ခံစားပါသည်။

ဖော်ဝပ်မေးလ်မှ ရရှိပါသည်။ (သူရိယ) 6/6/2011

---------------------

အထင်နဲ့အမြင် - ဗမာ့သွေး

လူစည်ကားရာ နေရာ တခုနှင့် မနီးမဝေးသော လက်ဘက်ရည် ဆိုင် တခုတွင် လူငယ် နှစ်ဦး တစုံတခုကို မကျေနပ်သည့် ဟန်ဖြင့် ဒေါသမာန် ပြင်းပြစွာ ပေါက်ကွဲ ပြလျှက် ရှိနေသည် ။

ပထမလူငယ် ။ သမ္မတကြီး ကို ဒီလောက်ဆိုးဝါးလိမ့်မယ်လို့ လုံးဝကို မထင်ထားဘူးကွာ..။ အပြင်ပန်းက ကြည့်ရင် ဟုတ်သလို လိုနဲ့ အတွင်းကတော့ စုတ်ပြတ်သတ်နေတာဘဲ ..။

ဒုတိယ လူငယ် ။ ဟုတ်ပကွာ……..ငါတို့ကတော့ သူ့အပြောကို ကြည့်ပြီး အဟုတ်မှတ်ပြီး  ဒီနေ့ကိုအားခဲ ထားတာ။ အခုတော့ ခဲလေသမျှ သဲရေကျ ဖြစ်သွားရပါပြီကွာ..။ ငါတို့ကိုက အယုံလွယ်တာပါကွာ.

ပထမလူငယ် ။ အဲဒီလိုလည်း ဘယ်ဟုတ်ပမလည်းကွာ……..သူအခုလို လိမ်ညာမယ်လို့ မထင်လို့ပေါ့ကွာ.။ ငါတို့ နှစ်ယောက်ထဲ အလိမ်ခံရတာမှ မဟုတ်တာကွ…….မင်းမြင်တဲ့အတိုင်း အလိမ်ခံရတဲ့ အများကြီးပါဘဲကွ….။ စိတ်မပျက်ပါနဲ့ ကွာ.။ သမ္မတနားက လူတွေကလည်း ကလိမ်ကကျစ်တွေနဲ့ မထင်ထားလောက်အောင်ကို စိတ်ဓါတ်တွေကလည်း အောက်တန်းကျပါ့ကွာ.

ဒုတိယ လူငယ် ။ သူတို့က တနပ်စားဥာဏ်နဲ့ လုပ်စားနေကြတာပါကွာ….. မသိသေးတဲ့ လူတွေက သူတို့ကို အဟုတ် မှတ်ပြီး အထင်ကြီးနေသမျှ အဲဒီကောင်တွေ ဆက်လုပ်စားနေအုံးမှာဘဲကွ

ပထမလူငယ် ။ သေချာတာပေါ့ကွာ… ဒီကောင်တွေ အပြောမှာ မျောသွားလို့ကတော့ ခံရပြီသာ  မှတ်ပေတော့။ အခြားလူတွေ လည်း လိမ်ကြတာဘဲကွာ..ငါ့ အထင် သမ္မတနားက လူတွေက ပိုပြီး ယုတ်မာသလိုဘဲနော် ။ ကြည့်လိုက်ရင် စတိုင်ကြီး တခွဲသားနဲ့ လူလိမ်တွေ ကောင်း စားနေချက်ကွာ…။

ဒုတိယ လူငယ် ။ တော်ပြီ နောက်ဆို သမ္မတကို လုံးဝ မယုံတော့ဘူး ။ ပထမလူငယ် ။ အေးကွာ ငါလည်း မင်းလိုဘဲ နောက်ဆို သမ္မတတော့ လုံးဝကို မယုံတော့ဘူး….။

ထိုလူငယ်နှစ်ဦးမှာ အပြန်အလှန်ပြောဆိုသော စကားများကို ကြည့်ကာ စားပွဲထိုး လူငယ်လေးများက ထူးဆန်းအံ့သြစွာစိုက်ကြည့် နေကြသလို ၊သူတို့ဘေးနား စားပွဲများမှ လူအများကလည်း အာရုံစိုက်ကာ နားထောင် လျှက် ရှိကြသည် ။ ဒါ့အပြင် သူတို့ အနားမှ ဖြတ်သွားသော လူအများကလည်း သူတို့ နှစ်ဦး၏ အားမာန်ပါသော ပြောဆိုနေသံများကြောင့် စိတ်ဝင်တစားဖြင့် ရပ်တန့်၍ နား ထောင်လျှက် ရှိနေကြချိန်တွင် အသက်အရွယ်အားဖြင့် ငါးဆယ်ခန့် ရှိသော လူတဦးက အလွန်တရာမှ နှစ်ထောင်းအားရ ရှိလှ သည့် ပုံစံဖြင့်

 “ မောင်ရင်တို့ နှစ်ယောက်ကိုတော့ ဦးလေး တကယ် လေးစားသွားပြီကွာ.. ။ အရွယ်သာငယ်တယ် တယ်လည်း သတ္တိကောင်းကြ ပါလား ကွ..။ မောင်ရင်တို့လို လူငယ်တွေကို မြင်လိုက်ရတာ ဒို့တိုင်းပြည် အတွက်တော့ အားတက်စရာကောင်းပကွာ….”

လူငယ်နှစ်ဦးမှာ ထိုသူ၏ ပြောစကားကြောင့် သူတို့ပြောလက်စ စကားကို ခတ္တရပ်နားကာ ထူးဆန်းအံ့သြစွာ ပြန်ကြည့်ပြီး မသိ နားမလည်သည့် ပုံစံဖြင့် ပြန်၍ မေးခွန်း ထုတ်လိုက်သည်မှာ

“ ကျနော်တို့ဘာများ လုပ်မိလို့ ဦးလေးက ဒီလောက် ချီးကြူးနေရ တာလည်း “

မောင်ရင်တို့က တိုင်းပြည်ကို အုပ်ချုပ်တဲ့ သမ္မတကို အခုလိုရဲဝင့်စွာ ဝေဖန်နေတာကို ဦလေးက သဘောကျလို့ ချီးမွမ်းတာပါ မောင်ရင်ရယ်..။

“ ဗျာ “ ဆိုသည့် အာမေဋိတ် သံဖြင့် ထိုလူကြီးအား ပြန်ကြည့်ကာ…..

ကျနော်တို့က တိုင်းပြည် အုပ်ချုပ် နေတဲ့ သမ္မတကြီးကို ဝေဖန်နေတာ မဟုတ်ပါဘူး ခင်ဗျာ…..။ နမူနာ ပြတုန်းကတော့ ကောင်းကွက်လေးတွေ ရွေးပြပြီး တကယ်လည်း ပြရော ဘာမှ အသုံးမကျတဲ့ ဇတ်ကားကို ရုံတင်ပြထားတဲ့ သမ္မတရုံကြီး ကို စိတ်တိုလို့ အခုလို ပြောနေတာပါခင်ဗျာ ။ ဒါတင် မကပါဘူး သမ္မတရုံနားက လက်မှတ်မှောင်ခို ပွဲစားတွေ ကလိမ်ကကျစ်ကျ တာကို စိတ်တိုလို့ အခုလို ပေါက်ကွဲနေတာပါ ဦးလေးရယ်

ဆိုတဲ့ ဖြေရှင်းချက်ပေးရင်းက

ဒါနဲ့ ဦးလေးကို တခုလောက် မေးပါရစေအုံး ........... ကျနော်တို့ ပြောတဲ့ သမ္မတနဲ့ဦးလေး ပြောတဲ့ သမ္မတက အရမ်းကို တူနေလို့လားဗျာ........ 

ဦးလေးလည်း အစကတော့ အထင်ဘဲ ရှိတာပါ ........မင်းတို့ပြောမှ မြင်ယောင်လာလို့ မနေနိူင်လို့ မေးကြည့်မိတာပါကွာ.. ။

လူငယ် နှစ်ယောက်နဲ့ ဦးလေးကြီးတို့ အပြန်အလှန် မေးခွန်းတွေ မေးအပြီးမှာ ပထမက စိတ်ဝင်တစားနဲ့ စောင့်ကြည့်နေရင်းက စိတ်ပျက်စွာ လှည့်ပြန်သွားတဲ့ လူအများရဲ့ နောက်ကျောကို ငေးကြည့်ရင်း လူငယ် တစ်ဦးမှ

" ထိုနေ့က ကျနော်တို့လည်း ခင်ဗျာတို့လိုဘဲ စိတ်ပျက်စွာနဲ့ လှည့်ပြန်ခဲ့ရပါတယ် ဆိုတဲ့ စကားကို တီးတိုးရေ၇ွတ်ကာ.""

ကဲမိတ်ဆွေတို့ ပြောစရာ ရှိခဲ့ရင် ဒီနေရာလေးကို သာ လာပြီး အားလုံးသိအောင် ရင်ဖွင့်ခဲ့ကြဖို့ လေးစားစွာ ဖိတ်ခေါ်ပါတယ်ခင်ဗျာ.....။
http://www.facebook.com/note.php?note_id=218051144879207

------------------------------------------------------
မှန်
ဒေါက်တာ မောင်ဘချစ်
မေ ၁၁၊ ၂၀၁၁

မှန်တိုင်းလည်း မကောင်းဘူး။

မှန်တိုင်း ဘယ်ကောင်းမလဲဗျ၊ သေနတ်မှန်ရင် သေတာပဲမဟုတ်လား။

တခုတော့ရှိတာပေါ့။ အဲဒီသေနတ်ဟာ သူများကိုမှန်လား ကိုယ့်ကိုယ်ကိုယ် မှန်သလားဆိုတာပါပဲ။
မကြာသေးမီက အိုစမာဘင်လာဒင် ‘မှန်’ သွားသည်။ သေနတ်မှန်ပြီး သေတာပေါ့။ သူ့အဖြစ်က ဆိုးသည်။ ကမ္ဘာသူ ကမ္ဘာသားတွေ အားလုံဝမ်းသာကြပေမယ့် မောင်ဘချစ်တို့ဆီမှာတော့ ဝမ်းနည်းသူတွေ ရှိဟန်တူသည်။

ဒါကို သတင်းအနေနဲ့မယူဆလို့လား မသိပါဘူး။ မြန်မာသတင်းစာတွေဖြစ်တဲ့ မြန်မာ့အလင်း၊ ကြေးမုံတို့မှာ ဒီသတင်းကို မထည့်ပါဘူး။ (အီးမှန်သွားဟန် တူသည်) မြန်မာသတင်းအဖွဲ့ (စာပေစာနယ်ဇင်းအဖွဲ့) တွေကလည်း ပါကစ္စတန်ကို သွားလေ့ရှိသည်။ ဘယ်လို ဆက်စပ်တယ်တော့ မသိပါဘူး။

တခုတော့ ရှိသည်။ ပါကစ္စတန်က ရင်းနှီးမြှုပ်နှံသူတွေ အရှေ့အလယ်ပိုင်းက ရင်းနှီးမြှုပ်နှံသူတို့သည် ပြည်တွင်းက မွတ်ဆလင်တွေနဲ့ ပေါင်းလုပ်နေကြသည်။ သူတို့ရဲ့ ဆောက်လုပ်ရေး ကုမ္ပဏီတွေဖြစ်သည့် Shine တို့၊ Naing တို့ဆိုတာ ဗိုလ်ချုပ် တဝက်၊ အယ်ကိုင်းဒါး တဝက် လို့တောင် ဆိုနေကြသည်။
 

ဒါဟာ စစ်တပ်ကို အဲလေ … စစ်ဗိုလ်ချုပ်တွေကို သွားပုတ်လေလွင့် ပြောတာဖြစ်မှာပါလို့ မောင်ဘချစ် ယုံကြည်သည်။

သူတို့စီးပွားရေးလုပ်တာ အတော်ဝါသနာပါဟန် တူသည်။ (ခုတ်မယ်၊ ထစ်မယ်၊ ပါးပါးလှီးမယ်) စဉ်းစားကြည့်လေ။ စားအုံးဆီကို ကုမ္ပဏီ ၁၃ ခုက အင်ပို့ဒ်လိုင်စင် ရသတဲ့။သူတို့နဲ့ဆိုင်သူတွေချည်းပါပဲ။ ဖဆပလ အစိုးရလက်ထက်က အင်ပို့ဒ်လိုင်စင် ရောင်းစားတာကို ကြားဖူးမှာပါ။ နိုင်ငံရေးသမားနဲ့ ဆက်နွှယ်တဲ့သူတွေဟာ သူတို့ရထားတဲ့ လိုင်စင်တွေကိုရောင်းစားပြီး ကားဝယ်၊ တိုက်ဆောက်ကြသတဲ့။ ခုတော့ အင်ပို့ဒ်လိုင်စင် ဘာရောင်းစားစရာလိုလဲ။ ရောင်းမစားပါဘူး။ ပေါင်းစားကြပါသည်။

ကြံ့ဖွတ်၊ ဇေကမ္ဘာ၊ ဦးပိုင် စသည့် အဖွဲ့အစည်းများသည် စားအုံးဆီ လိုင်စင်တွေကို ရသည်။

ကြံဖွတ်သည် ယခင်က လူမှုရေးအဖွဲ့။ ယခု နိုင်ငံရေးအဖွဲ့။

ဇေကမ္ဘာကတော့ ယခင် စီးပွားရေး၊ ဆောက်လုပ်ရေး လုပ်သည်။ ယခု နိုင်ငံရေးသမား ဒေါက်တာခင်ရွှေပါ။ စားလို့ရသမျှ အကုန်စားသည်။

ဦးပိုင်က စစ်တပ်။

သူတို့က စီးပွားရေး လုပ်တာလား၊ နိုင်ငံရေး လုပ်တာလား။ ဒါမှမဟုတ် ဘာလုပ်တာလဲ။

မောင်ဘချစ်တော့ တော်တော်လေး အံ့သြသွားသည်။ ဦးပိုင်ဆိုတာ ပြည်သူပိုင် အဆောက်အဦတွေကို ခပ်တည်တည်နှင့် သိမ်းယူသည်။ သူတို့က စစ်တပ်ပါ။ စစ်တပ်ဆိုတာ ပြည်သူက ဖွဲ့ပေးထားတာလေ။ သူက ပြည်သူပေးတဲ့လစာကို ယူတယ်။ ပြည်သူကျွေးတဲ့ထမင်းကို စားတယ်။ ပြီးတော့ ဘာလို့ ပြည်သူကို လည်ပင်းညှစ်တာလဲ။

ဦးနေဝင်းလက်ထက်က ဆီစာအုပ် ဆိုပြီး ဖြစ်ခဲ့သည်။ ဆီစာအုပ်ကို သာမာန်အားဖြင့် ဆီထုတ်ခွင့် စာအုပ်တခုဟုသာယူဆရင် မှားပေမည်။ ၎င်းသည် တန်ဖိုးရှိသောအရာတခု ဖြစ်ခဲ့သည်။ ရောင်းစားလို့ ရသည်။ ပေါင်စားလို့ ရသည်။ စစ်တပ်၏ပထွေးကြီး ဗိုလ်ချုပ်နေဝင်း အဲဒီလောက်တောင် တော်သည်။

ဆီတပိဿာ (ကျွန်တော်မှတ်မိသလောက် ၂ ကျပ်ခွဲ) ကနေ ယနေ့ ဆီတပိဿာ ၄,၀၀၀ ကျော် ဖြစ်လာသည်။ တန်ဖိုးရှိအောင်လုပ်နိုင်စွမ်း အံ့မခမ်းပင်ဖြစ်သည်။

“ဆီ တပိဿာ ၄,၀၀၀ ဗျ” လို့ ဗိုလ်ချုပ် ဦးပိုင်ကိုပြောတော့ သူက မဲ့သည်။

“ဟာဗျာ၊ စာအုန်းဆီက ၂,၀၀၀ ကျော်ပဲလေ။ ခင်ဗျားတို့ ဘာလို့ မစားတာလဲ”

“ခင်ဗျား ‘ဆီ’ က ဆပ်ပြာချက်တဲ့ grade ဆို”

“ဟာဗျာ၊ ဒီဆီက ကော်လက်စထရော မရှိဘူး။ နိုင်ငံခြားမှာ မုန့်ဖုတ်တဲ့နေရာမှာ သုံးတယ်”

“ဒါဆို ခင်ဗျားတို့ကော ဒီဆီကို စားလား”

“ဟာဗျာ၊ ကျုပ်တို့က အပေါစားဆီတွေ မစားဘူး။ နိုင်ငံခြားကတင်သွင်းတဲ့ နေကြာဆီတို့၊ သံလွင်ဆီတို့ပဲ စားတာ ဟဲ … ဟဲ”

“ဘာလို့ ဒီကဈေးကြီးတဲ့ မြေပဲဆီတို့၊ ဖွဲနုဆီတို့ကို မစားတာလဲ”

“ဒီမှာ ခင်ဗျားကို ပြောရဦးမယ်။ အဲဒီဆီတွေအားလုံးက စားအုန်းဆီတွေ ရောတာဗျ”
“ဟင် …၊ ခင်ဗျား ဘယ်လိုသိလဲ”
“ကျုပ်တို့ပဲ ရောင်းပေးနေတာ။ ဥပမာ မကွေးက စားအုန်းဆီ ပိဿာ ၁၀၀ ဝယ်တယ်။ ရန်ကုန်ကနေ မကွေးကို အဲဒီဆီပေပါတွေ သယ်သွားတယ်။ နောက် မကွေးကနေ ဒီ ဆီပီပါ ၁၀၀ ပြန်လာတယ်”

“ဒီအတိုင်း ပြန်လာလား”

“ဟာဗျာ၊ ခင်ဗျားကလည်း အ,လိုက်တာ။ ရောတာပေါ့ဗျာ၊ အနံ့ထည့် အရောင်ထည့်ရသေးတယ်”
“စားအုန်းဆီ အကောင်းစားက အဖြူဆို”

“ဟုတ်တယ်လေ။ အဆံ Kernel ကနေထုတ်ရင်တော့ အဖြူကိုရတာပေါ့။ ခုဟာက အခွံရော ဘာရော ထည့်ကြိတ်ထားတာဗျ”

“အန္တရာယ် မရှိဘူးလား”

“ခင်ဗျား မြန်မာတိုင်းမ်တို့လို ဂျာနယ်တွေ မဖတ်ကြည့်ဘူးလား။ အထဲမှာ ရေးထားတယ်။ စားအုန်းဆီ ဘာမှအန္တရာယ် မရှိပါဘူးတဲ့။ စာလေးဘာလေးလည်း ဖတ်ပါဦး မောင်ဘချစ်ရာ”
စာဖတ်ဖို့ပြောလေ့ရှိတဲ့ မောင်ဘချစ်သည် ဦးပိုင် ငတိနဲ့တွေ့မှပဲ ‘ကျွတ်စကီး’ ပြသွားသည်။

“ခုဆို သွေးတိုးရောဂါဖြစ်သူတွေ များနေပြီဗျ”

“ဒါ ကမ္ဘာ့အဆင့် မီလာလို့ပေါ့ဗျာ။ ကျုပ်တို့က ဆေးတွေ သွင်းပေးထားတယ်။ အမြတ်နည်းနည်းပဲ ယူတယ်။ ဟဲ … ဟဲ … နောက် ပုဂ္ဂလိကဆေးရုံတွေကိုလည်း ကိရိယာတွေ တင်ပို့ရောင်းချပေးတယ်။ ပြည်သူတွေ ကျန်းမားရေးကို ဂရုစိုက်ပါတယ်”

မောင်ဘချစ် ကျော်ဟိန်းကို သတိရသွားသည်။ တခေတ်က မင်းသားကျော်ဟိန်းက ပြည်လုံးချမ်းသာ ဆိုသည့် ဆေးလိပ်ခုံကိုထောင်တယ်။ ပြည်သူတွေက ထောက်ခံ အားပေးပါတယ်။

‘ကျော်ဟိန်း ချမ်းသာ၊ ပြည်လုံး ချောင်းဆိုး’ ဟု ကျော်ကြားခဲ့ပါသည်။

ခုလည်း သူတို့က အဆင့်မမီ စားအုန်းဆီတွေကို တင်သွင်းကြသည်။ ‘ဗိုလ်ချုပ်ချမ်းသာ၊ ပြည်လုံးသွေးတိုး’ အဖြစ် ဆိုက်ပေ တော့ မည်။

လောလောဆယ် ပုဂ္ဂလိကဓာတ်ဆီဆိုင်တွေက ဓာတ်ဆီတွေကို ကားတွေ တန်းစီထုတ်သည်။ ၃ ရက် ၆ ဂါလံ ပေးသည်။
‘မရေး ၂၀၀၀၊ မတူ ၃,၀၀၀ ၊ မပါ ၄,၀၀၀ ပေးကြရသည်။
စာအုပ်တွင် မရေး ပါက ၂,၀၀၀ ပေးရသည်၊ (နောက်တဆိုင် ထပ်ထုတ်နိုင်သည်)
စာအုပ်က နံပါတ်နဲ့မတူပါက ၃,၀၀၀ ပေးရသည်။
စာအုပ် မပါလည်း ထည့်လို့ရသည်။ သူ့ကျတော့ ၄,၀၀၀ ပေးရသည်။

ဆိုင်က ပုဂ္ဂလိကပဲ။ သူလုပ်ချင်တာကို လုပ်သည်။ ဓာတ်ဆီအရောင်း စာရေး (စာရေးမများ) ခိုးယူတာလည်း မဟုတ်။ လာဘ်စားတာလည်း မဟုတ်တော့ သူ့ကိုအရေးယူဖို့ ဥပဒေလည်းမရှိပါဘူး။ ပိုင်ရှင်ကိုယ်တိုင်က ဘောက်ဆာ (Boxer) နှင့် ထုတ်ရောင်းသည်။ (Boxer ဆိုသည်မှာ ဂါလံ ၁,၅၀၀ ဆန့်သော ကားကြီးဖြစ်သည်) ကားတစီး ၄၅ သိန်းထိ မြတ်နိုင်သည်။ ဒေါ်လာ ၅,၀၀၀ ပေါ့။

ဒီမိုကရေစီလမ်းကြောင်းကို သူတို့ဘယ်လိုသွားကြမလဲ။ စဉ်းစားပါ။

နိဂုံး

အိုစမာဘင်လာဒင်က ၁၀ နှစ်ခန့် ရှောင်နေပါသည်။
နောက်တော့ မှန်သွားပါသည်။
စစ်အစိုးအရ နှစ် ၅၀ ခန့် ရှောင်နေပါသည်။
ဒီအတိုင်းတော့ မနေပါ။ ဒီမိုကရေစီလမ်းကြောင်းကို ရောက်ပြီပဲ။
မှန်ကို မှန်ရပေမည်။ ။

-------------------------

မေဒေးနေ့ စာ
မောင်စွမ်းရည်
မေ ၁၊ ၂၀၁၁

မိတ်ဆွေများခင်ဗျား

ဒီနေ့ ကျနော်ပြောချင်တာကတော့ မေဒေး ခေါ် အလုပ်သမားနေ့အကြောင်းပဲဖြစ်ပါတယ်။ ဒါပေမယ့် ကျနော်တို့ ဗိုလ်ချုပ်သမ္မတ မြန်မာနိုင်ငံတော်ကြီးမှာ မေဒေးပွဲ ကျင်းပဖြစ်မှာ မဟုတ်ပါဘူး။ အလုပ်သမားတွေကိုလည်း အလုပ်သမားနေ့ပွဲ အထိမ်းအမှတ်ပွဲ ကျင်းပခွင့်ပေးမှာ မဟုတ်ပါဘူး။ မသမာတဲ့အစိုးရတိုင်းဟာ အလုပ်သမားတွေကို ကြောက်ရွံ့ ထိတ်လန့်မြဲဖြစ်ပါတယ်။

အလုပ်သမားဆိုတာ အလုပ်ရုံထဲမှာ အမြဲတမ်း အစုံလိုက် အဝေးလိုက် ထုနဲ့ ထည်နဲ့ ရှိနေတာဆိုတော့ မကြောက်လို့ မဖြစ်ဘူး။ ဒါကြောင့် စစ်အာဏာရှင်အစိုးရလက်ထက်မှာ အလုပ်သမား အစည်းအရုံးမဖွဲ့ရ၊ အလုပ်သမားနေ့လည်း မကျင်းပရဘူး၊ ကျင်းပဖူး တုန်း ကလည်း “အလုပ်သမားအရေး - ဒို့အရေး” လို့ ကြွေးကြော်ခွင့်မပေးဘူး။ ပြည်ထောင်စု မပြိုကွဲရေး-ဒို့အရေး ဆိုတာမျိုးပဲ ကြွေးကြော်စေခဲ့ပါတယ်။ ဒါတွေ အများပြည်သူ သိပြီးသားပါပဲ။
အလုပ်သမားနေ့ အထိမ်းအမှတ်ပွဲသာမက တောင်သူလယ်သမားနေ့အထိမ်းအမှတ်ပွဲများလည်း မကျင်းပရဲပါဘူး။ လယ်ယာတွေရဲ့ မူလပိုင်ရှင်ဟာ နိုင်ငံတော်ဖြစ်တယ်ဆိုပြီး လယ်ယာတွေကို နိုင်ငံပိုင် စစ်တပ်တွေအတွက် သိမ်းယူ ထားပါတယ်။ ငတ်ပြတ်နေတဲ့ စစ်တပ်တွေကို သူတို့ရဲ့ မိဖပြည်သူတွေဆီက ဓားပြတိုက် လုယက်စေပါတယ်။ ဒီတော့ အလုပ်သမားတွေနဲ့ မျက်နှာချင်းမဆိုင်ရဲ တော့ဘူးပေါ့။
လွတ်လပ်ရေးနေ့၊ ပြည်ထောင်စုနေ့၊ အာဇာနည်နေ့ဆိုတာတွေတောင် ခမ်းနားကျယ်ပြန့်အောင် မကျင်းပရဲတော့ပါဘူး။ လက်ရှိ စစ်တပ်မှာ သမိုင်းကြောင်း၊ သမိုင်းကောင်း မရှိရှာဘူး။ လွတ်လပ်ရေးနေ့ ကျင်းပပြီး ပြည်သူတွေကို လွတ်လပ်ရေးနေ့ နောက်ခံ သမိုင်းကြောင်းကို စဉ်းစားခွင့်ပေးလိုက်တိုင်း ပြည်သူတွေရဲ့ တိုက်ပွဲသမိုင်းပဲ ပေါ်လာမှာကိုး။

တပ်မတော်ဆိုတာ မူလတုန်းက ပြည်သူ့လွတ်လပ်ရေးယူဖို့ ပြည်သူတွေက ဖွဲ့စည်း မွေးထုတ် ခဲ့တာ မဟုတ်လား။ မလွတ်လပ်ဘဲ လွတ်လပ်ရေးနေ့ ကျင်းပရင်လည်း စစ်တပ်အရှက်ကွဲရမှာက အရင်ဆုံး ခံစားရမှာကိုး။ ပြည်ထောင်စုနေ့ဆိုပြန်ရင်လည်း “ပင်လုံ”ဆို တဲ့ အသံကို နားဝ လေသံမျှ သူတို့ မကြားရဲကြရှာဘူးမဟုတ်လား။ အာဇာနည်နေ့ဆိုပြန်ရင်လည်း အာဇာနည်တွေရဲ့ ဓါတ်ပုံတွေကို မော်မဖူး ဝံ့ကြရှာဘူးလေ။ ခုဆိုရင် တပ်မတော်နေ့တောင် မကျင်းပတော့ဘူး။ တပ်မတော်နေ့ဆိုတာ ပြည်သူတွေရဲ့ တော်လှန်ရေးကို နာမည် ဖျက်ထားတာ မဟုတ်လား။
သူတို့မှာ ရာဇဝင်အတ္ထုပတ္တိ မရှိဘူး။

“ရာဇဝင်အတ္ထုပတ္တိလည်း ရှိရမယ်၊မော်ကွန်းလည်း ထိုးလောက်တယ်၊ မြင့်မြတ်တဲ့ ဗိုလ်အောင်ဆန်း ရယ်”ဆိုတဲ့ ပြည်သူတွေ ဆိုစရာ သီချင်းမရှိဘူး။ “ယုတ်မာတဲ့ ဗိုလ်သန်း ရွှေရယ်” လို့ပဲ ဆိုချင်ဆိုဖို့ပဲ ရှိတယ်။
တပ်မတော်နေ့တိုင်း တပ်မတော်ဆိုတာ ပြည်သူလူထုရဲ့ အသက်အိုးအိမ်စည်းစိမ်ကို ကာကွယ်ဖို့ ဖြစ်တယ်လို့ ပြည်သူတွေရဲ့ ရှေ့ မှောက်၊ တပ်မတော်သားတွေရဲ့ရှေ့မှောက်မှာ နေ့စဉ် ပြရတာ မျက်နှာပူရရှာမှာပဲ။ ပြည်သူ တွေရဲ့ အသက်အိုးအိမ်စည်းစိမ်ကို ဒင်းတို့ပဲ ဖျက်ဆီးနေကြတာကိုး။ ပြည်ပ အန္တရာယ် ကာကွယ်ရအောင်ကလည်း ဘာမှ မရှိတော့ခက်တာပေါ့။
တကယ်တော့ အလုပ်သမားလူတန်းစားဆိုတာ ကမ္ဘာ့သမိုင်းမှာ ပေါ်ထွက်ကတည်းက အုပ်စိုးသူ အရင်းရှင် အာဏာရှင်အစိုးရတို့ဟာ သမိုင်းမှာ မွေးရာပါ ရန်ဘက်တွေပဲလေ။ အလုပ်ရှင် အရင်းရှင်၊ အာဏာရှင်တွေက ဖိနှိပ်သူ၊ ခေါင်းပုံ ဖြတ်သူ၊ အလုပ်သမားတွေက အဖိနှိပ်ခံရသူ၊ ခေါင်းပုံဖြတ်ခံရသူ “ဓမ္မသောက”တွေပဲ မဟုတ်လား။
အလုပ်သမားသမိုင်းကို ပြန်ကြည့်ရင်လည်း ရေနံမြေသပိတ်တပ်ကြီးရဲ့ သမိုင်းကအရိပ်ကြီး ထိုးနေမှာပါပဲ။ “ရေနံမြေ သပိတ်တပ်ကြီး ချီတက်လာပါပြီ။ ရန်သူနယ်ချဲ့အလီကို လှီဖို့ရာကြံစည်၊ ရာခိုင်နှုန်းပြည့် အခွင့်အရေး မရသမျှအတည်၊ ရအောင်ရအောင် အရိုးကြေ ကြေ အရည် ခန်းခန်း၊ မသွေတမ်း တိုက်ဖျက်ကြပါမည်။” ဆိုတဲ့ ၁၃၀၀ ပြည့်အရေးတော် ပုံတေးသံဟာ ဧရာဝတီရဲ့ကောင်းကင်မှာ အသံမစဲ ပျံဝဲနေတုန်းပါပဲ။
၁၃၀၀ ပြည့်အရေးတော်ပုံ အရိပ်ပြဘဲလေးဆိုတာ ရဲဘော်မြတ်လေး တီထွင်တင်ဆက်ခဲ့တာလေ။ ဒီသီချင်း လည်း သူပဲ ရေးဖွဲ့ခဲ့တာ ပဲ။ စန္ဓယားချစ်ဆွေနဲ့ တီထွင်ခဲ့တာ။ ကိုချစ်ဆွေကြီးနဲ့ ပြန်လည်တင်ဆက်ကြဖို့ ကောင်းတယ်။
သမိုင်းမှာ အလုပ်သမားတင်းရင် ဘယ်မင်းမှ မခံနိုင်ပါဘူး။ အလုပ်သမားတွေမှာ နှောင်ကြိုးကလွဲရင် ဘာမှ ဆုံးရှုံးစရာမရှိဘူး။ ဒါဟာ သမိုင်းတွင်မယ့် အလုပ်သမားကြုံးဝါးသံ၊ အလုပ်သမားကြွေးကြော်သံပဲ။ အလုပ် သမားတွေက ရုန်းကန်တွန်းလှန်ရင် နှောင်ကြိုးအားလုံးပြတ်ကုန်မှာပဲ။ မရုန်းကန်ရင်တော့ နှောင်ကြိုးတွေ မပြန်ရုံ သာမက ပိုပြီး တင်းလာ ရစ် လာမှာ မလွဲပါဘူး။ ဒါဟာ သမိုင်းရဲ့လက်တွေ့တရားပါ။
အလုပ်သမားဆိုတာ ခွန်အားရှင် င်္ခြသေ့မင်းပါ။ င်္ခြသေ့မင်းက မလှုပ်မရှားဘဲ အိပ်နေရင်တော့ င်္ခြသေ့မင်းရဲ့ ခံတွင်းထဲကို ဘယ်သား ကောင်မှ အပျော်တမ်း ခုန်ဆင်းကြရိုးမရှိပေဘူး။ တိုက်ပွဲ မရှိရင် အောင်ပွဲမရှိ။ အလုပ်သမားအပေါင်းတို့ ဘာလဲ ဘယ်လဲ၊

ကျနော် မောင်စွမ်းရည်ပါ။

၂၀၁၁၊ မေ -၄။

----------------------------

ဗိုလ်နေ၀င်းနဲ့ ဗိုလ်အောင်ကြီး ရန်ကုန်သိမ်းတဲ့ကိစ္စ နဲ့ သခင်တင်မြ၏ ပုံပြင်
ကိုမိုက်ခဲစိန်
မိုးမခ၊ ဧပြီ ၂၀၊ ၂၀၁၁
သခင်တင်မြက နော့သန်စတားဂျာနယ်မှာ ဗိုလ်နေ၀င်းနဲ့ ဗိုလ်အောင်ကြီးအကြောင်း အတွင်းရေးဖြစ်လေဟန် ဆောင်းပါးတွေ ရေး နေတယ်။

နောက်ပြီးတော့ ပြည်သူ့ခေတ်ဂျာနယ်မှာလည်း မောင်ဇေယျာက သွားလေသူ ဗိုလ်နေ၀င်းရုပ်ပုံလွှာရေးတယ်။

အဲသည်မှာ ၁၉၄၅ မေလ ၁ ရက်နေ့ ဂျပန်တော်လှန်ရေးကာလ၊ ရန်ကုန်ကို သိမ်းတော့ ဗမာတပ်မတော်က ဗြိတိသျှထက် ဦးအောင် သိမ်းတဲ့အကြောင်း ကြေညာချက် မေလ ၇ ရက်မှာ ထုတ်ခဲ့တယ်။ မြန်မာ့ရေဒီယိုဌာနကနေ ကြေညာလိုက်တော့ ဘီဘီစီထက် ဦးသွားတယ်။

သမိုင်းမှာ ဂျပန်လက်အောက်က ဗမာပြည်ကို ပြန်သိမ်းတော့ အဓိကမြို့တော် ရန်ကုန်ကျပြီ ဆိုတဲ့ဆီမှာ ဗမာ့တပ်မတော်က ကနဦး အစသိမ်းတယ်ဆိုတဲ့ မှတ်တမ်း ကျန်ရစ်တယ်လို့ ဆိုတယ်။ နိုင်ငံရေးအမြင်တခုကတော့ ဂျပန်ကိုတော်လှန်တဲ့ ဗမာ့တွေက ဗြိတိသျှ ကိုလိုနီနယ်ချဲ့တွေနဲ့ ပုခုံးချင်း ယှဉ်ပြီး ကိုယ့်တိုင်းပြည်ကို ပြန်သိမ်းနိုင်ခဲ့တယ်လို့ သဘောထားဖြစ်တယ်လို့ အဲသည်တုန်းက အင်္ဂလိပ် ဘာသာပြန်ရေးသူ ဦးခင်မောင်လတ်က ပြောခဲ့တယ်။

(ဒါမျိုးက ဂျာမဏီပြည် မဟာမိတ်တွေ ၀င်သိမ်းကျတော့၊ ဘာလင်ကျတဲ့ဆီမှာ အနောက်ဘာလင်က မဟာမိတ်၊ အရှေ့ဘာလင်က ဆိုဗီယက်တပ်တွေ အပြိုင်သိမ်းခဲ့ကြတယ်။ ဒါနဲ့ပဲ အရှေ့နဲ့ အနောက် ဂျာမဏီပြည် ကွဲခဲ့ရတာ စစ်အေးတခေတ်လုံးလို့ ဆိုရမယ်)
သို့သော် … တိုင်းပြည်ရဲ့ လွတ်လပ်ရေးဖခင်၊ တပ်မတော်ဖခင် ဗိုလ်ချူပ် အောင်ဆန်းက အဲသည်ကြေညာချက်မှာ နံမယ်ခံသူ ဗိုလ်နေ၀င်းကို အပြစ်တင်ရာမှာ "စစ်ဦးစီးချုပ်" လို့ ကင်ပွန်းတပ်မိတာကို ထောက်ပြဝေဖန်ခဲ့တယ်လို့ ဆိုတယ်။ ဒါကလည်း ဖြစ်ရပ် မှန်တခုပါပဲ။ အဲသည်အတွက် ၀ိုင်းပြီး ဆောင်ရွက်ခဲ့ကြသူတွေအတွင်းမှာတောင် "ဘာပြောရမှန်းတောင် မသိပါဘူးကွာ …" လို့ ဖြစ်ခဲ့ကြတယ်။ နောက်တော့လည်း ဒီကိစ္စဟာ ရယ်ရယ်မောမောနဲ့ ပြီးသွားတယ်လို့ ဆိုပါတယ်။

ပြောချင်တာကတော့ နော့သန်စတားဂျာနယ်မှာကော၊ ပြည်သူ့ခေတ်ဂျာနယ်မှာပါ ရန်ကုန်သိမ်းစဉ်က လက်ဦးမှုယူခဲ့တယ်ဆိုတဲ့ အကြောင်းတချက်ကို ထည့်သွင်းပြောဆိုခြင်း မရှိလို့ ၀င်ဖြည့်တဲ့ သဘောပါပဲ။ ပြီးတော့ အဲသည် ကြေညာချက်ကို ဗမာဘာသာနဲ့ ရေးသူတဦးကတော့ ဗိုလ်ချုပ်နဲ့ အလွန်ရင်းနှီးသူ၊ စာနယ်ဇင်းဆရာကြီး ဂျာနယ်ကျော်ဦးချစ်မောင်လည်း တဦး အပါအ၀င် ဖြစ်တယ် ဆိုတာလည်း ဖြည့်လိုက်ပါရစေ။
နောက်တချက်ပြောချင်တာက ဗိုလ်အောင်ကြီးနဲ့ ဗိုလ်နေ၀င်းတို့ရဲ့ အတွင်းရေးတွေ၊ မကြေလည်မှုတွေကို ကွယ်လွန်သူ ဗိုလ်နေ၀င်း က ကျန်ရစ်သူ ဗိုလ်အောင်ကြီးအကြောင်း အလံနီလူထွက်တွေ ခေါ်ပြီး အတင်းပြောခဲ့တာကို သခင်တင်မြက အဟုတ်အဟတ်လုပ်ပြီး ရေးနေတာ ဖြစ်တယ်။ နောက်တချက်ကတော့ ဗိုလ်နေ၀င်းက လူတွေကို စည်းရုံးတဲ့နေရာမှာ အလွန်တော်တယ်၊ ဉာဏ်နီ ဉာဏ်နက် အလွန်များတယ် ဆိုတာကို တွေ့ရတယ်။ သခင်တင်မြတို့ကို ခေါ်ပြီး ဗိုလ်အောင်ကြီးက ငါ့ကို လူလည်လုပ်ပြီး ချသွားတယ် ဆိုတာကို တရားခံရှာသလိုလို သနားစရာ သတ္တ၀ါကလေး လိုလို အင်္ဂလိပ်လိုဆိုရင်တော့ ဒရာမာ လုပ်တယ်လို့ ခေါ်တယ်၊ မြန်မာလိုဆိုရင် ပုံပြောတာပေါ့ဗျာ … ဒါက သိသာတဲ့ အချက်ကြီးပဲ။ ဘယ်ဘက်မှ လိုက်ပြီးတော့ ပြောနေစရာမလိုဘူး ထင်တာပဲ။

နောက်ဆုံးတချက်ကတော့ သခင်တင်မြက ဗိုလ်အောင်ကြီး၊ ဗိုလ်နေ၀င်း အရှုပ် ကြားဖူး နားဝ ပုံပြင်ကို ပြန်လည်ဆန်းသစ်တယ် ဆိုတာက စစ်အုပ်စုတွေမှာလည်း အသည်းနဲ့ အကွဲနဲ့ပါဆိုတာ တဖက်လှည့်နဲ့များ ပြောချင်လို့လေလား။ စာပေစိစစ်ရေးကို မျက်စိ လှည့်ပြီး ရေးလိုက်လေသလား အထင်ကြီးချင်မိပါရဲ့။ မျက်စိလှည့်ထားတဲ့ ပုံပြင်ဖတ်ပြီး မျက်စိလည်သွားမယ့် ပရိသတ်အတွက် မိုက်ခဲစိန်တို့က ပေါက်ဖော်လုပ်ပေးလိုက်တာပါပဲ။

(ဖတ်ချင် ဖတ်ဖို့ ပိတော်မြေက လင့်ခ် - http://padaukmyay.blogspot.com/2011/04/blog-post_15.html ပြီးတော့ ပြည်သူ့ခေတ်က ဆောင်းပါး စကင်ထားတာ)

25/ 4/ 2011

----------------

အာဏာငရဲ လှိုင်းငရဲ … ဒို့ စာနာ ကြေကွဲ
Share our love
Share our peace
Share our harmony
ကိုသားထွေး၊ ကိုတိုးလွင်တို့ နောက်ကနေ ကလပ်စီကယ်တီးခတ်သံကြားက တေးရေးကိုရဲလွင်ရဲ့အသံဟာ ဓမ္မဆရာတစ်ယောက် တရားဟောသလို ထွက်ပေါ်နေပါတယ်။ နေရာကတော့ အမျိုးသားဒီမိုကရေစီအဖွဲ့ချုပ် ရုံးတွင်းခမ်းမ ထဲမှာပါ။ နောက်တစ်ယောက်တက်လာပါတယ်။
လူ…စက်…မြို့…မြိုဝါး
နာဂါစကီ ဗုံးဝင်စား…
ဆူနာမီနဂါး။ ။
ပန်းချီတွေလည်းရေး သီချင်းလည်းဆိုတဲ့ ညီညီလွင်ရဲ့ အသံ ထပ်မံထွက်ပေါ်လာပါတယ်။ ၀မ်းနည်းစရာကောင်းလှတဲ့ ဂျပန်ဆူနာမီဒဏ်သင့်ခံရတာကို အဘဦးဝင်းတင်ရေးစပ်ထားတာကို ညီညီလွင်က တကယ့်ဂရုဏာတရားနဲ့ ရွတ်ဆိုလိုက်တာပါ။

နောက် ကဗျာဆရာငြိမ်းသစ် ငေးနေတဲ့ကမ္ဘာ … တဲ့
သဘာဝဘေးအန္တရာယ်ကြောင့် သေဆုံးရသူနဲ့ အာဏာရှင်လက်အောက် အသက်ပျောက်ခဲ့ရသူတွေ ပိုများနေတယ်။

စွပ်စွဲချက်လေလား။ ကမ္ဘာဦး အစကတည်းက အတ္တယှဉ်စစ်ပွဲများကို မြင်ယောင်မိစေပါတယ်။ ဒါပေမယ့်လည်း ခုဟာကတော့ ဆူနာမီလေ … ဆူနာမီ။
ဟော နောက်တစ်ယောက် ကဗျာဆရာမိုဃ်းဇော် တက်လာပြန်ပါတယ်။ သူကလည်း ထပ်မံ မေးခွန်းထုတ်နေပြန်ပါတယ်။

ခင်ဗျားသားသာ အဲ့ဒီလှိုင်းတွေထဲ ပါသွားရင်
ခင်ဗျား အဖေအမေတွေသာ အဲ့ဒီလှိုင်းတွေထဲ ပါသွားရင်
ခင်ဗျား အမ အကို ဦးလေး အဒေါ် ညီမ ညီလေးသာ အဲ့ဒီလှိုင်းတွေထဲ ပါသွားရင်
ခင်ဗျား အခုလိုပုံစံမျိုးနဲ့
အခုလို ကုလားထိုင်ကြီးမှာ
ဘာမှမဖြစ်သလို မျိုးနဲ့
ခြေထောက်နှစ်ချောင်း ချိတ်ပြီး
မိန့်မိန့်ကြီး ထိုင်နေနိုင်ပါ့မလား …
ကျနော့်ကို မေးခွင့်ပြုပါ။

ဂီတသံနဲ့ ကဗျာသံ ရောထွေးယှက်တင်ပြီးတော့ ကြေကွဲစရာ တေးတစ်ပုဒ်တွေလိုပေါ့။ ဆွတ်ပျံ့စရာ ကောင်းလာနေပါတယ်။

ဇော်မိုးလွင်၊ နှင်းပွင့်ဝေ၊ ခန့်မင်းထက်၊ မြတ်မင်းခန့်၊ ညီမင်းညို နောက် ကဗျာတခေတ်ထူထောင်ထားနိုင်တဲ့ ကြည်မောင်သန်း၊ ဟိန်းမြတ်ဇော်၊ ရိုးဝေးထက်၊ မုံရွာအောင်ရှင်၊ ဖျာပုံနီလုံဦး၊ သြရ၊ တိုးလွင် (ဥတ္တရအလင်း) စတဲ့ ကဗျာဆရာတွေရဲ့ ကဗျာတွေ စာနာဖွဲ့နွဲ့မှုတွေဟာ လွမ်းဆွတ်ဖွယ် ပျံ့နှံ့နေပါတယ်။
ဂျပန်ပြည်သူတွေကို စာနာဖွဲ့နွဲ့ထားတာလေးတွေပါ။ လူထုခေါင်းဆောင် ဒေါ်အောင်ဆန်းစုကြည်ရဲ့ သ၀ဏ်လွှာကိုတော့ ဖတ်တာ မတွေ့ရပါဘူး။ ဒါပေမယ့် ဒီသ၀ဏ်လွှာဟာ ဂျပန်လူမျိုးတွေရဲ့ နှလုံးသားမှာတော့ ယိုစိမ့်ခိုလှုံနေမှာ သေချာပါတယ်။

ကျနော့်မြင်ကွင်းမှာ လှိုင်းတွေ လှိုင်းတွေ တိုက်တာ အဆောက်အဦတွေ ပြိုပျက်ကျနေတာ၊ ကားတွေ အထပ်လိုက် ကလေးကစား စရာလို ဖြစ်နေတာတွေ မြင်ယောင်နေသလိုပဲ။ နူကလီးယားဓာတ်ပေါင်းဖို ပေါက်မထွက်သွားအောင် ၀ိုင်းဝန်းမီးငြိမ်းသတ်နေတဲ့ ဂျပန်ပြည်က မီးသတ်သမားတွေ၊ တပ်မတော်သားတွေကို မြင်ယောင်နေပါတယ်။

နောက်မြင်ကွင်းကလည်းချိန်းသွားပါတယ်။ နူကလီးယားဓာတ်သင့်နိုင်တာ သိသိနဲ့ ဓာတ်ပေါင်းဖိုကို မီးသွယ်တန်းပေးနေတဲ့ ဂျပန် ဆာမူရိုင်းတွေကို တဆက်စပ်တည်း မြင်နေရပြန်ပါသေးတယ်။

လေးစားစိတ်ဟာ ငယ်ထိပ် အထိရောက်သွားပါတယ်။ ကြက်သီးဖြန်းဖြန်း ထလာပါတယ်။ ထိန်းမထားရင် တွဲခိုနေတဲ့မျက်ရည်တွေ ထိမ်းမရအောင် ကျလာလိမ့်မယ်လို့ ကိုယ့်ဖာသာ သတိထားမိပါတယ်။
ဆာမူရိုင်းတို့ရေ အကြိမ်ကြိမ် ဦးညွတ်လိုက်ပါရဲ့။

လည်တယ်၊ လည်တယ်။ ကမ္ဘာဟာ သူ့ဝင်ရိုးပေါ်မှာ လည်တယ်။
လှုပ်တယ်၊ လှုပ်တယ်။ ငလျင်ဟာ ဆန်ဒိုင်းကိုမှ ရွေးလှုပ်တယ်။

ခန့်မင်းထက်လေး အသံကြားတော့ ဖူကူရှီးမားကို သတိရမိတယ်။ ဗမာတွေ အများကြီးနေတာတဲ့၊ ရင်ထဲမှာ လှပ်ခနဲ တချက် ဖြစ်သွားတယ်။ သွေးသားဆိုတဲ့ အချင်းရာက သွေးပြန်ကြောကနေတဆင့် ၀င်လာတယ်။ အားလုံး သွေးသားချင်း ဆိုပေမယ့် ဘာသာစကားတူညီမှုက အလေးသာစေသလား။

ငေးဆဆ နွမ်းလျနေတယ်။ ဆုတောင်းပွဲ ခေါ်လေမလား။ အောက်မေ့တသပွဲ ခေါ်လေမလား။ ၀ိဉာဉ်များအတွက် ကြေကွဲပွဲ ခေါ်မလား။ ကမ္ဘာ့အရှေ့ဆုံးသော တိုင်းပြည်က ဆုံးရှုံးနစ်နာရမှု ကြေကွဲစရာ အဖြစ်ပျက်ဆိုးများအတွက် ကျနော်တို့ တာဝန်ကျေခဲ့ကြပါတယ်။

အသိစိတ်တွေ မြောက်များစွာနဲ့ ဆိုင်တစ်ဆိုင်ထိုင်နေတုန်း ဗြုန်းဆို ဖုန်းဝင်လာလေရဲ့။ တယ်လီဖုန်းမျက်နှာပြင်ကိုကြည့်လိုက်တော့ နိုင်ငံခြားက ဖုန်းမှန်းသိလိုက်တယ်။ အခမ်းနားပွဲတွေဆိုရင် ပြည်ပသတင်းဌာနက ဆက်တတ်လေတော့ မီဒီယာကပဲ ထင်လိုက်တယ်။

ဟယ်လို … ကျမ ဂျပန်က … … … ပါ။

ဟုတ်ကဲ့၊ အခုပဲ ကျနော်တို့ ဂျပန်ပြည်သူတွေ စာနာပွဲအနေနဲ့ ကဗျာတွေ ရွတ်ဆိုခဲ့ကြပါတယ်။ ဘယ်သူနဲ့ ပြောချင်သလဲ ဆိုတော့ ကျနော်အံ့အားသင့်သွားတယ်။ ကျနော့်ကိုပဲပြောနေတာ ပြောနေတဲ့အကြောင်းအရာက ငလျင်နဲ့ ဘာမှမဆိုင်ဘူး။

သူတို့ အဝေးရောက်နေတဲ့ အထူးသဖြင့်တော့ ဂျပန်ရောက်နေတဲ့မြန်မာတွေစုပေါင်းပြီး ထောင်ထဲရောက် အကျဉ်းကျနေတဲ့ လူတွေ … လူမသိ သူမသိနဲ့ အနစ်နာခံနေတဲ့ ထောင်တွင်းက လူတွေကို ရွေးချယ်ပြီး အညတရသူရဲကောင်းဘွဲ့ ပေးမယ် ဆိုတဲ့ အစီအစဉ်ကို ပြောနေတာပါ။ ကျနော်တို့လည်း စွမ်းသမျှ ကူဖို့ပါပဲ။ ဒါပေမယ့် ဒီလိုကမ္ဘာပျက်ချိန်မှာ ကိုယ့်အတွက်ကိုယ် မစဉ်း စားဘဲ မြန်မာပြည်ထဲကလူတွေကို အောက်မေ့တသနေတာ၊ ထောင်သွင်း အကျဉ်းချထားခံရသူတွေကို တသသ သတိတရဖြစ်နေတာကိုတော့ တုန်လှုပ်စိတ်နဲ့ အားကျ လေးစားမိပါပေရဲ့။

ဆုက အဓိကမဟုတ်ပါဘူး။ စိတ်ဓာတ်ခွန်အားတွေ ပေးချင်တာပါ။ ဗမာပြည်ထဲက အကျဉ်းကျနေသူတွေဟာ အထီးကျန်တွေ မဟုတ် ဘူး ဆိုတဲ့ သတင်းစကား ပါးချင်တာပါ …တဲ့။
ဂျပန်ပြည်ကနေ ဆက်နေတဲ့ဖုန်းလိုင်းသံဟာ ပြတ်သား ကြည်လင် အားကောင်းနေလေရဲ့။ ဘေးနားက လာပြောနေလေသလား၊ ကဗျာဆရာတွေကတော့ ကျနော်ပြောနေတာတွေကိုမသိတော့ ဂျပန်ငလျင်အတွက် စာနာနေလေရဲ့။

ကျနော်တယောက်တည်းသာ ငလျင်ဒေသသင့်သူကနေ ပြန်လည်အားပေးတာကို ပီတိနဲ့တကွ ခံစား ငေးရီနေရတယ်။ ၀ိုင်းတစ်ဝိုင်းတည်းမှာ ဂရုဏာတရားဟာ လွန်းထိုးနေတယ်။
ကျနော်လည်း ဟုတ်ကဲ့ ကလွဲလို့ ဘာ ပြန်ပြောမိတယ် မသိဘူး။ ကမ္ဘာပျက် နှစ်ခု ချိတ်ဆက်ပြီး ဂရုဏာရသကို သွန်းထုပေးရ တော့ မှာပါလား။

ကိုမိုဃ်းဇော်က ဖုန်းပြောလို့။ ကိုငြိမ်းသစ်ကလည်း သူ့ကဗျာထဲကအတိုင်း ငေးရီနေ။ ကိုညီညီလွင်ကော ဆံပင်ရှည်တွေ သပ်တင် စိတ်မကောင်းဖြစ်လို့။ ကိုတိုးလွင်၊ ခန့်မင်းထက်၊ တပ်ဦးလ၊ သက်ငြိ်မ်သစ်၊ ညီမင်းညို၊ အောင်ရင်ငြိမ်း အစရှိတဲ့ ကဗျာဆရာ ကြီး ငယ် ရွယ် လတ်တို့ကတော့ ကိုကြည်မောင်သန်းဆီ သွားဖို့ တိုင်ပင်နေကြလေရဲ့။

ကျနော်ငေးရီနေမိပါတယ်။ “သွားမယ်၊ တိုက်မှာ အလုပ်ရှိသေးတယ် …” တဲ့။
အေးသက်တဲ့အပြုံးပိုင်ရှင် ကိုရင်နီ နှုတ်ဆက်တော့ ကျနော် အသက်ဝင်လာတယ်။ သူထ ထွက်သွားတယ်။ သူ့ ကျောပြင်ကို ငေးရင်း ကျနော် ခုနက သူရွတ်သွားတဲ့ သူ့ကဗျာလေးကို သံယောင်လိုက်နေမိတယ်။
ခင်ဗျားတို့လည်း ဆူနာမီ
ကျနော်တို့လည်း ၂၀၀၈ နာဂစ်နဲ့
၂၀၁၀ တာလေငလျင် …
ကျနော်တို့လည်း ဘယ်သက်သာပါ့မလဲ
တောင့်ထား ချယ်ရီ … တောင့်ထားတဲ့။

ကဗျာဆရာကတော့ ကဗျာတိုင်း ဖွဲ့နွဲ့သွားလေသလား အခြားသော အဓိပ္ပါယ် ဆောင်လေသလား။

ကျနော်ကတော့ ၂၀၀၈ကိုကော ၂၀၁၀ ကိုပါ နာကျည်းမိပါရဲ့။ ဒါပေမယ့် ကျနော် တွေးပြီးတော့ ပြုံးမိပါတယ်။

လူသားကမ္ဘာနဲ့ အာဏာရှင်ကမ္ဘာ ဘာများ ကွာနေပါလိမ့်။
ခုနက ဖုန်းသံရှင်ကိုလည်း သတိရလိုက်ပါရဲ့။

သဘာဝဆူနာမီတိုက်ခတ်ခံရသူက အာဏာရှင်ဆူနာမီ နှစ်ရှည်ထောင်ဆူနာမီ သင့်သူတွေကို ကိုယ်ချင်းစာနေလေရဲ့။

ကျနော် ပြုံးလိုက်မိတယ်။ နာကျည်းခံပြင်းမှုလေလား၊ ဒါမှမဟုတ် ပီတိအပြုံးလား။ ကျနော်ဝေခွဲမတတ်တော့ ကျနော့်ပီတိပြုံးကို အာဏာရှင်တွေ ဘယ်လိုများထိလို့ ရမှာပါလိမ့်။ ဆူနာမီသင့် ဂျပန်ပြည်သူများနဲ့ အိမ်အဝေးကို ရောက်နေတဲ့ မြန်မာပြည်သူများကို ကိုရဲလွင်ရဲ့ မေတ္တာထပ်မံမျှဝေပါတယ်။

Share our love
Share our peace
Share our harmony
အားလုံးကိုချစ်ခင်လျက်။ ။

ရာဇာ
ဧပြီ ၁၅၊ ၂၀၁၁
 

-----------------

“အချိန်တန်ရင် အိမ်ပြန်ကြတာပေါ့”

ဘယ်နှစ်ရာသီ ဘယ်နှစ်မိုးတိုင်ခဲ့ပီလဲ
ဇူးရေ
သိမ်းထုပ်ထားခံရတဲ့ ဆန္ဒချိုချိုတွေ
မှိုများလိုက်နေပီလားဟယ်
ဆောင်းမရှိတဲ့ကျွန်းမှာ
နင်ဘဝရော ချိန်သားကျရဲ့လား
သူငယ်ချင်းရေ.....
ဖြစ်ချင်တာနဲ့ဖြစ်သင့်တာ
အချိုးအစား ဘယ်တုန်းကမှ
မမျှတခဲ့ဘူးလေ။

ကံတရားက ငါတို့မှ
မွဲ မွဲနိုင်လွန်းတယ်ဟယ်
ဒီခေတ်တစ်ခုမှာမှ ငါတို့က
လူစဖြစ်ခဲ့ရတာကိုး
မိဝေးဖဝေးဆိုတာကိုက
ခေါက်ရိုးကျိုး ဘဝလေများလား။
ခေတ်တွေ စနစ်တွေ
ငါတို့နားမလည်တဲ့ဘာညာဗေဒတွေနဲ့
ခပ်ဝေးဝေးကသာနေလိုက်တော့
သေချာတာက
အချိန်တစ်ခု မှာ ငါတို့အိမ်ပြန်ကြမယ်ဆိုတာပဲ။
အနောက်ကိုလျှောက်ပါလို့ အရှေ့ကိုပဲမျှော်ရတော့မယ်
ဇူးရေ...............
ပိတောက်တွေ ခရေတွေ စိတ်ကူးလေးနဲ့
ခူးကြ ပန်ကြတာပေါ့
အခုချိန်မှာတော့ ဘဝပီသအောင်
ကိုယ့်စိတ်ကိုယ်ချိုး ရှေ့သို့ပဲရဲရဲတိုးကြရမယ်။
ဒါပေမဲ့.....
သူငယ်ချင်းရေ
ရွှေရောင်တောင်ပံနဲ့ ငါတို့အိမ်မက်တွေကို
ဘယ်လိုမျှားအစင်းစင်းနဲ့မှ ပစ်မချလိုက်ပါနဲ့
ဒို့တွေ အချိန်တန်ရင် အိမ်ပြန်ကြရမယ်လေ။
သူငယ်ချင်းရေ
မက်ဒေါနယ်နဲ့ ကိုကာကိုလာထက်
ကျစိမ့်တစ်ခွက်နဲ့ မုန်းဟင်းခါးကို
ငါတို့က ပိုချစ်တယ်...
ကမ္ဘာကျော် ဘယ်နေရာပဲဖြစ်စေ
ငါကတော့ TIME SQUARE ထက် အင်းယားကိုပိုချစ်တယ်
လွမ်းတယ်ဆိုတာ..ရင်မှာတမြေ့မြေ့လောင်တဲ့မီးတောက်ဆို
အဲ့သလို အလွမ်းတွေနဲ့
ငါရန်ကုန်ကိုလွမ်းတယ်.....
သူငယ်ချင်းရေ...

ဇူးရေ
မိုးတွေက မလိုတဲ့နေရာမှာ စွေလွန်းတယ်ဟာ
ခေတ်ကိုပဲအပြစ်တင်ရမလား စနစ်ကိုပဲအပြစ်တင်ရမလား
ဘဝဒိုင်သူကြီးရဲ့ ပွဲပီးခရာသံကိုပဲ
နားတစွင့်စွင့်နေလိုက်တော့တယ်။
အရုဏ်တစ်ခါလင်းတိုင်း
မှတ်မှတ်ရရရွတ်ဆို......
အချိန်တစ်ခုမှာ ငါတို့အိမ်ပြန်ကြရမယ်။
သူငယ်ချင်းရေ
"လဲနေသူထူပေးပါ အားငယ်သူအားပေးပါ"
ငါတို့ရင်နှီးခဲ့သမျှ စာသားတွေက
တချို့နေရာမှာ အသုံးချခွင့်မရရှာဘူး
အတ္တတွေ အရောင်ထူ လွန်းသကိုးကွဲ့။
နေညိုလာရင် ငါတို့မသိအောင်
ဆန္ဒတစ်ချို့တွေက အိမ်ခိုးခိုးပြန်ကြတယ်
တော်ရာမှာ ပျော်အောင်မနေနိုင်သူရဲ့
ဝဋ်နာကံနာ လို့သာဆိုကြပါစို့။
ဇူးရေ
သူငယ်ချင်းရေ
ချစ်ရေ...............
ခရီးကြမ်းမဟုတ်တဲ့ မာယာလမ်းမှာ
ငါတို့ယုံကြည်ချက်တွေ မျက်စိမလည်ကြေး
ငါတို့ ရင်မှာပျိုးထားတဲ့
အိမ်မက်တစ်ပွင့်ကို....ရှင်သန်ပါစေ
ကြီးထွားပါစေ....
ငါတို့တွေက
အချိန်တန်ရင် အိမ်ပြန်ကြရမယ်လေ...

အိမ်ပြန်ကြရမယ်
အိမ်ပြန်ကြရမယ်
အိမ်ပြန်ကြရမယ်
အိမ်ပြန်ကြ....
အိမ်ပြန်...
အိမ်.........
အိမ်.......
.........................
.............................
.............................................။

နုငယ်

--------------------------

မိမိုးကို မုန်းလိုက်ပြီ …
ကျနော် “ငအင်” နုနယ်စဉ် နှပ်ချေးတွဲလောင်း အရွယ်မှစ၍ ယခု ၁၇ ကို ၂ နဲ့မြောက် အရွယ်အထိ မိုးနှင့်ပတ်သက်လာလျှင် အလွန် ပျော်ခဲ့သည်၊ အလွန်ခံစားတတ်ခဲ့
သည်။ ငယ်စဉ်က မိုးလေထဲ ဆော့ကစား ပြေးလွှားနေရတာကိုက နတ်ပြည်ရောက်သည်ထင်ခဲ့သည်၊ ဆရာ ဆရာမများ၏ ထားဝယ် ကြိမ်ကို မကြောက်တတ်ပဲ မိုးရွာလျှင် ကျောင်းပြေးကာ မိုးရွာထဲတွင် ဘောလုံးကန်၊ ကျိုင်းကောင်ဖမ်း၊ ပုဇွန်လုံး (ဂဏန်း) နှိုက်ဖြင့် အတော်လေးကို အပျော်ကျူးခဲ့သည်။
လူပျိုပေါက် ဂီတာ စတီးတတ်အရွယ်မှစ၍ ယခုချိန်အထိလည်း မိုးသီချင်းများကို ခံစားချက်ဖြင့် ဖွဲ့ဖွဲ့နွဲ့နွဲ့ သီဆိုဟစ်ကြွေးခဲ့သည်။ ကောင်မလေး အိမ်ရှေ့ ညည ဂစ်တာသွားတီးတာတောင် နွေခေါင်ခေါင်တွင်ပင် မိုးသီချင်းများကို မဆီမဆိုင် သီဆိုခဲ့သည်၊

 ထိုသီချင်းများကြောင့်ပင် ကောင်မလေးက အိမ်ပေါ်ထပ်မှနေ၍ သနပ်ခါးတုံးဖြင့် ထုခဲ့ဖူးသည်ကိုလည်း အမှတ်ရနေခဲ့သည်။ ကောင်မလေးနှင့် ပတ်သက်တာကို မသီဆိုဘဲ မိုးသီချင်းကိုသာ သီဆို သောကြောင့် ကောင်မလေးက အပေါ်ထပ်မှနေ၍ “နင် ငါ့ဆီမလာနဲ့တော့ … နင့်မိုးဆီကိုသာသွားတော့ … သောက်ညင်ကပ်တယ်” ဟု ဆုပေးခဲ့ဖူးသည်။ မိုးကို အဲလောက် အဲလောက် ချစ်တာ။
အခု လူလတ်ပိုင်းအရွယ် ရောက်လာသည်အထိ မိုးကို ခင်တွယ်နေတုန်း၊ သို့သော် အရင်လို နှစ်နှစ်ကာကာ မရှိသလို ခံစားရသည်။ အကြောင်းကား …
သူများလို ကားမစီးနိုင်သဖြင့် ဆိုင်ကယ် ဖွတ်ချက် ဖွတ်ချက်လေးစီးကာ မိုးရွာထဲတွင် သွားရသည့်ဘဝကို ရွံမုန်းလာသည်၊ ပင်ပန်းလွန်းသည်ဟု ခံစားရလာသည်။

အလုပ်သွား မိုးမိ၊ အလုပ်ပြန်မိုးမိ၊ စိုစိုစိစိဖြင့် ညညအိပ်လျှင်လည်း ခေါင်းမိုးယိုသည့် ကိစ္စအား ဖြေရှင်းရသည်မှာလည်း တစ်မှု။ မနေ့ညက အလုပ်က အပြန် ဖောက်ပြန် သည့်မိုးက အညှိုးကြီးစွာ နွေခေါင်ခေါင် ရွာသွန်းလေတော့ မောင်မင်းကြီးသား ငအင် မိုးမိပါလေရော။ အိမ်ရောက်သည်နှင့် ဆေးတွေ ကမန်းကတန်းသောက် နွေးနွေး ထွေးထွေး နေလိုက်တော့ မဖျားဖြစ်လိုက်ပါ။
သို့သော် … မနက်မိုးလင်း အလုပ်သွားတော့ တစ်လမ်းလုံး မိုးမိပြန်သည်၊ ဆိုင်ကယ်မောင်းရင်း မိုးကို တစ်လမ်းလုံး ကြိမ်ဆဲလာသည် (မိုးကြိုးမကလို့ ဘာကြီးနဲ့ပဲ  ပစ်စေတော့)။
ဘယ်လိုပင် ဖြစ်စေ မိုးနှင့်ပတ်သက်လာလျှင် ငယ်စဉ်ကလို သံယောဇဉ် မရှိတော့တာ အမှန်ပင်၊ အမှန်တကယ်လည်း မိုးကို မုန်းလာမိသည်၊ အမှန်အကန် ပက်ပက် စက်စက်ကို မုန်းသွားမိသည်။ အဘယ်ကြောင့်ဆိုသော် … “ဟတ် … ဟတ် … ဟတ်ချိုး …” မိမိုးကို မုန်းလိုက်တာလေ ... မိမိုးကို မုန်းလိုက်တာ လေး ဟေး ......................
ရွှင်လန်းချမ်းမြေ့ပါစေ …
ငအင်

21, 3, 2011

-------------

သူမ နှင့် လမ်းခွဲ နိဂုံး
ကျနော်နှင့် သူမသည် နည်းပညာ ဆိုသည့် အရာကြီးကြောင့် ထိတွေ့ဆက်ဆံကာ နီးစပ်လာခဲ့သည် ။ သူမကို အကြောင်းပြု၍ စီးပွားရေး လုပ်ငန်း တခုထူထောင်ရန် အကြံရသည်ကို အကောင်အထည်ဖော် ဆောင်ရွက်သည့်နေမှစ၍ အမြဲလိုလို ထိတွေ့ ဆက်ဆံမိခဲ့လေသည် ။ သူမကို ယုံကြည်၍ ကျနော့်ဘ၀ အနာဂတ်များ လှပလာတော့မည်ဟု ယုံကြည်ကာ ပေးဆပ်သင့်တာ မှန်သမျှကို ပေးဆပ်ပြီး စိတ်ကူးယဉ်ခဲ့သည့် အကြိမ် အရေအတွက်လည်း မနည်းလှပါ ။ အစ ပထမတွင် သူမ၏ လုပ်ဆောင် ချက် များကြောင့် အကျိုးများစွာ ရှိ၍ ကျနော့်၏ စီးပွားရေး လုပ်ငန်းကို ထပ်မံတိုးချဲ့ရန်ပင် စဉ်းစားမိသေးသည် ။ သို့သော် အနေကြာလာ သည်နှင့် အမျှ သူမ၏ မူမမှန်သည့်တုန့်ပြန်မှုများကြောင့် နေ့စဉ်နှင့် အမျှ စိတ်ပျက်နေရသည် ။

ဒီနေ့လည်း တနေကုန် ကျနော် ဒေါပွနေကာ တစ်ယောက်တည်း စကားပြောရင်း မကျေနပ်ချက်များကို ကိုယ့်ဟာကို ရင်ဖွင့် နေမိ သည် ။ ဟုတ်သည် .......ကျနော် တော်တော်လေးကို မြတ်နိူးကာ တန်ဖိုးထား၍ ယုယနေပါလျှက် အမြဲသစ္စာ ဖောက်နေသော သူမကို တခါတရံ ခွင့် မလွှတ်နိူင်လောက် အောင်မုန်းတီးနေမိသည်.....။ သို့သော် ကျနော့်၏ အနာဂတ်ဟု သတ်မှတ်ကာ တည် ထောင်ထားသည့် စီးပွားရေး လုပ်ငန်းသည် သူမနှင့် တိုက်ရိုက်သက်ဆိုင် နေသလို နည်းပညာကို အခြေခံသည့် ရိုးသားသည့် စီးပွားရေး လုပ်ငန်းဟု ခံယူသတ်မှတ်ထား၍ သူမကို မစွှန့်ပစ်ရဲသည့် ကိုယ့် ဘ၀ကိုဘဲ အမြဲလိုလို အပြစ်တင်တာ အကျင့်ပါနေမိ၍ သက်ပြင်းသာ တွင်တွင်ချနေမိသည် ။ အရေးတကြီး ချိန်းဆိုထားမှု များတွင် လေးတိလေးကန်နှင့် သူ့လုပ်ရပ်များကြောင့် မျက်နှာ ပျက်ရပေါင်းလည်း များလှပြီ....။

သူမ၏ လုပ်ရပ်များကြောင့် ကျနော် ဖောက်သည် များကို ရှင်းပြရပေါင်းလည်း များလှပါပြီ.....။ အစ ပထမက သူမအတွက် အမြဲ ကာကွယ် ပြောလေ့ရှိသော်လည်း အကြိမ်ပေါင်းများစွာ ပြဿနာ ရှာနေတတ်သည့် သူမကြောင့် ကျနော် အရှက်ရပေါင်းလည်း များလှ၍ လူအများကို အမြဲတောင်းပန်နေရသည့် ဘ၀ ကို ကျနော် အတော်ပင် စိတ်ပျက်လှပါပြီ ။ သူမကို လူတော်တော်များများက မကျေနပ်ကြ ။ စိတ်တို၍ အော်ဟစ်သံများ အမြဲလိုလို စိတ်မချမ်းမသာဖွယ်ရာ ကြားသိရတဲ့ ကျနော် သူမ အတွက် တခုခု လုပ်မှ ရမည်ကို အမြဲလိုလို စဉ်းစားမိသော်လည်း လက်တွေ့ အကောင်အထည် ဖော် မဆောင်ရွက်နိူင်သေးချေ ။

အမည် အမျိုးမျိုး ပြောင်းလဲ၍ ခေတ်မှီ နည်းပညာ အသစ်အဆန်း ဆိုသည့် စကားကို ပါးစပ်ဖျားက ရေလည်သုံးလျှက် သူမသည် ကျနော့်ထံမှ ငွေကြေးများ လိမ်လည် တောာင်းရမ်းနေသည်ဟု တွေးမိသော်လည်း မယုံတ၀က် ယုံတ၀က်ဖြင့် ပေးဆပ်ခဲ့ပေါင်း မနည်းလှချေ ။
ထိုက်တန်သည့် ပေးဆပ်မှု တခု ပြုလုပ်နိူင်လျှင် ညီမျှသည့် အကျိုးအမြတ်တော့ ရနိူင်သည်ဟု ထင်ထားကာ ကျနော့် သူ့အတွက် ငွေကြေးများစွာ အကုန်ကျခံခဲ့ကာ ဘ၀ တခုလုံးကို ပုံအပ်၍ လစဉ် ကျနော့်ဝင်ငွေများမှ သူ့အတွက် ပေးဆပ်ခဲ့သော်လည်း သူမ ဘက်က သဘောထားက မပြောင်းလဲသွားပါ..........။ အပြောင်းအလဲများ မြန်ဆန်လွန်းသည့် ဒီနေ့ ခေတ်ကမ္ဘာတွင် မပြောင်းလဲ တာဆို၍ သူမ၏ တုန့်နှေးသည့် အသွင်သဏ္ဍန်နှင့် စိတ်ပျက်ဖွယ် မူယာမာယာ များသည့် အကျင့်ဆိုးများဟု ပင် တခါတလေ ထင်မိတော့သည် ။ သူမသာ မဟုတ် အုပ်ထိန်းသူမိဘများသည်လည်း ထိုနည်း လမ်းကောင်း သိပ်တော့ မထူးခြားလှ ။

သူမနှင့် ပက်သက်သည့် အတွက် လစဉ် သူတို့ကို ပေးဆပ်နေသည်ကို သိနေပါလျှက် နှင့် မျက်နှာလွှဲ ခဲပစ်နိူင်လွန်းလှသည် ။ လစဉ် ပုံမှန်ငွေ မပေးနိူင်လျှင် သူမနှင့် အဆက်အသွယ် ဖြတ်ဖို့ အမြဲကြိုးစား လုပ်ဆောင်နေသော်လည်း သူမနှင့် ပက်သက်သည့် ကိစ္စများ အတွက် အကူအညီတောင်းလျှင် ခေါင်းရှောင် နိူင်လွန်းလှသည် ။ မရမက အတင်းမေ၍ အဖြေ ပေးပြန်လျှင်လည်း မရေ ရာသည့် အဖြေများ ၊ မတိကျသည့် လမ်းညွှန်ချက်များသာရရှိလေ့ ရှိသလို အထပ်ထပ်မေးမိပြန်လျှင် ဆူပူ ကြိမ်းမောင်ကာ မြည် တွန် တောက်တီးခြင်းကို အမြဲလိုလို ခံရလေ့ ရှိသည် ။

သေချာ ပြန်တွေးလိုက်တော့လည်း သူမကို အပြစ်တင်မိသော်လည်း ကျနော့်အနေနှင့် သူမနှင့် မခွဲနိူင် မခွာရက် ဖြစ်မိသည့် အတွက် ဒေါသလျှော့ကာ ပြန်လည် သုံးသပ်ဖို့ ဆုံးဖြတ်၍ စားပွဲခုံတွင် ၀င်ထိုင်လိုက်ကာ သေချာ စဉ်းစားမိသည် ။ သူမ၏ ဖောက်ပြန်မှု အတွက် ကျနော် ဒုက္ခရောက်ကာ အရှက်ကွဲပေါင်းများလည်း များလှပြီ ။ ချိန်းဆိုမှု ပျက်ကွက်သည့် အတွက် လူတချို့ ၏ ပြစ်တင်ဝေဖန်မှုများလည်း ခံရပေါင်းများလှတဲ့ အတွက် တခုခု ဆုံးဖြတ်ချက် ချမှ ရတော့မည် ။

ကိုယ့်ဘက်က အမြဲလိုလို ပေးဆပ်နေပါလျှက် သူမဘက်က ပျက်ကွက်မှု များကြာင့် ကျနော် ဆုံးဖြတ်ချက်မှာ သူမနဲ့ လမ်းခွဲဖို့ ကြဖို့သာ ရှိတော့သည် ။ သူမနဲ့တိုက်ရိုက်ဆက်သွယ်လျှင် ဝေ့လည်ကြောင်ပတ်နှင့် လေးတိလေးကန် သူ့လုပ်ရပ်များကြောင့် စိတ်ကူးပြောင်းလဲမည်ဆိုး၍ သူမအုပ်ထိန်းသူများနှင့် တိုက်ရိုက် ပြောကြားမှ ဖြစ်မည်ဟု ဆိုကာ......ချက်ချင်း ဖုန်းဆက်၍ .......

လူကြီးမင်းများ ခင်ဗျာ...........ကျနော့်အိမ်တွင် တပ်ဆင်ထားသော အင်တာနက် ကို ဒီနေ့မှ စ၍ အသုံး မပြုတော့လိုပါ၍ ရပ်နား လိုကြောင်း သတင်းပေးပို့ပါသည် ဆိုသည့် အချက်ကို အားရပါးရ ပြောကာ ကွန်ပျူတာမှာ တပ်ဆင်ထားသည့် အလွန်မှပင် မူယာ မာယာများသည့် မင်းသမီးတဦးနှင့် တူလှသည့် သူမဆိုသည့် အင်တာနက် လိုင်း ကြိုးကို ဆွဲဖြုတ်လိုက်၍ ထာဝရ လမ်းခွဲ လိုက်ပါ တော့သည်.......။

ခင်မင်လေးစားလျှက်
ဗမာ့သွေး

------------

ပြည့်တန်ဆာတဦးနှင့် တွေ့ဆုံခြင်း (အပိုင်း ၁)

ကမ္ဘာပေါ်တွင် အယ်ဒီတာတို့ မရှိလျှင် ကောင်းမည်ဟု တွေးမိသည်။ ဟုတ်သည်၊ သိပ်ကောင်းမည်။ သူတို့ အိုင်ဒီယာများ အကောင် အထည်ပေါ်စေရန် အလို့ငှာ ကျွန်ုပ်တို့ သတင်းထောက်များက ဖတ်ဖတ်မော လှုပ်ရှားကြရသည်။အယ်ဒီတာများ ကျွန်ုပ်ကို အသွား စေခိုင်းသည့်နေရာက ပြည့်တန်ဆာတို့ ကျက်စားသည့်နေရာ ဟူသတတ်။

သွားရပေမည်။ ညွှန်ကြားချက် ရောက်လာပြီ မဟုတ်လော။

အတိုချုပ်ဆိုရလျှင် အသက် ၂၀ ကျော် အရွယ် ရှိသော၊ တချက်တချက် နှစ်လိုဖွယ် ပြုံးပြတတ်သော၊ ညဥ့်ငှက် ဆိုသော်လည်း နေ့ဘက်တွင် လှုပ်ရှားသော၊ ရွက်ကြမ်းရေကျို အနေအထားထက် အနည်းငယ်ပိုသည့် ရူပါကို ပိုင်ဆိုင်သော၊ သံချပ်နှင့်ဆင်တူသည့် ဟစ်ပ်ဟော့ပ်သီချင်း၊ ပီကေ၊ ၀က်သားတုတ်ထိုးတို့ကို ကြိုက်တတ်သော ပြည့်တန်ဆာတဦးနှင့် ကျွန်ုပ် တွေ့ကြလေသည်။

နေရာက ရန်ကုန်မြို့လယ်တနေရာရှိ အနှိပ်ခန်းတခုတွင် ဖြစ်သည်။ အနှိပ်ခန်းတွင် လုပ်ကိုင်နေသော်လည်း သူက နှိပ်တတ်ပုံမပေါ်။ ကိစ္စမရှိ။ စားသုံးသူတို့က အနှိပ်ခံရန် ဤနေရာသို့ လာခြင်း မဟုတ်။ အီစီကလီ၊ အယုအယ၊ ဟိုဒင်းဟိုဟာ တို့အတွက် လာခြင်း ဖြစ်သည်။

သူက နှုတ်ခမ်းနီ ထူထူ၊ မိတ်ကပ် ခပ်ပါးပါး လိမ်းထားသည်။ အရပ်အမောင်းကတော့ သူလိုငါလို ငါးပေ နှစ်လက်မခန့် ဖြစ်မည်။ ဘာသာပြန်ဝတ္ထုစာအုပ်ထဲက ပြည့်တန်ဆာများတွင် ရှိသည်ဟု ဆိုသော အပေါစား ရေမွှေးနံ့က သူ့ထံတွင် မရှိပေ။ ထိုဝတ္ထုများ ဖတ်မထားသဖြင့် ထိုသို့သော ရေမွှေး အသုံးမပြုခြင်းလည်း ဖြစ်နိုင်သည်။

နှုတ်ခမ်းနီမလေးက ကျွန်ုပ်ကို ပြုံးပြပြီး မေးခွန်းတခုဖြင့် အစပြုနှုတ်ဆက်လေသည်။

နှုတ်ခမ်းနီမလေး။ ။ ဆက်ရှင် ဘယ်နှစ်ခု ယူထားလဲ။

ရန်လိုကျွဲ။ ။ တခုပဲယူထားတယ်။

လေး။ ။ တခုတည်းလား၊ နည်းတာပေါ့။

ကျွဲ။ ။ ဟင် - နည်းလား။ နည်းလည်း မတတ်နိုင်ဘူး။ ပိုက်ဆံ သိပ်ရှိတာမဟုတ်ဘူးကွ။

လေး။ ။ သူဌေးကများ ညည်းနေရသေးတယ်၊ ဒီက ညည်းဖို့လည်း ချန်ပါအုံး။ ဟင်းဟင်းဟင်း။

သူဌေး အထင်ခံရသဖြင့် ကျွန်ုပ် ရန်လိုကျွဲ ကျေနပ်သွားသည်။ တကယ်မဟုတ်သေးသည့် အခြေအနေတွင် အထင်ခံရသည်က ကျေနပ်စရာ မဟုတ်လော။ နှုတ်ခမ်းနီမလေးက အပြောအဆို ညက်လှသည်။ ဒေးကာနက်ဂျီ လျှောက်ရေးထားသည့် လူပေါ် လူဇော် လုပ်နည်း နိဿရည်းတို့ကိုများ ဒီကလေးမ ဖတ်ထားလေသလား -----။ ဟုတ်ဟန်မတူ။ လက်တွေ့ဘ၀ထဲတွင် သင်ယူကျင့်သုံးခြင်း ဖြစ်မည်။ ဒိုင်တွေ သိပ်ကောင်းသည်။ ပြောရဲဆိုရဲလည်း ရှိသည်။ ဈေးကွက်ရှာဖွေရေးမန်နေဂျာပင် ဖြစ်နိုင်သည်။ သူ ထပ်ပြော သည်ကို ကြည့်လော့ -

လေး။ ။ ရှင့် ရှပ်အင်္ကျီက အကောင်းစားပဲ။ ရှင်နဲ့လည်း အရမ်းလိုက်တယ်။ အင်း - ဘာဝတ်ဝတ် ရှင်က ကြည့်ကောင်းမှာပါ။

ကျွဲ။ ။ ဟုတ်လား၊ ဟီးဟီး။

လေး။ ။ ဟုတ်တယ်။ ရှင်က ညိုချော ချောတယ်။

မြှောက်ပင့်ပြောသည်ပဲဖြစ်ဖြစ်၊ အရှိအတိုင်း သုံးသပ်သည်ပဲဖြစ်ဖြစ် ကျေနပ်စရာပင်။ အလှအပ ကြိုက်သော ကျွန်ုပ် နှင့် လှပ အပြော ချိုသော နှုတ်ခမ်းနီမလေးတို့ နှစ်ဦးသား အ၀တ်အစား၊ ဖက်ရှင်တို့အကြောင်း ရောက်တတ်ရာရာ စကားကောင်းနေမိသည်မှာ ၁၀ မိနစ်ကျော် ကြာသွားလေသည်။

လေး။ ။ စကားပြောလို့ ကောင်းလိုက်တာရှင်။ ဒီကိုလာတဲ့သူတွေက စကား သိပ်ပြောကြတာ မဟုတ်ဘူး။ အင်း - လေအေးစက် ပျက်ပြန်ပြီ ထင်တယ်၊ ပူလိုက် အိုက်လိုက်တာ။ ရှင် မအိုက်ဘူးလား။

ကျွဲ။ ။ နည်းနည်းတော့ အိုက်တယ်။ အင်္ကျီ ချွတ်လိုက်အုံးမှပဲ။

လေး။ ။ ဟီဟိ၊ အခုမှတော့ ချွတ်မနေနဲ့တော့။ အချိန်စေ့တော့မယ်။

ကျွဲ။ ။ ဟင် - အချိန်စေ့တော့မယ်၊ ဟုတ်လား။ ဘာမှတောင် မလုပ်ရသေးဘဲ အချိန်က စေ့တော့မှာလား။

လေး။ ။ ဘာမှမလုပ်ရသေးဆို ရှင်က ဘာမှမှ မလုပ်ဘဲ။ လွယ်ပါတယ်၊ လုပ်ချင်ရင် ဆက်ရှင် နောက်တခု ထပ်ယူပေါ့ရှင်။

ကျွဲ။ ။ ဟ - ဘာမှမလုပ်ရသေးဘဲ ဆက်ရှင်တခု ပြီးသွားတယ် ဆိုတာတော့ မဟုတ်သေးဘူး ထင်တယ်။ ငါ့ကို အူ တူတူ အ တတ ထင်ပြီး ခွင်ရိုက်မယ် မကြံနဲ့။ ဒီမှာ - ရန်ကုန်မှာမွေးတဲ့ ရန်ကုန်သား ကွ။ ရန်ကုန်မှာနေ၊ ရန်ကုန်မှာ ကြီးလာတာ အနှစ် ၃၀ ပြည့်တော့မယ်။

လေး။ ။ တကယ်ပြောတာပါရှင်။ အချိန်က ပြည့်သွားပါပြီ။

ကျွဲ။ ။ ဆက်ရှင်တခုကို တနာရီ မဟုတ်ဘူးလား။

လေး။ ။ မဟုတ်ပါဘူးရှင်။ အဲ - ဟုတ်ပါတယ်ရှင်။ မဟုတ်ဘူးဆိုတာ ဟုတ်ပါတယ်ရှင်။

ကျွဲ။ ။ ဘာ မဟုတ်တာလဲ၊ ဘာ ဟုတ်ပါတယ်လဲ။

လေး။ ။ ဆက်ရှင်တခုကို တနာရီ ဆိုတာက လွှတ်တော်မခေါ်ခင်တုန်းကပါ။ အခု လွှတ်တော်ခေါ်ပြီးတော့ အချိန်က ပြောင်းသွားပါပြီ။

ဟိုက် - ရှာလဘတ်ရည်။ လွှတ်တော် ဆိုပါလား။ အနှိပ်ခန်းတွင် အလုပ်လုပ်သူ နှုတ်ခမ်းနီမလေးဆီက လွှတ်တော် ဆိုသောစကားသံ ထွက်လာသည်က ထူးခြားနေသည်။ သူက ဆက်လက် ရှင်းချက် ထုတ်သည်-

လေး။ ။ လွှတ်တော် တခါ ကျင်းပရင် ၁၅ မိနစ်ပဲ ကြာတယ်တဲ့။ အဲဒါကြောင့် ဒီမှာလည်း ဆက်ရှင်တခုကို ၁၅ မိနစ်ပဲ သတ်မှတ်လိုက် တယ်။ အလုပ်ရှင်က သတ်မှတ်လိုက်တာပါ။

ကျွဲ။ ။ ဟိုက် - ဘာဆိုင်လို့လဲကွ။ လွှတ်တော်ဆိုတာက နိုင်ငံရေးသမားတွေ သွားထိုင်၊ သွားငိုက်၊ သွား အိပ်တဲ့နေရာ။ မင်းတို့က အနှိပ်ခန်းလေကွာ။

လေး။ ။ ငွေကြေးကိစ္စ၊ အချိန်ကိစ္စတွေကတော့ ကျမလည်း မသိပါဘူးရှင်။ အလုပ်ရှင် ပြောပြတာကတော့ တနိုင်ငံလုံးအတွက် ဆွေးနွေးညှိနှိုင်းငြင်းခုံရတဲ့ လွှတ်တော်တွေမှာတောင် ဆက်ရှင်တခုကို ၁၅ မိနစ်ပဲ သတ်မှတ်တယ် တဲ့။ ဒီတော့ လူတယောက်ကိုပဲ ဆားဗစ်ပေးရတဲ့ ဒီနေရာမှာ ဆက်ရှင်တခုကို ၁ နာရီ ဆိုတာ များတယ် တဲ့။ ဒါကြောင့် ဒီမှာ ဆက်ရှင် တခုကို ၁၅ မိနစ် ဆိုပြီး ပြောင်းလိုက်တာ တဲ့။

ကျွန်ုပ်လည်း နောက်တကြိမ် “ဟိုက် - ရှာလဘတ်ရည်” ဟု အံ့သြတကြီး ရေရွတ်မိရုံမှတပါး ပြောစရာစကား မရှိတော့ပေ။

ရန်လိုကျွဲ
မတ် ၈၊ ၂၀၁၁

--------------------

အောင်မြင်မှုနဲ့ စွမ်းဆောင်မှု

နိုင်ငံခြားသွားချင်ကြတဲ့ လူငယ်လုံမယင်လေးတွေကို အင်္ဂလိပ်စကားပြောသင်တဲ့ ဆရာလုပ်နေစဉ်က ဘာကြောင့် နိုင်ငံခြားသွား ချင်ကြတာလဲဆိုတဲ့စကား အမြဲမေးဖြစ်ပါတယ်။
အမေးခံရသူတွေဟာ ဆရာဝန်၊ အင်ဂျင်နီယာ၊ တက္ကသိုလ်ဆရာ ဆရာမ၊ သဘောင်္သား၊ ဘွဲ့ရ၀န်ထမ်း၊ ဘွဲ့ရအလုပ်လက်မဲ့၊ စီးပွား ရေးသမား၊ ကုမ္ပဏီပိုင်ရှင်၊ ကျောင်သူကျောင်းသား အလွှာပေါင်းစုံက ဖြစ်ကြပါတယ်။ တက္ကစီမောင်းသူနဲ့ ဆိုက်ကားနင်းရင်း မဟာ တန်းတက် နေသူမျိုးတောင် ပါပါတယ်။

လူတွေ ဘယ်လောက်များများမေးမေး အဖြေက တစ်ခုတည်းပဲ ကြားရလေ့ရှိတယ်။ အဲဒါကတော့ “အောင်မြင်ချင်လို့“ ဆိုတဲ့အဖြေ ဖြစ် တယ်။ ၁၀ တန်းအောင်ပြီးစ တက္ကသိုလ်တက်ဖို့ စောင့်နေကြတဲ့ သူလေးတွေ အားလုံးမှာလည်း အဆုံးမှာ နိုင်ငံခြားသွားဖို့ဆိုတဲ့ ရည်ရွယ်ချက်ရှိကြတယ်။

ဘယ်လိုအောင်မြင်ချင်တာလဲ၊ ဘာကြောင့်အောင်မြင်ချင်တာလဲလို့ မေးလိုက်တဲ့အခါမှာလည်း ဆင်တူကြောင်းကွဲအဖြေပဲ ထွက်လာ ပါတယ်။
အားလုံးလိုလိုက နိုင်ငံခြားသွားပိုက်ဆံရှာမယ်၊ စူမိဆောင်းမိအောင် လုပ်မယ်ဆိုတဲ့ ရည်ရွယ်ချက်ရှိကြပါတယ်။ တချို့တလေက ပြန် လာဖို့ စိတ်ကူးမရှိဘူး။
ရောက်ရာနိုင်ငံမှာ ဒုတိယတန်းစား၊ တတိယတန်းစားလူများအဖြစ်တောင် နေမယ်လို့ ဆုံးဖြတ်ထားကြတယ်။ တချို့တလေက ပိုက်ဆံ ရှာပြီးပြန်လာမယ်၊
ဒီမှာရင်းနှီးမြှုပ်နှံပြီး အလုပ်လုပ်မယ်လို့ စိတ်ကူးရှိကြတယ်။ ဒီလိုလူမျိုးတွေက အများစုဖြစ်တာကို တွေ့ရတဲ့အတွက် စိတ်သက်သာ ရသေးတယ်။

ဒီနေ့လူငယ်အများစုခေါင်းထဲမှာ ပိုက်ဆံအများကြီးရအောင် ရှာနိုင်တာ၊ ချမ်းသာအောင်လုပ်နိုင်တာကို “အောင်မြင်မှု” လို့ သတ်မှတ် ယုံကြည်နေကြတာတွေ့ရတယ်။ ပိုက်ဆံမရှိရင် ဘာမှဖြစ်မလာနိုင်ဘူးလို့လည်း မှတ်ယူကြတယ်။ ပေါပေါသုံးချင်တယ်၊ ကောင်း ကောင်းစားချင်တယ်၊ လှလှဝတ်ချင်တယ်ဆိုတာ လူငယ်သဘာဝမို့ ချမ်းသာချင်တာကို အပြစ် မတင်ပါဘူး။ လောကမှာ မချမ်းသာ ချင်တဲ့သူ ဘယ်သူမှမရှိပါဘူး။ မချမ်းသာချင်ပါဘူးပြောရင် အရူးပဲ ဖြစ်လိမ့်မယ်။

ပိုက်ဆံချမ်းသာတိုင်း စိတ်ချမ်းသာတာမဟုတ်ဘူး။ လောကမှာ စိတ်ချမ်းသာဖို့က အရေကြီးဆုံး ဖြစ်တယ်။ ပိုက်ဆံဆိုတာ မကောင်း မှုမှန်သမျှရဲ့ ရေသောင်မြစ်ဖြစ်တယ်ဆိုတဲ့ ဓမ္မကထိကလေသံမျိုးနဲ့ လူငယ်တွေကို တရားမပြချင်ဘူး။ တရားဆိုတာ ပြတိုင်းရတာမျိုး မဟုတ်ပါဘူး။
ကိုယ်တိုင် ဒုက္ခကိုတွေ့မှ နောင်တရပြီး ကိုယ်တိုင်က လိုလိုလားလားလိုက်ရှာမှ တွေ့နိုင်၊ ရနိုင်တာမျိုး ဖြစ်ပါတယ်။

လူငယ်တွေကို ပြောချင်တာက သူတို့အမြင်မှားနေတဲ့ “အောင်မြင်မှု”အကြောင်းဖြစ်ပါတယ်။ “အောင်မြင်မှု”ဆိုတာကို ဘ၀ရဲ့ ရည်မှန်း ချက်ကြီး တစ်ခုအဖြစ် သဘောထားနေကြတာ အမြင်မှားနေလို့ပါ။ လောကမှာ အောင်မြင်မှုရဖို့ မခက်ပါဘူး။ နာမည်ကြီးဖို့ မခက်ပါ ဘူး။ အိုစမာဘင်လာဒင်လည်း နာမည်ကြီးပါတယ်။
ဂျော့ဘုရ်ှလည်း နာမည်ကြီးပါတယ်။ အီမယ်လ်ဒါမားကို့စ်လည်း နာမည်ကြီးပါတယ်။ မော်နီကာလူဝင်စကီးလည်း နာမည်ကြီးပါတယ်။

နာမည်ကျော်တိုင်း အောင်မြင်မှုရတယ်လို့ မဆိုနိုင်ဘူး။ ဘယ်လိုနေရာမှာ နာမည်ကြီးတာလဲ၊ ဘယ်လိုနည်းနဲ့ နာမည်ကြီးတာလဲ ဆိုတာက အရေးကြီးတာဖြစ်တယ်။
အိုစမာဘင်လာဒင်ကို ၉/၁၁ ဆိုတဲ့ ရက်စက်ကြမ်းကြုတ်တဲ့ လုပ်ရပ်ကြီးကြောင့် ကမ္ဘာကသိလာရတာဖြစ်တယ်။ အမေရိကန်သမ္မတဂျော့ဘုရ်ှလည်း အာဖဂန်နစ္စတန်ကို ၀င်တိုက်တဲ့ကိစ္စနဲ့ အီရတ်ကိုဝင်တိုက်တဲ့ ကိစ္စကြောင့် နာမည်ကြီးလာ တာ ဖြစ်တယ်။ သူ့ရဲ့ သမ္မတသက်တမ်း ဒုတိယအကြိမ်ရောက်တဲ့အထိ အမေရိကန်ပြည်တွင်းရေးမှာ ပြည်သူပြည်သား များရဲ့ လုံခြုံမှုတိုး တက်အောင်၊ ပညာရေး၊ ကျန်းမာရေး အဆင့်မြင့်လာအောင်၊အခွန်အတုပ်တွေ လျော့ပါးသွားအောင် အလုပ်လက်မဲ့နှုန်းတွေ ကျဆင်း သွားအောင် ဆောင်ရွက်နိုင်ခဲ့တာ၊ အကောင်အထည်နဲ့ လက်ဆုပ်လက်ကိုင် ပြနိုင်တာ တစ်ခုမှမရှိခဲ့ဘူး။

နာမည်ကြီးဖို့၊ အောင်မြင်ဖို့လုပ်ရတာ မခက်ပါဘူးလို့ ဒါကြောင့်ဆိုခဲ့တာပါ။ ဒီခောတ်ကြီးမှာ ပေါ်ပြူလာဖြစ်အောင်လုပ်ဖို့ အင်မတန် လွယ်ပါတယ်။ အင်တာနက်ခေတ်မဟုတ်လား။

အောင်မြင်မှု(success)ဆိုတဲ့စကားနဲ့ စွမ်းဆောင်မှု(achievement)ဆိုတဲ့ စကားနှစ်ခုခြားနားတာကို လူငယ်တွေ သတိပြုမိစေချင် တယ်။

Success ဆိုတာကို Oxford American Dictionary က - success (n) – 1. A favorable outcome, doing what was desired or attempted, the attainment of wealth,
or fame or position 2. a person or thing that is successful လို့ အဓိပ္ပါယ်ဖွင့်ဆိုပြပါတယ်။ မြန်မာလိုဆိုတော့ - အောင်မြင်မှု
၁။ နှစ်လိုဖွယ်ရာရလဒ်၊ လုပ်ချင်တာကို ကြိုးပမ်းချင်တာကို လုပ်ကိုင်ကြိုးပမ်းနေရခြင်း။ ဥစ္စာစည်းစိမ်၊ ကျော်ကြားမှု၊ ရာထူးဌာနန္တရ တစ်ခုမဟုတ်တစ်ခု ရရှိခြင်း
၂။ အောင်မြင်သူ၊ ဒါမှမဟုတ် အောင်မြင်တဲ့အရာလို့ ဖြစ်ပါတယ်။

achieve ကိုတော့ .. achieve (v) – to accomplish, to gain achievement (n) – reach by effort စွမ်းဆောင်နိုင်ခြင်း၊ ကြိုး ပမ်းအားထုတ်မှုဖြင့် အနိုင်ရခြင်း၊ ရောက်ရှိရခြင်းလို့ အဓိပ္ပါယ်ဖွင့်ဆိုထားပါတယ်။ ခြားနားချက်ကတော့ အောင်မြင်မှုဆိုတာက ကိုယ့်လိုဘပြည့်ဝသွားခြင်းဖြစ်တယ်။
ကောင်းတာဖြစ်ဖြစ်၊ ဆိုးတာဖြစ်ဖြစ် ပါဝင်တယ်။ ၉/၁၁ ဟာ အိုစမာဘင်လာဒင်အဖို့တော့ အောင်မြင်မှု ဖြစ်ကောင်းဖြစ်လိမ့်မယ်။
လူသားများအတွက်တော့ စက်ဆုပ်စရာကောင်းလှတဲ့ လူမဆန်မှုကြီးဖြစ်တယ်။ အဲဒါကြောင့် အောင်မြင်မှုဆိုတာ သက်သက် မမက် မောသင့်ဘူး။
ဘယ်နေရာမှာ၊ ဘယ်လိုနည်းနဲ့ ဘယ်သူ့အတွက် အောင်မြင်မှုလဲဆိုတာကြည့်ပြီးမှ အကဲဖြတ်သင့်တယ်။

achievement စွမ်းဆောင်နိုင်မှုဆိုတာကျတော့ ကိုယ်တိုင်ကျားကုတ် ကျားခဲကြိုးပမ်းအားထုတ်ပြီးမှ ရတဲ့အရာဖြစ်ပြီး ယေဘူယျအား ဖြင့် ကောင်းမွန်မြင့်မြတ်တဲ့အလုပ်မျိုးကို စွမ်းဆောင်နိုင်မှုလို့ မှတ်ယူကြတယ်။ မကောင်းတဲ့ အဓိပ္ပါယ်မပါဘူး။ အဲဒါကြောင့် လိုလားအပ်တယ်။

လူငယ်တိုင်း လူငယ်တိုင်းကို တဒင်္ဂအောင်မြင်မှုတွေနောက် အမောတကော လိုက်နေကြမယ့်အစား ရာသက်ပန်တည်ရှိနေမယ့် စွမ်းဆောင်နိုင်မှု တစ်ခုခုလုပ်နိုင်အောင်သာ ကြိုးပမ်း အားထုတ်လုပ်ကြပါလို့ တိုက်တွန်းနှိုးဆော် လိုက်ချင်ပါတယ်။

၂၄။ ၂၅၊ ၂၀၁၁
လူထုစိန်ဝင်း၏ ပထမတန်းစားစိတ်ဓာတ်မှ တဆင့်ကူးယူမျှဝေသည်။

---------

“မြက်ရိုင်းထဲကကြေးရုပ်”

မြက်ရိုင်းထဲတွင်
ထိုင်ဆဲမလှုပ်၊ ဆန်းကြေးရုပ်။

သမိုင်းများစွာ
ဖြတ်သန်းလာတော့
ငါသည်မြက်ရိုင်း
နေရာတိုင်းကို
သမိုင်းပြရုပ်
ဆန်းကြေးရုပ်ကို
ကျွန်ုပ်တို့ မေ့ခဲ့ကြပြီ။

ဆန်း၏လမ်းစဉ် တို့မမြင်တော့
ကျေးဇူးရှင်မှန်း မသိစွမ်းတော့
ဆန်း၏ဂုဏ်ပုဒ် ဆန်းကြေးရုပ်က
တိမ်မြုပ်ခဲ့ပြီ အတိတ်ဆီ။

ဗိုလ်ချုပ်အောင်ဆန်း
ခင်းသောလမ်းက
လွမ်းစရာပင် အလှမ်းကွာခဲ့ပြီ။

ဗိုလ်ချုပ်လက်တွင်
စာရွက်လိပ်ထား
ကြေးဝါပြားကို
ရောင်းစားဖို့ရာ
ခွာခဲ့ရှာပေါ့
လက်မှာ စာရွက်မဲ့ခဲ့ပြီ။

ဗိုလ်ချုပ် ဟောရ
မောရ သောကအများ
ကျောကမကြား ဖြစ်ခဲ့ပြီ။

လွတ်လပ်ရေးကို
သွေးနှင့်ရင်း၍
အပ်နှင်းခဲ့ရ
သူ့ဘဝကို မြေချသင်္ဂြိုလ်ခဲ့ကြပြီ။

သမိုင်းနာလည်း
နာမှန်းမသိ
တို့မထိတော့
တို့၏အကျိုး၊ တို့ထုတ်ပိုးကို
အမျိုးသားရေး၊ တို့မတွေးအား
အရေးတော်ပုံ၊ တို့မဖြုံအား
တို့ယုံသည်က၊ တို့ကောင်းစားဖို့
အများအရေး တို့မတွေးအား
ကိုယ့်ရေးကြည့်ရာ၊ ကိုယ်လိမ္မာဖို့
အရာရာတွင်၊ ကိုယ်ကျိုးမြင်က
မီးစင်ကြည့်၍ က,တတ်ပြီ။

ဗိုလ်ချုပ်ကြေးရုပ်
မြက်ရိုင်းအုပ်လည်း
မခုတ်တော့ပဲ
မျက်နှာလွှဲပြီ
နေမြဲနေကြပါစေတော့....

တင်မိုး

------------------

အကယ်ဒမီဟာသများ

၂၀၁၁အကယ်ဒမီပေးပွဲက ဟာသများကိုတော့ မြန်မာ့ရုပ်မြင်သံကြားကနေ ပြည်သူလူထုများကို မကြည့်မနေရ ကြည့်ခိုင်းလို့ ကြည့်လိုက်ရပါတယ်။ တခြားကြည့်စရာလည်း မရှိဆိုတော့ ဒါကိုပဲ အိပ်ချင်ပြေလေးဆိုပြီး ကြည့်ကာမှ ဟာသများနဲ့တိုးနေလို့ မျက်လုံးများတောင် ကျယ်သွားရကြောင်းပါ၊
အကယ်ဒမီလင်ပန်းကိုင်မလေးများဟာဖြင့် စင်ပေါ်မှာ ခြေတစ်လှမ်း ဒေါ်လာတစ်သန်းနဲ့ လှမ်းနေကြတာဟာ အင်မတန်မှ ရယ်ချင်လျက် လက်တို့ ဖြစ်ရပါတယ်။ အစီအစဉ်များအရ ကပ်ကြေးညှပ်မယ့်သူများ၊ ကြေငြာပေးသူများနဲ့ အကယ်ဒမီဆုရှင်များက စင်ပေါ်မှာနေရာယူနေပြီးကာမှ စင်တော်က စင်မမများရဲ့ ခြေလှမ်းများက ကာယကံရှင်များရှေ့အရောက် လှမ်းတာကို စောင့်စားနေကြရပုံများကတော့ တော်တော်လေးကို အရုပ်ဆိုး အကျဉ်းတန်လှကြောင်းပါ။

အဲသည်မော်ဒန်မလေးများကိုကြည့်နေရတာနဲ့တင် အူနှိပ်ပြီး ရယ်နေရပါတယ်။ သူတို့ခြေလှမ်း မြန်မြန်မလျှောက်ရဘူးလို့ ဆိုထား လို့လား ခင်ဗျ။ ဒါဆိုလည်း စကတည်းက တိုင်ပင်ကိုက်အောင် လုပ်ထားပါတော့လား။ ကျေးဇူးတင်စကားပြောမယ့် အကယ်ဒမီဆုရှင် များခင်မျာ သူ့ကို မိုက်ခွက်လာပေးမယ့် မော်ဒယ်လေးလမ်းလျောက်တာကို စိတ်ရှည်လက်ရှည် စောင့်နေရပါတယ်။ မော်ဒယ်အလှလျှောက်စင်နဲ့ အကယ်ဒမီစင်နဲ့ များ မှားပြီး ရောက်လာလေသလား ခင်ဗျား …။

နေတိုး အကယ်ဒမီရမယ် ဆိုတာ အမှန်ပြောရရင် မိုင်အကယ်ဒမီ အနေနဲ့ ကြိုတင်ပြီး ရိပ်မိထားပါတယ်။ ကြိုပြီး မပြောတာကတော့ ကိုယ်ကြိုပြောထားလိုက်မိလို့ မရမှာ စိုးရိမ်လို့ပါပဲ။ နေတိုးဟာ သူရိုက်ထားတဲ့ အငြိမ့်ဟာသများနဲ့ပတ်သက်ပြီး အစုိးရကို ဆော်ထား တာများ ပါလို့ အကယ်ဒမီမရနိုင်ကြောင်း နံမယ်ထွက်ထားတာပါ။ သို့သော်လည်း အစိုးရက တခါတရံမှာ သူတို့ နံမယ်ကောင်းရဖို့၊ သဘောထားကြီးကြောင်း ပြချင်တဲ့အတွက်ကြောင့် အဲသည်လိုမျိူး ပေးလေ့ ပေးထရှိပါတယ်။ ဒိလိုဥပမာများ ကိုယ့်ကိုယ့်ဖာသာ စဉ်းစားကြည့်လိုက်ရင် တွေ့ပါလိမ့်မယ်။ ဒါကြောင့် နေတိုးရလိုက်တဲ့အတွက် ပြည်သူတွေရဲ့ရင်ထဲမှာ နည်းနည်းတော့ မြူးသွားရ တယ်ပေါ့။ ဒါကိုက နိုင်ငံရေးလှည့်ကွက်တခုပါပဲ ခင်ဗျား
အကယ်ဒမီများ ရသွားတဲ့ “မိုးညအိပ်မက်မြူ” ကားဟာ တက္ကသိုလ်ဘုန်းနိုင်ရဲ့ နံမယ်ကြီးဝတ္တုကြီး ဖြစ်ပါတယ်။ ဒိဝတ္တုထဲက ဇာတ် ကောင်များဖြစ်တဲ့ မမထား၊ မမရီနဲ့ အငြိမ့်သမလေး စတဲ့ မင်းသမီး သုံးလက်ဟာဖြင့်ရင် အင်မတန်မှကို သဘာရင့် ၀ါရင့်တန်းများဖြင့် သာ သင့်တော်တဲ့ ဇာတ်ရုပ်များဖြစ်ပါတယ်။ ဒီဇာတ်လမ်းကို တက်သစ်စများနဲ့ ရိုက်ကူးလိုက်တာကိုတော့ဖြင့် မိုင်အကယ်ဒမီ တစ်ယောက်ထဲတင် မကပါဘူး။ ဒီအရင်က ကြည့်ခဲ့ဖူးတဲ့ မိုးညအိပ်မက်မြူ ရုပ်ရှင်ပရိသတ်ဟောင်းများကတော့ တော်တော်လေး အစာမကြေဖြစ်သွားရကြောင်းပါ။

နေတိုးရဲ့ဇာတ်ရုပ်များကိုတော့ အရင်ရုပ်ရှင်ပရိသတ်များက အားမလိုအားမရဖြစ်ကြကြောင်း တွေ ကြားမိပါတယ်။ ဒါကိုတော့ မိုင် အကယ်ဒမီအနေနဲ့ မဝေဖန်တတ်ပါဘူး။ ရုပ်ရှင်ထဲက မမထားရဲ့အမေအဖြစ် သရုပ်ဆောင်တဲ့ ခင်သီတာထွန်းကိုတော့ ကြည့်သူ တိုင်းဟာ အိုဗာအိုက်တင်ကြီးဖြစ်နေလို့ စိတ်ပျက်မိကြပါတယ်။

ခင်သီတာထွန်းဟာ အမှန်အားဖြင့် သူငယ်စဉ် သူ့ကာရိုက်တာအရ ပြောရရင် အေးဆေးသော တည်ငြိမ်သော ရိုးသားသော ဟန်အမူ အယာများဟာ လုပ်ပြီး သရုပ်ဆောင်ပြစရာမလိုလောက်အောင် ပြည့်စုံတဲ့ မင်းသမီးတစ်လက်ဖြစ်ပါတယ်။ အဲသည်မင်းသမီးက အခုအိုဗာအိုက်တင်နဲ့ ဆိုတော့ သူ့ကိုကြည့်ရတာ ထားရဲ့မိခင်ရင်းပုံတောင် မပေါက်ဘဲ မိဒွေးပုံစံ ပေါက်သွားပါတယ်။ ဒီလိုဇာတ်ရုပ်မျိူးကို အင်မတန် ပိုင်နိုင်သော ဒေါ်သီတာခင်ထွေး၊ နွဲ့နွဲ့စန်းတို့သာဆိုရင် အိုဗာအိုင်တင်ကို ကောင်းကောင်းကြီး သရုပ် ဆောင်ပြတတ်မှာ သေချာပါတယ်။ ဒါရိုက်တာအနေနဲ့လည်း ခင်သီတာထွန်းအခန်းများကို သူကိုယ်တိုင် ပရိသတ်နေရာကနေ ကြည့် ရင် ထင်ထင်ရှားရှားမြင်မှာပါ။ ဒါကို ဒီအတိုင်းလွှတ်ပေးလိုက်တာဟာ မပြောရဲလို့ဘဲလား။ ဒါမှမဟုတ် ၀ါရင့်မင်းသမီးတစ်လက်ဖြစ်လို့ ပိုင်မှာပဲလို့ တွက်ဆထားလို့လား မသိပါဘူး။

အခုတင်ပြလိုက်တာတွေကတော့ ပရိသတ်များဆီက စကားများကို ပြန်လည်တင်ပြခြင်းသာ ဖြစ်ပါတယ်။ ဒါမျိူးကို ပြည်တွင်းဂျာနယ် တွေထဲလည်း ဘယ်သူမှ ရေးမှာ မဟုတ်ပါဘူး။ ပရိသတ်များဆီက အသံကိုတော့ ကြားသင့်တယ်ထင်ပြီး ရေးလိုက်တာပါပဲ
အဲ… အကယ်ဒမီပေးပွဲလည်းပြီးလို့ လူကြီးမင်းများနဲ့ ဂါရ၀ပြုကြနဲ့ ဟုတ်လို့ပါပဲ။ သို့သော် လူကြီးမင်းများလည်း ပြန်ပါရော … အလိုလေး … အကယ်ဒမီစင်ကြီး တခုလုံးဟာ တခါတည်းကို ပတ်စာခွာ ဖျာသိမ်း တဟုန်ထိုး သိမ်းဆည်းကြတော့တာပါပဲ။

ဆရာမရှိ တပည့် သောင်းကျန်း ဆိုလား…။ အကယ်ဒမီစင်မြင့်က မီးကို ပိတ်တော့တာပါပဲခင်ဗျာ။ အကယ်ဒမီဆုရှင်များ ဓါတ်ပုံရိုက် ကြတာကိုလည်း မကျေမနပ်နဲ့ မီးကို ဖွင့်လိုက် ပိတ်လိုက် လုပ်တယ်ခင်ဗျ။ အစကတော့ မီးများပျက်သွားတယ် ထင်တာ။ မဟုတ်ဘူးခင်ဗျ။ သူတို့က ပွဲကို သိမ်းချင်နေကြပြီ။ စကတည်းက “အဖြစ်” လုပ်ပြတာကိုး။ ပွဲပြီးပြီလည်းဆိုရော မင်္ဂလာဆောင်အခန်း အနားပြီးလို့ စာပွဲထိုးတွေ၊ မင်္ဂလာဆောင်မိသားစုတွေ တက်သုတ်ရိုက် သိမ်းကြ ဆည်းကြ သလိုမျိုး ပါခင်ဗျာ။ ဒါဟာလည်း အင်မ တန်ရုပ်ပျက်တဲ့ ကိစ္စပဲ ဆိုပါတော့လေ။ ဒါကို ကြည့်ခြင်းအားဖြင့် အကယ်ဒမီပေးပွဲကို စေတနာနဲ့ လုပ်တာ မဟုတ်ဘူး၊ အဖြစ် လုပ် ပြတာ ဖြစ်တယ်။ အများအမြင်မှာ အကယ်ဒမီပွဲကို အောင်မြင်စွာကျင်ပပြီးစီးကြောင်း ကြေငြာချင်ရုံသက်သက် လုပ်ပြလိုက် တယ် ဆိုတာ ရှင်းနေတာပါပဲ။ ဒါကို အနုပညာသည်များက စစ်ပါရမီဖြည့်နေကြတယ် ဆိုတာ စဉ်းစားရင်ပေါ်ပါတယ်။

လာပါလိမ့်ဦးမယ်။ အဖြစ်လွှတ်တော်ကြီး။ အကယ်ဒမီအမတ်မင်းကြီးတွေလည်း လွှတ်တော်ထဲ မောင်းသွင်းပြီး သတိ၊ သက်သာ၊ အေးစေ၊ ပြီးတာနဲ့ တန်းဖြုတ်။ မြန်မြန် ပြန်ထွက်ကြ။ နောက် ၄ နှစ် ၅ နှစ်နေမှ ပြန်လာခဲ့ကြ ဆိုတာမျိုး လုပ်ကြဦးမှာ မြင်ယောင် မိ ပါရဲ့။ အဲသည်ကျတော့လည်း အကယ်ဒမီကြိုတင်မဲ အမတ်မင်းကြီးများက လွှတ်တော်လျှောက်လမ်းမှာ ခုတင်က မော်ဒယ်မလေး များလို အချိန်ဆွဲပြီးတော့ လမ်းလျှောက်နေကြရုံသာ ရှိတော့တာပေါ့လေ။ သွပ် သွပ် သွပ် …။
မိုင်အကယ်ဒမီစိန်-  မိုးမခ
ဇန်န၀ါရီ ၃၀၊ ၂၀၁၁

/////////////////////

-----------------

------------

“ခြင်္သေ့မနိုးပွဲ” ---ဂျော်ဒီး

“ဟေး … သာဂိ…။ တူကလေး မောင်သာဂိ…။ အိပ်ပျော်နေသလား။
ထတော့ … ထ တော့…။ ဒေါ်စု လွတ်ပြီဟေ့…။ တကယ် လွတ်လာဘီဟ…”

ဒီတခါ အော်ကြီးဟစ်ကျယ် လုပ်လာသူက ဂျီးဒေါ်…။ မျက်နှာကြီး တခုလုံးလည်း သကာအိုးထဲ ပြုတ်ကျထားသလို ချို ပြုံး ရွှင်လို့။ သာ ဂိ ကား သူ့ထုံးစံအတိုင်း မြန်မာ့မလင်း၊ ကြေး မှုန်တုန်တုန် တို့ကို ရှေ့ တွင် ချပြီး ဘာတွေ ဘီးဇီး နေသည် မသိ။

“လမ်းထိပ်အိမ်မှာ DVB သွား ကြည့် ပြီး ပြန်လာတာ သာဂိရေ … ။ ƞ