ဖက်ဆစ်ဂျပန်ကို ဘာကြောင့် အနိုင်တိုက်နိုင်သလဲ(ခမ်းဝင်း)

 ဖက်ဆစ်ဂျပန်ကို ဘာကြောင့် အနိုင်တိုက်နိုင်သလဲ
-ခမ်းဝင်း-
28. 3.2016




============================ (၁)နိုင်ငံရေးရန်သူပစ်ကွင်းကို ရှင်းလင်းစွာ သိမြင်ခြင်း
ဖက်ဆစ်ဂျပန်သည် ဗမာပြည်သူတရပ်လုံး ဦးတည်တိုက်ခိုက်ရမည့် ဘုံရန်သူဖြစ်ခြင်းကို ဗမာပြည်သူတရပ်လုံး ရှင်းလင်းစွာ သိမြင်နေခြင်း

(၂) ယင်းသို့သိမြင်နိုင်အောင် ဗမာပြည်ကွန်မြူနစ်ပါတီခေါင်းဆောင်များက ဖက်ဆစ်စနစ်သည် ကမ္ဘာ့ဘုံရန်သူဖြစ်သည်။
ဗမာပြည်မှာလည်း ဖက်ဆစ်ဂျပန်သည် ဗမာ့ဘုံရန်သူဖြစ်သည်ဟု အင်းစိန်စစ်တမ်း၊ မြင်းခြံစစ်တမ်းများဖြင့် ပြည်သူ လူထုကို အလင်းရောင်ပေးနိုင်ခဲ့သည်။

(၃) ပုဂ္ဂိုလ်ရေးခေါင်းဆောင်မှုအရ ဂျပန်တော်လှန်ရေးအတွက် ဂျပန်မဝင်မီကပင် ကွန်မြူနစ်အစုကို ခေါင်းဆောင်သော သခင်စိုးက စည်းရုံးလှုပ်ရှားခဲ့သည်။
ဗိုလ်မှူးချုပ်ဟောင်းကျော်ဇော(ရဲဘော်သုံးကျိပ်ဝင်)၏ ပဲခူးတပ်ရင်း အိပ်ရာပေါ်၌ သခင်စိုးနှင့် ဗိုလ်ချုပ်အောင်ဆန်းတို့ တွေ့ဆုံပြီး ဖက်ဆစ်ဂျပန်တော်လှန်ရေး ပြည်သူ့လွတ်လပ်ရေးတပ်ပေါင်းစုလမ်းစဉ်ကို ရေးဆွဲချမှတ်ခဲ့ကြသည်။

(၄) ထိုတပ်ပေါင်းစု လမ်းစဉ်ပေါ်၌ ဗမာပြည်ကွန်မြူနစ်ပါတီ၊ သခင်မြခေါင်းဆောင်သော ပြည်သူ့အရေးတော်ပုံပါတီ(နောင် ဦးကျော်ငြိမ်း၊ဦးဗဆွေတို့၏ ဗမာပြည်ဆိုရှယ်လစ်ပါတီ)၊ ဗိုလ်ချုပ်ဦးဆောင်သော ဗမာ့တပ်မတော်တို့ကို ဗဟိုပြုပြီး ဖက်ဆစ်တိုက်ဖျက်ရေး ပြည်သူ့လွတ်လပ်ရေးအဖွဲ့ချုပ်(နောင် ဖဆပလ)ကို ဖွဲ့စည်းခဲ့သည်။ ဤသည်မှာ ဗမာပြည်သူတရပ်လုံးအတွက် တခုတည်းသော ညီညွတ်သော တပ်ပေါင်းစုခေါင်းဆောင်မှု ဖြစ်သည်။

(၅) လှည်းနေလှေအောင်း မြင်းဇောင်းမကျန် ပြည်သူလူထုအပေါင်း၏ ထောက်ခံမှုအပြည့်အဝရရှိသည်။

(၆) ဖဆပလအဖွဲ့ချုပ်၏ နိုင်ငံရေးခေါင်းဆောင်မှုအောက်၌ ဗမာ့တပ်မတော်နှင့် ကျယ်ပြန့်သော ပြည်သူ့ပျောက်ကျား တပ်ဖွဲ့များနှင့် အမာခံပြည်တွင်း အင်အားစုများ၊ ပြည်ပဒီမိုကရေစီမဟာမိတ်တပ်ဖွဲ့များ လက်တွဲကာ မှန်ကန်သော စစ်ရေးနိုင်ငံရေးနည်းပရိယာယ် အခင်းအကျင်းများ ခန့်ခွဲပြီး ဖက်ဆစ်ဂျပန်ကို ဗမာ့မြေပြင်ပေါ်မှ ၁၉၄၅ခုနှစ် မတ်လ (၂၇)ရက်နေ့မှ စတင်မောင်းထုတ်နိုင်ခဲ့သည်။

(၇) ပေါင်းချုပ်ကြည့်လျှင် ဂျပန်ကို အနိုင်တိုက်နိုင်ခဲ့သည်မှာ
(က) ရန်သူကို မိတ်ဆွေလို သဘောမထားပဲ ရှင်းလင်းစွာ သိမြင်ခြင်း
(ခ) တခုတည်းသော ညီညွတ်ရေးတပ်ပေါင်းစု ခေါင်းဆောင်မှု တည်ဆောက်ခြင်း
(ဂ) ပြည်သူတရပ်လုံး၏ ထောက်ခံမှု အပြည့်အဝရရှိခြင်း
(ဃ) စစ်ရေး နိုင်ငံရေး နည်းပရိယာယ်များ မှန်ကန်စွာ ချမှတ်နိုင်ခြင်း
(ခမ်းဝင်း) *****အနှစ်(၇၀)ပြည့် ဖက်ဆစ်တော်လှန်ရေးနေ့ အမှတ်တရ*****


ခမ်းဝင်း

-------

Othet links